أكاديمية ايجيبت رايت الأدبية

فلحظة صدق مع نفسى
رميت قلبى فبحر حقيقة جوايا
رفضت الخوف وكان نفسى
يقول قلبى لقصة حبة دى كفاية
وفعلا قلبى صدقنى وفرقنى
مكدبنيش وغرقنى
ملوعنيش وشوقنى
وداوى الجرح بنهاية
دى لحظة كتير ناديتها زمان
عشان تخطفنى مالاحزان
عشان تدينى يوم عنوان
لفرحة او لضحكاية
اعيشها وادوب مع الاحلام
بقلبى واتوب عن الاوهام
واعيش افراح
واداوى جراح
فقلبى وعايشة ويايا
دى اصعب لحظة مرت بيك
سامحنى يا قلبى خفت عليك
لجرح الذكرى يسكن فيك
وتصبح للهوى حكاية
يقولها الناسعن المجاريح
وتبقى خلاص
وحيد وجريح
وتسهر ليل
تآسى الويل
وتطفى الضحكة فغنايا

حوار جميل جدا بين انسان ونفسه وقلبه فى لحظة صدق...عبرتى عنه بجد بطريقة جميلة بس فيه غلطات املائية بسيطة مش عارف ممكن تكونى قصداها عشان الوزن يعنى زى أول شعرك " فلحظة " المفروض الصح " فى لحظة " واتكررت فى كذا كلمة زى " فبحر "
بس بجد بداية جميلة... نورتى الأكاديمية ومستنيين أعمالك الجاية ان شاء الله

اهلا بيكى عضوه جديدة فى الاكاديمية فكرة القصيدة جميلة وانتى كتاباها بطريقة اجمل ربنا معاكى وتكتبى حاجات أجمل وأجمل

جميلة جدا قصيدتك والله وبتعبر عن احساس كتير بنحسه انا نفسى حسيت بيه كتير وكنت محتاجة لحظات صدق مع نفسى وقلبى عشان اعرف حقيقة اللى حواليا
بجد اول قصدة ليكى جميلة ومستنيين اللى جاى ان شاء الله ما تتأخريش علينا
مريم

شعرك حلو اوي و علي فكرة انا اسمي ترنيم و دة اسمي الحقيقي