المواضيع التى لم يرد عليها | عرض المواضيع النشطة التوقيت الحالى 16 ديسمبر 2018, 1:29 pm





الرد على الموضوع  [ 8 مشاركة ] 

Share |


مسرحية هى دى مصر (الجزء الثانى) 
الكاتب رسالة
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
 مسرحية هى دى مصر (الجزء الثانى)


النهاردة هقدم ليكم الجزء التانى واللى بتدور احداثه حول الحكومة الجديدة واعمالها ومدى تنفذيها لبرنامجها وانجزاتها واثر الانجازات على كل حاجة فى البلد حتى الشباب المستهتر ومنه (العيسوى ) بالاضافة لاهتمام وسائل الاعلام بانجازات الحكومة

الفصل الأول
( الوزارة تبدأ مهام عملها )
رئيس الجمهورية لمدير مكتبه :- أيوة يا محمد إتصلى بوليد عشان الوزارة تيجى تأدى اليمين الدستورى
مدير مكتب الرئيس :- حاضر يا أفندم
مدير مكتب الرئيس لمدير مكتب رئيس الوزراء :- سلام عليكم ابلغ رئيس الوزراء دعوة الرئيس للاجتماع مع الحكومة لاداء اليمين الدستورية
مدير مكتب رئيس الوزراء :- حاضر يا أفندم
مدير مكتب رئيس الوزراء لكل الوزراء فى التليفون :- ندعوا سيادتكم للحضور للاجتماع مع رئيس الجمهورية لاداء اليمين الدستورية
الوزراء :- حاضر
رئيس الوزراء والوزراء عند الرئيس :- السلام عليكم سيادة الرئيس تمنياتنا لسيادتكم بدوام الصحة ونشكركم على ثقتكم فينا
رئيس الجمهورية :- طبعاً أنتوا ادامكم تحديات كبيرة جدا من أزمة عالمية - لتعذيب اقسام الشرطة - لخطر أمريكا - لعمال المحلة - ودا كوم وانا كوم ههههههههههههههه .
الوزراء ورئيس الوزراء :- ههههههههههههه ربنا يخليك لينا يا ريس ونوعدكم اننا نكون على قدر المسئولية
مدير مكتب رئيس الجمهورية :- القاعة جاهزة يا افندم لاداء اليمين
رئيس الجمهورية :- طيب عال يلا يا وليد
رئيس الوزراء :- يلا يا أفندم
مدير مكتب رئيس الجمهورية :- السيد وزير العدل
وزير العدل :- أعاهد الله أن اكون خادم الوطن وأن أكون جنديا وفيا لجمهورية مصر العربية
مدير مكتب رئيس الجمهورية :- السيدة وزيرة الصناعة
وزيرة الصناعة :- أعاهد الله أن اكون خادم الوطن وأن أكون جنديا وفيا لجمهورية مصر العربية
مدير مكتب رئيس الجمهورية :- السيدة وزيرة الثقافة
وزيرة الثقافة :- أعاهد الله أن اكون خادم الوطن وأن أكون جنديا وفيا لجمهورية مصر العربية
مدير مكتب رئيس الجمهورية :- السيد وزير الشباب
وزير الشباب :- أعاهد الله أن اكون خادم الوطن وأن أكون جنديا وفيا لجمهورية مصر العربية
مدير مكتب رئيس الجمهورية :- السيد وزير الدفاع
وزير الدفاع :- أعاهد الله أن اكون خادم الوطن وأن أكون جنديا وفيا لجمهورية مصر العربية
مدير مكتب رئيس الجمهورية :- السيد وزير الخدم
وزير الخدم :- أعاهد الله أن اكون خادم الوطن وأن أكون جنديا وفيا لجمهورية مصر العربية وان اكون تحت اقدام من يخدمون مصر
مدير مكتب رئيس الجمهورية :- السيد رئيس الوزراء
رئيس الوزراء :- أعاهد الله أن اكون خادم الوطن وأن أكون جنديا وفيا لجمهورية مصر العربية
الصحفيون :-
رئيس الحكومة فى اول مؤتمر صحفى بعد أداء اليمين :- أيها الاخوة المواطنون بعد دخول بلدنا مرحلة جديدة بتولى الحكومة الجديدة مهام عملها نعد حضراتكم اننا سنبذل قصارى الجهد لخدمتكم وخدمة الوطن ولكن فلتساعدونا على ذلك
صحفى :- وكيف يمكن للشعب المساعدة سيادة الرئيس
