مـذكـراتـي أنــا و صــديــقـاتــي

هذا القسم لليوميات أو المذكرات المسلسلة والمكتوبة فى قالب كوميدى أو اجتماعى ساخر.

المشرف: الأمير الحائر

أضف رد جديد
صورة العضو الرمزية
الزهراء
مشرفة قسم النقد الفنى و المقالات
مشاركات: 473
اشترك في: 03 إبريل 2009, 11:28 pm
Real Name: سليمة مشري
Favorite Quote: الشكوى انحناء و أنا نبض عروقي الكبرياء ...
فالشكوى لغير الله مذلة
verification: ID verified and trusted writer
مكان: بلد الأحرار

مـذكـراتـي أنــا و صــديــقـاتــي

مشاركة بواسطة الزهراء »

"الحياة حلوة و يا ريت لو نعيشها زي ما هي " كانت دي كلمة واحدة من صاحباتي " دعاء "، كانت بتقلنا كدة دايما و كانت تقاطعها خلود و هي بتقول :" حلوة ايه بس ..كل ما نقول احلوت بتتقلب غم " إذا كانت دعاء شقية أوي و هي رمز التفاؤل في شلتنا فإذا كنت عايز تتغم و تفقد أي بصيص للأمل أو تنكد على حد فما فيش قدامك إلا خلود ..دي تغم بلد بنقلها الناظرة عشان هي جدية خالص و بين الإتنين كان في القلب الحنين و المشاعر الرقيقة " ندى" رومانسية جدا و بتحكم قلبها كتير و بتجري ورا عواطفها ، و كان في واحدة تالتة هي مش صاحبتنا أوي بس ما لهاش غيرنا في الجامعة ، يعني مضطرة تصاحبنا و على فكرة كان في سلك كهربائي ممدود على طول الخط بينها و بين ..خلود
أكيد عايزين تعرفوني ..بيقلولي حلالة المشاكل و المحللة ما فيش موقف يعدي من غير ما أدرسو و كمان ما فيش مشكلة حليتها إلا و صاحبها وقع في مشكلة تانية بسبب الحل بتاعي shot1

كان في عندنا صحاب كتير بس احنا الأربعة اللي فضلنا نتواصل مش حطول عليكم بس
إذا كنت زهقان ، مدايق ، مهموم و عايز تفرفش فقدامك دعاء ، و إذا كنت عايز تقعد قعدة رومانسية ،مليانة مشاعر و عايز تعيش في دنيا الأحلام فطبعا لازم تقعد مع ندى ، أما إذا كنت عايز تنكد على حد و تكره اليوم اللي تولدت فيه فبنصحك بخلود ، و في الاخر بعد ما تضحك و تحلم و تتغم أنا حكون درست كل تفاعلاتك و حكون مستعدة أحللك أي مشكلة وقعت فيها ...أنا ...منى

1-عايزين نغير جو
كانت اخر سنة لينا في الجامعة و كنا عاملين حسابنا انو ما فيش حاجة تانية غير الدراسة و لا أي شيء ممكن ياخد من وقتنا ، و فعلا دخلنا بعزيمة قوية و روح متفائلة ، حتى خلود تصورو كانت مستبشرة خير على غير عوايدها و فعلا كنا من المكتبة ما بنخرجش بننتقل من البحث للتاني ، لكن حاولت أشقى واحدة فينا "دعاء " تأثر علينا و قالت
دعاء: يا بنات أنا اتخنقت ..خلاص ..بجد مش قادرة
خلود: اتخنقتِ ؟ هو احنا امتى ماكناش مخنوقين ..
منى : استلمي بقى و خلصي نفسك يا دعاء ..
خل: لاء بجد من ساعة اليوم المهبب اللي تحصلت فيه على البكالوريا و أنا بعاني ، لا بنام كويس و لا شبعت راحة ..دراسة و تعب و زهق ..
ندى : يويويوه حتى الشهادة اللي بيحلم بيها الكل و تعتبر الباب اللي بتفتحلنا المستقبل بتشككينا فيها
خلود: باب ايه و مستقبل ايه ، العلم في الراسم شفي الكراس ..و بعدين

دعاء بلهجة فيها نبرة البكاء و قد بدأ اليأس يدخل إلى اقتناعاتها المملوءة بالأمل : و حياتي بلاش تكملي .و حياة أغلى حاجة عندك
خلود ترد بكل هدوء و ثقة في النفس : هو لسى في غاليين في الزمن دة...
منى متغازة من خلود: ها يا دعاء اقتراحاتك ايه ؟
دعاء: ايه رأيكم نغير جو شويا ..مش معقول نقضيها دراسة طول الوقت ح يجيلي اكتئاب
خلود: يا ريت..
ندى:مممم ممكن نروح سنما في فيلم رومانسي حلو أوي و نفسي أشوفو
دعاء: لالا..مسرحية كوميدية دي ح تخلينا نضحك و نخرج الشحنات اللي جوانا ..بدل جو النكد اللي ح تخدينا عليه
خلود: ايه رأيكم في فيلم رعب ...
تقاطعها البنات : اييي يا ساتر
منى : أنا رأيي نحضر الندوة السنوية لجمعية المجتمع السليم بيناقشو موضوع مهم أوي خاص بالطرق السلسمة التي يجب اتباعها لمعرفة الذات و الوصول إلى تحقيق الأهداف
تنظر إليها البنات في استغراب و غير مستوعبات و هي تقول : يعني بنبعد عن جو الدراسة و بنستفيد برضو ..
أما البنات فكأنهن لم تسمعن شيء و هنا تأتي الصديقة غير المرغوب فيها خاصة من طرف خلود طبعا و هي داليا داليا : هاي يا بنات
خلود : الاهي يهوهو عليكي كلب مفترس و اتخلص منك قادر يا كريم
البنات :أهلا يا داليا
داليا : أنا عندي ليكم فكرة
دعاء : يا ريت
داليا :في سهرة ثقافية المفروض إنها حلوة ، تحت اشراف وزارة الثقافة
خلود : داليا و ثقافة ؟ ما أفتكرش
منى :و ايه البرنامج اللي ح يكون فيها ؟
داليا :في مسرحية و وصلة غنائية و كمان موسيقى تراثية
خلود :أصدك خرافية
البنات تضحكن و داليا تُحرج و تقول :ها ح تيجو ؟
ندى: موسيقى من التراث ، مسرحية و وصلة غنائية ..برنامج متنوع دة اللي كنا بندور عليه ..أفتكر ممكن
داليا : يعني عجبتكم الفكرة ...أوكي نتقابل هناك
و تذهب داليا أما خلود فغير مرتاحة للموضوع و تقول : انتو رايحيين مع البنت الفارغة دي ..دي بتاعت ثقافة دي ..
دعاء : و مالو ..فيها ايه
منى : بتقلك سهرة ثقافية تحت اشراف وزارة الثقافة مش حفلة في ..مكان تاني ..و ما يمنعش نجرب ...نتقابل هناك
أما داليا فترى مناقشاتهم من بعيد و تقول : فعلا خنقة....
يتبع
جوا العين و ساكنة القلب
نحبك يا بلادي
......................
صورة
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: مـذكـراتـي أنــا و صــديــقـاتــي

مشاركة بواسطة Ghadat2009 »

مساء الخير يا سلمى

أسلوبك جميل و تلقائي ... و تحسي إنه واقعي

حسيت إني شايفة الأصدقاء ..و قعدت معاهم


سلمى : عندي سؤال غريب شوية : انتي من مواليد شهر سبتمبر ؟

استمري في هذه المذكرات و بالتوفيق إن شاء الله flower1 flower1 flower1
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
الزهراء
مشرفة قسم النقد الفنى و المقالات
مشاركات: 473
اشترك في: 03 إبريل 2009, 11:28 pm
Real Name: سليمة مشري
Favorite Quote: الشكوى انحناء و أنا نبض عروقي الكبرياء ...
فالشكوى لغير الله مذلة
verification: ID verified and trusted writer
مكان: بلد الأحرار

Re: مـذكـراتـي أنــا و صــديــقـاتــي

مشاركة بواسطة الزهراء »

Ghadat2009 كتب:مساء الخير يا سلمى

أسلوبك جميل و تلقائي ... و تحسي إنه واقعي

حسيت إني شايفة الأصدقاء ..و قعدت معاهم


سلمى : عندي سؤال غريب شوية : انتي من مواليد شهر سبتمبر ؟

استمري في هذه المذكرات و بالتوفيق إن شاء الله flower1 flower1 flower1


مساء الأنوار يا غادة

شكرا على تفاعلك السريع و ردودك الجميلة و ان شاء الله حاستمر في كتابة المذكرات دي

بالنسبة لسؤالك : هما مواليد سبتمبر مالهم؟ على العموم أنا من مواليد جانفي "يناير" .
شكرا ليكِ مرة تانيةflower1 flower1 flower1
جوا العين و ساكنة القلب
نحبك يا بلادي
......................
صورة
المصرية
أكاديمى نشيط
أكاديمى نشيط
مشاركات: 412
اشترك في: 09 ديسمبر 2008, 2:33 pm
Real Name: رانيا حسن
verification: ID verified and trusted writer

Re: مـذكـراتـي أنــا و صــديــقـاتــي

مشاركة بواسطة المصرية »

