المواضيع التى لم يرد عليها | عرض المواضيع النشطة التوقيت الحالى 14 ديسمبر 2017, 2:34 am





الرد على الموضوع  [ 29 مشاركة ]  الذهاب للصفحة السابق  1, 2, 3

Share |


تحب تشرب شاي ؟ ج2 
الكاتب رسالة
مشرفة قسم الخواطر

الصورة الشخصية للعضو

مشاركات:
795
مكان:
my own world
الإسم الحقيقى:
جيهان راضي
الحكمة المفضلة:
المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
حالة التأكيد:
كاتب موثوق و مؤكد هويته
مشاركة Re: تحب تشرب شاي ؟ ج2


ميرسي كتيييييييييييييييير ليك يا هبة يا حبيبة قلبي ........

انا و الله مبسوطة جدا من كلامك ده ........ و على فكرة انا اول ما لقيتك بتسالي عن الجزء التالت تشجعت و بدات فيه

و ان شاء الله تلاقيه عندك بكرة يا قمر ............ و يا رب يعجبك و الجزء ده بالذات حكتبه بنفس عشانك يا قمرررر .......

عشان ده حيبئى اهداء مخصوص ليك يا هبة ......... flower1 flower1

_________________



06 يوليو 2009, 7:30 pm
الملف الشخصى الموقع الشخصي
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: تحب تشرب شاي ؟ ج2


أزيك ياجيهان.. :) واضح بجد إنك ماشية فى طريق كتابة الرواية..و كمان متهيألى بتكتبى سيناريو حلو أوى..
أنا طبعا هأعلق على الجزء ده لأنى قريت الجزأين آخر مرة دخلت فيها الأكاديمية و كنت هأعلق بس كتبت نص رد كده و خزنته فى المسودات لحد ما أكمله..و حبيت أكمل ردى دلوقتى قبل ما أقرا الجزء الثالث عشان ملحوظاتى هنا على الجزأين الأول و الثانى فقط, هى ملحوظات يمكن بسيطة أوى ما تتشافش بالعين المجردة..بس أنا يمكن بقرا العمل أكتر من مرة كلغة و كعمل أدبى قبل ما اقراه كمضمون..عشان كده بتكتر الملاحظات معايا شوية :)


فى الجزء الأول:
اقتباس:
و حينما جلست بدأت تبحث عن ذلك الرجل المجهول الذي و لكنها لم تجد أحد يرتدي ملابس بيج و زرقاء اللون


تقريبا سرحتى و أنتى بتكتبى فنسيتى تكملى الجملة بعد ( الذى....) :)

اقتباس:
نظرت إليه كأنها مسحورة و تريد أن تملأ عينيها من ملامحه الشعر الأسود الناعم الذي يقصه بطريقة جذابة ..... و البشرة البيضاء الناعمة ...... تلك العينان الساحرتان السودوان ... و جسده الممشوق القوام الجذاب .....


هو أنا بصراحة حسيت هنا إنك بتوصفى بنت مش ولد :lol: و خصوصا فى جزء ( البشرة البيضاء الناعمة ) و ( جسده الممشوق الجذاب )..لكن بعيداً عن الموضوع ده..من الناحية الأدبية.. فى الروايات أثناء وصف الشخصيات بيبقى أفضل لو ذكرتى وصف الشخصيات فى السرد من وجهة نظر الراوى العليم المستخدم مش من نظر أصحابها..وخصوصا لو أطلتى جزء الوصف..زى ما عملتى هنا مثلا فى أخر الجزء الأول:

اقتباس:
نظر لها نظرة عميقة خاطفة تتفحصها من رأسها حتى أخمص قدميها متأملا الشعر الأسود الحريري الذي ينسدل على كتفيها في نعومة ......... و الجسم النحيل المتناسق و الفستان الحريري الأزرق الذي يعكس زرقة عينيها الجذابتين ....... و الأنف المستقيم و الشفتان الكرزتان و نظر لها في شبه تهكم و تعلو وجهه ابتسامة سخرية


الوصف نفسه كان سريع ومش عرفت اشكل عن طريقه صورة البطلة فى عقلى لأنه كان بين عدة جمل و تراكيب..الفعل الماضى ( نظر لها نظرة عميقة ) وبعد كده الحال ( متأملا ) وبعد كده دخلتى على الوصف ( الذى سيمرره القارئ عادة بين السطور ما دام كتب بين عدة جمل و أفعال متتابعة..) و فى النهاية وصلتى للفعل الأخير ( نظر لها فى شبه تهكم وتعلو وجهه ابتسامة سخرية قائلا: ) و ده خلى قبليها 3 سطور فى الوصف تتنتظر هذه الجملة..المهم هى كيفية الذكر الأفضل لهذا الوصف و إسقاط الضوء عليه دون أن يمر عليه القارئ مرور الكرام...
بكل بساطة..بإستخدام ( كانت - كان ) كراوى عليم ثم الإستمرار فى الوصف فى عبارة كاملة ومنفردة...مثلا للجملة فوق كمثال:

نظر إليها نظرة عميقة خاطفة تتفحصها من رأسها حتى أخمص قدميها...
كان شعرها أسود اللون..ينسدل على كتفيها فى نعومة..و........حتى نهاية الوصف


وأنتى واضح إنك بتوصفى حلو جدا من قرايتى لخاطرتك الأخيرة (أحبك يا أميرتى )..فأكيد هتوصفى بطريقة جميلة لو ركزتى على جزء الوصف

أخيرا و بعد الحديث عن الأسلوب..العمل فكرته جميلة و جديدة..و أحداثه مشوقة أيضا..ولهذا أكتفى بهذا القدر لأقرأ الجزء الثالث الأن و لى تعليق هناك إن شاء الله :)

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



17 يوليو 2009, 9:32 pm
الملف الشخصى
مشرفة قسم الخواطر

الصورة الشخصية للعضو

مشاركات:
795
مكان:
my own world
الإسم الحقيقى:
جيهان راضي
الحكمة المفضلة:
المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
حالة التأكيد:
كاتب موثوق و مؤكد هويته
مشاركة Re: تحب تشرب شاي ؟ ج2


الأمير الحائر كتب:
أزيك ياجيهان.. :) واضح بجد إنك ماشية فى طريق كتابة الرواية..و كمان متهيألى بتكتبى سيناريو حلو أوى..
أنا طبعا هأعلق على الجزء ده لأنى قريت الجزأين آخر مرة دخلت فيها الأكاديمية و كنت هأعلق بس كتبت نص رد كده و خزنته فى المسودات لحد ما أكمله..و حبيت أكمل ردى دلوقتى قبل ما أقرا الجزء الثالث عشان ملحوظاتى هنا على الجزأين الأول و الثانى فقط, هى ملحوظات يمكن بسيطة أوى ما تتشافش بالعين المجردة..بس أنا يمكن بقرا العمل أكتر من مرة كلغة و كعمل أدبى قبل ما اقراه كمضمون..عشان كده بتكتر الملاحظات معايا شوية :)

ازيك انت يا وليد ....... و انا بفرح جدا من اي انتقاد او تعليق على الرواية خاصة لو كان لصالحي ........


فى الجزء الأول:
اقتباس:
و حينما جلست بدأت تبحث عن ذلك الرجل المجهول الذي و لكنها لم تجد أحد يرتدي ملابس بيج و زرقاء اللون


حاجة تكسف بجد بس كويس انك اخدت بالك منها ........ و حقرا الرواية التاني و حعدلها يا وليد ....... بس انا مش حقول مبرر لنفسي لاني المفروض اراجع الرواية بس هي المشكلة ان ايام الجزء ده اني ما كنتش عارفة انزل حاجة في الاكاديمية و حتى نهاد كانت بتراسل الاكاديمية عشان اعرف انزل حاجة من اعمالي و لما كتبت الجزء ده ما صدقت انه نزل و حتى ما عملتش فيه اي تعديل بعد ما اتكتب عشان قلت الحمد لله انه نزل ........ لكن طبعا ده مش مبرر ليا ........

تقريبا سرحتى و أنتى بتكتبى فنسيتى تكملى الجملة بعد ( الذى....) :)

اقتباس:
نظرت إليه كأنها مسحورة و تريد أن تملأ عينيها من ملامحه الشعر الأسود الناعم الذي يقصه بطريقة جذابة ..... و البشرة البيضاء الناعمة ...... تلك العينان الساحرتان السودوان ... و جسده الممشوق القوام الجذاب .....


بص يا وليد اعتقد و الله اعلم ان في رجالة او شباب شعرهم اسود ناعم بالنسبة للبشرة هو انا كنت عايزة اقول التعبير اللي فيما معناه انه لسه حالق او طالع من تحت ايد الحلاق عشان كدة تحس ان بشرته نظيفة و ملمسها ناعم يعني مش فيها شعر فاهمني ؟ فما عرفتش فقلت البشرة الناعمة ........ كمان بالنسبة للعين الساحرة السوداء اعتقد ان اي بنت او حتى شاب لما بيعجب بحد بيشوف فيه كل حاجة حلوة ......... و عشان كدة هي شايفة ان عينه جذابة او ساحرة مش عشان هي حلوة زي عيون البنات لا عشان نظرات عينيه جذبتها و سحرتها .......... الجسد بئى اعتقد ان في رجالة بيكون الجسد متناسق مش زي ماليكان او فتاة ازياء بس يكون متناسق بمعنى انه رياضي عشان كدة هو ممشوق القوام و جذاب ........ يا رب تكون فهمتني ........ :)

هو أنا بصراحة حسيت هنا إنك بتوصفى بنت مش ولد :lol: و خصوصا فى جزء ( البشرة البيضاء الناعمة ) و ( جسده الممشوق الجذاب )..لكن بعيداً عن الموضوع ده..من الناحية الأدبية.. فى الروايات أثناء وصف الشخصيات بيبقى أفضل لو ذكرتى وصف الشخصيات فى السرد من وجهة نظر الراوى العليم المستخدم مش من نظر أصحابها..وخصوصا لو أطلتى جزء الوصف..زى ما عملتى هنا مثلا فى أخر الجزء الأول:

اقتباس:
نظر لها نظرة عميقة خاطفة تتفحصها من رأسها حتى أخمص قدميها متأملا الشعر الأسود الحريري الذي ينسدل على كتفيها في نعومة ......... و الجسم النحيل المتناسق و الفستان الحريري الأزرق الذي يعكس زرقة عينيها الجذابتين ....... و الأنف المستقيم و الشفتان الكرزتان و نظر لها في شبه تهكم و تعلو وجهه ابتسامة سخرية


الوصف نفسه كان سريع ومش عرفت اشكل عن طريقه صورة البطلة فى عقلى لأنه كان بين عدة جمل و تراكيب..الفعل الماضى ( نظر لها نظرة عميقة ) وبعد كده الحال ( متأملا ) وبعد كده دخلتى على الوصف ( الذى سيمرره القارئ عادة بين السطور ما دام كتب بين عدة جمل و أفعال متتابعة..) و فى النهاية وصلتى للفعل الأخير ( نظر لها فى شبه تهكم وتعلو وجهه ابتسامة سخرية قائلا: ) و ده خلى قبليها 3 سطور فى الوصف تتنتظر هذه الجملة..المهم هى كيفية الذكر الأفضل لهذا الوصف و إسقاط الضوء عليه دون أن يمر عليه القارئ مرور الكرام...
بكل بساطة..بإستخدام ( كانت - كان ) كراوى عليم ثم الإستمرار فى الوصف فى عبارة كاملة ومنفردة...مثلا للجملة فوق كمثال:

نظر إليها نظرة عميقة خاطفة تتفحصها من رأسها حتى أخمص قدميها...
كان شعرها أسود اللون..ينسدل على كتفيها فى نعومة..و........حتى نهاية الوصف



دي عندك حق فيها المفروض ان يكون الوصف فيه ترتيب شوية و تناسق مش اطلع لفوق و انزل لتحت مرة واحدة حتى عشان القاريء يقدر يتخيل معايا الاحداث و تكون سهلة عليه ......... و ان شاء الله فيما بعد اخد بالي في بقية الاجزاء التانية .........

وأنتى واضح إنك بتوصفى حلو جدا من قرايتى لخاطرتك الأخيرة (أحبك يا أميرتى )..فأكيد هتوصفى بطريقة جميلة لو ركزتى على جزء الوصف

أخيرا و بعد الحديث عن الأسلوب..العمل فكرته جميلة و جديدة..و أحداثه مشوقة أيضا..ولهذا أكتفى بهذا القدر لأقرأ الجزء الثالث الأن و لى تعليق هناك إن شاء الله :)


جزاك الله خيرا يا وليد على تعليقك الجميل ده هو كان في نقد بس بجد نقد بناء ......... و ان شاء الله اقدر احسن كل جزء جاي و على فكرة انا قريت ردك على الجزء التالت بس حرد عليك هناك ......... و يا رب تنورني دايما في كل حاجة بكتبها لاني بستفيد منك في كل حاجة ......... :)شكرا ليك

_________________



17 يوليو 2009, 10:59 pm
الملف الشخصى الموقع الشخصي
أكاديمى فعال
أكاديمى فعال


مشاركات:
91
الحكمة المفضلة:
كما تدين تدان
مشاركة Re: تحب تشرب شاي ؟ ج2


فعلا الجزء ده غير كل توقعاتى .. ليه كده يا جيجى .. بقى انا جايه جرى من الجزء الاول تفاجئينى كده؟؟



بس بجد اسلوبك رائع رائع



لما اروح الحق الجزء التالت بقى:lol:

_________________


20 نوفمبر 2009, 10:28 am
الملف الشخصى
مشرفة قسم الخواطر

الصورة الشخصية للعضو

مشاركات:
795
مكان:
my own world
الإسم الحقيقى:
جيهان راضي
الحكمة المفضلة:
المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
حالة التأكيد:
كاتب موثوق و مؤكد هويته
مشاركة Re: تحب تشرب شاي ؟ ج2


هههههههههههه ..... شكرا يا ايمي على ردك مرة تانية و يا رب بس تكون المفاجأة أسعدتك ...

