[right]_ عرفتوا ياجماعه 00 رفعت امين مات [/right]
_ لا حول ولا قوه الا بالله 00 مات قبل العمليه ولا بعدها ؟
_ بعدها
_ ياخساره 00 دى كلفت الشركه الشئ الفلانى
_ وبيقولوا ان الدكاتره ملائكة رحمه قال 00 مش كفايه موتوا الراجل لأ وكمان لازم ياخدوا تمن عرقهم فى موته 0
_ الا صندوق النقابه حيدفع كام للورثه ياترى ؟
_ كتير 00 ده موظف قديم ولو انه صغير
_ كويس 00 على الأقل ولاده يقدروا يكملوا المشوار من بعده
_ اولاده مين فيهم 00 اللى من مراته القديمه والا الجديده 0000
_ الجديده !00
_ آه ياسيدى 00 حد كان يصدق انه متجوز فى السر واحده تانيه ، وايه بتشتغل معانا كمان فى الشركه 0
_ 000
_ بس ايه واعيه 00 أول ما عرفت انه مات على طول كشفت المستور علشان تاخد حقوقها 0
_ الا الجنازه امتى ؟
_ الساعه 12 من عمر مكرم 00 أصل أخوه استاذ كبير فى الجامعه ، واخوه التانى راجل اعمال مصاحب كبارات البلد ولازم طبعا حيحضروا الجنازه والمعزى كمان 0
_ مع انى سمعت ان اخوه راجل الاعمال ده مقاطعه من سنين وماكنش بيزوره ولا حتى 00
_ ياسيدى احنا مالنا 0 الا ياترى مين من كبار الشركه حيحضر الجنازه ؟
_ مادام من عمر مكرم وفيها كبار البلد يبقى رئيس مجلس الاداره حيحضرها ، ومادام رئيس المجلس حيحضرها يبقى كل الشركه حتحضرها لاجل خاطره 0
_ تلاقى فايز دلوقتى مبسوط وبيضحك فى عبه
_ اشمعنى ؟00
_ الدرجه ياسيدى 00 ما انت عارف ان بقاله سنين مستنى الترقيه لكن مفيش درجات
_ دلوقت يقدر يترقى على درجة المرحوم
_ وهو فايز بس اللى بيضحك فى عبه 00 مهو برضه تلاقى حسن الفرحه مش سيعاه علشان حيترقى على درجة فايز 00 وكل اللى حيتحركوا فى الطابور وراهم مبسوطين زيهم 0
_ صحيح مصائب قوم عند قوم فوائد 00
_ الا قولى 00 هى مراته الاولانيه عرفت ان 00000
والميت !!!
=======================[/CENTER ALIGN]
