المواضيع التى لم يرد عليها | عرض المواضيع النشطة التوقيت الحالى 20 نوفمبر 2018, 7:33 pm





الرد على الموضوع  [ 8 مشاركة ] 

Share |


جنــنـووني ! ج7 (حمد الله ع السّلامة !) 
الكاتب رسالة
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
 جنــنـووني ! ج7 (حمد الله ع السّلامة !)


جنـنـوووني !!



الجزء " 7 "
حمد الله ع السّلامة !


حالة طواريء النهاردة في البيت ! سمية بتحاول ترتب الأوضة بتاعتها و تحصر الخساير بعد ما خلص الغزو التتاري من ولاد خالتها الحلوين .... و لازم كمان تحاول تستعد نفسيا للمريض اللي جاي بكره إن شاء الله ... شهاب بيقول إن وقت المريض ده ضيق جدا و بيحب يستغله بأحسن شكل ممكن ...

أخيرا خلصت الحمد لله ! و أديها رايحة لمامتها في المطبخ تساعد و ...تتكلم....


سمية : صباح الفل يا أجمل ماما في الدنيا !
الأم : يا صباح الخير يا قمر ! أول مرة من فترة تصبّحي عليّا بالطريقة الحلوة دي !
سمية : ما خلاص .. أخيرا مشيوا بعد ما تعبولي أعصابي ! قوليلي يا ماما ..ما شفتيش أجندة خضرا طويلة شوية ؟ اللي عليها علامة دهبي كده ؟
الأم : لا و الله يا سمية ...إيه ده ! استني كده ...هيّ لونها أخضر غامق ؟
سمية : أيوة أيوة هيّا دي ! الحمد لله إنك لقيتيهالي ! كنت خايفة لحسن .....

الأم (تقطع كلام سمية و تقول بارتباك ) : هوّ ..يعني ..بصراحة آخر مرة شفتها كانت في إيد جودي و افتكرت إنك إديتيهالها عشان تشغليها شوية ... و ما ....
سمية : ليه كده بس ياماما ؟ دي بكتب فيها مذكراتي ...قـ قصدي ملاحظات مهمة ... طيب تكون ودّتها فين بس ؟

و مر النهار ...سمية و مامتها خلصوا تجهيز الغدا ...و المكان جاهز لاستقبال أخوها و أختها و زوجها اللي جايين النهارده من السفر بإذن الله !
الجرس بيرن ! دي الرنة الشقية بتاعت شهاب باشا ... لازم جابهم خلاص من المطار !

الأم : هاجر..... تامر ... وحشتوني يا حبايبي ! أمّال فين رامي ؟
هاجر : بيركن العربية و جاي إن شاء الله ...
تحضنهم الأم و تشيل زين ابن هاجر ... ماشافيتوش من سنة كاملة ..... و هو عمره كله سنتين !

شهاب : طب و أنا ؟ كده يا ماما ؟ مفيش وحشتني يا شهّوبتي ...ماشفتكش من أكتر من ساعتين ؟ يعني أتهور زيهم كده و أسافر عشان أوحشك و لا إيه ؟

ضحكوا كلهم على التعليق المرح ده .... و دخلوا يستريحوا على الأنتريه اللي في أول الريسبشن ..و دخل بعدهم رامي زوج هاجر ... و سلموا عليه ..لكن...ده شكله متضايق شوية !

رامي : مش ممكن السواقة في البلد دي بقت حاجة فظيعة ! دي كأنها خناقة !
شهاب : ما أنا قلت لك ! ...استريّح انت و سيبني أسوق ...أصّريت برضه ...ياللاّ ...فرصة تسترجع الذكريات!
رامي : أنا حبيت أريّحك ما انتَ مستنينا بقالك فترة و أكيد تعبت ... بعدين أنا كنت نسيت كل الزحمة دي ... و إشارات مالهاش لازمة ... و شفت العسكري ؟ واقف و لا كأنه هنا !
شهاب: welcome to Egypt ! يابني دي الزحمة دي زي النيل و الأهرامات ... عراقة يعني ! ههههه ..
رامي : المشكلة الجديدة كمان ...اللي بيسوقو و همّ بيتكلموا في الموبايل ! ده كلام ؟ و الشوارع بقت ضيقة من كتر العربيات اللي راكنة بشكل غريب .... حاجة صعبة صحيح !
شهاب : بص لي يا رامي : إنسى ! همّ يومين و هتتعايش مع الوضع زينا كلنا !

سمية بتحضر السفرة عشان الغدا ...كل حاجة جهزت تقريبا ....

الأم : ياللا يا ولاد ..اتفضلوا ...زمان الأكل المصري واحشكم جدا !
تامر : اللّــــــــــه ! ملوخية ؟ ورق عنب ؟ رقاق ؟ و إيه ده كمان ؟ شايف حاجات مشوية و مقليه ! و بابا غنّوج ... أحمدك يااا رب ! تسلم إيديكي يا ستّ الكل ..يا أحلى ماما في الدنيا !
شهاب : و لسّه فيه حلويات باين عليها حكاية ! بس كان ممنوع الاقتراب أو التصوير لحد ما تنورونا ! يعني هناكل على حسّكم يا سيدي .... و لا عزاء للغلابة اللي زينا !
الجميع : ههههههه !

رامي جاي من الحمام متنرفز جدا ! الله؟ ده ماشي تقريبا بيكلم نفسه !!

هاجر : مالَك يا رامي ؟ فيه حاجة حصلت ؟
رامي : أصل أنا كنت نسيت موضوع الميّة اللي بتتقطع فجأة دي ... مش بقولّكم ؟ و اللهِ الواحد كان مستريح ... مافيش حاجة من دي بتحصل برة أبدا!!!
سمية : مش يمكن يكون فيه تصليحات في المواسير أو في الشارع ؟ يعني ظرف طاريء !
رامي : لحد امتى كل واحد يعمل الغلط و احنا نقول ( دا أكيد معذور) ؟
تامر : أنا مش عارف إيه كل العصبية دي ؟ احنا يادوب قاعدين شهر واحد ...وآهو نستحمل بالطول و لاّ العرض !
شهاب : احم ... نحن هنا ... و قاعدين فيها أكتر شوية ! ما تتكلموا ف حاجة تانية بقى ! يعني جمال الكنافة اللي ماما عاملاها ... و روعة الحاجة اللي سمية قدّمتهالنا ..و لو انّي لحد دلوقتي مش فاهم هيّ كانت إيه؟ بس كات حلوة يا سمسمة ..ماتبصّليش كده ! ...و اللهِ كانت حلوة بجد ... بس لو أعرف اسمها ...عشان أطلبها منّك تاني يعني ..ههههه
سمية : كل ما اعملها تسألني على اسمها ..و بعدين هات يا ضحك .. مش فاهمة اسمها فيه إيه يضحّك ؟ مارون جلاسّيه !! هيّ اسمها كده ..عادي يعني و...

شهاب بيضحك جامد ... و سمية بتبصّله بغيظ و توعّـُـد ..

شهاب : يا جااامِد ! ههههه .....تحسّي إن فيه حرب هتقوم من الإسم ده ! و لاّ دي ماركة بِدَل جديدة؟ و لاّ شخصية تاريخية ؟ عالعموم تشرّفنا بالمارون غلس ليه ده !

الجرس بيرن ... واضح إن أستاذ اسماعيل وصل أخيرا من مؤتمر الجريمة و العقاب ..
كويّس إنه وصل في الوقت المناسب ...الظاهر ان حماته بتحبّه !

الأب : أهلا ..أهلا ...وحشتونا ياولاد !

الجميع يقومو للترحيب و السلامات و .... أستاذ اسماعيل شكله عايز يقول حاجة كده !

سمية : بابا ...فيه حاجة مضايقاك ؟ و لاّ تعبت من المؤتمر ؟ أجيبلك عصير و لاّ حاجة ؟
الأب : لا يا حبيبتي ..مافيش حاجة من دي ...بس ...عربية رامي ...الظاهر عامله مشاكل شوية...فاكرها يارامي ؟ ده فيه محضر و حاجات كده !
رامي : ياخبر ! دا أنا نسيت خااالص ! معلش ...بابا كان عالموبايل... بيطّمّن عليّا ..فخبطت العربية اللي قدّامي خبطة بسيطة و ...اضطرّيت أسيبها في الشارع ...ماهي مارضيتش تشتغل و .... الدنيا زحمة ....و قلت شهاب و تامر هيساعدوني نحرّكها و ... و.... ( رامي شكله محرج ... )

هاجر : مش مشكلة ! شوف اللي خبطت عربيته ياخد كام ويصلّحها... و العسكري اللي أخد المخالفة ممكن (تتفاهم معاه) و يلغي المخالفة و الغرامة ..مادام (هترضيه ) !

سمية : ( مين دول ؟ همّ ايه اللي حصل لهم ؟ ) عن إذنكو يا جماعة ! شهاب ممكن دقيقتين على جنب؟ عايزاك في موضوع بعد إذنك !
شهاب : و ليه على جنب ؟ تعالي أنا و انتي نقولها سوا ...و هنا قدّام الجماعة !
سمية و شهاب : الحقوووونا !!! النّاس دول بجد ...جنّنوووونا !!

*****************



يتبع في الجزء الثامن إن شاء الله


_________________




.
.
.
*** لــزيارة صــفـــحـــتــي ***


11 مايو 2009, 12:56 am
الملف الشخصى
مشرفة قسم أدب الأطفال

الصورة الشخصية للعضو

مشاركات:
1291
مكان:
بنت مصر
الإسم الحقيقى:
نهاد نعمان
الحكمة المفضلة:
لوسرقت منا الأيام قلباً معطاء بسام لن نستسلم للآلام ...لن نستسلم للألام .....
حالة التأكيد:
كاتب موثوق و مؤكد هويته
مشاركة Re: جنــنـووني ! ج7 (حمد الله ع السّلامة !)


حمد لله على سلامتك انت كمان ياغادة ياجميلة ...
عودا احمد لمذاكراتك الرائعة التى أنتظرها دوما ....
كعادتك متنوعة فى الأفكار تقدمى الفكرة باأسلوب مميز جداا
هذا الجزء مميز مثل كل الأجزاء السابقة ...رائع تفعيلك لدور الأسرة بجد بكون شايفة
المواقف بينهما وكأنى بتفرج على مسلسل أجتماعى جميل ...بتقدمى هذه المرة
أحساس الناس الا بترجع بعد سنوات الغربة الى بلدهم وكأنهم لا يعرفونها يبدوا يقارنوا
بين هنا وهناك ..ومدى النظام فى الخارج والتأخر الا البلد أصبحت فيها لكن زى ماقال شهاب كلها شوية ويتعودوا...
بجد الدكتورة سمية عسوولة وكمان اخوها شهاب شخصية جميلة جداااا وظهور شخصيات جديدة أعطيت شكل جديد للمذاكرات
والجميل هو توظيفك للشخصيات ...فلا أشعر وأنا أقرأ بوجود شخصيات دخيلة على العمل
فكل الشخصيات الجديدة كأنها موجود منذ البداية وبجد الأسرة كلها أصبحت مرسومة فى خيالى بفضل أسلوبك الرائع..
بحيكِ وفى أنتظار باقى هذا الجزء فى الجزء الثامن ...
أتمنى لكِ كل التوفيق وأنا لا تغيبِ طويلا بأعمالك الرائعة

_________________


11 مايو 2009, 2:44 pm
الملف الشخصى
أكاديمى نشيط
أكاديمى نشيط

الصورة الشخصية للعضو

مشاركات:
219
مكان:
مصر
الحكمة المفضلة:
((إن الله لا يغير ما بقوم حتى يغيروا ما بأنفسهم))
حالة التأكيد:
كاتب موثوق و مؤكد هويته
مشاركة Re: جنــنـووني ! ج7 (حمد الله ع السّلامة !)


فعلا حمدا لله على سلامتك يا صديقتي الغالية غادة
مشتاقين أوي للكوميديا الراقية بتاعتك
جميل أوي طرحك لسلوكيات غاية في الخطورة بطريقة مرحة وكومدية لطيفة وراقية مثل مشكلة الرشوة وده أمر عادي عند الكثير ومشكلة الناس اللي بترجع من الخارج ويجدوا فجوة كبيرة بين البلاد التي كانوا بها وبين مصر ..
وكمان رامي انتقد موقف(اللي بيتكلم في الموبايل في السيارة )وبعدين هو عمل نفس الموقف ...!شكلة كان وحش خالص ..وفعلا كتير من الناس بيقد سلوك وهو بيعمله..
في انتظار سمية وأسرتها الجميلة اللي اتعلقنا بيها وحبناها..
والمزيد من الكوميديا الراقية...

_________________


12 مايو 2009, 4:12 pm
الملف الشخصى
مشرفة قسم النقد الفنى و المقالات

الصورة الشخصية للعضو

مشاركات:
473
مكان:
بلد الأحرار
الإسم الحقيقى:
سليمة مشري
الحكمة المفضلة:
الشكوى انحناء و أنا نبض عروقي الكبرياء ...
فالشكوى لغير الله مذلة
حالة التأكيد:
كاتب موثوق و مؤكد هويته
مشاركة Re: جنــنـووني ! ج7 (حمد الله ع السّلامة !)


حقيقي حمد الله ع السلامة

جزء رائع يا غادة يحمل الكثير من السلوكيات الموجودة في مجتمعنا تناولتيها بطريقة الكوميديا الهادفة ، أسلوبك جميل و الحوار رائع و دمو

خفيف و كل جزء بيفوق اللي قبلو من حيث الجمال و الإبداع

أحييكِ على هذه السلسلة الجميلة و إلى الميد من التقدم

_________________
جوا العين و ساكنة القلب
نحبك يا بلادي
......................


12 مايو 2009, 6:54 pm
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: جنــنـووني ! ج7 (حمد الله ع السّلامة !)


تنهيدة كتب:
حمد لله على سلامتك انت كمان ياغادة ياجميلة ...
عودا احمد لمذاكراتك الرائعة التى أنتظرها دوما ....
كعادتك متنوعة فى الأفكار تقدمى الفكرة باأسلوب مميز جداا
هذا الجزء مميز مثل كل الأجزاء السابقة ...رائع تفعيلك لدور الأسرة بجد بكون شايفة
المواقف بينهما وكأنى بتفرج على مسلسل أجتماعى جميل ...بتقدمى هذه المرة
أحساس الناس الا بترجع بعد سنوات الغربة الى بلدهم وكأنهم لا يعرفونها يبدوا يقارنوا
بين هنا وهناك ..ومدى النظام فى الخارج والتأخر الا البلد أصبحت فيها لكن زى ماقال شهاب كلها شوية ويتعودوا...
بجد الدكتورة سمية عسوولة وكمان اخوها شهاب شخصية جميلة جداااا وظهور شخصيات جديدة أعطيت شكل جديد للمذاكرات
والجميل هو توظيفك للشخصيات ...فلا أشعر وأنا أقرأ بوجود شخصيات دخيلة على العمل
فكل الشخصيات الجديدة كأنها موجود منذ البداية وبجد الأسرة كلها أصبحت مرسومة فى خيالى بفضل أسلوبك الرائع..
بحيكِ وفى أنتظار باقى هذا الجزء فى الجزء الثامن ...
أتمنى لكِ كل التوفيق وأنا لا تغيبِ طويلا بأعمالك الرائعة


ما تتصوريش تعليقك بيسعدني أد إيه ؟ بتحسسيني إنك بتقري العمل بكل كيانك و بتحسي بكل حاجة ( الهدف ..الشخصيات ... ) و بتاخدي بالك من كل كلمة و تعليق بشكل راااائع جدا

و جميل جدا إنك بقيتي شايفة الأسرة و حاسة بيها ...أكيد حاجة مشجعة جدا لي

نورتيني ...و يارب الجزء الثامن يعجبك إن شاء الله يا غاليتي

_________________




.
.
.
*** لــزيارة صــفـــحـــتــي ***


13 مايو 2009, 10:50 pm
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: جنــنـووني ! ج7 (حمد الله ع السّلامة !)


ريم كتب:
فعلا حمدا لله على سلامتك يا صديقتي الغالية غادة
مشتاقين أوي للكوميديا الراقية بتاعتك
جميل أوي طرحك لسلوكيات غاية في الخطورة بطريقة مرحة وكومدية لطيفة وراقية مثل مشكلة الرشوة وده أمر عادي عند الكثير ومشكلة الناس اللي بترجع من الخارج ويجدوا فجوة كبيرة بين البلاد التي كانوا بها وبين مصر ..
وكمان رامي انتقد موقف(اللي بيتكلم في الموبايل في السيارة )وبعدين هو عمل نفس الموقف ...!شكلة كان وحش خالص ..وفعلا كتير من الناس بيقد سلوك وهو بيعمله..
في انتظار سمية وأسرتها الجميلة اللي اتعلقنا بيها وحبناها..
والمزيد من الكوميديا الراقية...


الله يسلمك يا ريم العزيزة

جميل انك أخدتي بالك من انتقاد رامي لسلوك هو نفسه بيعمله ! و كمان موضوع الرشوة اللي بقى عادي جدا في أماكن كتير للأسف !

أنا سعيدة جدا بحبك لسمية و أسرتها ..و سعيدة بجد انك بتقولي ( كوميديا راقية ) ربنا يخليكي


و يارب يعجبك الجزء الثامن إن شاء الله يا رقيقتي

_________________




.
.
.
*** لــزيارة صــفـــحـــتــي ***


13 مايو 2009, 11:29 pm
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: جنــنـووني ! ج7 (حمد الله ع السّلامة !)


الزهراء كتب:
حقيقي حمد الله ع السلامة

جزء رائع يا غادة يحمل الكثير من السلوكيات الموجودة في مجتمعنا تناولتيها بطريقة الكوميديا الهادفة ، أسلوبك جميل و الحوار رائع و دمو

خفيف و كل جزء بيفوق اللي قبلو من حيث الجمال و الإبداع

أحييكِ على هذه السلسلة الجميلة و إلى الميد من التقدم


الله يسلمك يا أرق الزهراوات

سعدت جدا بإعجاب شخصية جميلة مثلك بهذا الجزء ..و بجد تعليقك مشجع بشكل رائع

و الحمد لله أن الحوار أعجب روائية موهوبة هي أنتِ ...المفاجأة الرائعة أنه يبدو أنك قرأت الأجزاء كلها ؟

أشكرك على هذا المرور المفرح يا صديقتي المميزة

_________________




.
.
.
*** لــزيارة صــفـــحـــتــي ***


13 مايو 2009, 11:42 pm
الملف الشخصى
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: جنــنـووني ! ج7 (حمد الله ع السّلامة !)


عقدة الخواجة..يمكن هى دى الفكرة اللى حسيت بنقدك ليها فى الجزء ده بشكل كوميدى جميل مع مواقف القصة و رجوع قرايب سمية من السفر..إن إحنا دايماً بنشوف بره بإيجابياته من غير سلبياته.. و بلدنا دايماً نقارن بسلبياتها من غير ما نعرف إيجابياتها..و لو حاولنا نعكس الصورة شوية هنعرف إن كل بلد فى الدنيا ليها سلبيات و إيجابيات..زى أى إنسان و زى أى أفعال..إنما فيه ناس دايماً و بالذات بعد رجوعهم من سفر لمصر يبتدوا يشوفوا كل حاجة بعين ناقدة..الشئ ده ما كانش كده هناك..و العيب ده ما كنش موجود هناك..و كأن ما فيش أى حاجة إيجابية أو جميلة مفتقدها فى مصر و يقول: ده عمرى ما كنت هألاقيه هناك...
و طبعاً كانت لمحة مهمة جداً إن كتير من الناس اللى بتنقد السلبيات هى بتبقى السبب فى وجود السلبيات دى زى " ترضية " عسكرى المرور و الرشاوى اللى بقت مالية الشوارع قبل المكاتب...و زى الهوا اللى ما بقاش هوا..و بقى دخان سجاير و مصانع و قش و ........يعنى..كتير من السلبيات ناس بيعملوها و بعدين ينقدوها...
مرة تانية هأسرح و أطول.. معلش بس فعلاً كل جزء من أجزاء السلسلة الكوميدية الجميلة دى ليها معنى و هدف يستاهل نتكلم عليه كتير جداً..وده دليل بجد على نجاح العمل و تميزه

المهم بقى فى النهاية انى عمال اقرا الجزء كله و مستنى أعرف هما كانوا فين بره..يمكن كنا نستعين بخبرات دينا شوية و تدى بركاتها على البلد الجميلة اللى كانوا فيها و مختلفة أوى عن مصر كده..مجرد بس " يااااااه ده البلد دى حلوة جدااااااااااا و غنية !!! " و فى ظرف ساعتين البلد هتشهر إفلاسها و مش بعيد ينزل عليها نووى من بلوتو :lol:
سلام مؤقتاً لحد ما أقرا الجزء الثامن اللى شكله من اسمه لوحده حكاية.. :)

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



09 مارس 2010, 10:37 pm
الملف الشخصى
عرض المشاركات السابقة منذ:  مرتبة بواسطة  
الرد على الموضوع   [ 8 مشاركة ] 



المتواجدون الأن

الأعضاء المتصفحون لهذا القسم لا يوجد أعضاء متصلين و 1 زائر


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

cron
Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter