ايام زمان

[محمد حمدى]

فين ايام زمان
كان كلها محبه واخلاص وامان
كان فيه ناس وفيه
وقلوبهم طيبه
دلوقتى لو فى الميه واحد
يبقى الحق عليه
كان فيه تسامح بينهم
والطيبه دى اصلهم
مش ممكن تزعل منهم
ودا كان طبعهم
وفين ايام زمان
كان بينهم حب صافى
دلوقتى مش موجود
بينا الخداع وراثى
والغدر ماله حدود
وفين ايام زمان
كل حاجه اتغيرت
ولسه ياما نشوف
القرش اللى كان عندهم
دلوقتى يساوى الوف
وفين ايام زمان
كنت تأمن لهم
وانت فى اى مكان
دلوقتى مافيش امان
ولا حتى للجيران
وفين ايام زمان
مش عارف دا حظنا
ولا قسوة الايام
اوعوا تزعلو منى
دا كله كلام فى كلام
وعلى العموم لو مش عجبك
قل للزمان ارجع يازمان

[محمد محمود]

نعيب زماننا والعيب فينا ...... وما لزماننا عيب سوانا
ونهجو ذا الزمان بغير ذنب ... ولو نطق الزمان لنا هجانا
أخي محمد أحييك على مشاركاتك . كلماتك معبرة وأسلوبك سلس وجميل
لكن لى ملاحظة أرجو أن تتقبلها بسعة صدر ، وهي ضرورة المحافظة على الوزن والقافية حتى تزداد أبيات شعرك جمالا ً فوق جمالهافالوزن والقافية أكثر ما يميز الشعر عن النثر .
أرجو لك التوفيق