صفحة 1 من 1

مسرحية هى دى مصر - الجزء الأول - الفصل الأول (البداية )

مرسل: 30 نوفمبر 2008, 10:26 am
بواسطة المهاجر
دى مسرحيتى يا رب تعجبكم
المسرحية بتدور احداثها حول مجموعة من الشباب اجتمعت قلوبهم على حب مصر وتدور الاحداث حول قيام مجموعة من الشباب فى توزيع المنشورات الاعلانية داخل الجامعات المصرية معلنين عن اكاديمية جديدة اسمها اكاديمية مصر الادبية على الانترنت كانت كلمات الاعلان تقول كان فيه فكرة ضاعت ليه كان فيه كلمة سطر حلو لو راح هتبكى عليه امسك قلمك اصحى تعالى شوف مصر هتكتب ايه ...؟ ووجدت الاعلانات فى طريقها لايدى مجموعة من شباب الكتاب الذين لم كتاباتهم النور لعدم وجود الوسيلة لذلك وفجأة ظهرت لهم الاكاديمية فتسابقوا جميعاً عليها ولكن مع مرور الزمن تحولت الاكاديمية من مجرد اكاديمية ادبية الى انشودة فى حب مصر وفى حب الاعضاء بعضهم لبعض فنشأت اقسام جديدة ليس لها علاقة بالادب فكانت هناك اقسام هى دى مصر اللى يناقش مشاكل مصر ومحاولة ايجاد حلول علمية وجذرية لها وقسم اخر انت مين؟ للتعارف بين اعضاء الاكاديمية بعضهم البعض رغم ان روح المنافسة تعم ارجاء الاكاديمية ولكنها اصبحت منافسة فى حب مصر اولا والادب ثانياً ........عشان كدا المسرحية اسمها هى دى مصر.
المشهد الأول
(البداية)
ِAdmin :- عايزين يا جماعة حد يوزع الإعلانات دى فى الجامعات المصرية
عضو : انا عليا انى اوزعها فى جامعة الزقازيق
عضو آخر : انا هوزع فى جامعة القاهرة
Admin:- كويس أوى الحماس دا شباب عايزين نشتغل بقى ها نتوكل على الله ونبدأ
عضو جامعة الزقازيق : انا هوزع اللى هقدر عليه وربنا يكرم ووزع كله
Admin :- طيب بسم الله نبدأ
عضو الزقازيق : بقولك ايه يا أبو الكباتن
طالب جامعة الزقازيق :- أى خدمة يا صاحبى
عضو جامعة الزقازيق :- كنت عايز اديك شوية ورق إعلانات توزعهم على زمايلك فى الكلية وكدا يعنى ولو ليك فيه يا ريت تشرفنا
طالب جامعة الزقازيق :- ليا فى ايه يا برنس إنت بتوزع منشورات ولا ايه يا عم
عضو جامعة الزقازيق :- هههههههههه منشورات أيه يا كبير دى إعلانات عن أكاديمية أدبية جديدة عشان نعرف اصحابنا زيك كدا بيكتبوا أيه وفيه مسابقة كمان
طالب جامعة الزقازيق :- والله إنت إبن حلال أنا بكتب من زمان ونفسى حد يكتشفنى
عضو جامعة الزقازيق :- تب يلا إبسط يا عم أهى الفرصة جاتلك لحد عندك
طالب جامعة الزقازيق :- ههههههههههه طول عمرى وأنا محظوظ أنا تحت أمرك يا برنس ناولنى الإعلانات
طالب جامعة الزقازيق يجوب أرجاء الجامعة :- إقرا الحادثة إقرا الحادثة
طالب آخر : حادثة أيه
طالب جامعة الزقازيق :- إقرا يا عم وإنت تعرف وتشوف
الطالب الآخر :- الله يا معلم أخيراً هلاقى مكان أكتب فيه أشعارى
طالب جامعة الزقازيق :- شوفت يا عم بقى حادثة ولا مش حادثة
الطالب الآخر :- أحلى حادثة سمعتها فى حياتى
طالب جامعة الزقازيق :- تب بقولك أيه عايزك توزعلى شوية اعلانات على زمايلك واصحابك
الطالب الآخر :- أوأمر يا عسل
طالب جامعة الزقازيق :- ههههههههه عسل ايه يا عم لاحسن العيال تفتكرنى نانسى
الطالب الآخر :- هههههههههه لا يا عمى نانسى ايه هيقولوا شيرين وآه يا ليل
طالب جامعة الزقازيق :- ماشى يا عم أتفضل
الطالب الآخر :- أيه دا يا عم لا انا ما بوزعش
طالب جامعة الزقازيق :- أيه يا عم هو انا بديك توزع مخدرات لا سمح الله
الطالب الآخر :- ايه يا عم ما انت عايزنى اوزع منشورات
طالب جامعة الزقازيق :- إنت مش لسة قارى الورقة وعارف فيها ايه ووافقت توزع وقولتلى أوامر يا عسل ونانسى وشيرين إنت عندك الزهايمر ولا أيه
الطالب الآخر :- لا مؤاخذة يا بروف أصلى ساعات بتجيلى هواتف كدا ساعة تروح وساعة تيجى
طالب جامعة الزقازيق :- تب خد بقى وغور عطلتنى عن شغلى
الطالب الأخر :- شغل أيه شغلنى معاك
طالب جامعة الزقازيق :- ألطم منك صورة إمال إنت هتعمل أيه دلوقت
طالب جامعة الزقازيق :- انت يلا بقولك ايه هات يلا وغور جاتك مصيبة فى شكلك
الطالب الآخر :- هات يا عم خليك بحبوح أنا بهرج معاك إنت قافش ليه روق كدا
الطالب الآخر بعد أخذه الإعلانات :- تعالى يا بيه تعالى يا هانم بدل ما تبهدل كراساتك وكرساتِك تعالوا ورونا بتكتبوا ايه وأنتى يا أنسة عايز اشوفك فى الموقع أخر النهار وإلا مش هيحصل طيب
طالب جديد:- إيه يا باشا إنت بتوزع ورق حل الشيت بتاع تجارة
الطالب الآخر :- شيت أيه يا أهبل إمشى يلا طالب فاشل صحيح عايز ينجح ما بتحضرش ليه وتعرف عليك ايه ليه ليك فيا قدوة للمرة الرابعة على التوالى بعيد فى سنة تانية بس لظروف وربنا
بنت حلوة :- لو سمحت يا كابتن ممكن ورقة
الطالب الآخر :- ورقة واحدة بس إنتى تاخدى الورق كله ولا أقولك خدى صاحب الورق مع الورق ولا أقولك اسم الكريمة أيه
البنت الحلوة :- بس يا سافل وزع الإعلانات وخليك فى نفسك معايا إعلان زيهصورة
الطالب الآخر :- إمشى يا بت العربية بتاعة العباسية جاية وربنا لابلغ عنك امشى
الطالب الأخر :- كدا الإعلانات خلصت
طالب تانى من بعيد :- يا كابتن معاكش ورقة الإعلان اللى كان بيتوزع من شوية دا
الطالب الآخر :- كان زمان وجبر شطبنا خلاص
الطالب الجديد من بعيد :- تب ما تعرفش اسم الموقع
الطالب الآخر :- أٍسمه http://www.egypt.net
الطالب الأخر :- لا لا لا لا لا لا أسمه http://www.egypt.com
الطالب الجديد من بعيد :- إيه يا عم إنت عندك الزهايمر ولا ايه
الطالب الآخر :- الزهايمر ... الكلمة دى لسة سامعها من شوية مين اللى كان قايلها ايوة الراجل بتاع اكاديمية مصر الادبية ايوة افتكرت
الطالب الأخر :- الموقع هو www.egyptwrite.com
الطالب من بعيد :- شكرا يا برنس
وهنا ينتهى المشهد الأول والى اللقاء فى المشهد الثانى