:lol::lol: :lol: فكرتينى باجمل ايام عمرى لامسؤلية ولا هم الدنيا ضحك وهزار وشقاوة حتى الدراسة متعة .ربنا يخليك يا زهرة يا عسل
صورة
صورة العضو الرمزية
الزهراء
مشرفة قسم النقد الفنى و المقالات
مشاركات: 473
اشترك في: 03 إبريل 2009, 11:28 pm
Real Name: سليمة مشري
Favorite Quote: الشكوى انحناء و أنا نبض عروقي الكبرياء ...
فالشكوى لغير الله مذلة
verification: ID verified and trusted writer
مكان: بلد الأحرار

Re: مـذكـراتـي أنــا و صــديــقـاتــي

مشاركة بواسطة الزهراء »

المصرية كتب::lol::lol: :lol: فكرتينى باجمل ايام عمرى لامسؤلية ولا هم الدنيا ضحك وهزار وشقاوة حتى الدراسة متعة .ربنا يخليك يا زهرة يا عسل



إنت اللي عسل يا رانيا بجد واحشاني أوي

سعيدة بإعجابك بالفكرة و ان شاء الله في أحداث جاية يا ريت تتابعيها و تديني رأيك فيها

واحشاني بجد flower1 flower1
جوا العين و ساكنة القلب
نحبك يا بلادي
......................
صورة
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: مـذكـراتـي أنــا و صــديــقـاتــي

مشاركة بواسطة تنهيدة »

عسولة ياسلمى ...بجد عجبتنى جداااااااااااااا clap1 clap1

وشفت فعلا من خلال أسلوبك الجميل الأيام الحلوة الا بيعشها الأصدقاء مع بعض

الا مهما حاولنا نرجعها عمرها ما بترجع بس بتفضل أغلى ذكرى فى حياة كل واحد فينا

أجمل شىء لاحظتة أن الأربع أصدقاء مختلفين فى الشخصيات فكل واحدة لها طريقتها وأسلوبها

وبجد نجاح الصداقة الحقيقية ...بيكون سببه هذا الأختلاف لآن كل صديقة بتكون مراية لصديقاتها

كل واحده فيهم بتشوف الحياة بطريقة بيقدروا من خلالها يفيدوا بعض ويستفيدوا ...

حبيت بجد أصدقائك ياسلمى وتخيلتهم فكرتينى بجد بايأمى الجميلة مع أصدقائى

نروح نقرأ بئة الجزء التانى ونشوف عملوا أيه فى الندوة الثقافية الا دبستهم فيها داليا

بحيكِ ياسلمى على روحك الجميلة وعلى حب للصداقة والأصدقاء :) flower1 :)
صورة
صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

Re: مـذكـراتـي أنــا و صــديــقـاتــي

مشاركة بواسطة سندريلا »

مساء الخير يا سلمى ...
بجد مذكراتك حلوة جدا ... ضحكت فيها أوي ... نوعت بين شخصياتك و وصفتيهم وصف مختلف بحيث استطعنا تمييز كل واحدة عن الآخرى ...
بس نفسي أعرف حصل إيه بعد كدة ؟ أعتقد إن داليا محضرة مقلب و لا ايه ؟
أتمنى تكمليها قريب يا سلمى عشان بجد وحشتينا جدا و وحشنا إسلوب كتابتك ... :)
صورة العضو الرمزية
ماضى سعدون عبدالعال
أكاديمى نشيط
أكاديمى نشيط
مشاركات: 115
اشترك في: 01 يوليو 2009, 7:14 pm
Real Name: ماضى سعدون عبدالعال فراج
Favorite Quote: اللهم ما انى مغلوب على امرى فانتصرلى
مكان: القاهره
اتصال:

Re: مـذكـراتـي أنــا و صــديــقـاتــي

مشاركة بواسطة ماضى سعدون عبدالعال »

مجرد الاحتفاظ بالصداقات القديمه انتماء كبير شى ممتع اخلاص كبير وبجد هى ايام حلوه اوقات كتير بنحس بالانتماء لمكان لشجره لكرسى خشب كان هنا لجرس الحصه والمدرس مخنوقيين منه او جرس الفسحه
للشقاوه ايام الطفوله او حتى ايام الدراسه وناس كانت اصحاب نتمنا نشوفها ولو من بعيد نكلمها تسمعنا ما تسمعناش مش مهم المهم اننا نشوفهم
اشكرك لموضوعك الجميل
ودواوم التوفيق
خبر بروح البشر كل دعابة
كانت لك فى الحيات تذاع
فمن يسكن اليوم اعالى الجبال
يوما كان فى القاع
لا تبالى بلوم الناس فرب يوما
يلوذون اليك كلهم اطماع

ماضى سعدون عبدالعال
أضف رد جديد

العودة إلى ”مذكرات كوميدية“