رئيس الوزراء :- دفع الضرائب - متابعة الاولاد فى مراحل التعليم المختلفة - الاجتهاد والاخلاص فى العمل كل فى مكانه
الحكومة الجديدة تعقد أول اجتماع بعد أداء اليمين الدستورية :-
رئيس الوزراء :- نبدأ إجتماعنا إن شاء الله
رئيس الوزراء :- دلوقتى يا ريت كل وزير من السادة يقولنا ويقدم لينا خطته فى وزارته ونبدأ بوزيرة الإقتصاد والصناعة
وزيرة الاقتصاد :- 1- تشجيع الصناعة المحلية بزيادة جودتها
2- ترشيد الإستيراد
3- فتح مراكز التدريب المهنى فى كل أنحاء الجمهورية
4- جلب المستثمرين لبناء المصانع الجديدة
وزيرة القوى العاملة :- 1- العمل على توظيف 100 الف شاب سنوياً 2 - تقليل هجرة الكفاءات للخارج بتوفير المناخ الجيد لهم
3- تحسين الاجور فى القطاعات التابعة للوزارة 4- البحث عن الكوادر العمالية فى القرى والنجوع
وزير خدام مصر :- 1- البحث عن كل من يريد خدمة مصر 2- السير فى الشوارع وتقديم المعونات لعمال البلد فى المصنع والارض
3- تيسير حركة شحنات المواد الخام القادمة للمصانع
وزير الدفاع :- 1- الاعتماد على تصنيع الجيش بسلاح محلى الصنع له نفس كفاءة الخارجى
2- تجهيز قواتنا احدث الاجهزة والمعدات
3- الغاء الواسطة والمحسوبية فى اختبارات الكليات العسكرية
4 - بناء ورش ومصانع تابعة للقوات المسلحة فى كل أنحاء مصر
وزير الشباب :- 1- بناء مراكز شباب جديدة 2- محاولة القضاء على العشوائية الادارية 3- فتح مراكز جديدة لرعاية اطفال الشوارع
رئيس الوزراء :- على بركة الله
وزيرة الصناعة والمتحدث الرسمى باسم الحكومة فى مؤتمر صحفى :-
الوزيرة :- هناخد يا جماعة 4 اسئلة اتنين ذكور واتنين سيدات عشان ما حدش يقول عنصرية أيوة هناك اتفضلى .... انا شوفتك قبل كدا انتى كنتى حاضرة مؤتمر تولى الحكومة مش كدا
الصحفية :- بالظبط يا افندم واسمى هبة الله محمد من مجلة بحب مصر
الوزيرة :- أهلا يا هبة شكلك شاطرة اتفضلى
الصحفية هبة :- اهلا بحضرتك سيادة الوزيرة وسؤالى هو حول ماذا دار الاجتماع الاول للحكومة ؟
الوزيرة :- والله الاجتماع لم يدور على شئ معين ولكنه دار فى جو من الحب والحماس على العمل وكل وزير تفضل بتقديم مشروعاته وخططه للمرحلة القادمة
الوزيرة :- هناك ايوة اتفضل
الصحفى :- محمد محمود مجلة مصر بتحكى أيه وسؤالى ما هو محور إهتمام الحكومة فى المرحلة القادمة
الوزيرة :- اهم المحاور القادمة واللى بتواجهنا هى اصلاح النفوس من الداخل وتجهيزها للعمل الجاد
الوزيرة :- هناك إتفضل
الصحفى :- علمنا سيادة الوزيرة أن هناك مشاكل تواجه قيام الحكومة بمهامها هل الكلام دا صحيح ؟
الوزيرة :- الكلام صحيح ولكن المشكلة مش فى المشاكل لان فى كل مكان مشاكل لكن المشكلة كلها ازاى نواجه المشاكل ونحلها ونحن نسعى لحل المشكلة
الوزيرة :- ايوة اللى هناك ... لا اللى جنبك ..... ايوة اتفضلى
الصحفية :- Mariam from bbc news
الوزيرة :- Welcome mariam
الصحفية :- Thanks and My question is What is the program of corporating with israeil?
الوزيرة :- We won't corpotrate with israeil until the palestines people take their freedom
الوزيرة :- شكراً ليكم وانتهى المؤتمر
صحفى :- سؤال سيادة الوزيرة
الوزيرة :- اسفة يمكنك ارسال استفساراتك على الموقع الالكترونى http://www.egyptwrite.com

