المواضيع التى لم يرد عليها | عرض المواضيع النشطة التوقيت الحالى 11 ديسمبر 2018, 6:29 am





الرد على الموضوع  [ 3 مشاركة ] 

Share |


الانتخابات 
الكاتب رسالة
أكاديمى فعال
أكاديمى فعال


مشاركات:
23
الحكمة المفضلة:
انت لا احد حتى يحبك احد
مشاركة الانتخابات


_ بكره الانتخابات 00 نويت تنتخب مين ؟
_ فى الحقيقه 000
_طبعا حتنتخب شفيق زلطه 00 اكبر مقاول فى البلد وصاحب ومهندس كل العمارات اللوكس اللى بنسمع عنها 00 عندك حق 00 اكيد على ايده حتنفرج أزمة الاسكان لانه أكيد حيبنى عمارات لوكس وجناين ترد الروح حوالين الترب 00 وبكده سكان الترب يبقوا آخر سعاده وفرفشه0
_ فى الواقع 00
_ يبقى شريف الحرامى 00 عرفت تنقى 00 مليونير وراجل اعمال انفتاحى مفيش منه ، ووعد انه لو نجح حيرفع سعر الدولار وينزل سعر الجنيه علشان تبقى العمله الوطنيه فى متناول كل مواطن 00 قمة الرخاء والرفاهيه 0
_ والله 000
_ عرفته 00 زغلول الحمش 00 راجل متدين ووعد بحجاب لكل ست ودقن لكل راجل 00 اختيارك فى محله 0
_ أصل 000
_أكيد زفتاوى المنقط 00 صحيح هو سباك وجاهل وعفش ، لكن اختيارك له يدل على تشجيعك للطبقه العامله او العماليه مش عارف بتقولوها ازاى00 ودى لوحدها منتهى الوطنيه منك0
_ 000000
_ متتكلمش 00 مفيش غير فريد الصفتاوى 00 راجل الحكومه ، والحكومه طبعا مش حترفضله طلب 00 ووعد انه لو نجح فى الانتخابات المره دى كمان حينفذ كل الوعود اللى وعدنا بيها فى المرتين اللى فاتوا وطنشنا ومنفذهاش 0
_ 0000
_ أقولك 00 خليك مع فوزيه فوزى 00 فنانه كبيره وجميله وعملت أحلى الأدوار على كل الشاشات 00 الكبيره والصغيره والبيضه والملونه 00 صحيح انا مش عارف حتعمل ايه فى المجلس، لكنى متأكد انها حتكون خير من يمثلنا لانها احسن واطعم ممثله فى البلد 0
_ 0000
_ تبقى عايز واحد من بتوع المعارضه 00 فاروق فيتو 00 يعنى فاروق المعترض 00 انا كمان كنت حانتخبه لو معايا بطاقة انتخاب 0 المعارضه بتفرج عنا وبتقول الكلام اللى كان محشور فى زورنا من سنين طويله ومش قادرين نقوله على الكبار والحكومه 00 حقيقى متعه كبيره انك تفتح الجرنال او المجله وتلاقى صورهم ومفيش تحتها شكر ولا تهنئه ولا تأييد ولا اخبار متفبركه عن اعمالهم العظيمه ، انما تريقه وقلة قيمه00 ما علينا 000
هه 000 مين بقى اللى حتنتخبه علشان يسعدك ويريحك ويخلى حياتك لونها بمبى ؟
_ مارادونا 0000
_ برافو 00 برافو00 فعلا خير من يمثلك فى المجلس مخيمر المكسح صاحب رمز الكوره !!

=============================


15 مايو 2009, 7:29 pm
الملف الشخصى الموقع الشخصي
مشرفة قسم الخواطر

الصورة الشخصية للعضو

مشاركات:
795
مكان:
my own world
الإسم الحقيقى:
جيهان راضي
الحكمة المفضلة:
المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
حالة التأكيد:
كاتب موثوق و مؤكد هويته
مشاركة Re: الانتخابات


بداية موفقة يا شيري ... استخدمتِ إسلوبك الساخر لنقد نظام الانتخابات ... انتقدتِ بعض الشخصيات التي ترشح نفسها من أجل الحصول على اللقب فقط لا لعمل إصلاح جديد ...
أتمنى أن تكملي تلك السلسلة عن قريب بإذن الله ... :)

_________________



11 أبريل 2010, 11:29 pm
الملف الشخصى الموقع الشخصي
أكاديمى نشيط
أكاديمى نشيط

الصورة الشخصية للعضو

مشاركات:
115
مكان:
القاهره
الإسم الحقيقى:
ماضى سعدون عبدالعال فراج
الحكمة المفضلة:
اللهم ما انى مغلوب على امرى فانتصرلى
مشاركة Re: الانتخابات


عمرى ما سالت على بطاقه انتخابيه ولا دورت عليها
يمكن علشان ما بحبش السياسه ويمكن عشان مش شايف فرق الكرسى ليه حسباته والانسان بيتغير بتغيير الكرسى مش الكل دا الاغلب وانا مش هدخل فى نفوس الكل علشان اعرف هو ناوى على ايه
ومن عارف يمكن اصحاب النفوذ خلونى انتخبهم اكثر من مره وانا مش عارف
موضوعك حلو
وان كنت لا احبذ الكلام بالسياسه
اتمنا لكى التوفيق اختى الفاضله
وبدائيه موفقه انشاء الله

_________________
خبر بروح البشر كل دعابة
كانت لك فى الحيات تذاع
فمن يسكن اليوم اعالى الجبال
يوما كان فى القاع
لا تبالى بلوم الناس فرب يوما
يلوذون اليك كلهم اطماع

ماضى سعدون عبدالعال


16 أبريل 2010, 2:02 pm
الملف الشخصى Yahoo
عرض المشاركات السابقة منذ:  مرتبة بواسطة  
الرد على الموضوع   [ 3 مشاركة ] 



المتواجدون الأن

الأعضاء المتصفحون لهذا القسم لا يوجد أعضاء متصلين و 1 زائر


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

cron
Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter