اشباح الماضى

[ابيض و اسود]

تحت ضوء القمر وعلى وشط البحر

ومع كل ضربة موجة على وش الصخر

سمعت صوتك مع النسيم

ودق فى قلبى نبض الحنين

وفجأة لقيتك بتخطى المحال

وبتزرع فى قلبى من تانى الامال

وأتارى صورتك كانت خيال

عدت من قدامى ذى السحر

هنا مشينا وهنا قعدنا

وهنا حكينا وهنا بعدنا

وهنا يا قلبى ضاعت وعودنا

وهنا على انكتب العذاب

معاك يا حبيبى بنيت احلامى

ومعاك يا حبيبى تاهت ايامى

لافهمت صمتى ولا كلامى

واتارى حبك كان سراب

ارحمنى يا قلبى ومتفكرنيش

خلينى فى حالى وسيبنى اعيش

ده اللى انت بتحبه راح من زمان

ومعاه الامانى والحب والحنان

ولو قدرت فى يوم يرجع تانى

هتلاقى عذابه مينتهيش

[donnabella]

دوما نحاول أن ننسى
و لكن أشياء تعود لتذكرنا..و تنبش عما دفناه في قلوبنا

معاني جميلة احتوتها الكلمات
أطيب التمنيات بالتوفيق

[ابيض و اسود]

اشكرك على تشريفك لى بزيارة الموضوع

وراى اعتز به جدااااااااااااااااااااااااا

[محمد محمود]

رغم أن النسيان نعمة لكن فليل هم من يستطيعون النسيان
معنى جميل وقصيدة رقيقة
أتمنى لك التوفيق وأن تمتعنا بأعمالك

[ابيض و اسود]

فعلا النسيان من افضل نعم الله علينا
اشكرك يا محمد على التشجيع وباذن الله اكون فعال معكم

[ريم]

مرحبا بك عضو جديد في أكادميتنا الجميلة
قصيدتك رقيقة تحمل الألم في طياتها من تذكر القلب لمن جرحه وعنوان جميل بتصور الماضى والذكريات كالأشباح غير المرغوبة في ظهورها مرة ثانية..
أحييك على قصيدتك الجميلة وإلى المزيد من الإبداعات

[ابيض و اسود]

الاجمل مرورك ريم واشكرك جدا على رايك فى القصيدة

[elsayad]

كلماتك جميلة وسلسة ومعبرة
أتمنى لك دوام التوفيق لإمتاعنا بكلماتك المميزة .
وأشكرك على المشاركة .