الى القاء فى الفصل الثانى

_________________


آخر تعديل بواسطة المهاجر في 03 ديسمبر 2008, 6:33 am، عدل 4 مرات.



01 ديسمبر 2008, 8:18 pm
الملف الشخصى Yahoo الموقع الشخصي
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
مشاركة Re: مسرحية هى دى مصر الجزء الثانى (2) (مثال عمل جاد من الحكومة)


الفصل الثانى
( مثال عملى من داخل الحكومة )
(وزارة الصناعة )

الوزيرة لمدير مكتبها :- عايزة بكرة الصبح تقرير كامل عن مشروعات الوزارة السابقة طول السنين اللى فاتت
مدير المكتب :- حاضر يا افندم
مدير المكتب :- فيه يا أفندم واحد ست غلبانه قاعدة عايزة تقابل حضرتك والله حاولت امشيها وافهمها انك مش موجودة مصرة وقالت هستناها
الوزيرة :- وترجعها ليه يا غبى دول أهلنا وناسنا واحنا ما نساويش حاجة من غيرهم واحنا هنا عشانهم
مدير المكتب :- أسف يا أفندم
الوزيرة تسابق الزمن للوصل للباب :- أسفة يا امى اتفضلى
الست الغلبانة :- والنبى يا بنتى توصلينى للوزيرة عايزة اقابلها والاستاذ مش عايز يوصلنى ليها
الوزيرة :- انا الوزيرة يا امى تعالى
الست الغلبانه :- ربنا يجعلك فى كل خطوة سلامة ربنا يفرحك ويسعدك قادر يا كريم
الوزيرة :- ربنا يخليك يا امى من زمان ما سمعتش دعوة زى دى من حد ما اعرفوش
الوزيرة :- ايه المشكلة يا أمى
الست الغلبانة :- والله يا حضرة الوزيرة انا ست من الشرقية مات جوزى فى الحرب وعندى 15 ابن منه 7 ولاد و 8 بنات والولاد فيهم 3 معوقين و 4 بيتعلموا وواحد خريج كلية هندسة ومش لاقى شغل كنت بتمنى من سيادتكم تعينيه يصرف على اخواته ربنا يخليك
الوزيرة :- بس من غير حضرة الوزيرة ولا القاب انا اسمى تنهيدة يا امى واوعدك انى هشكل لجنة تشوف اوضاعكم وان قالت يستحق فعلا تاكدى انه هيتعين تانى يوم الصبح
الست الغلبانة :- ربنا يخليك ربنا يكرمك يا رب ما تنامى تعبانة ولا قرفانة ولا من عشتك زهقانة قادر يا كريم
الست الغلبانة تحاول تقبيل يد الوزيرة :- ربنا يسعدك يا رب
الوزيرة :- العفو يا أمى انا زى بنتك
الوزيرة لمدير مكتبها :- اتصلى بوكيل الوزارة فى الشرقية عايزاه فى اجتماع
مدير المكتب :- حاضر يا افندم
مدير مكتب الوزيرة لمدير مكتب الوكيل :- سلام عليكم معاك مدير مكتب الوزيرة
مدير مكتب الوكيل :- وزيرة ( يا لهوى )
مدير مكتب الوزيرة :- نعم - بلغ الوكيل ان الوزيرة طلباه فى اجتماع اخر النهار
مدير مكتب الوكيل :- اجتماع - وأخر النهار بس دا دا دا بيصيف فى اسكندرية
مدير مكتب الوزيرة :- أوك اشكرك
مدير مكتب الوزيرة :- وكيل الوزارة بيصيف يا افندم
الوزيرة :- نعم بيصيف وسايب شغله جهزلى قرار بفصله من العمل وتحويله للتحقيق مع تولى مدير المديرية المهمة
مدير مكتب الوزيرة :- حاضر يا أفندم
الوزيرة :- ونزلى القرار على الموقع دا http://www.egyptwrite.com
مدير مكتب الوزيرة :- حاضر يا أفندم