مسرحية هى دى مصر - الفصل الثانى - الجزء الأول ( الإشتراكات)

مرسل: 30 نوفمبر 2008, 11:11 am
بواسطة المهاجر
الفصل الثانى
( الإشتراكات )
الطالب من بعيد يفتح المتصفح الخاص به :- يتهجى www.egyptwrite.com
الطالب من بعيد بصوت عالى :- دخول الأعضاء - الإشتراك أيوة أنا عايزك انت يا معلم
الطالب بعد قرائته قوانين الأكاديمية :- بسم الله نشترك بقى يا عم الرغاى
الإسم :- أحمد الصياد
الباسورد :- ؟؟؟؟؟؟؟
تأكيد الباسورد :- ؟؟؟؟؟؟؟
البريد الألكترونى :- ........................
تاكيد البريد الألكترونى :- .......................
ثم يضغط إٍشترك
الطالب من بعيد ( أحمد الصياد) يحادث أًصحابه عن الاكاديمية :-
أحمد :- والله ياض يا عيسوى إشتركت النهاردة فى أكاديمية مصر الأدبية وهدخل المسابقة
محمد عبد المعطى يتدخل :- هو اللى كان بيتوزع النهاردة دا كان بتاعها صح
أحمد :- بالظبط عايزكم بقى تدخلوا تهتفوا بأسمى
العيسوى :- إنت فاكر نفسك أحمد شوقى
أحمد :- لا يا خفيف أحمد الصياد
أحمد :- بسم الله إن شاء الله هكتب أول خواطرى هناك النهاردة راحل ومعى ذكرياتى
هانى السيد :- إدينى الموقع كدا أبقى اتفرج عليه
أحمد :- قشطة يا معلم دا أنت تنور
هانى :- خلص وبطل رغى كتير
أحمد :- ناولنى ورقة يا صعيدى
الصعيدى :- إمسك يا عم الكتكوت
أحمد :- www.egyptwrite.com
هانى :- تمام كدا
أحمد بعد كتابة أول خواطره فى قسم الخواطر يرى كلمات الشكر والترحيب من الأعضاء القدامى
الأمير الحائر ( وليد) :- جميلة يا أحمد ومرحبا بيك عضو جديد معانا وعايزين نشوف حاجات جديدة
همسة حب :- خاطرة جميلة تمنياتى لك بالتوفيق
أية :- كويس الشغل دا يا معلم
أحمد :- يتحدث لأصدقائه عن اول كتاباته فى الاكاديمية:-
أحمد :- ولا يا هانى أنا اشتركت وكتب موضوعى الأول النهاردة وايه يلا عيال بالهبل داخلة تكتب دى مصر كلها كاتيبة واحنا مش عارفين
هانى :- بس يا أهبل
أحمد :- هو انتوا دايما كدا تحبوا تكسروا مجاديف الواحد جاتكم نيلة
الصعيدى :- ما تقولنا فكرة الأكاديمية كدا ولا المسابقة دى ظروفها ايه
أحمد :- بص يا عم هانى فكرة المسابقة الأولى هى كان فيه فكرة ضاعت ليه كان فيه كلمة سطر حلو لو راح هتبكى عليه يلا اصحى وامسك قلمك شوف مصر هتكتب ايه
الصعيدى :- فهمت أنا الفكرة كدا غور يلا من وشى
أحمد :- لسة ما خلصتش كلام يا عم
العيسوى قادم من بعيد :- إنت لسة عايش فى وهم الاكاديمية والمسابقة
أحمد :- ما لاكش دعوة يا عم الحبيب خليك فى خطيبتك اللى هتبيعك هدومك
الصعيدى :- ريح يا عيسوى خليه يكمل
أحمد :- المسابقة قايمة على فكرة أن احنا كل واحد فينا احيانا وهو قاعد مع نفسه بيطلع حاجات حلوة وعلشان هى مش ممكن تشوف النور فمش بيدى ليها اى اهتمام لكن لما يلاقى حد يشوف هو بيكتب ايه هيهتم ويزود مهارته ويكتب اكتر عشان كدا فكرة المسابقة والاكاديمية كان فيه فكرة ضاعت ليه ....إلخ إلخ إلخ
الصعيدى:- طيب هتستفاد أيه من دا كله
العيسوى مرة أخرى :- هيستفاد أن البنات هتدخل تقول الله يا احمد حلو اوى الشعر دا وهو يدخل مواضيعها الله يا فلانة الشعر دا ويبدأ يحب فيها وبس
الصعيدى ممسكا بالعيسوى :- ناولنى الخرطوم اللى جنبك دا يا عبدالمعطى
العيسوى :- لا يا عم الجو ساقعة يا عم
الصعيدى :- ما أنت مش عايز تكتم
الصعيدى لأحمد : كمل يا عم انت كمان هتستفاد ايه
أحمد :- بص يا سيدى كل 3 أعمال أدبية من اللى مكتوبة فى الموقع خلال شهر هتفوز بالترشيح للمسابقة النهائية وهتتجمع الأعمال كلها نهاية السنة وتتعرض على أساتذة من كلية الاداب .
العيسوى مقاطعاًً :- علينا برضه إمال مش آداب
الصعيدى بالخرطوم :- بس يا عيسوى يا أهطل
الصعيدى :- ها كمل
أحمد :- هيفوز خلال السنة كلها 36 عمل هيفوز منهم 3 أعمال بالجوايز المالية من 1 - 3 الاول هياخد 5000 جنيه والتانى 3000 جنيه والتالت 2000
الصعيدى :- ومش شوية 3 أعمال بس وتضمن منين أن ما حدش ياخد حاجة كتبتها وينسبها لنفسه
أحمد :- ما هو كل قصيدة او خاطرة أو اى عمل ادبى موجود من ضمن 36 هينشر فى كتاب تحت اسم مصر بتكتب ايه وكل عمل هيكتب باسم صاحبه كامل إن شاء الله
الصعيدى :- تب يلا بقى ربنا معاك بس ليا نسبة فى الجايزة وعايزين نشوف اسم الكفر فى كتاب أدبى
المشاغب ( العيسوى ) :- إمال مش كتاب
عبد المعطى :- نفض للواد الاهبل دا
الصعيدى :- الله أكبر عبد المعطى نطق
عبد المعطى :- أيه يا عم هو أنا اخرس أنا كنت باخد فكرة يمكن اشترك
أحمد :- تنور يا ابو العطاعيط
عبد المعطى :- عطاعيط أيه يا عم إنت بتكلم قرد
الصعيدى :- تب ادينى الموقع كدا أديه لأصحابى يمكن يكون فيهم حد بيعرف يكتب
المشاغب:- محسسنى كدا كلكم إنكم شعراء عصركم وأوانكم
عبد المعطى :- بكرة السبت يا عيسوى
المشاغب :- ليه إنت فاكرنى عرباوى
الكل فى صوت واحد :- ههههههههههه والله عرباوى بيفهم عنك وعنده دم
الصعيدى لأحمد :- ملينى الموقع
أحمد :- www.egyptwrite.com
وهنا ينتهى الفصل الثانى الى اللقاء فى الفصل الثالث
على فكرة اخر 10 اسطر دول بكرة السبت بنقولها لواحد لما يكون اهبل علشان يزقل بالطوب

