المواضيع التى لم يرد عليها | عرض المواضيع النشطة التوقيت الحالى 21 يونيو 2018, 11:50 am





الرد على الموضوع  [ 6 مشاركة ] 

Share |


هى دى مصر ( الجزء الثالث ) الفصل الأول 
الكاتب رسالة
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
مشاركة هى دى مصر ( الجزء الثالث ) الفصل الأول


بعدطول حديث مع النفس وبعد طلب الاعضاء الابتعاد قليلا عن الحكومة فى الجزء الثالث منالمسرحية وجدت انى انا لازم اكتب الجزء واكتب بكل صراحة عشان بلدنا تبقى احلىواحلى وطول ما فيه حرية فى الرأى يبقى فيه تقدم وحضارة وبعد اخذ رأى الادارة عشانكدا هكتب الجزء التالت والجزء الثالث بتدور احداثه حول انجازات الحكومة قبيلالانتخابات الرئاسية والبرلمانية
الفصل الأول
(التجهيز للإنتخابات )


إجتماعللحكومة للترتيب للإجراءات النهائية للانتخابات :-
رئيسالوزراء :- ايه يا محمد أخر إجراءات وزارة العدل يا محمد للانتخابات
وزيرالعدل :- تم تعيين 700 قاضى لجنة رئيسية و 1500 قاضى لجنة فرعية
رئيسالوزراء :- كويس وايه الاخبار فى وزارة الداخلية
وزيرالداخلية :- تم توزيع اكثر من 2000 ظابط وامين شرطة على اللجان لتأمين العمليةالأنتخابية كما تكليف عمداء القرى التى توجد بها لجان فرعية بالإشراف على مداخلاللجان
رئيسالوزراء :- بس كدا
وزيرالداخلية :- لا يا افندم الوزارة قامت بتجهيز اكثر من 20000 صندوق زجاجى شفافللانتخابات
رئيسالوزراء :- كويس ماشى عال العال وانتى يا تنهيدة اخبار الموقع اللى هيتابعالصحفيون ووسائل الاعلام من عليه عملية الانتخاب وفرز الاصوات .
وزيرةالصناعة والمتحدثة بأسم الوزارة :- الموقع إن شاء الله يكون بكرة خلصان يا افندموهيكون فيه باب للإستفسارات والشكاوى العاجلة وكمان يا افندم فيه معلومات عن ال2000 مرشح المرشحين للانتخابات وكل مرشح ليه صفحة مخصصة لمعلومات عنه وعن حملتهالانتخابية وفيها رابط للمرشح المنافس ليه
رئيسالوزراء :- جميل اهم حاجة الشفافية يا جماعة عايزين العالم كله يحكى بانتخاباتنا
المتحدثةالرسمى باسم الوزارة فى مؤتمر صحفى بعد الاجتماع :
الوزيرة:- أناموجودة هنا للإجابة على إستفساراتكم وأسالتكم بدون التفاف او غموض والاجابةهتكون صريحة وواضحة

، ناخد اول سؤال –أيوة اتفضل
الصحفى:- السيد على من مجلة كل يوم
الوزيرة:- اتفضل بس يا ريت يا جماعة كل واحد يقول سؤال واحد وبسرعة عشان ناخد اكبر قدر منالأسئلة
الصحفى:- ما هى إجراءات الحكومة لضمان مرور الانتخابات بشكل نظيف وبدون تزوير
الوزيرة:- تم تعيين 700

قاضى لجنة رئيسية و 1500لجنة فرعية وتم توزيع صناديق زجاجية شفافة

وتم تعيين اكثر من 2000 ظابط وامين شرطة لتامين اللجان .
صحفىآخر :- ما هو دور وزارة الداخلية فى الانتخابات دى سيادة الوزيرة ؟
الوزيرة:- زى ما قولت فى اجابتى على السؤال الاول هيكون دورها الحفاظ على أمن اللجانوالسعى نحو خروج الانتخابات بدون اى مشاكل
صحفيةأخرى :- ولكن يا سيادة الوزيرة فيه تخوف من تدخل الاجهزة الامنية فى الانتخاباتلصالح مرشحين على حساب اخرين
الوزيرة

:-
أنا قولت ان فيه 700 قاضى لجنة رئيسية و1500 لجنة فرعية يعنى تقريبا 2200 قاضى وعشان اريحك برضه اى مخالفات هتثبت هنقومبعزل القائم بيها من وظيفته اى كان هو مين .
الحضور:-
صحفية:- سيادة الوزيرة هل من الممكن ان الحكومة الحالية تمشى بانجازاتها وتأتى اخرى ؟
الوزيرة:- ليه لأ لان دا اختيار الشعب والشعب هو اللى هيقول دا يفضل ودا يمشى .
الوزيرة:- واى إستفسارات يا جماعة إن شاء الله هتلاقوها على الموقع دا

www.egyptwrite.com

_________________


10 يناير 2009, 11:10 pm
الملف الشخصى Yahoo الموقع الشخصي
مشرفة قسم إهداء إلى

الصورة الشخصية للعضو

مشاركات:
151
الإسم الحقيقى:
سها محمد حسن
الحكمة المفضلة:
من الذكاء ان تكون غبيا بعض الوقت
حالة التأكيد:
كاتب موثوق و مؤكد هويته
مشاركة Re: هى دى مصر ( الجزء الثالث ) الفصل الأول


فكره حلوه.بس واضح انك بقيت بخيل

_________________
cowards die many times before thier dies


10 يناير 2009, 11:35 pm
الملف الشخصى
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
 Re: هى دى مصر ( الجزء الثالث ) الفصل الثانى


الفصل الثانى
( الإنتخابات البرلمانية )
يوم 6/ 10 / 2090

اللجنة الوزارية المكلفة بمتابعة الانتخابات والمكونة من وزراء العدل والداخلية والصناعة ( المتحدث الرسمى ) تعقد إجتماعها صبيحة الإنتخابات :-

وزير العدل :- ايه الاخبار يا جماعة
وزير الداخلية :- الامور تسير بشكل هادئ بدون أى مشكلات وتم الانتهاء من توزيع اوراق الاقتراع على اللجان فى تمام الساعة الثامنة من مساء امس
وزيرة الصناعة والمتحدث الرسمى :- الموقع الذى تم انشاءه لمتابعة العملية الانتخابية جاهز وتم الانتهاء منه والمؤشرات بتقول ان فيه اعداد كبيرة من الناخبين تدلى باصواتها اليوم
وزير العدل :- واحنا كمان فى الوزارة انتهينا من توزيع القضاة على اللجان واعتقد انهم وصلوا بالفعل للجان الانتخابية
وزير الداخلية :- هيفتح باب الاقتراع بعد ربع ساعة من دلوقتى
وزارة الصناعة :- واحنا على اتم الاستعداد لأى طارئ
وزير العدل :- إذا على بركة الله
من داخل أحد اللجان الإنتخابية :-
القاضى :- يا جماعة احنا عايزين زى ما الناس حاسة بالانتخابات دى وفرحانة بيها لازم نأكد ليهم الاحساس دا واحنا هنا لخدمة الناس واى حد محتاج حاجة مش هنتأخر عنه
عضو لجنة الاقتراع :- حاضر يا افندم وربنا يوفق
القاضى مخاطباً أمين الشرطة بإرسال أول الناخبين :- الساعة دلوقتى يا جماعة 8 ودا وقت بداية الانتخاب يا ريت تبعت الناس
الامين :-يا افندم هنبعت الناس بالدور ولا مجموعات
القاضى :- واحد واحد عشان نقدر نتحكم فى العملية وما يحصلش مشاكل
الأمين :- بالنسبة يا افندم فيه برة مناديب المرشحين بيوزعوا دعايا انتخابية ادام اللجنة
القاضى :- عملية الدعاية الانتخابية انتهت من امبارح مش عايز اى دعايا انتخابية ادام اللجنة
الامين :- حاضر يا افندم
القاضى مخاطبا مناديب المرشحين الموجودين فى اللجنة :- ايه يا جماعة دلوقتى انتوا خالفتوا الدستور والقانون استبعدكم ولا ايه
المناديب :- يا افندم دى ناس بتعبر عن حبها للمرشح بس مش اكتر فحبت تدعمه
القاضى :- تب اتفضل انزل بلغهم قرارى تعليق العملية الانتخابية لحد ما تقف عمليات الدعاية
المندوب :- حاضر يا افندم
مندوب تلفزيون المصريين فى تقريره الاخبارى :- زملائى الاعزاء فى الاستوديو السلام عليكم ورحمة الله وبركاته احدثكم من هنا محمد على من أمام لجنة مدرسة كفر بدران الابتدائية والتى تجرى فيها الانتخابات بين 8 مرشحين منهم 3 على مقعد الفئات و 5 على مقعد العمال واللافت للنظر وجود 2 أشقاء بيتنافسو على مقعد العمال وكمان فيه حاجة حابب انوه عنها ان ابن عم وزير خدم مصر داخل الانتخابات ضمن المرشحين على مقعد الفئات علشان كدا هنا نقدر نقول فيه اجراءات صارمة لكى تتكافئ الفرص بين جميع المرشحين .... كان معكم محمد لموجز أنباء العاشرة - تلفزيون المصريين
أحد القنوات الفضائية المعروفة بحبها للإثارة السياسية :- توجه اكثر من 120 مليون مصرى اليوم الى صناديق الاقتراع لاختيار مرشحيهم فى الانتخابات البرلمانية والتى يتنافس فيها كل الاحزاب السياسية والمستقلين ولكن تبدو فرصة الحزب الحاكم اقوى للفوز بالانتخابات فى ظل الانجازات التى حققتها حكومته خلال الخمس سنوات الماضية ومعنا من القاهرة الزميل هيثم ابو الليل ليطلعنا على تقريره بخصوص الانتخابات المصرية.
هيثم أبو الليل :- السلام عليكم ورحمة الله وبركاته زميلتى صفية بنت الشيخ بالفعل انها احدى اهم ان لم تكن اهم انتخابات تعيشها مصر فى تاريخها فمنذ وقت طويل لم تشهد اى انتخابات مصرية هذا الاقبال غير المسبوق ولعل السبب فى هذا العدد الهائل من الناخبين هو ارادة الشعب فى التعبير عن تأييده للحكومة المصرية فى انجازاتها سواء على المستوى الاقتصادى او الاجتماعى ، واللافت للنظر ايضا وجود العشرات بل الالاف ممن هم فى سن حديثة من الانتخابات اى نستطيع القول انهم سنة اولى انتخاب ودا ان دل على شئ فيدل على مدى النجاح والتطور الذى تشهده مصر فى ظل الحكومة الحالية واثره على جميع الفئات العمرية ومعنا احد المواطنين والذى أدلى بصوته للتو ليخبرنا عن رأيه فى الانتخابات
هيثم أبو الليل :- نتعرف بأسمك
المواطن :- محمد سعيد
هيثم ابو الليل :- قولى يا اخ محمد ايه اللى خلاك تيجى الانتخابات النهاردة
الموطن :- والله حسيت بالجميل والواجب انى اجى اخدم مصر لان صوتى هيساعد فى تقدم مصر وزيادة نهضتها
هيثم ابو الليل :- ازاى اخ محمد
المواطن :- والله صوتى ان اديته للشخص الصحيح يبقى خدمة البلد فلازم ادى صوتى وخصوصا وانه كل الناس دلوقتى بتسعى لخدمة مصر
هيثم ابو الليل :- هل هناك اى مشاكل واجهتك فى الادلاء بصوتك
المواطن :- الناس زى الفل وشالونى على راسهم من فوق واحب اوجه كلمة للسيد الرئيس بنحبك يا ريس ومستنيين اللى جاى
هيثم ابو الليل :- شكراً
هيثم ابو الليل :- زميلتى صفية يبقى فقط الاشارة الى ان انباء جائتنا بحدوث مشادات بين انصار بعض المرشحين فى احد دوائر محافظة الشرقية واستخدمت فيها النيران
صفية بنت الشيخ :- إذا هيثم سنبقى على تواصل معك وللسادة المشاهدين متابعتنا فى التغطية المتواصلة للانتخابات المصرية .
وزيرة الصناعة والمتحدث الرسمى فى مؤتمر صحفى :-
الوزيرة :- يا جماعة احنا مش هنستقبل اسئلة ولكن احنا هنقول بس الاحصاءات الحالية للعملية الانتخابية
احد الصحفيين :- ولكن سيادة الوزيرة نريد ان نعرف حقيقة الانباء الواردة بان هناك مشادات حدثت بين انصار احد المرشحين واخر واستخدمت فيها النار
الوزيرة :- والله ما فيش تأكيدات بكدا واحب انوه انه لو حصل فدا شئ عادى ولكن اللى مش عادى ان المشاجرات دى تحصل ادام اللجان وعشان اريحك برضه القانون بينص على معاقية المرشحين الذين يستخدم مناصريهم النار او يقومون بمشاجرات قد تؤدى الى افساد جو العملية الانتخابية وقد تصل هذه العقوبة لحد الاستبعاد من الانتخابات
الصحفيين :-
الوزيرة :- بلغ عدد الناخبين حتى الساعة 3 عصراً عدد 87 مليون ناخب من جملة 120 مليون والتوقعات تشير اللى الوصول للرقم 105 مليون الانباء اللى جاية من مندوبى اللجنة المشكلة لمتابعة الانتخابات بتقول ان اكبر عدد للناخبين فى محافظة اسوان ومرسى مطروح - قامت المحكمة الادارية باستبعاد 15 مرشح لعدم استيفائهم للشروط - تغلق ابواب اللجان عند الساعة 7 ويخول للقاضى مد فترة الاقتراع لمدة ساعة ولا تزيد عن ساعتين فى حالة كان الاقبال كبيراً على الاقتراع - تعلن النتائج صباح غد فى مؤتمر صحفى
احد القضاة الساعة 6.50 دقيقة مساءً :-
القاضى :- ايه الاخبار برة يا احمد
الظابط أحمد :- فيه اعداد كبيرة من الناخبين مستنية برة
القاضى :- تب جهزولى محضر مد فترة الانتخاب ساعة واحدة
مناديب اللجنة :
- حاضر يا افندم
الساعة 7.50 القاضى :- ايه يا احمد لسة فيه كتير
احمد :- لا هما حوالى 50 ناخب
القاضى :- يا دوب على 10 دقايق دول
8.00 مساءً القاضى :- تم إغلاق باب الاقتراع
القاضى :- فين عربية الصناديق
الظابط احمد :- موجودة برة وعيها حراسة من غفر البلد ومصاحب ليها سيارة تأمين طريق
القاضى :- طيب الشمع الاحمر بقى
فى لجنة فرز الاصوات قاضى اللجنة :- يا جماعة انا مش هقول لكم أكتر من اتقوا الله
الوزيرة فى مؤتمر صحفى لإعلان النتائج :- فى اطار الانتخابات البرلمانية التى جرت أمس اسفرت عن النتائج التالية فوز 434 عضو منه 250 عضو حزب ديمقرطيتنا طريقنا ( الحزب الحاكم ) و 150 من احزب المعارضة حياة وحزب مصر لينا وحزب هى كدا و 34 مستقلين
الوزيرة :- وتنشر أسماء المرشحين الفائزين على الموقع التالى http://www.egyptwrite.com

_________________


11 يناير 2009, 12:10 am
الملف الشخصى Yahoo الموقع الشخصي
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
مشاركة Re: هى دى مصر ( الجزء الثالث ) الفصل الثالث


الفصل الثالث
( الانتخابات الرئاسية )
الرئيس فى اجتماعه مع الحكومة بعد مرور سنتين على الانتخابات البرلمانية وقبل الانتخابات الرئاسية ب 6 شهور :-
الرئيس :- يا جماعة احنا عايزين نحافظ على الانجازات اللى حققناها وعلى الصورة بتاعة انتخابات المجالس البرلمانية
رئيس الوزراء :- يا افندم كل حاجة ماشية زى ما هو مخطط وموضوع
الرئيس :- انا مش عايز كلام روتين انا عايز انام وانا مطمن ان ما فيش هفوة
رئيس الوزراء :- حاضر يا افندم
الرئيس :- ايه الاخبار فى وزارة الداخلية
وزير الداخلية :- تقدم يا افندم للانتخابات حوالى 60 مرشح يا افندم وجارى بحث الحالة الجنائية لكل مرشح لاستيفاء الشروط
الرئيس :- مش عايز اى شكاوى
وزير الداخلية :- اوامر سيادتك
وزير العدل :- أحب اقول لسيادتكم بعد اذنك ان احنا خصصنا مبلغ 20 مليون جنيه لكل مرشح من المرشحين بعد تصفيتهم ل 40 وكل مرشخ من المرشحين هيكون له نفسى الوقت فى الدعاية من خلال شاشات التلفزيون الحكومى واعددنا يا افندم خطة عمل متكاملة للانتخابات فى انتظار تصديق سيادتك عليها
الرئيس :- انا مش عايز حد يرجعلى فى حاجة كل واحد ادرى بشغله ولكن اى تجاوزات هتثبت انا مش هرحم
الوزراء :- حاضر يا افندم
وزيرة الصناعة :- ولكن يا افندم ليه حضرتك ما تقدمش بترشح نفسك
الرئيس :- والله انا عايز اخلى مجال للاجيال اللى جاية تعيش الحياة السياسية
وزير الاعلام :- بس يا افندم فى استطلاعات الرأى رأينا ان اكثر الناس عايزين حضرتك
الرئيس :- الناس هييجى ليها وقت وتختار وانا بفكر انى انزل ولكن ليس بقوة الاخرين
الوزراء :-
الوزيرة فى مؤتمر صحفى للاعلان عن عدد المرشحين :-
الوزيرة :- هيتنافس على الانتخابات الرئاسية 40 مرشح منهم 10 مستقلين - تجرى الانتخابات فى يوم 6/ 10 القادم
احد الصحفيين :- سيادة الوزيرة سمعنا من الرئيس الحالى لن يخوض الانتخابات القادمة
الوزيرة :- بالفعل قد كان الرئيس لا ينوى النزول فى الانتخابات ولكنه نزولا لرغبة الشعب قرر النزول للمعركة ولكن بدون نفس قوة المرشحين الاخرين ولكن بقوة اقل
الصحفيين :-
الوزيرة :- تبدأ الحملات الانتخابية للمرشحين من الاسبوع القادم
احدى الصحفيات :- سيادة الوزيرة هل لكى أن تبلغينا ماذا تمثل لكم الانتخابات القادمة بعد نجاح انتخابات البرلمان
الوزيرة :- شوفى الانتخابات الرئاسية دى تأكيد لجدارة وجدية العمل من اجل المصلحة العليا للوطن
الوزيرة :- واحب اقول كمان مهما حاولت ايادى المتربصين العبث بمصر فاقول لكم سنقطع ايديهم
المرشحين يبدأون حملاتهم الانتخابية :-
مرشح حزب طالبى العلا فى مقابلة تلفزيونية على التلفزيون الحكومى :-
المزيع :- دكتور اسماعيل السؤال البديهى الاول واللى بيطرح نفسه ليه قررت تخوض الانتخابات .... رغم نزول الرئيس الحالى لها ؟