هنا ينتهى الفصل الثانى انتظروا الفصل الثالث الان فى الرد التالى

_________________


آخر تعديل بواسطة المهاجر في 02 ديسمبر 2008, 7:53 am، عدل 1 مرة.



01 ديسمبر 2008, 8:37 pm
الملف الشخصى Yahoo الموقع الشخصي
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
مشاركة مسرحية هى دى مصر (الجزء الثانى )


الفصل الثالث
( مجهودات الحكومة تؤتى ثمارها )


الصعيدى :- شوفت يا هانى الواد احمد عامل ايه مع الحكومة الجديدة
هانى :- شوفت يا عم دى ما طلعتش حكاية اكاديمية ادبية بس دى طلعت منظمة ثورية هههههههههه

عبد المعطى :- ههههههههه فين العيسوى التافه يتفرج
العيسوى من بعيد :- مين بيجيب فى سيرتى وما حدش يقولى الواد احمد عمل ايه عشان عارف
الصعيدى :- بس قولولى مين فيكوا حاسس بالمجهود بتاع الحكومة الجديدة
هانى :- والله يا صعيدى أقرب مثل انى ما بقتش اخرج وبقيت اذاكر كتير عشان انجح والاقى شغل فى البلد
الصعيدى :- وإنت يا عيسوى
العيسوى :- مع أنى كنت مش مقتنع بموضوع الاكاديمية دا وبالقصة من اولها بس باين اوى انهم بيحبوا البلد دى يعنى مثلا عزبة الزناتى دخل ليها مجارى وكانت الوزيرة نفسها هى اللى مشرفة عليها
الصعيدى :- وعبد المعطى حاسس ايه
عبدالمعطى :- لا انا شايف انا كل واحد بقى عايز يشتغل ويعمل حاجة
الصعيدى :- انا بقى شايف اهم حاجة عملتها انها خلت الناس تحب البلد بجد ويبقى عندها امل فى بكرة
هانى :- بيقولك فيه بكرة مؤتمر للاعلان عن انجازات الحكومة وكل وزير هيقول عمل ايه فى وزارته
العيسوى :- والله خلاص يبقى نتفرج عليه مع بعض ايه رايكم
الصعيدى :- ماشى
هانى :- وماله
مؤتمر الحكومة للإعلان عن الانجازات :-
رئيس الوزراء للصحفيين :- طبعاً احنا داعيناكم النهاردة عشان نقولكم ايه اللى تم واللى لسة ما تمش وكل وزير المفروض انه كان يقول ايه تم وايه لا ولكن لضيق الوقت والتحضير لاجتماع مجلسى الشعب والشورى لمحاسبة الحكومة هنضطر اسفين لاخذ مثالين فقط من الحكومة وهناخد وزير العدل ووزيرة القوى العاملة

وزير العدل :-أيه تم : 1-محاكمة كل المتورطين فى قضايا الفساد فى البلد 2 - تمكين القضاة من تادية عملهم فى الانتخابات 3- محاكمة المتورطين فى التعذيب فى اقسام الشرطة 4- محاكمة المتورطين في ( احتكار الحديد - العبارة - القطر.... الخ ) 5- بناء المحاكم الجديدة فى المراكز المصرية

أيه لسة ما تمش : 1- محاسبة المتوطين فى حريق الشورى 2- محاسبة المسئولين عن انهيار البورصة
وزيرة القوى العاملة :- ماذا تم : 1- تعيين 75 الف شاب فى وظائف مختلفة 2- استرجاع 12 الف عالم مصرى يعملون فى الخارج 3- زيادة فرص العمل للعام المقبل 150 الف فرصة بنسبة زيادة 50 % عن النسبة المقررة
ايه لسة ما تمش : 1- 25 الف فرصة عمل لم توزع بعد 2- سفر 2000 عالم مصرى كان مقرر ليهم الاشتراك فى ابحاث علاج انفلونزا الطيور مرشحين من قبل منظمة الصحة العالمية

رئيس الوزراء للصحفيين :- نشكركم وناسف ولكن يمكنكم متابعة انجازات الحكومة من خلال الموقع http://www.egyptwrite.com
الحضور :-

هنا ينتهى الفصل الثالث انتظروا الفصل الرابع فى الرد القادم

_________________


01 ديسمبر 2008, 9:04 pm
الملف الشخصى Yahoo الموقع الشخصي
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
 مسرحية هى دى مصر (الجزء الثانى)


الفصل الرابع والاخير فى الجزء
( انجازات الحكومة فى وسائل الإعلام )

عم محمد جار وزير خدام مصر فى البلد :- يااااااااااه دى كلها انجازات والله ورفعت راسنا يا ابن الصياد
الصعيدى :- شوفتوا الإنجازات أد ايه
هانى :- واهم حاجة مبدأ الصدق والشفافية
العيسوى :- بالظبط يا هانى
عبد المعطى :- لما نشوف بقى وسائل الاعلام هتقول ايه
هانى :- صحيح استنوا هروح اجيب الاب توب بتاع الواد احمد عبد العزيز ونشوف المانشتات بتاعة الصحف عن الخبر والانجازات
الصعيدى :- تب بسرعة
هانى :- إن شاء الله
هانى بعد الوصول باللاب توب :- بسم الله سلام عليكم
العيسوى :- افتح يالله
الصعيدى :- بيقول ايه يا هانى اول خبر
هانى :- من جريدة بحب مصر الماشيت بتاعها ( حكومة وليد خلت مصر عيد )
عبد المعطى :- صدقت والله يا عم فعلا عيد
العيسوى :- فيه ايه تانى
هانى :- جريد بلدى الجديدة بتقول ( مع حكومة وليد دخلنا عصر جديد )
عبد المعطى :- كمل
هانى :- جريدة بتحب مين بتقول ( وليد قال بالبنط العريض ميزانية مصر لازم تفيض )
العيسوى :- حلوة تفيض دى الصحف يا جدع عليها شوية كلام
الصعيدى :- ها كمل
هانى :- جريدة واشنطن بوست بتقول Egypt is flying away with her income
عبد المعطى :- ترجم يا اخ
هانى :- يعنى مصر تحلق بعيدا بإقتصادها
الصعيدى :- طيب استنوا لما نشغل الراديو كدا
هانى :- تب هات اذاعة شباب مصر كدا
الصعيدى :- ماشى
الإذاعة :- مصر على اعتاب عصر جديد بحكومة وليد ونذيع عليكم التفاصيل بعد المسلسل الاذاعى
عبد المعطى :- احنا لسة هنستنى شوف غيره يا عم
العيسوى :- شغل التلفزيون
هانى :- احنا ولاد حلال على الجزيرة على طول كدا
المذيع :- مصر نحو طريقها لسيادة العالم هكذا كان المؤتمر الصحفى لحكومة مصر والذى قال فيه رئيس وزراء مصر ان مصر دخلت عصر التكنولوجيا والصدق مع النفس وبلا عودة وقال أيضا ان الموقع الخاص بالحكومة وعنوانه http://www.egyptwrite.com سوف يكون شاهدا على العصر الجديد ...........
الكل فى نفس واحد :- يا ادى النيلة الكهربا قطعت
العيسوى بعد إنقطاع الكهرباء :- طول عمركوا عيال نحس انا قولت والله من الاول البلد دى مش هتتصلح
الصعيدى :- بكرة السبت يا عيسوى

هنا انتهى الفصل الرابع ومعه انتهى الجزء الثانى والى اللقاء والجزء الثالث

_________________


01 ديسمبر 2008, 9:29 pm
الملف الشخصى Yahoo الموقع الشخصي
أكاديمى نشيط
أكاديمى نشيط

الصورة الشخصية للعضو

مشاركات:
261
مشاركة Re: مسرحية هى دى مصر (الجزء الثانى)


بجد يا احمد جميلة جداجدا جدا الى ابعد الحدود و الجميل فيها اكثر الردود و المنشتات بصراحة عجبتنى جدا بصراحة انا منتظر الجزء الثالث على احر من الجمر بس خف شوية من موضوع الحكومة ليفتكرونا بنحضر لانقلاب هاهاهاهاهاههااهاههاهاهاه و نروح كلنا سينما امن دولة الفلم الى بالالوان و اخره ابيض و اسود هاهاهاهاههاهااه ربنا يسطر بس ولا يهمك من اول قلم هعترف عليك هاهاهاههاهاهاو مع تحياتى و كل سنة وانتا طيب

_________________
ابن مصر
على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء
----------------------------------------
يالا يا مصرى نشترى المنتج المصرى
--------------------------------




02 ديسمبر 2008, 9:43 am
الملف الشخصى
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
 Re: مسرحية هى دى مصر (الجزء الثانى)


هههههههههههههه وانت طيب يا معلم وشكرا ليك بس لولا انى مش عايز احرق الجزء الثالث كنت قولتلك انه كله حكومة ولبش ايه بقى من اللى يحبه قلبك يعنى مدة الفيلم هتكون 2ساعتين او بتاع

_________________


02 ديسمبر 2008, 4:22 pm
الملف الشخصى Yahoo الموقع الشخصي
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: مسرحية هى دى مصر (الجزء الثانى)


مبروك الجزء التانى يا أحمد...وطبعا انت عارف وليد اكيد مابحبش اجامل واصقف اوكده من غير ما اقول رأيى فى العمل بكل صراحة..
أولا: اليمين اللى كتبته " أعاهد الله أن اكون خادما للدين والوطن وأن أكون جنديا وفيا لجمهورية مصر العربية "
سؤال بس يا أحمد...انهى ( دين ) ؟؟ يعنى أنا مسلم مصرى؟ فيه مسيحى مصرى ولا لأ؟ يبقى أنت قصدك الدين المسيحى ولا الدين الإسلامى.....؟ خد بالك من الفكرة دى أوى...انا متوقع انك اكيد كتبتها كده كتخيلك لليمين هيبقى شكله ايه عشان تستخدمه فى مسرحيتك...لكن حتى لو كانت مسرحية كوميدية لازم تاخد بالك من نقطة خطيرة زى دى...الدين لله والوطن للجميع يا أحمد..يعنى لو كنت عايز تخلى اليمين صح كان ممكن ( أعاهد الله أن اكون خادما لله والوطن وأن أكون جنديا وفيا لجمهورية مصر العربية ) مثلا...لكن انك تقول الدين فده ماينفعش ابدا لأنك فى بلد بيعيش فيها مسيحين ومسلمين بكل حب ومش عايزين الحب ده يأثر عليه أى حاجة حتى لو كلمة فى عمل كوميدى...وحتى لو كانت الأكاديمية اغلبيتها مسلمة...ارجو تكون وصلتلك اهمية النقطة دى يا أحمد..الدين لله والوطن للجميع..
بالنسبة لباقى الجزء كويس اوى وعجبنى حوارك الخيالى عن انجازات لحكومة لأن ده اكيد تخيلنا كلنا للحكومة الحالية فى مصر وتخيلنا لبلدنا اللى أنت عايزها تبقى : هى دى مصر...وبردو يارب الفكرة دى توصل للكل كده...لأحسن زى ما محمد قال حد يفتكر ان احنا بنخطط لثورة وانقلاب....وحاول يا أحمد تخف من الكلام عالحكومة بشكل عام اوى فى الجزء الجاى...مش عايزين يعنى نمس اى حد من غير مانحس..أو ممكن الإدارة تضايق من العمل...وأنت مشرد اسم وليد فى كل المانشتات والتلفزيون ورئيس الوزراء وبتاع يعنى انا الراس الكبيرة بتاعة التنظيم على رأى محمد ربنا يستر علينا يا أحمد ونقضى العيد ده فى بيوتنا

