المواضيع التى لم يرد عليها | عرض المواضيع النشطة التوقيت الحالى 11 ديسمبر 2018, 6:29 am





الرد على الموضوع  [ 6 مشاركة ] 

Share |


جنــنـووني ! ج8 (( بيضحك ليييه ؟ )) 
الكاتب رسالة
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة جنــنـووني ! ج8 (( بيضحك ليييه ؟ ))


جنـنـوووني !!

الجزء " 8 " بيضحك ليه ؟





يااه .. دا سمية و شهاب اتأخروا جدا في النوم ... طبعا الكل سهران مع تامر و هاجر و رامي ... حتى زين الصغير فضل صاحي معاهم لوقت كبير
و أديهم لسه صاحيين دلوقتي ...الساعة عشرة و نص ...يا خبر أبيض ! سمية قلقت جدا لما شافت الساعة و جريت على أوضة شهاب تصحيه و تسأله

سمية : شهاب اصحى ! شهاااب قوم بقى ..اتأخرنا جدا ...قوللي بس الميعاد الساعة كام ...يا شهاااب ياللاّ !
شهاب أخيرا فتح نص عين .. و بيتّاوب ..و يتمطّع ..و ...

سمية : إيه ده ؟ مافيش وقت صدّقني ! امتى ميعاد المريض اللي جاي النهارده إن شاء الله ؟
شهاب : هاااااوم ( بيتّاوب برضه ) ميعاد ؟ آاااه ! الساعة اتناشر و نص .. أصلها قالت لي إنـــ ..
سمية : الحمد لله ! يعني لسه فيه شوية وقت ! ممكن بقى تقوم تجهز بسرعة ؟ مش عايزين نلخبط في المواعيد عشان يبقى فيه ثقة فينا .... ياللا ...

و بعد حوالي تلات أرباع ساعة ..سمية جاهزة خلاص ...و برضه بتستعجل شهاب ... و هي رايحة ناحية الرسبشن .. السفرة عليها فطار ... بس ما فيش حد خالص !
آااه الظاهر مامتها صحيت و حضّرت الفطار و رجعت تكمّل نوم ... و باباها أكيد في الشغل ... أما الباقي فأكيد في سابع نومة ! بصّت سمية في ساعتها ... لقت الوقت ياادوب ... فأخدت قطعة كيك و جريت عالباب ووراها شهاب بيقولّها تستناه شوية .. كان بيحاول يعمل فنجان نسكافيه عشان يصحصح في الطريق ...

سمية عايزة تكسب وقت فضغطت على زرار طلب الأسانسير ...و بدأت تاكل قطعة من الكيك اللي في ايديها بسرعة ... عشان محتويات االدوسيه اللي معاها قبل ما تقع ... يااه الأسانسير وقف .. طيب تلحق تنزل و بعدين يبقى شهاب يحصّلها عشان يتحركوا على طول أول ما ينزل ...

سمية دخلت الأسانسير ..كانت جارتهم رنا موجودة وواحد تاني ابتسم أول ما دخلت .. لأ ده مش قادر يمسك نفسه من الضحك ! إيه ده ؟ هو أول مرة يشوف حد بياكل و لاّ ايه؟

الأسانسير وصل ... رنا حيّتها براسها و مشيت ... ياخبر ! الدوسيه وقع ...الورق ! يارب ما فيش حاجة تتبهدل !


..... : ما تقلقيش ! ثواني و هاجمّع لك كل الورق يا آنسة سمية ...
سمية : شكرا ( ايه ده ؟ هو عارف اسمي ازاي ؟)
..... : اتفضلي .. أظن كل الورق موجود بس الترتيب اتلخبط شوية ..إن شاء الله مش مشكلة ..
سمية : هابقى أرتبه إن شاء الله ...شكرا ( عايزة ألحق الميعاد ..سلام بقى ! شكله برضه فطسان من الضحك ... هو فيه ايييه ؟؟ )

...... : أنا حسن زهران ... جاركم اللي في الدور اللي تحتيكم على طول ... يعني هي شقة عمّتي أساسا .. بس أنا على طول عندها ... و يعني .. ( سمية تقطع كلامه فجأة !)
سمية : تشرّفنا .... بس استأذن حضرتك عشان بس مستعجلة ..عندي ميعاد مهم ..سلام ...

( في اللحظة دي ظهر شهاب أخيرا نزل و معاه مج النسكافيه و بيجري ناحيتهم )

شهاب : صباح الخير يا حسن .. إزيّك ؟ نازل متأخر ليه كده ؟
حسن : صباح النور .. دي حكاية طويلة و شكلكوا مستعجلين ...مش عايز أاعطلكو ...سلام ..
( لا ... كده كتير ..شكله مش قادر يمسك نفسه من الضحك برضه ... أكيد فيه سبب يعني ! )
شهاب و سمية ركبوا العربية ... شهاب أصر إنه يسوق ... عشان سمية متوترة جدا و خايفة يتأخروا و ماتعرفش تكون مستعدة كويّس )

سمية : أول مرة أشوف جارنا ده ... هو متعوّد يبقى بيضحك كده من غير سبب ؟
شهاب : حسن ؟ ده جد جدا ! و دي أول مرة أشوفه بالحالة دي !
سمية : هو بيشتغل إيه ؟
شهاب : قولي هوّ ما بيشتغلش إيه ! ده أصلا مهندس ميكانيكا ... و بيشتغل في استيراد آلات الطباعة و بيكتب قصص و أشعار و بيدرس انجليزي و .....
سمية : إيه ده كله ؟.... أتاريه بيضحك ! شكله اتجنن من اللي وراه هههه ! بس ده شكله زي الممثلين : طويل و الظاهر بيشيل حديد أو بيلعب رياضة كويّس ... و بعدين عينيه عسلي جدا زيادة عن اللزوم و ...
شهاب : مانتي اللي قاطعتيني ... و مالحقتش أقولّك إنه مذيع لبرنامج : كلام الورق .. بييجي كل أسبوعين على قناة أقلام

أخيرا وصلوا ....

سمية في انتظار الموعد ...دخل شهاب و ...الله ؟ برضه هيموت من الضحك ! هوّ في ايه بجد ؟

شهاب : دكتورة سمسمة ! جاهزة ؟
سمية : شهاب ..هو فيه ايه ؟ دخّل المريض و بعدين نتكلم !

و ...

سمية : إيه ده بقى ؟ هو ده المريض ؟ كده يا شهاب ؟

انتوا بجد باين عليكو عايزين تجنّنوني !


(( يتبع في الجزء القادم بإذن الله .......... )) flower1



_________________




.
.
.
*** لــزيارة صــفـــحـــتــي ***


22 يونيو 2009, 4:05 pm
الملف الشخصى
مشرفة قسم أخبار الأدب

الصورة الشخصية للعضو

مشاركات:
672
الحكمة المفضلة:
الجحيم هو الآخرين.
حالة التأكيد:
كاتب موثوق و مؤكد هويته
مشاركة Re: جنــنـووني ! ج8 (( بيضحك ليييه ؟ ))


وحشتينا يا غادو والله ووحشتنا كتاباتك الجميلةflower1


خاصة جننوني اللي أنا بحبها جدا علشان دمها الخفيف..بس مش عارفة ليه كل مرة أكون هعلق فيها عليها تحصل حاجة وانسى أعلق

الحمد لله إن المرة دي ما حصلش حاجة..ربنا يستر:lol:



رائع كالعادةvi2

_________________


22 يونيو 2009, 6:43 pm
الملف الشخصى
مشرف قسم الأشعار

الصورة الشخصية للعضو

مشاركات:
1070
مكان:
الإسكندرية
الإسم الحقيقى:
محمد محمود حسن
الحكمة المفضلة:
إلهــــي لا تعذبني فإني
مقر ٌ بالذي قد كان مني
حالة التأكيد:
كاتب موثوق و مؤكد هويته
مشاركة Re: جنــنـووني ! ج8 (( بيضحك ليييه ؟ ))


حمد ا ً لله على عودتك مرة أخرى يا أختي العزيزة
شكل العائلة ديه حياتها كلها ملخبطة ومواعيدها غير منظبطة
وشكلهم مش حيجيبوها البر
ربنا يستر وعلى آخر المذكرات ما يكونوش عملوا مصيبة كبيرة
ربنا يجيب العواقب سليمة
مذكرات كوميدية جميلة وألوبك فيها راقي
أحييكي وأتمنى لك التوفيق
بارك الله فيك