مسرحية هى دى مصر - الفصل الثالث - ( زيادة الأعضاء والاقسام)

مرسل: 30 نوفمبر 2008, 11:45 am
بواسطة المهاجر
الفصل الثالث
(زيادة الأعضاء والأقسام )

Admin :- للأعضاء الكرام تم إضافة قسم إنت مين للترحيب بالأعضاء الجدد
وليد:- كويس والله شكراً يا معلم
أحمد :- ولعت يا معلم
همسة :- يا رب دايما نشوف الأعضاء فى زيادة والأكاديمية فى تقدم
The lawyer :- حضرة القاضى حضرات السادة المستشارين إنى إذ أبلغ سيادتكم شكرى وعرفانى لمجهوداتكم فى خدمة الأكاديمية إذ أرفع عليكم قضية شكر وعرفان
ِAdmin :- فيه مفاجأة كمان قريب
أحمد :- خير
وليد :- أيه هى
همسة :- عندى إحساس بس خايفة أقول
The lawyer :- بس يا حساسة
قلب حزين :- سيبها تعبر عن رأيها هى كمان
تنهيدة :- هنستنى كلنا يا أدمن
Admin :- كله على الله
أحمد :- أيه رأيكم يا جماعة فى زيادة الأعضاء
وليد :- إحنا عايزين أيه غير كدا ربى يزيد ويبارك
تنهيدة :- إلحقوا فى قسم جديد نزل
The lawyer :- إٍسمه أيه
تنهيدة :- هى دى مصر
وليد :- بيتكلم عن ايه
تنهيدة :- بيناقش مشاكل مصر مع محاولة إيجاد حلول ليها
أحمد :- أيه رايكم يا شباب لو نخليه الاتنين
قلب حزين :- يعنى أيه الاتنين
أحمد :- يعنى بدل ما يكون المشاكل بس يكون للإيجابيات كمان بلدنا حلوة يا جماعة بس احنا اللى مش فاهمينها مش عايزين تشاؤم زيادة عن اللازم
The lawyer :- بس الأغلب وحش
تنهيدة:- أحمد عنده حق فى كلامه فيها الوحش يا محمد بس فيها الحلو
أحمد :- وانا عليا اظهر الجانب الايجابى بتاعها وهفتح سلسلة لشخصيات مصرية وهسميها هى دى مصر ( إنت إبن مين فيها )
وليد :- فكرة هايلة يا احمد يا ابو الأفكار
همسة :- تفتكروا يا جماعة هى دى المفاجأة اللى اتكلم عليها ادمن
أحمد :- اكيد
وليد :- اعتقد
أحمد :- بس تعرفوا يا جماعة الواحد حاسس أنه فى بيته
قلب حزين :- طبيعى يا أحمد لأن كل واحد فينا كان كاتم كتاباته فى كرساته لكن لما اتيح المكان اللى نكتب فيه كلنا حاسين ناحيته بالجميل عشان كدا حابينه
The lawyer :- عندك حق يا قلب
تنهيدة :- الحقوا إعلان هام
أحمد :- أيه يا تنهيدة خفى شوية إيه حكاية المفاجآت معاك
تنهيدة :- أمشى يلا والله انتوا الواحد خسارة يعمل فيكم معروف
وليد :- أسفين يا تنهيدة قولى أيه الاعلان المهم دا
تنهيدة :- شوفت الناس الزوق
أحمد :- يارب نخلص
The lawyer :- خير مسكوا خيط جديد فى القضية
همسة :- محمد قايم قاعد كل ساعة بيحلم بالمحكمة
تنهيدة :- ترشيحات الإدارة لمشرفى الأقسام
وليد :- بجد بالسرعة دى
قلب حزين :- مين مرشح
تنهيدة :- وليد: الكتابة العامة مع استبعاده من المسابقة بعد موافقته - احمد : قسم المقالات والنقد الفنى
أحمد :- يا لهووووى كملى يا أختى كملى
تنهيدة :- انا بقى قسم الخواطر والنثر - همسة : الأشعار - The lawyer : قسم هى دى مصر ؟
تنهيدة :- تب ما تيجوا نروح نشوف على الطبيعة الاعلان
The lawyer :- مين هيوافق فيكم يا جماعة
قلب حزين :- ما حدش فيكوا يقدر يتأخر عن أكاديميتنا
أحمد :- حاسس يا قلب انك ثورجية مش عارف ليه
تنهيدة :- إمال إحنا هنعمل حزب النساء مجتمعون هنا
وليد :- عشان تخربوا البلد اكتر ما هى مخروبة اجرى العبى بعيد انتى وهى لارش عليكم مية
أحمد :- إلحقوا يا جماعة الأكاديمية وصلت الميل عندى
The lawyer :- ازاى
احمد :- واحد ما اعرفوش بيسألنى عن الأكاديمية
وليد :- يا أحمد يا دولى
همسة :- دولى مين انت كمان يا وليد دا اخره فى الترسانة
أحمد :- هنتريق بقى اهو استنوا لما اشوف مين
أحمد :- أيوة يا باشا أى خدمة
الزائر :- كنت عايز اعرف الموقع بتاع الاكاديمية
أحمد :- تب مش أتعرف بحضرتك
الزائر :- واحد من الناس
أحمد :- طيب يا عم كريم عبد العزيز
الزائر :- إدينى الموقع
أحمد :- حاضر يا عم إنت هتتخانق
الزائر :- لا يا عم بس عايز اكتب حاجة قبل ما أنساها
أحمد :- www.egyptwrite.com
إنتهى الفصل الثالث والى اللقاء فى الفصل الرابع

هى دى مصر - الفصل الرابع والاخير- الجزء الاول(أكاديمية مصر )

مرسل: 30 نوفمبر 2008, 12:44 pm
بواسطة المهاجر
الفصل الرابع
( أكاديمية مصر )
أحمد :- معلش يا معلمين جيت ليكم تانى
وليد :- نورت يا ابو حميد واهو بالمرة تشاركنا رأيك فى الإقتراح دا
أحمد :- خير يا أبو الإقتراحات
وليد :- دى همسة إقترحت إننا نخلى الاكاديمية أنشودة فى حب مصر
أحمد :- مش فاهم
The lawyer :- يعنى بدل ما احنا اكاديمية ادبية بس نبقى اكاديمية مصر تناقش مشاكل مصر وتقول ايجابيتها فى شكل ادبى او غير ادبى للحفاظ على هوية الاكاديمية فهمت
أحمد :- الحمد لله
همسة :- أيه رأيك
أحمد :- فكرة كويسة وزى ما قولتلكم قبل كدا انا هفتح سلسلة اسمها هى دى مصر إنت ابن مين فيها ويا ريت كل واحد يكتبلنا رباعية فى حب مصر وكل واحد شايف حاجة حلوة او وحشة يقولنا عليه ونناقشها مع بعض
The lawyer :- تب أنا عندى فكرة كمان
قلب حزين :- قول فكرتك
وليد :- إتفضل
The lawyer :- أيه رايكم نعمل تشكيل حكومى ونسميه هى دى مصر الجديدة
الكل فى صوت واحد :- رائع يا محمد الفكرة دي
لسة صغير بعد الوصول :- تب بالإنتخاب ولا الكوسة
وليد ؟:- إنت جيت نورت يا غالى
The lawyer :- بالإنتخاب يا امير وبدون تزوير كمان
أحمد :- طيب يلا نقسم الحكومة والوزارات علينا
وليد :- تنهيدة هتقول الخطاب بتاع الثورة بتاعتنا وتبقى المتحدثة الرسمى باسم الحكومة
تنهيدة :- فى الفترة الاخيرة عاشت مصر فترة من اسوأ فترات تاريخها السياسى لهذا قررنا نحن هذه المجموعة القيام بمحاولة تشكيل حكومة جديدة حتى ولو صورية لتغيير الصورة الموجودة عن مصر حاليا
التشكيل فى مؤتمر صحفى :-
1- Admin :- رئيس الجمهورية
2- وليد :- رئيس الوزراء
3- The lawyer :- وزير العدل
4- تنهيدة :- وزيرة الإقتصاد والصناعة ( المتحدث الرسمى باسم الوزارة )
5- همسة :- وزيرة الثقافة
6- قلب حزين :- وزيرة القوى العاملة والهجرة
7- خالد وزير الدفاع
8-أحمد الصياد :- وزير لخدام مصر
9- لسة صغير :- وزير الشباب

هذا وسوف تبدأ الحكومة المكلفة مهام عملها اليوم ومن هذه اللحظة
الحضور :- صورةصورةصورةصورةصورة
تنهيدة :- نبدأ بإستقبال أسئلة الصحفيين إتفضل هناك
استاذ مسعد من مجلة هى دى مصر :- أيه هى حلولكم لتحديات المرحلة الحالية
تنهيدة :- والله إحنا رافعين شعار الاخلاص ثم الاخلاص
تنهيدة :- أيوة اللى هناك
هبة الله محمد :- جريدة بنحب مصر
تنهيدة :- إتفضلى
هبة الله محمد :- يا ترى الحكومة الجديدة هتاخد آراء حد من الوزراء السابقين
تنهيدة :- سؤال أكثر من رائع إحنا إن شاء الله هنشوف اللى كفائتهم معاها اخلاص هنستعين بيهم اما كفاءة بدون اخلاص ليس لهم معنا مكان
الحضور :- صورةصورةصورةصورةصورة
أحد الحضور :-
يا بلدى يا أغلى عندى من التوت بحبك يا بلدى حتى لو شوفت الموت
يا مصر يا أم الهرم وابو الهول يا أم المتحف ويا أم القلم
يا مصر يا عندى ام الدنيا وكمان وصية نبي الامة
تنهيدة :- شكراً لشعورك الرائع ولكن عايزين عمل وليس شعارات
هبة الله محمد :- سؤال تانى سيادة الوزيرة
تنهيدة :- معلش عشان الوقت وكمان الناس كلها تاخد فرصة - أيوة هناك
علاء أدهم :- جريدة بلدى الجديدة
تنهيدة :- إتفضل
علاء :- عايز اوجه سؤال لسيادة وزير الشباب
لسة صغير :- إتفضل
علاء :- شكراً سؤال ما هى مشاريع سيادتكم للمرحلة القادمة فى العمل فى مجال الشباب وخاصة انك من الشباب
لسة صغير :- هنوفر ليهم الكولة وسجاير البانجو هههههههههههههه بهرج
الحضور :-صورةصورةصورةصورةصورةصورة
لسة صغير :- هو احنا مشاريعنا للمرحلة القادمة العمل على تربية جيل جديد من القادرين على العمل الجاد هنوفر ليهم مراكز التعليم المهنى والتعليم القيادى وهنوفر ليهم مراكز الشباب عشان يحافظوا على صحتهم لان زى ما انتوا عارفين العقل السليم فى الجسم السليم وحاجات تانية كتيرة بس لقصر الوقت مش هنقدر نذكرها شكرا ليك
علاء :- شكرا سيادة الوزير
تنهيدة :- آخر سؤال اللى هناك ايوة انت اتفضل
محمود ابراهيم :- وكالة انباء 6 اكتوبر المصرية
تنهيدة :- اتفضل يا أستاذ محمود
محمود :- سؤالى لمعالى وزير خدم مصر
أحمد الصياد :- اتفضيل
محمود :- لاول مرة يا افندم بنشوف وزارة فى العالم اسمها وزارة الخدام يا ترى ايه مهمة الوزارة دى واشمعىن الاسم دا بالذات وشكرا لسعة صدر سيادتكم
أحمد الصياد :- والله هى فكرة جديدة بدأت هنا بينا وبين بعض وهى مهمتها خدمة كل واحد عايز يخدم مصر فى البلد او خارج البلد فاحنا خدام خدامين مصر اما بالنسبة للاسم فدا عشان الراجل البسيط فى الشارع يفهم معناها ويفهم احنا عايزين ايه منه دى كل الحكاية والقصة
الحضور :- صورةصورةصورةصورةصورة
تنهيدة :- شكراً لكم جميعا والسلام عليكم ورحمة الله وبركاته
أحد الصحفيين وصل متأخرا بسبب زحمة المواصلات لو سمحتى سعادة الوزيرة سؤال اخير :
تنهيدة :- إتفضل
أحد الصحفيين :- سمعنا ان فكرتكم دى جت من خلال اكاديمية ادبية على النت هل الكلام دا صحيح ؟
تنهيدة :- نعم بالظبط صحيح كانت فكرة جت من الاكاديمية واعضائها اللى بيشكلوا التشكيل الوزارى حاليا
الصحفى :- طيب لو سمحتى الموقع عشان نتعرف اكتر بحضراتكم وباكاديميتكم
تنهيدة :- www.egyptwrite.com
الصحفى :- شكراً يا أفندم
تنهيدة :- شكراً

هنا ينتهى الفصل الرابع ومعه ينتهى الحزء الاول والى اللقاء فى الجزء الثانى

محلوظة :- انا اسف لكل شخص ذكرت اسمه فى المسرحية بدون سابق إذن واسف انى كمان اتكلمت على لسانه تحياتى

Re: هى دى مصر - الفصل الرابع والاخير- الجزء الاول(أكاديمية مصر )

مرسل: 30 نوفمبر 2008, 5:43 pm
بواسطة ابن مصر
بجد يا احمد مسرحية جميلة صورةو فكرتها جديدة جديدة جديدة الى ابعد الحدود و معتقدش ان حد هيزعل انك اتكلمت بشخصيته بل باعكس دي حاجة جميلة جدا و انك تضع فى المصرحية عن طريق حديث بين الاعضاء الافكار الى طرحت و اتناقشت فى الاكاديمية دى برده فكرة اجمل بجد ليك منى الف تحية صورةو منتظر الجزء الثانى صورة

Re: هى دى مصر - الفصل الرابع والاخير- الجزء الاول(أكاديمية مصر )

مرسل: 01 ديسمبر 2008, 3:55 am
بواسطة تنهيدة
صورةصورةصورةصورةصورةاية الجمال دة يأحمد بصراحة فكرة هايلة وموضوع هايل واسلوبك هاااااااااااااايل
طبعا مش ممكن حد يزعل انو يكون وزير وياسلام لم يكون وزير فى مكان بيحبة صورةوكمان بيطرح افكار جديدة زى افكارك عجبانى اوى وزارة لخدام مصر
بهنيك ياحمد على المسرحية ومستنية الجزء التانى يلا اكتبة بسرعة صورة

Re: مسرحية هى دى مصر - الفصل الثالث - ( زيادة الأعضاء والاقسام)

مرسل: 01 ديسمبر 2008, 4:20 am
بواسطة تنهيدة
صورةصورةصورةصورةصورةهااااااااااااااايل يأحمد

Re: مسرحية هى دى مصر - الجزء الأول - الفصل الأول (البداية )

مرسل: 01 ديسمبر 2008, 10:59 am
بواسطة همسه
هايل اوى اوى يااحمد والله فكره روعهصورةمسرحيه جميله اوى وفكرتها جديده بس والله برافو عليك على الحاجه الجميله دىصورة

Re: مسرحية هى دى مصر - الجزء الأول - الفصل الأول (البداية )

مرسل: 01 ديسمبر 2008, 12:14 pm
بواسطة الأمير الحائر
والله أستاذ يا احمد...هايلة بجد مش مجاملة...سورى انى ابقى اخر واحد ارد عشان كنت غايب عن الاكاديمية امبارح
بس بجد هايلة ... الفكرة والأسلوب...واللى عاجبنى أكتر ازاى قدرت تكتب نوع جديد جدا عليك بكل الجمال ده...وإزاى قدرت تحول شخصيات حقيقية فى أكاديميتنا لأبطال فى روايتك وده فى حد ذاته تصور وخيال عالى أوى بحييك عليه فعلا يا أحمد...وبيبن بجد انك مع الأفكار ممكن تكتب أى حاجة أنت عاوزها ودى ملامح كاتب شامل جدا ومتميز
أنا طبعا ضميت الفصول كلها فى موضوع واحد لأنى لقيت ردود فى فصل وفصل لأ... لأن الجزء الأول كله كيان واحد بفصوله ..فدمجتهم بحيث انه كل الردود تبقى على الجزء كله بوجه عام...وممكن طبعا تكتب بعد كده كل فصول ومشاهد الجزء التانى فى موضوع واحد عشان اللى يرد يعرف يرد فين ويبقى كل جزء مستقل بذاته.
أناعن نفسى مستنى الجزء التانى بجد...وتالت ورابع طول ماعندك أفكار وإحساس جميل زى كده...وبعدين نزعل إزاى إنك إستخدمت شخصياتنا...دى حاجة نحبها لأنها بتدل على انك حابب الأكاديمية وأعضائها ودى حاجة تستحق عليها الشكر بكل حب مننا كلنا يا أحمد صورة

Re: مسرحية هى دى مصر - الجزء الأول - الفصل الأول (البداية )

مرسل: 01 ديسمبر 2008, 1:05 pm
بواسطة المهاجر
السلام عليكم
والله مش عارف يا شباب اشكركم ازاى على الردود الطيبة دى والله بصراحة انا عاجز عن الشكر بس اللى هقدر اعمله هقول اشكرك يا ( محمد - تنهيدة - همسة - وليد ) تحياتى لكم وانتظروا الجزء التانى بعد العشاء النهاردة ان شاء الله او قبل كدا بشوية