البحر و العطش

[المرشيل علي]

بتبان ضعيف

مع أن كل الناس دى قاعدة تنهشك

وانتا اللى وردة مزهرة ف عز الخريف

تخدك سذاجة خطوتك

تمشي ف طرق مبتتمشيش

الأرض بور

وانتا اللي نابت ف الخلا

قادر تعيش

تحني دماغك م الخجل

مع أنها ف عز الألم

مبييحنيش

طير حمامك ف السما

رفرف بعيد

لملم بواقي الضحك من قلب العيال

قبلن ما تخدك السكك وتموت وحيد

واوعاك تظن ان الحمل

لساه برئ

د القلب ماج

وانتا اللى لسه بتتروي

من ماء أجاج

فوق يا صديق

البحر مبيرويش عطش

ارجو المشاركة

وتقبلوا مني خالص الشكر

[المرشيل علي]

شكرا على المشاركة