المرشح :- شوف يا سيدى انا مصرى وبحب مصر وشايف ان عندى افكار تساهم فى زيادة النهضة الحديثة لمصر ولقيت انه من الخطأ انى اكتم الافكار دى فحبيت اطرحها للناس من خلال الانتخابات تقول فيها رأيها ام بالنسبة لنزول الرئيس الحالى فيها فالشعب واعى ويختار الاصلح والرئيس الحالى قام بانجازات لا ينكرها الا جاحد ولكن كما قولت انا نزلت للمعركة لاقدم افكارى ومن يرى الشعب ان افكاره الاصلاح فله الاختيار .
المذيع :- معنى هذا الكلام انك لو لم تفز فى الانتخابات ستخبئ افكارك فى درج مكتبك
المذيع :- لا ... فهذه الافكار لخدمة مصر وليست لخدمة حملتى الانتخابية فأى كان من يفوز سأقدم له التهنئة باليد اليمنى وباليد اليسرى اقدم له افكارى فلو عمل بيها كتر خيره ما عملش يمكن هو شايف ان عنده الاصلح
المذيع :- ارى من كلامك انك واثق فى نفسك او اعذرنى لو قولت مغروراً ....
المرشح :- لا وبصراحة انا اثق فى نفسى ثقة عمياء ولكنها لم تدفعنى لحد الغرور فمصر ولاد واعتقد انى ممكن اجيب طفل من المدرسة الابتدائية يقول افكار احسن من افكارى ولكنها الفرص
المذيع :- ماذا تقول للمرشحين الاخرين
المرشح :- اقول لهم دعوا مصر نصب اعينكم لا تنظروا لمرشح او اخر فهدفنا جميعا مصر ... مصر فهى امانة بين رقابنا جميعاً
المذيع :- كلمة توجهها للشعب
المرشح :- وجهوا صوتكم لمن ظننتم ان فيه خيركم
المذيع :- الدكتور اسماعيل اشكر حضرتك لحضورك اللقاء برغم مشاعل الحملة الانتخابية واشكر لحضرتك سعة صدرك واتمنى لك التوفيق ... شكراً
المرشح :- انا اللى شاكر جدا على الدور المحايد اللى بيقوم بيه الاعلام واحب اشكر الرئيس الحالى على اتاحة الفرصة للجميع بدون حكر على احد
المذيع :- وهكذا احبائى المشاهدين كان هذا لقائنا مع الدكتور اسماعيل احد المرشحين لانتخابات الرئاسة القادمة .. اللى اللقاء .... مع مرشخ اخر والسلام عليكم ورحمة الله وبركاته
مرشخ حزب الكرامة لا تموت فى حملة انتخابية :-
المرشح :- اخوانى واهلى واحبابى انا لكم ومنك لن اقول الخطب الرنانة ولكنى اقول مصر فى قلوبنا جميعا نفديها بدمائنا نسعى لنهضتها وبنائها نريدها امة قوية ذات ارادة حديدية اكلها من فاسها اقول لكم هذا برنامجى الانتخابى فان احسنت فاعينونى وان اسأت فلكم القرار .
المرشح :- 1 - استكمال ما بدأته الحكومة الحالية من مشروعات 2 - تشغيل 3 مليون شاب سنويا 3 - انشاء 5000 مصنع سنويا 4 - زيادة مرتبات العاملين بالدولة بنسبة 90 % 5 - الاستفادة من جميع برامج المرشحين الاخرين فى حالة نجاحى 6 - هناك الكثير تتابعونها من خلال موقعى على الانترنت والذى سيصدر قريباً
اللجنة العليا للانتخابات الرئاسية قبيل الانتخابات بيوم واحد :-
رئيس اللجنة :- ايه اخر التطورات فى الاستعداد للانتخابات
المسئول الأمنى :- اللجان جاهزة للاقتراع يا افندم وكل لجنة فيها صندوقين زجاجين شفافين وراء ستائر سوداء كما تم نشر قوات امن على مداخل اللجان لمنع الاحتكاكات
المسئول الاعلامى :- تم تدشين الموقع الخاص بالعملية الانتخابية
المسئول القضائى :- تم توزيع القضاة على اللجان من اليوم
المسئول المالى :- تم توفير 2مليون جنيه كحوافز للعاملين باللجان الانتخابية لتشجيعهم على الاخلاص فى العمل
المتحدث الرسمى :- تم تجهيز قاعة المؤتمر الصحفى الكبرى بدار مصر بلدنا
صباح يوم الانتخابات :-
القناة المعروفة بالاثارة السياسية :- توجه 120 مليون ناخب مصرى للادلاء باصواتهم فى انتخابات الرئاسة المصرية والتى يتنافس عليها اكثر من 40 مرشح ومعنا من القاهرة السيد / حداد ابو شداد الباحث فى الشئون المصرية
المزيعة :- سيد ابو شداد هل لك ان تطلعنا عن لانتخابات المصرية بشئ
السيد حداد :- اخى الفاضل الانتخابات المصرية تأتى بعد سنوات قليلة من الانتخابات البرلمانية ودا بيمثل تحدى كبير لمصر فى اثبات الديمقراطية التى تتمتع بيها واللى شوفناها فى الانتخابات البرلمانية ولا اعقتد ان الحكومة المصرية تلجأ لاى وسائل من وسائل التزييف او غيرها
المذيع :- ولكن سيد حداد نعم جميعاً ان الرئيس الحالى والحكومة المصرية قامت بانجاازت هامة قد تغفر لها اى شئ
السيد حداد :- شوف سيدى الفاضل ليس من مصلحة احد ان يفعل اى شئ فى غير مصلحة مصر لان فى الفترة دى الشعب مصر بيعيش ازهى فترات حياته من الديمقراطية ومن الصعب حد يضحك عليه
المذيع :- اشكرك السيد ابو حداد وننتقل الى المؤتمر الصحفى بين الرئيس الامريكى ورئيس الوزراء البريطانى
التلفزيون المصرى :- معنا مراسلنا احمد الدش ليطلعنا على اخر اخبار العملية الانتخابية
احمد الدش :- اوضح ما يقال ان الاقبال شديد على اللجان وهناك التوقعات تشير بتعدى العدد السابق فى انتخابات البرلمان وبدأ الاقبال وفتح باب اللجان الساعة 8 صباحاً حيث كان الاقبال الى حد ما كثيفا وخصوصا فى المناطق النائية وللعلم فان السيدة وزيرة الصناعة والمتحدث الرسمى هتعقد مؤتمر للتفاصيل
الاستوديو :- امتى يا احمد
احمد الدش :- ممكن يكون فى منتصف اليوم
الاستوديو :- نشكرك أحمد مراسلنا ولكن كنا نود لو تاتى لنا باحد الناخبين
احمد الدش :- ثوانى اذاً معى الحاج ابراهيم والذى خرج حالا من اللجنة
احمد الدش :- حج ابراهيم اديت صوتك لمين
الحاج ابراهيم :- طبعاً للريس الحالى هو اللى عمل كل حاجة حلوة فى البلد ازاى ما اديلوش صوتى
احمدالدش :- شكراً ياحاج وننتقل للاستوديو للاستكمال باقى فقرات النشرة والتغطية
الوزيرة فى مؤتمر صحفى :-
الوزيرة :- بلغ عدد المرشحين اليوم حوالى 35 بعد استبعاد 5مرشحين لاسباب مختلفة - هناك ترحيب عام بالانتخابات - وهناك فى اللجان مناديب من منظمات حقوقية ومناديب المرشحين وتعلن النتائج مساء اليوم بعد الانتهاء من الاقتراع بحوالى ال 6 ساعات بعد فرز الاصوات بواسطة الكمبيوتر
الوزيرة فى مؤتمر الاعلان عن النتائج :-
الوزيرة :- فوز الرئيس الحالى بالانتخابات بنسبة اصوات بلغت 85 % من نسبة الناخبين كما يمكن لكم متابعة عمليات مسجلة للفرز من خلال الموقع التالى www.egyptwrite.com

_________________


11 يناير 2009, 1:10 am
الملف الشخصى Yahoo الموقع الشخصي
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
مشاركة Re: هى دى مصر ( الجزء الثالث ) الفصل الرابع


الفصل الرابع
( الإنتخابات فى عيون الصحافة )
الصحف العربية :-
جريدة الوعى :- انتخابات مصر تمثل مثالا لجميع الدول
تفاصيل الخبر :
بعد النجاح الغير مسبوق للانتخابات المصرية والتى اثببت للعالم كله ان مصر لو ارادت ان تفعل المستحيل لفعلته اثبتت الحكومة المصرية ومن ورائها الشعب ان مصر هى الدولة القادمة بصرعة الصاروخ وان على جميع دول العالم الاقتداء بها .... المزيد
جريدة الحياة :- الانتخابات المصرية عنوانا للحرية
جريدة القدس :- لو أردت النجاح فى الديمقراطية عليك بالتجربية المصرية
مجلة اليوم المصرى :- حياتنا بعد النجاح تعنى العيش فى فلاح
مجلة مصر رايت :- الاكاديمية كانت اول طريق للاصلاح فهل تواصل الدور ام تقف عند هذا الحد
مجلة كل يوم :- الحياة بدون عنوان تعنى الموت .......... والحياة بدون ديمقراطية تعنى الفناء
بعض مواقع الانترنت العربية :-
موقع جريدة الاحلام :-
مصر تؤكد على دورها السياسى والتاريخ الهام فى القدوة الطيبة
موقع جريدة تلاتة تلاتة :- هى كدا تجيبها كدا ... مصر هتفضل كدا
موقع جريدة المسائية :- لا تخشى فقرا ولا اذلال ..... فالحرية فرس ونحن الخيال

الصحف الاجنبية :-

جريدة واشنطن بوست :-
Egypt department of democrathy broved that what you want to do isn't difficult
جريدة الحياة اللندنية :-
When you want to do any thing you should look to egypt
جريدة هورشمائ اليابانية :-

エジプトでは、まだ最初の民主主義
جريدة شنغهاى :-
埃及仍然在第一次民主
جريدة لوخومديف الروسية :-
Почему мы должны быть рядом с Египтом
صحيفة مدريد الاسبانية :-
Aprender Europa o ir al infierno
صحيفة الشرق الناطقة بالعبرية :-
המלחמה שלנו נגד מצרים להפגין המדיני כשל


هنا ينتهى الجزء الثالث واللى اللقاء فى الجزء الرابع وعفوا لقصر الفصل الرابع ولكن هذه مانشات احببت توصيلها فقط ونلتقى فى الجزء الرابع و اكاديمية مصر الادبية تواصل تخريج دفعات من الوطنيين

_________________


11 يناير 2009, 1:31 am
الملف الشخصى Yahoo الموقع الشخصي
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: هى دى مصر ( الجزء الثالث ) الفصل الأول


أزيك يا أحمد...ويارب تكون الإمتحانات ماشية كويس معاك
جزء رائع زى الفصول الأولى...هو طبعا أقل إثارة لأنه زى ما وضحت أنت حبيت توضح مانشات...وأنا قريت فى وسط كلامك كلام مهم جدا ومتهيألى انت قولت رأيك فى عمل جميل أوى و لو اتكلمت على الحوكة فأنت اتكلمات بطريقة غير مباشرة وبأسلوب مميز يوضح المعنى من غير تجريح وإثارة...وده حاجة ماحدش يقدر يعترض عليها أبدا...بل تستحق كل تشجيع مننا يا أحمد
وياريت فى يوم تتحقق أحلامك اللى رسمتها لمسار سياسة الإنتخابات ومدى الحرص على وضوحها وشفافيتها وتقليل مشاكلها بقدر الإستطاعة...وأكيد فى يوم ممكن نشوف الصورة المشرقة والمشرفة دى حية فى بلدنا وفى كل العالم العربى كمان...خالص شكرى يا أحمد

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



11 يناير 2009, 10:26 pm
الملف الشخصى
عرض المشاركات السابقة منذ:  مرتبة بواسطة  
الرد على الموضوع   [ 6 مشاركة ] 



المتواجدون الأن

الأعضاء المتصفحون لهذا القسم لا يوجد أعضاء متصلين و 1 زائر


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

cron
Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter