البنت الحلوه ام الضفاير

[لبنى غانم]

وحشتني البنت الحلوة ام الضفاير

ام شعر حرير ف الهوا طاير

وضحكة تملى الدنيا بشاير

ام قلب ابيض جميل ف الدنيا حاير

وحشتني البنت الحلوة ام الضافير

ام فستان ابيض ستان شبه فساتين العرايس

وحشتنى اوى وحشتني خالص

سالت عنها ف كل مكان

مفيش حد ادانى ليها عنوان

وسهرت طول الليل مستني قمرها يطل ويبان

سالته عنها قام ادار مني

قولتله ليه بتهرب مني ياقمر الليالى

رجع وقالي

شكلك حزين زيي وحاير

البنت الحلوة ام الضفاير

حطوا بينى وبنها ستاير

وفكولها الضافير

لابقيت اشوفها ولا المح طيفها

ومنعوها تشوفنى تانى

روح نام ومتتعبش حالك

منا اهو سهران طول الليالى

لابتيجى ولابتبعت رسايل

حالك زى حالى

وحشانى اوى البنت الحلوة ام الضفاير

[ريم]

أولا أحب أن أرحب بكيا لبنى أخت جديدة لنا في أكادميتنا الرائعة والراقية وحقيقي هتحبيها زي إحنا ما بنحبها
ثانيا أود أن أقول لك جميلة هي قصيدتك وكلماتها حلوة وأسلوبك بها بسيط وسلس ويصل للقلوب
وأعتقد أنها من الأفضل أن تكون في قسم الأشعار لأنه موزونة وجميلة في( قسم العامية)
وفي انتظار المزيد من إبداعات قلمك

[لبنى غانم]

ميرسي جدا يامريم
وسعيدة اوى ان كلماتي عجبتك

[ريم]

ميرسي جدا يامريم
وسعيدة اوى ان كلماتي عجبتك

كود: تحديد الكل

أنا أسعد بانضمامك لنا ...وفي انتظار المزيد إن شاء الله من الكتابات الجميلة
(وعلى فكرة أنا اسمي ريم)

[لبنى غانم]

معلش يا ريم غلطه مطبعية ان شاء الله مش تكرر

والوردة دي مني ليكي

[محمد حمدى]

كلمات جميله واحساس معبر ودائما الى الامام أطيب التمنيات بالتوفيق

[محمد محمود]

مرحبا ً بك يا لبنى زميلة معنا
إن شاء الله تسعدي بتواجدك معنا ونسعد بأعمالك الجيدة دائما ً
نتمنى لك جميعا ً التوفيق

[elsayad]

وحشتنا أوى الكلمات البسيطة والمعبرة دي
أهلاً بيكي فى الاكاديمية وإلى الأمام إن شاء الله

[لبنى غانم]

محمد حمدي

ميرسي يا محمد

*********************
محمد محمود
ميرسي ..ان شاء الله

*******************
السيد

متشكرة اوى..ميرسي ليك