_________________



20 نوفمبر 2009, 10:38 am
الملف الشخصى الموقع الشخصي
مشرفة قسم القصص القصيرة

الصورة الشخصية للعضو

مشاركات:
444
مكان:
no where but my imaginary world
الإسم الحقيقى:
سارة صادق
الحكمة المفضلة:
النعم الكبرى لا تُظهرها إلا.. الفجائع الكبرى !
حالة التأكيد:
كاتب موثوق و مؤكد هويته
مشاركة Re: تحب تشرب شاي ؟ ج2


ايه يا بنتي الجمال دا ؟؟
اسلوبك رائع ويشد بجد...وكل سطر كتبتيه فيه ابداع فعلا...
واحلى ما في الرواية فكرتها واحداثها اللي بتجذبني جدااااااا..
انا فعلا زعلانة اني مش رديت عليها من زمان..بس انتي عارفة ظروفي بردو اللي كل شويا اقولك عليها دي.. :lol:
حظك معايا كدا بقى يا جوجتي...
احم احم..نرجع للرواية بقى....
عجبتني جدا الطريقة اللي اتعاملت بيها معاه..و حوارها الداخلي دا..و وصفك لحالتها معاه ومع نفسها ومع اختها بجد يستحق الاعجاب..
و كمان بحييكِ بشدة انك عارفة تحافظي على اهتمام القارئ وعلى تتابع الاحداث..وكل شويا عاملة لنا مفاجأة تجنن..
بس تصدقي انا فرحانة لاني هقراها على بعضها..عشان كنت هموت لو هقعد استنى كل جزء كدا عشان اعرف ايه اللي هيحصل.. :lol:
عجبتني قوي المفاجأة الاخيرة بأن مش ياسر اللي قابلها..كدا انا اطمنت على نهاد..
اروح بقى اطمن أكتر في الجزء التالت.. eat1


28 نوفمبر 2009, 4:08 pm
الملف الشخصى
مشرفة قسم الخواطر

الصورة الشخصية للعضو

مشاركات:
795
مكان:
my own world
الإسم الحقيقى:
جيهان راضي
الحكمة المفضلة:
المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
حالة التأكيد:
كاتب موثوق و مؤكد هويته
مشاركة Re: تحب تشرب شاي ؟ ج2


شكرا يا رارتي ع الكلام الجميل ده ....
و طبعا انتي تنوريني بردودك في اي وقت يا صديقتي العزيزة ..... و انا مضطرة استحمل ظروفك دي حعمل ايه يعني :lol:....
بس بجد فعلا بشكرك و اتمنى ان باقي الاجزاء تعجبك .... :)

_________________



29 نوفمبر 2009, 9:44 pm
الملف الشخصى الموقع الشخصي
أكاديمى جديد
أكاديمى جديد


مشاركات:
6
الإسم الحقيقى:
مي مخلص
الحكمة المفضلة:
من العظماء من يشعر المرء فى حضرته أنه صغير ولكن العظيم بحق هو من يشعر الجميع في حضرته بأنهم عظماء
حالة التأكيد:
كاتب موثوق و مؤكد هويته
مشاركة Re: تحب تشرب شاي ؟ ج2


الله عليكي يا جيجي رائعة للغاية اسلوبك جذاب جدا و شدتنى وانا بقراها كنت مستمتعة بقراءة كل كلمة فيها لدرة انى كنت حاسة انى شايفة الشخصيات قدامى يسلم قلمك والى الامام دايما يا رب


18 أغسطس 2010, 11:54 pm
الملف الشخصى Yahoo
مشرفة قسم الخواطر

الصورة الشخصية للعضو

مشاركات:
795
مكان:
my own world
الإسم الحقيقى:
جيهان راضي
الحكمة المفضلة:
المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
حالة التأكيد:
كاتب موثوق و مؤكد هويته
مشاركة Re: تحب تشرب شاي ؟ ج2


صباح الخير يا مي
ميرسي ع مرورك يا مي ... و الله سعيدة جدا بانضمامك لينا و سعيدة اكتر بمرورك و اعجابك بروايتي المتواضعة
و أتمنى يعجبك الباقي إن شاء الله ... و عايزة اشوف حاجة من كلامك الجميل ف قسم الخواطر عندي او الاشعار
ما تبخليش علينا بئى ... :)

_________________



21 أغسطس 2010, 4:28 am
الملف الشخصى الموقع الشخصي
عرض المشاركات السابقة منذ:  مرتبة بواسطة  
الرد على الموضوع   [ 29 مشاركة ]  الذهاب للصفحة السابق  1, 2, 3



المتواجدون الأن

الأعضاء المتصفحون لهذا القسم لا يوجد أعضاء متصلين و 4 زوار


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

cron
Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter