تحب تشرب شاي ؟ ج3

المشرف: الأمير الحائر

صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

Re: تحب تشرب شاي ؟ ج3

مشاركة بواسطة سندريلا »

الأمير الحائر كتب:
الحلم المستحيل كتب:
طبعا لو كنت قلت لي ان الجزء ده عجبك كنت حقول انك بتجاملني .......... :)


سورى إنى شوفت ردك متأخر..بس بجد سعدت جدا بتفهمك و تفضيلك للصراحة و عدم المجاملة و أنا بجد لولا أصلا إنى حاسس إنك أولا بتقبلى النقد بأخوية و ثانيا إنك بتكتبى كويس ما كنتش تابعت الأجزاء بالإهتمام ده و قولتلك رأيى بصراحة..بس المهم عايز أعلق على النقطة اللى جاية دى فى ردك:
الحلم المستحيل كتب:
لكن خليني اتكلم بصراحة انا رايي زي انت ما قلت اهم حاجة هي الكيف و ليس الكم ........... عشان كدة انا حعيد كتابة الجزء ده يا وليد تاني ......... لكن طبعا مش دلوقتي ......... قدام شويا عشان مش اتسرع لكن لو طلعت حاجة في ايدي راضية عنها بالتاكيد مش حتاخر عليكم ........


هأقولك حاجة ياجيهان..إعادة كتابة حاجة مكتوبة بتبقى مهمة صعبة جدا..يعنى كتابة عمل جديد أو إعادة كتابة عمل موجود فى عقلنا كفكرة بس ومش مكتوب أسهل كتير من إعادة كتابة عمل مكتوب فعلا..لأنه خلاص فيه أسلوب و فيه ترتيب سردى حصل.. حتى لو جيتى تكتبى من جديد هتلاقى نفسك متقيدة بالعمل الأساسى و بتنقليه بشكل أو بآخر...ما عدا طبعا الأخطاء اللغوية و الإملائية دى اللى سهل تتصلح لأنها تعتبر مراجعة سريعة وسهلة...وده فعلا اللى أنا بعمله فى قصصى القصيرة تحديدا..يعنى لما بأعرف غلط فى الأسلوب فى قصص قديمة بأسيبه زى ماهو فى العمل القديم فى الأكاديمية.. لكن بأتعلم و ما أكرروش فى القصص الجديدة..و هكذا..و ده فادنى شخصيا كتير فى كتابة القصة القصيرة تحديداً...
يعنى نصيحتى راجعى الجزء لغويا فقط و اكتبى الجزء الجديد لأن أكيد فيه ناس كتير و أنا منهم طبعا مستنيينه :) flower1



و لا يهمك مش مشكلة انك شفت الرد متاخر يا وليد ...

بالنسبة لرايك ممكن تكون صح يعني فعلا لو الواحد شايف ان الاخطاء اخطاء لغوية ممكن فعلا يصلحها ...... و حيكون صعب انه يعيد كتابة الجزء من تاني لكن للاسف انا مش شايفة الاخطاء اخطاء لغوية و بس انا شفت انه خطا اكبر حسيت كان رونق الرواية اختفى و اللي حسيته اكتر هو عدم الاحساس بمعنى ايه ؟ اني بحب لما اكتب حاجة اكتبها باحساس حتى لو مش حصلت لي بس تكون باحساس صادق و اكون متعايشة معاها لانك لما بتكتب باحساس بيوصل للقلب على طول .... عشان كدة انا ما كنتش راضية عن الجزء ده اصلا يعني انت ممكن كقاريء و ناقد متميز تشوف ان الاخطاء لغوية لكن بما اني اللي كتبت فانا شايفاها مشكلة اكتر من الاخطاء اللغوية

كمان انا خلاص عدت كتابة الجزء ده من حوالي 10 ايام بس لسة مش نزلته لكن ربنا يسهل و يبارك لي في وقتي و اقدر انزله ...... و طبعا مش حقولك يا وليد رايك طبعا و راي الاعضاء مستنياه ......... بس يا رب ما تكونوش مليتوا من الرواية و بعد كدة باذن الله حتجدعن و انزل باقي الاجزاء بسرعة ........

بشكرك على ردك يا وليد و رايك اللي بالتاكيد انا بحترمه و بعتز بيه بما انك كاتب متميز ........ :)
أضف رد جديد

العودة إلى ”روايات“