صفحة 1 من 1

الغالية ( عامية )

مرسل: 23 إبريل 2009, 8:35 pm
بواسطة elsayad
الغالية
****

مهما كان اللى بيجرى لنا فيكي ـــ إحنا يا بلد باقيين عليكي
خلى عدو يقرب وشوفي ـــ إزاى احنا بأرواحنا حنفديكي
***
يا مصر د انتى أمنا ـــ حبك بيجرى ف دمنا
حنعيش ليكي ونحميكي ـــ ولو التمن كان عمرنا
***
د أكبر حب ف الدنيا نوهبه ليكي ـــ يا أطيب حضن ولو مهما حصل فيكي
يا أم الدنيا يا غالية عايزين ـــ رايتك كدا عالية ونشوف الدنيا بتعظم سلام ليكي
***
حبينا أصلك وبيكي رفعنا راسنا لفوق ـــ يا شامخة وكل أولادك مروءة وزوق
بندعي ربنا دايماً يخليكي ويحميكي ـــ ويجعلنا سبب إنك تكوني فوق
***
عايشين ف خيرك آه ونستاهله ـــ واللى يخونك لأ ما يستاهله
يا مصر منورة الدنيا ـــ وكل الدنيا مع شعبك وتشهد له
يا غالية يا مصر

********
*****
***
كلمات وتوزيع / الصياد المصري . . .

Re: الغالية ( عامية )

مرسل: 23 إبريل 2009, 11:28 pm
بواسطة محمد محمود
زميلي العزيز
سعيد جدا ً لهذه الروح الوطنية العالية التي نتمنى رأيتها دائما ً بين شبابنا
قصيدة جميلة في مدح الوطن وحبه وإن قسى علينا
أعجبني جداً : يا مصر د انتى أمنا ـــ حبك بيجرى ف دمنا
حنعيش ليكي ونحميكي ـــ ولو التمن كان عمرنا
صورةصورةصورةصورةصورةصورةصورةصورةصورةصورةصورةصورةصورةصورة

Re: الغالية ( عامية )

مرسل: 24 إبريل 2009, 2:34 am
بواسطة تنهيدة
ماأجمل كلمات المدح عدما تكون فى مصرنا الحبيبة..
دائما مااشعر بالروعة فى اى كلمات تكتب لمصر لان بيكون الأحساس خارج من القلب بجد
وحقيقى انت كلماتك جميلة وفى لحن جميل تحسه وانت بتقراها
وفعلا وكل حب ف الدنيا نوهبه ليكِ...عجبنى الجزء ده زى باقى القصيدة كلها معجبانى
د أكبر حب ف الدنيا نوهبه ليكي ـــ يا أطيب حضن ولو مهما حصل فيكي
يا أم الدنيا يا غالية عايزين ـــ رايتك كدا عالية ونشوف الدنيا بتعظم سلام ليكي

بحيك على أحساسك الجميل وبتمنى أنه يوصل لاى أنسان كاره وجوده فى مصرصورة
وبجد مصر تستاهل اعظم كلام فى الدنيا عشان يقدر يوصفها...
بتمنالك المزيد من الأعمال المميزة صورة

Re: الغالية ( عامية )

مرسل: 24 إبريل 2009, 2:56 am
بواسطة لارا
مفيش حاجه اقدر اقولها غير ان احساسك وصل واختيارك لكلماتك واسلوبك لتوصيل احساسك وكلماتك جميل جدا.وشعرك يخلى كل واحد يراجع نفسه الف مره قبل مايقول اى حاجه وحشه عن بلده مهما شاف من صعوبات وحاجات موجوده فيها مضياقاه عمره مايكرها .بحيك على كلامك الجميل واهلا بيك زميل فى الاكاديميه

Re: الغالية ( عامية )

مرسل: 24 إبريل 2009, 7:48 pm
بواسطة elsayad
الزملاء والمشرفين الأعزاء
محمد محمود
تنهيدة
لارا
أشكركم جداً على الردود الأكثر من رائعة بجد ردود مشجعة جداً ، وعلى فكرة اللى خلانى أكتب الشعر ده لمصر لأنى حسيت بالتقصير من ناحيتها بعد كتابتى لـ ( شوية ضمير ) لأنى وقتها كنت متضايق شوية ولقيت نفسي بكتب الكلمات دي ، لكن بعد ما صفيت حبيت أكتب أحلى كلمات لأغلى حبيبة والحمد لله الذى وفقنى فى هذا لكي أصالحها .

شكراً جزيلاً لكم مرة أخرى وأتمنى التوفيق للجميع

Re: الغالية ( عامية )

مرسل: 24 إبريل 2009, 8:05 pm
بواسطة محمد محمود
أخي العزيز
أشكرك مجددا ً على حبك للبلد ، وأشكرك أكثر على الإعتذار الرقيق الذي أعتبره من أروع الفضائل
وعموما إذا ضاقت بنا الدنيا فلن نلجأ إلى لوطننا الذي لن يكل بنا أبدا ً ولو هربنا منه
وكما قال الشاعر /:
وطني لو شغلت بالخلد عنه ....... نازعتني إليه في الخلد نفسي
أشكرك جدا ً وأتمنى منك أنا أشرف بقراءة شعرك دائما ً
صورةصورةصورةصورةصورة

Re: الغالية ( عامية )

مرسل: 27 إبريل 2009, 9:20 pm
بواسطة elsayad
أخي محمد محمود
أشكرك مرة أخرى على مشاركتك الثانية وأتمنى من الله العلى العظيم أن يلهمنى ويلهمكم بالشعر الجميل لبلد أجمل ...