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



02 ديسمبر 2008, 10:21 pm
الملف الشخصى
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
مشاركة Re: مسرحية هى دى مصر (الجزء الثانى)


اولا بشكركم جميعا
ثانيا بالنسبة لنقطة الدين دى يا وليد فانا فعلا كنت حيران فيها بس قولت بما ان الاكاديمية اغلبها مسلمين لحد دلوقتى او كلها اعتقد فقولت يبقى الدين لحين لو جه واحد مسيحى هتبقى المسرحية قدمت وفيه مواضيع تانية جديدة وكلن هعدلها دلوقتى
ثالثا بقى موضوع انى بتكلم على الحكومة انا مش بعارض الحكومة ولا حاجة وبالعكس حكومتنا الحالية من انجح الحكومات فى تاريخ فى مصر انا بس ولو تلاحظ فى اول المسرحية قولت مسرحية هنعمل فيها حكومة ولو صورية يعنى انا بتمنى ان اشوف مصر كدا وبقول ان نتاج ان مصر تكون كدا هيبقى ان مصر هتكون اول دول العالم زى ما قال مذيع الجزيرة فى اخر مانشت او خبر صحفى لما قال مصر فى طريقها لتسود العالم بس مش اكتر
رابعا بقى عشان اخف على الحكومة شوية وانا اصلا مش بتكلم عليها يبقى كدا مش هينفع يتكتب الجزء الثالث وانا كدا هتضطرنى احرق الجزء الثالث لان الجزء الثالث هيدور حول ان الحكومة الجديدة بعد الانجازات دى على اعتباب الانتخابات وازاى ان النجاح بيولد الثقة داخل الناس فبيخلى الناس تختار الحكومة الحالية بدون ما تفكر في غيرها وازاى ان الانتخابات هتيجى بناس جديدة مع عدم تغيير كامل للحفاظ على الشكل العام وبعد كدا هييجى الجزء الرابع ويقول ان ازاى انجازات الحكومة غيرت فىالشباب وخلتوا عندوا حماس للشغل وبعدين ييجى الجزء الخامس بان الحكومة هتسلم الراية كاملة لناس جديدة ويبقى فيه رئيس جمهورية جديد ورئيس حكومة جديد والجزء السادس هيتكلم عن سيادة مصر للعالم بعد الشغل اللى عملته دا بس ولا اكتر ولا اقل يعنى الموضوع كله تصور لمصر مش اكتر

_________________


03 ديسمبر 2008, 6:27 am
الملف الشخصى Yahoo الموقع الشخصي
عرض المشاركات السابقة منذ:  مرتبة بواسطة  
الرد على الموضوع   [ 8 مشاركة ] 



المتواجدون الأن

الأعضاء المتصفحون لهذا القسم لا يوجد أعضاء متصلين و 1 زائر


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

cron
Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter