اخر لقى

المشرفون: محمد محمود،همسه،donnabella

أضف رد جديد
خالد
أكاديمى فعال
أكاديمى فعال
مشاركات: 29
اشترك في: 06 نوفمبر 2008, 7:21 pm
Favorite Quote: اذا لم تستطع الامتناع عن خطأ فلا تمتنع عن صواب
مكان: مصر

اخر لقى

مشاركة بواسطة خالد »

قرب معاده ومعادها..وهو بيفكر ايه يلبسلها
وهى بتفكر فى قصة شعرها
هياخد ايه معاه وهى هتاخدله ايه
وبتحضر كلامها اللى هاتقوله ليه

بصت فى المرايا ونزلت بسرعه تجرى
متأخره دقيقتين وعايزه توصل بدرى
كانت باصه فى الساعه وبتجرى مشتاقه
وصورته فى عنيها مش عارفه تنساها

لكن غدرت الدنيا وطيرتها لفوق
على الارض نزلت تايهه بين الحياه والموت

حاولت بسرعه تفوق مش عايزه تتأخر
خايفه حبيبها يروح قبل ماتوصل
لكن غدر الحياه كان اقوى منها
قبل ماترفع راسها سكت قلبها

واتلم الناس عليها والدموع ماليه عيونهم
شايفين صورة ملاك عرفوه فى احلامهم

وهو كان مستنى مقبوض قلبه وخايف
عمال يقول لنفسه ايه اخرها مش عارف

من بعيد سمع دوشه وناس بتستشهد
قرب خطوه بخطوه ولظنونه بيكدب

شاف واحده شايلنها والدم نازل منهامتغطى وشها
وفى ايدهم سلسله عليها اسمه واسمها فى عيد حب جابلها

بص وسكت لحظه فجأه صرخ صرخه
شرخت قلب السكون من روحه كانت طالعه

وقال وسط البكى راحه لفين وحدك
ضمينى فى ترابك صعب انى اعيش بعدك
ياريت صابنى اللى صابك

ورجع بعد اللقى كان اصعب لقى
كان اخر لقى عنده العمر انتهى

وراح على دولابه وطلع الصور
صوره وهى فى حضنه وفوقيهم القمر
صوره قبل ما تصارحه وعنيه بصاله
صوره وهى واخداله هديه عيد ميلاده

وعاش فى الذكريات طول العمر اللى باقى
مكان بس اللى راحه هو مكان التلاقى
وبرضه فى نفس المكان فارق دنيته
وخلصت رحله صعبه ولقاها ولقته
خالد محمد عزب
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: اخر لقى

مشاركة بواسطة تنهيدة »

ده بقى ياخالد أجمل لقى بصراحة ولا أجمل كلمات رقيقة ومعبرة أدا ايه توضيحك لفكرة القصيدة هايل عجبنى "بص وسكت لحظة فجأة صرخ صرخة شرخت قلب السكون" كلها تعبيرات جميلة ومؤثرة وياريت ياخالد متحرمناش من هذه الكلمات كتير بتمنالك كل التوفيقصورة
صورة
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: اخر لقى

مشاركة بواسطة الأمير الحائر »

بجد رائع ياخالد...فكرة واسلوب هايل...واللى ملاحظه ان أشعارك دايما بيبقى فيها حكاية...يعنى القصيدة دى مع جمالها كقصيدة بس ممكن نقول عليها قصة قصيرة بموقفها وشخوصها وأحزانها...وده بيدل حقيقى على انك شاعر ممتاز جدا
بحييك يا خالد ومستنيين أشعارك دايما صورة
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
أضف رد جديد

العودة إلى ”أشعار عامية“