( شوية ضمير ) شعر عامى

المشرفون: محمد محمود،همسه،donnabella

أضف رد جديد
صورة العضو الرمزية
elsayad
أكاديمى نشيط
أكاديمى نشيط
مشاركات: 289
اشترك في: 26 مارس 2009, 8:40 pm
Real Name: عاطف
Favorite Quote: الصبر مفتاح الفرج والصيد علمنى
verification: ID verified and trusted writer
مكان: الشرقية

( شوية ضمير ) شعر عامى

مشاركة بواسطة elsayad »

شوية ضمير
*******

معدش فاضل حاجة خلاص ـــ غير إن الغلابة تنداس
بيقولوا علينا أم الدنيا ـــ وفى ناس بتقول محروقة بجاز
وكل دا ليه ـــ علشان ناس
ماصين دم الشعب يا عينى ـــ ناس معدومة الإحساس
***
ناس بتموت علشان العيش ـــ وناس تسرق تشترى حشيش
ودا كله علشان فيه بطالة ـــ ولما بنطلب حاجة مفيش
***
ويقولك أنفلونزا طيور ـــ وهما واكلنها بالدور
يحرقوا حبة يقولوا إعدام ـــ والباقي ع السلخانة طابور
***
وشباب كله حماس بيضيع ـــ بكالوريا وأعلى المجاميع
بيقولوا دي هجرة غير شرعية ـــ والنصابين فيهم بتبيع
***
حقنوا أطفالنا بفيروس ـــ وعايزين يرشونا بفلوس
تفتكروا احنا حنعمل إيه ـــ ولا حاجة حنحتاس ونلوص
***
وزاد وغطى كمان أطفال بتتخطف ـــ وتجارة الأعضاء علاج بيتوصف
هي نهاية العالم ولا احنا ـــ اللى كدا مع التيار بننجرف
***
يعمل إيه موظف مسكين ـــ فى الغلى وابو قرش بتلاتين
دا علشان يستر أولاده ـــ محتاج يكون تاجر كوكايين
***
شغلونا بقنوات فضائية ـــ أفلام كوميدية وإباحية
ولو انا غلطان حد يقولى ـــ وانا ابطل الكلمات ديه
***
ولا الكاميرا الخفية ـــ والضحك والمعاميع
يا جماعة حلوا القضية ـــ بزيادة بأة تآليع
***
وشاغلينا بفريق الكورة ـــ ولا بلاش خليها مستورة
مهما كان دا فريقنا القومي ـــ خلى الناس تفك وتنسى أحسن ما تموت محسورة
***
مانكرش إن بلدنا مهتمة بالأيتام ـــ وقضايا غيرها كتير مظبطنها تمام
لكن أنا عايز أقول اهتموا بالشباب ـــ واقفوا جنبهم دول محتاجين تشجيع ومش كفاية كلام
***
دي بلدنا والله فيها خير ـــ لكن الخير دايماً للغير
ليه خيرها ميعدش علينا ـــ ولا خلاص مبقاش فيه ضمير
ولا خلاص مبقاش فيه ضمير
********
*****
***
كلمات / الصياد المصري . . .
أحب بلدي كثيراً وأتمنى أن يزول منها الفساد
وأن يبقى فيها فقط من يحبها فإن من يحبها لن يضرها لا هي ولا أهلها .
آخر تعديل بواسطة elsayad في 03 مايو 2009, 8:37 pm، تم التعديل مرتين في المجمل.
الصياد المصري
********
*******
من أعمالي بالأكاديمية
انا صياد وكان نفسي . . أعيش صياد طول عمري
ليه اشغل بالى وأفكر . . واعيش مغلوب على أمري
آمنت بربي وعرفت إن رزقي عليه . . ومهما بعدت واتغربت مش حاروح غير ليه
علشان كدا أنا كان نفسي . . أعيش صياد طول عمري
صورة
صورة العضو الرمزية
شيماء قبيصى
أكاديمى نشيط
أكاديمى نشيط
مشاركات: 191
اشترك في: 01 يناير 2009, 3:51 pm
Favorite Quote: ياترى اللى بيعيش الزمن احنا....ولا الزمن هو اللى بيعشنا

Re: الصياد المصري ( شوية ضمير )

مشاركة بواسطة شيماء قبيصى »

كلامك مرآه لحال أم الدنيا و مش كتير بيحس بأزمتها الا الى داق زيك و(زيى) و زى ناس تانيه مرارتها
كلامك زى ما تكون ماشى بكاميرا بين شوارعها....
وبين سطورك وفى الخاتمه لسه باقى عليه!!!! رغم كل اللى فيها
بحبها بعنف وبرقة وعلى استحياء
واكرهها وألعن أبوها بعشق زي الداء

مشكلتها فى ان خيرها لغيرها ...صورة بالتوفيق
صورة العضو الرمزية
Egypt Write
إدارة الأكاديمية
مشاركات: 223
اشترك في: 30 أكتوبر 2008, 8:12 pm
Favorite Quote: الكلمة...حياة

Re: ( شوية ضمير ) شعر عامى

مشاركة بواسطة Egypt Write »

العضو العزيز,
بناءا على قوانين الأكاديمية وشروط استخدامها, والتى يفترض قرائتها جيدا قبل الإشتراك, تم حذف عدة أجزاء من العمل, لمخالفتها الشرط الثالث من شروط الأكاديمية:

3- الأكاديمية تسمح باستعمال اللغة العامية فى الأعمال المقدمة, إلا أن ذلك لايعنى استخدام ألفاظ سوقية أو تلميحات جرى العرف على سوء القصد منها.
فليس معنى العامية الإفراط فيها بدرجة تخرج بها عن نطاق المقبول واللائق, وهذا ماحدث فى الأجزاء التى حذفت من عملك.
كذلك, لا حاجة لكتابة اسمك فى عنوان كل عمل, يكفى كتابة اسم العمل, ونوعه إذا أردت.
نرحب بك عضوا جديدا فى أكاديمية ايجيبت رايت الأدبية, لكن, لأن قوانين الأكاديمية لا تخضع لأى مجاملات أو استثنائات, فقد حصلت على تحذير أول, كما هو موضح فى صفحة قوانين الأكاديمية.
نتمنى لك قضاء وقت مفيد وبناء بين أركان الأكاديمية وبين أفراد عائلتها.
أطيب التمنيات,
فريق إدارة الأكاديمية
صورة العضو الرمزية
elsayad
أكاديمى نشيط
أكاديمى نشيط
مشاركات: 289
اشترك في: 26 مارس 2009, 8:40 pm
Real Name: عاطف
Favorite Quote: الصبر مفتاح الفرج والصيد علمنى
verification: ID verified and trusted writer
مكان: الشرقية

Re: ( شوية ضمير ) شعر عامى

مشاركة بواسطة elsayad »

شكر خاص للزميلة شيماء قبيصى على المشاركة الطيبة
وأشكر الإدارة أيضاً على حذف الكلمات الممنوعة وأحترم ذلك جداً مع العلم أننى استبدلت هذه الكلمات بأخرى .
الصياد المصري
********
*******
من أعمالي بالأكاديمية
انا صياد وكان نفسي . . أعيش صياد طول عمري
ليه اشغل بالى وأفكر . . واعيش مغلوب على أمري
آمنت بربي وعرفت إن رزقي عليه . . ومهما بعدت واتغربت مش حاروح غير ليه
علشان كدا أنا كان نفسي . . أعيش صياد طول عمري
صورة
أضف رد جديد

العودة إلى ”أشعار عامية“