قصيده بالعاميه المصريه بعنوان(وحشتينى)

المشرفون: محمد محمود،همسه،donnabella

أضف رد جديد
مسعدعبدالمعزأحمد
أكاديمى فعال
أكاديمى فعال
مشاركات: 20
اشترك في: 03 نوفمبر 2008, 7:06 am

قصيده بالعاميه المصريه بعنوان(وحشتينى)

مشاركة بواسطة مسعدعبدالمعزأحمد »

وحشتينى
وحشنى النظره فى عيونك تنادينى
وحشتينى
وحشنى الرقه فى حروفك
بتنقش فوق مناديلى حروف الحب وتنادى
بحبك وأنتى نور عينى
ولو قربتى من قلبى
تلاقى حرف من أسمك
بيحضن حرف من اسمى
وبينهم ضحكه ضماهم
ولفاهم نسمه حيرانه بتوب وردى
وبأحلفلك
بأنى ماتهت فى الزحمه
ولا واحده هتقدر يوم
ولالحظه
هتخطف قلب عاش دايب
ومش تايب
لأن هواكى ياسمره
دوا روحى
وفين ماتروحى وياكى
ووحياتك
تهون الروح على شانك
ولاأنك تفارقينى
*****
شعر/مسعدعبدالمعزأحمد
أسم الشهره/مسعدالدوينى
الشاعروالمؤلف المسرحى
مسعدالدوينى
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: قصيده بالعاميه المصريه بعنوان(وحشتينى)

مشاركة بواسطة الأمير الحائر »

أهلا بيك يامسعد فى ايجيبت رايت وسعيد انى ابقى اول واحد ارد على اول مشاركة ليك :)
كتابتك جميلة جدا فعلا تشبه لأشعار أحمد فؤاد نجم...وانا بقراها كده لحنتها تنفع أغنية جميلة وبالذات لو لمحمد منير dream11
بالتوفيق ان شاء الله يامسعد واهلا بيك زميل جديد لينا فى الكتابة ومستنيين نقرالك اكتر ان شاء الله
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
صورة العضو الرمزية
قلب حزين
مشرفة قسم المناقشات
مشاركات: 77
اشترك في: 31 أكتوبر 2008, 8:42 pm
Favorite Quote: الحب هى النار الوحيدة التى تحب أن تحرق منها!
مكان: مصر

Re: قصيده بالعاميه المصريه بعنوان(وحشتينى)

مشاركة بواسطة قلب حزين »

كلمات غاية فى الأتقان, واضح انك بتحب الشعر العامى وطريقتك مميزة فيه وهو أقرب إلى كتابة الأغانى
ننتظر أشعارك القادمة ان شاء الله
صورة
لو ماقدرتش تضحك ماتدمعش وماتبكيش وان مافضلش معاك غير قلبك مش هتموت هتعيش
ابو المجد
أكاديمى جديد
أكاديمى جديد
مشاركات: 7
اشترك في: 07 نوفمبر 2008, 1:24 pm

Re: قصيده بالعاميه المصريه بعنوان(وحشتينى)

مشاركة بواسطة ابو المجد »

القصيدة كويسة تنم عن خامه شعرية كويسه
بس يا استاذ امير الكلمات لا تشبه لقصائد نجم بالمرة
وبكل بساطه لان نجم عمرة ما كتب عاطفي
ثانيا يا ريت نهتم شويه بخصوصية الشاعر
ولكم مني جزيل الشكر وفائق الاحترام
علي ابو المجد
أضف رد جديد

العودة إلى ”أشعار عامية“