_________________
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ




صفحتي الشخصية


22 يونيو 2009, 7:53 pm
الملف الشخصى Yahoo الموقع الشخصي
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: جنــنـووني ! ج8 (( بيضحك ليييه ؟ ))


هبة الله محمد كتب:
وحشتينا يا غادو والله ووحشتنا كتاباتك الجميلةflower1


خاصة جننوني اللي أنا بحبها جدا علشان دمها الخفيف..بس مش عارفة ليه كل مرة أكون هعلق فيها عليها تحصل حاجة وانسى أعلق

الحمد لله إن المرة دي ما حصلش حاجة..ربنا يستر:lol:



رائع كالعادةvi2


ما تتصوريش مرورك و تعليقك أسعدني أد ايه ؟ م11 م11 م11

و على فكرة ...واحشاني جدا قصصك الغير عادية ..و باتمنى أقراها تاني قريّب إن شاء الله

سعيدة جدا جدا إن ( جننوني ) بتعجبك .... وواضح انك دمّك خفيف و عسولة ...و النت ده مجنّني اليومين دول جدا ..كل شوية يفصل

الحمد لله مفصلش معاكي المرة دي ..ماشاء الله س11

_________________




.
.
.
*** لــزيارة صــفـــحـــتــي ***


22 يونيو 2009, 8:27 pm
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: جنــنـووني ! ج8 (( بيضحك ليييه ؟ ))


محمد محمود كتب:
حمد ا ً لله على عودتك مرة أخرى يا أختي العزيزة
شكل العائلة ديه حياتها كلها ملخبطة ومواعيدها غير منظبطة
وشكلهم مش حيجيبوها البر
ربنا يستر وعلى آخر المذكرات ما يكونوش عملوا مصيبة كبيرة
ربنا يجيب العواقب سليمة
مذكرات كوميدية جميلة وألوبك فيها راقي
أحييكي وأتمنى لك التوفيق
بارك الله فيك



دالله يسلّمك يا أخي العزيز

لكن ايه اللي ادالك انطباع لخبطة العيلة و عدم انضباط مواعيدها ؟ دي أول مرة يصحوا متأخر كده ... بسبب السهر للترحيب بتامر و هاجر ورامي ... وبعدين دول كانوا بيجروا عشان يلحقوا الميعاد :?

و إن شاء الله مش هيعملو مصيبة و لا حاجة ... دول طيبين ... و حياتهم زي نا كتير أوي :)

أشكرك على اطرائك الجميل على المذكرات و الأسلوب .... و ربنا يبارك فيك و يجزيك خير

_________________




.
.
.
*** لــزيارة صــفـــحـــتــي ***


22 يونيو 2009, 9:07 pm
الملف الشخصى
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: جنــنـووني ! ج8 (( بيضحك ليييه ؟ ))


أنا أكيد طبعاً عايز اكمل الجزء اللى بعد كده عشان أعرف سر الضحك ده كله و المقلب اللى حصل..بس يمكن حبيت اعلق على فكرة (كلام الورق) و قناة أقلام..يعنى بجد يا غادة كتبتى حلم جميل أوى فى وسط الجزء ده..فكرة قناة أدبية..ده طبعاً فى ظل السائد حالياً شئ خيالى مع إن أى حد بيحب الكتابة هيحب يبقى فيه قناة أدبية متخصصة فى الأدب فقط..زى ما فيه قنوات كتير متخصصة فى حاجات تانية رغم تفاهة بعضها.
نرجع بقى لسمية اللى واضح إنها اتعذبت جدا فى الجزء ده رغم إنه لسه ليه تكملة..و من غير ما أسبق الأحداث بس حسيت الشخصية الجديدة ( حسن زهران ) هيبقى ليه دور بعد كده فى المذكرات الكوميدية الجميلة دى..و تقريباً دور مهم بس يارب ما يكونش دور مريض عشان سمية مش تجنن أكتر :lol:
ألحق أكمل الجزء التاسع..سلام تانى مؤقتاً :)

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



09 مارس 2010, 11:16 pm
الملف الشخصى
عرض المشاركات السابقة منذ:  مرتبة بواسطة  
الرد على الموضوع   [ 6 مشاركة ] 



المتواجدون الأن

الأعضاء المتصفحون لهذا القسم لا يوجد أعضاء متصلين و 1 زائر


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

cron
Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter