قصيده(كل الكلام)

المشرفون: محمد محمود،همسه،donnabella

أضف رد جديد
مسعدعبدالمعزأحمد
أكاديمى فعال
أكاديمى فعال
مشاركات: 20
اشترك في: 03 نوفمبر 2008, 7:06 am

قصيده(كل الكلام)

مشاركة بواسطة مسعدعبدالمعزأحمد »

كل الكلام فيكى أنتهى

ولاعادش هيفيد أعتذار

كنت بأستنى الدقايق والساعات

وأحسب حساب وقت اللقا

لكن بكل كبرياء

وبدون أسف

كل الكلام فيكى أنتهى

حاولت ياما أفهمك

أن الأمل

لو فينا مات

يبقى الفراق هو الجواب

لكل كل الأسئله

يبقى السكات

أفضل لغه

كل الكلام فيكى أنتهى

وعشان ميبقاش فيه رجوع

شطبت من فوق السطور

كلمة لقا

أو ربما

ومسحت من جوايا

كل أحتمالات الأمنيات المستحيله

والممكنه

كل الكلام فيكى أنتهى

عشقت فيكى كل شىء

حتى الممات

مادق قلبى ألا ليكى

سهرت على شط نيلك

حبيت ياسمره ميلك

وتدليلك

وغزلت فى البعاد مواويلك

وغنيتك ربيع متزوقه بورد وشجر

فلاح وعامل

جندى قاعد فى الحفر

نجمه على صدر السما

ضى القمر

حتى الولاد الطيبين

والشوارع والحارات الضيقه

كل الكلام فيكى أنتهى

مفاضلش غير دمع الفقير

وصريخ وليد

جف ينبوع الرضاع

وضياع أهات المظلومين فى المظلمه

كل الكلام فيكى أنتهى

يامستبدين البلد

ياسارقين نور النهار

ياناهبين قوت الولد

الفجر جاى

والنور هيمحى ظلمكم

ويعود لنا تانى الغنا

كل الكلام

فيكى

أ

ن

ت

ه

ى

******

مع وافر تحياتى

الشاعروالمؤلف المسرحى

مسعدالدوينى

الشاعروالمؤلف المسرحى
مسعدالدوينى
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: قصيده(كل الكلام)

مشاركة بواسطة المهاجر »

بصراحة يعنى ومن الاخر انتهى فيك كل الكلام
تحياتى على الكلمات الرائعة
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: قصيده(كل الكلام)

مشاركة بواسطة الأمير الحائر »

حقيقى يا أستاذ مسعد معانى فوق مستوى الكلام
أنا فى الأول فكرتها قصيدة عتاب حبيب لحبيبته اللى تعب من كتر الكلام والعتاب فيها ولما كملت وعرفت قصدك ما أختلفش المعنى كتير غير ان مصر هى حبيبتك اللى خلص فيها كلامك...وحقيقى مصر مالهاش ذنب...الذنب ذنب اللى بيدمروا صورتها قدام ولادها وبيخلوهم عايزين يهربو ويسيبوها من سواد ليل الظلم والنهب اللى فاق الحد..بس يارب فعلا يكون الفجر جاى...
تحياتى يا أستاذ مسعد على القصيدة الرائعة صورة
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
صورة العضو الرمزية
محمد محمود
مشرف قسم الأشعار
مشاركات: 1070
اشترك في: 06 نوفمبر 2008, 4:40 pm
Real Name: محمد محمود حسن
Favorite Quote: إلهــــي لا تعذبني فإني
مقر ٌ بالذي قد كان مني
verification: ID verified and trusted writer
مكان: الإسكندرية
اتصال:

Re: قصيده(كل الكلام)

مشاركة بواسطة محمد محمود »

حقيقي اسلوب غاية في الرقة والتشويق يحمل معاني كبيرة في كل كلمة ، استطعت باسلوب رائع أن تصل الى روعة الأسلوب المقترن بجمال الكلمات ورقة المعنى . أرق تحياتيصورةصورة
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ

صورة


صفحتي الشخصية
صورة العضو الرمزية
Egypt Write
إدارة الأكاديمية
مشاركات: 223
اشترك في: 30 أكتوبر 2008, 8:12 pm
Favorite Quote: الكلمة...حياة

Re: قصيده(كل الكلام)

مشاركة بواسطة Egypt Write »

تحية إليك سيد مسعد على إبداعك ومشاركتك فى دعم شباب الكتاب فى الأكاديمية وعلى قصيدتك الرائعة.
تم تثبيت الموضوع فى أول قائمة الأشعار العامية لمدة أسبوع لتكريمه. دمت بخير.
إدارة الأكاديمية
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: قصيده(كل الكلام)

مشاركة بواسطة تنهيدة »

كلام جميل أوى يأستاذ مسعد انا حاسة وانا بقراه ان قلبك كان بينزف وهو بيكتبو لكن مصرنا جميلة وحتفضل جميلة طول مافيها ناس زى حضرتك لكن لازم نعيش بالامل والامل مش ممكن نحسة الا اذا شفناه فى عيون ناس بتحب البلد زيك يأستاذى العزيز لك كل احترامىصورة
صورة
مسعدعبدالمعزأحمد
أكاديمى فعال
أكاديمى فعال
مشاركات: 20
اشترك في: 03 نوفمبر 2008, 7:06 am

Re: قصيده(كل الكلام)

مشاركة بواسطة مسعدعبدالمعزأحمد »

منذ أكثر من ثلاثون عاما وأنا أكتب الشعر
وكنا مجموعه فى المنصوره لانسمح لاحنا منا
أن تخرج قصيدته مكسوره أو بها حتى زحاف
وليست مكسوره والكسر هو الأنتقال من بحر لبحر أخر
وشهد أساتذة الشعر بأننا من الشعراء المجيدين المحافظين
وزنا ومعنى
المهم
ما يعجبك فى القصيده ياأبننا الفاضل بعيد تماما عما أقصده
من البيت(كل الكلام فيكى أنتهى)
ومطلبك فى أن أزيد قبل يامستبدين البلد بحرف (ب) قبل البلد
يخل بالمعنى فكلمة البلد أشمل وأعمق من كلمة بالبلد
وأخيرا الوزن مستقيم فى القصيده
وأتمنى أن يكون ماينتقد أى عمل مؤهلا ودارسا
أشكرك
وتقبل تحياتى
الشاعروالمؤلف المسرحى
مسعدالدوينى
صورة العضو الرمزية
ابن مصر
أكاديمى نشيط
أكاديمى نشيط
مشاركات: 261
اشترك في: 04 نوفمبر 2008, 2:47 pm

Re: قصيده(كل الكلام)

مشاركة بواسطة ابن مصر »

بجد يا استاذ مسعد قصيدتك كويسة بس عندى عتاب بسيط يا ريت حضرتك تناقش النقد بهدوء اكثر من ذلك صحيح حضرتك شاعر عظيم ويمكن ما فيش فينا حد زى حضرتك فى خبرتك وكلنا بنحاول نتعلم منك...بس ده مش سبب انك ترد رد قاسى على اى حد يحاول ينقد حضرتك نقد ولو بسيط لأنك كده بتمنع اى شخص من الرد على اى شىء سيادتك تقوم بكتابته اذا لم يرد الرد المعتاد حلو.. كويس ... هايل يعنى رد معروف ومن الممكن ان يكون نفاق ياريت حضرتك تتقبل النقد بصدر رحب أو حتى تبين خطأه بس مش بالحدة دى

وشكرا لتواجد حضرتك معانا وامدادنا بخبرتك
ابن مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
----------------------------------------
يالا يا مصرى نشترى المنتج المصرى
--------------------------------

صورة
أضف رد جديد

العودة إلى ”أشعار عامية“