المواضيع التى لم يرد عليها | عرض المواضيع النشطة التوقيت الحالى 20 نوفمبر 2018, 7:33 pm





الرد على الموضوع  [ 4 مشاركة ] 

Share |


جنّنووني ! ج 9 فراغ ! 
الكاتب رسالة
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
 جنّنووني ! ج 9 فراغ !


[جنـنـوووني !! ]

الجزء " 9 "
[b]فــراغ ..!


[/b]


سمية واقفة عند المكتب بتاعها في العيادة ... حاسّة بحاجات كتير : يعني مذهولة و متضايقة شوية ...و بتجز على سنانها برضه ... يعني كل ده طلع هزار؟

هاجر دخلت و هيّ شايلة كيس هدايا شيك في إيديها اليمين ... و ماسكة إيد ابنها زين بالإيد التانية .. ووراها مين ؟ مامتها !!! ياللا ...كِملت ! يعني زيارة عائلية ؟ طب إيه لزوم التعب ؟ ماهم كانوا في البيت مع بعض !



شهاب : و اللهِ يا سمية مااعرف حاجة ! ماتبصليش كده ! بجد مش مقلب مني ...أنا اتفاجئت زيي زيك !
سمية : إزاي بقى ؟ مش الحجز بيبقى بالتليفون ؟ مش عارف صوت أختك !
شهاب : لا ...أنا متأكد إن اللي كلّمني ده راجل .... صدقيني ! ما تقولي حاجة يا ست هاجر !



هاجر وشّها كلّه بيضحك ! بتحاول تبطّل ضحك عشان تعرف ترد ...
أمّا شهاب ... فطلع يقعد تاني ع النت ..
و الجماعة دخلوا ... و سمية غيّرت علامات الذهول و الغيظ و بدأت تسلّم على مامتها اللي قالت و همّ بيقعدوا على الكنبة :


كده ياسمسم ؟ بدل ما تفرحي إننا جايّنلك إنتِ بالذات ؟
هاجر : معلش يا سمسمة ! استعنّا بـ صديق ... هوّ الحقيقة كان صوت تامر بس كان فيه منديل على السماعة ..أصل هوّ كمان نفسه إنّك تعالجيني ...
سمية : أعالجك ؟ و جايّنلي بالذات ؟ هوّ الحكاية جد و لاّ إيه ؟
هاجر : أنا أصلي كنت كده كده ..محتاجة جلسات و علاج ..أنا عارفة ... و قلت انتي أولى من الغريب و أقرب منه طبعا ! يعني أنا دفعت تمن الكشف و لو حاولتِ ترجعيه أنا مش هاجي تاني ! اتفقنا ؟
سمية : ياه يا هاجر ! ....قوليلي بس ايه الحكاية و بعدين نتفاهم في موضوع الكشف ده كمان !
هاجر : بصّي بقى أنا فعلا نفسي أبطّل الإدمان ده ! و اللهِ بحاول و تامر بيحاول يساعدني بس ...
سمية : إيه ؟ إدمان ! إزاي بس ده حصل ؟ ليه كده ؟ أنا أعرف دكتور ممتاز و ممكــ .....


هاجر سكتت شوية و بعديها ...هات ياضحك !
الأم : لا يا حبيبتي ...انتي فهمتي غلط جدا ! بس بقى يا هجّور ! حرام عليكي ... انتي عارفة أختك بتصدّق على طول ! و بعدين خيالية جدا و ممكن تروح لبعيد أوي ! قوليلها الحكاية و خلاص !


هاجر : حاضر يا مامّوم يا قمر ... بصّي يا دكتورة سمية : .. هيّ مشكلتي غريبة شوية ! أصل ما اقدرش أعمل أي حاجة قبل ما أقرا ( حظك اليوم) يعني بدأت أقراه تسالي و كده ... و بعدين لقيت حاجات بدأت تحصل معايا ..زي ماهو مكتوب بالظبط ! و عارفة إنك هتقوليلي " كذب المنجّمون و لو صدقوا " بس مش بقدر أشوف كتاب عن الأبراج ن غير ما أشتريه ! و لا برنامج عن تنبؤات الأبراج من غير ما أتابعه و.....

سمية : آاااه فهمت ! يعني طمّنتيني عليكي و قلقتيني في نفس الوقت ! المشكلة إن الكلام ده دايما بيبدأ بهزار بس غالبا بيقلب بجد للأسف !
لكن قوليلي : إيه اللي خلاّكي تبدئي الكلام ده أساسا ! دا انتي دراستك هندسة يعني مش ممكن أتخيل انك تصدقي الحاجات دي أبداً ! "
هاجر : دراستي ؟ هوّ أنا فاكرة حاجة منها ؟ و بعدين إيه الأسئلة دي ؟ أمّال أنا جايّالك ليه ؟
سمية : معلش يا هاجر ... الموضوع ده هياخد وقت و جلسات علاج تتكلمي فيها على قد ما تقدري ... و جميل جدا انك بتقاومي الإدمان ده ... المقاومة دي هي بداية العلاج إن شاء الله ... و كمان إنك تبدئي تشغلي نفسك بحاجات مفيدة ...إيه رأيك ؟
هاجر : إن شاء الله هاعمل كل اللي تقوليلي عليه ... و حاسّة إني هابطّل كل الحاجات دي على إيديكي بإذن الله ... ياه ..كنت هانسى ..!..اتفضلي الهدية الصغيرة دي بمناسبة أول زيارة منّي للعيادة الجميلة بتاعتك ...يارب تعجبك !


سمية شكرت هاجر جدا ... و بدأت تفتح الهدية بلهفة ...دي علبة قطيفة زرقا صغيّرة ... هدية دهب ؟ أديها بتفتح العلبة : دي سلسلة ... بس الدلاّية عبارة عن ... رمز البرج بتاع سمية ... و كمان جنبها خرزة زرقا !!!
سمية مش عارفة تقول ايه ... يعني مبتسمة بس فيه كمية ذهول و علامات تعجب كتيرة باينة عليها !


الأم : الله ! حلوة أوي يا هاجر ! دايما ذوقك جميل ! أكيد مش من هنا ! صح ؟
هاجر : يارب تكون عجبتك يا سمسوم يا حبيبتي ...
سمية : ......!!!
هاجر : معلش احنا مضطرين نمشي دلوقتي عشان ميعادنا مع " مدام فتكات " أكيد سمعتي عنها ! دا احنا حجزنا معاها بالعافية النهاردة .... دي أحسن واحدة بتقرا فنجان في مصر كلها ... إيه رأيك ؟ تيجي معانا ؟؟
الأم : فكرة يا سمسمة ... و أدينا بنتسلّى !!!


سمية ...لسة مذهوله ...مش قادرة تتكلم ! بس مسكت ورقة و كتبت فيها حاجة ..و طلعت للريسبشن ... و اديتها لشهاب و قراها بصوت عالي ضاحك :

" الحقوني ... هيجننوني ! " angel1

_________________




.
.
.
*** لــزيارة صــفـــحـــتــي ***


08 يوليو 2009, 5:24 am
الملف الشخصى
مشرف قسم الأشعار

الصورة الشخصية للعضو

مشاركات:
1070
مكان:
الإسكندرية
الإسم الحقيقى:
محمد محمود حسن
الحكمة المفضلة:
إلهــــي لا تعذبني فإني
مقر ٌ بالذي قد كان مني
حالة التأكيد:
كاتب موثوق و مؤكد هويته
مشاركة Re: جنّنووني ! ج 9 فراغ !


بقدر ما أسلوبك الكوميدي الساخر جميل بقدر ما يناقش قضية خطيرة في مجتمعنا
وهي : جهل المتعلمين والمثقفين ، والذي أصبح أشد درجة من جهل الجهلاء
فما الذي يدفع عقلية متعلمة للركض وراء خرافات يعلم جيدا ً أنها وإن صدقت لا تعدو من قبيل الصدفة
لكن غياب الوازع الديني وراء كل مصيبة في حياتنا .
أحييك على روعة أسلوبك الكوميدي الهادف ، فما أجمل أن نعود للكوميديا الهادفة
حتى نصلح من أوضاعنا بأسلوب دمه خفيف
تحياتي لك وتمنياتي لك بالتوفيق

_________________
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ




صفحتي الشخصية


08 يوليو 2009, 8:43 am
الملف الشخصى Yahoo الموقع الشخصي
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: جنّنووني ! ج 9 فراغ !


محمد محمود كتب:
بقدر ما أسلوبك الكوميدي الساخر جميل بقدر ما يناقش قضية خطيرة في مجتمعنا
وهي : جهل المتعلمين والمثقفين ، والذي أصبح أشد درجة من جهل الجهلاء
فما الذي يدفع عقلية متعلمة للركض وراء خرافات يعلم جيدا ً أنها وإن صدقت لا تعدو من قبيل الصدفة
لكن غياب الوازع الديني وراء كل مصيبة في حياتنا .
أحييك على روعة أسلوبك الكوميدي الهادف ، فما أجمل أن نعود للكوميديا الهادفة
حتى نصلح من أوضاعنا بأسلوب دمه خفيف
تحياتي لك وتمنياتي لك بالتوفيق



أشكرك جدا يا أخي العزيز محمد على المتابعة الممتازة و التشجيع المستمر و القراءة بعمق و رؤية مابين السطور

تعليقك بالفعل لإضافة للعمل ... و أنا أندهش كثيرا لهذا الكم من المثقفين المنساقين وراء مجاهل الخرافات إلى حد مؤسف فعلا !

سعدت كثيرا برأيك في العمل .. و ليتنا نعمل على تغيير أو تعديل سلبياتنا و سد كثير من الثغرات في مجتمعنا لننهض قليلا !

تمنياتي لك بكل الخير و السعادة و التوفيق إن شاء الله flower1 flower1 flower1

_________________




.
.
.
*** لــزيارة صــفـــحـــتــي ***


09 يوليو 2009, 6:41 pm
الملف الشخصى
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: جنّنووني ! ج 9 فراغ !


رمز البرج و خرزة زرقا! :lol:
جزء تانى بفكرة تانية...فكرنى بموضوعك عن الأبراج و إزاى إن فيه ناس ممكن تأثر فيهم و يعتمدوا عليها كمان فى حياتهم.
و القضية التانية الأخطر قضية التنجيم و قراية الفنجان و الدجل و كل الوهم ده..و المشكلة إن ساعات فيه مثلاُ سيدات بيلجأوا لدجالين مثلاً عشان الحمل..او ساعات كمان أهل الزوج أو أهلها هى نفسها بيجبروها على كده حتى لو مش مقتنعة..و بتحصل حوادث كتير من النوع ده مالية صفحات الجرايد..و زى ما عبرتى هنا بطريقة كوميدية إن ظاهرة الإعتقاد فى التنجيم أو الدجل مش بتبقى مقتصرة بس على نوع معين من الناس أو مستوى مادى محدد..بالعكس..بيبقى فيه ناس المفترض متعلمين و فاهمين لكن فى مواقف معينة بيستسلموا للأفكار دى..

شكلها هتبقى أصعب حالة سمية تعالجها..ربنا يكون فى عونها بقى عالنجوم و الخرز eat1
ليه ما فيش أجزاء تانية؟ بجد يا غادة و انتى عارفة ان ردودى دايماً صريحة و ما اتعودتش أجامل..السلسلة دى أجمل سلسلة كوميدية قرتها..و نسجك للشخصيات الجميلة بمهارة و تنوع يخلى فيه مجال لأجزاء كتير جداً إن شاء الله..عشان كده أتمنى إن شاء الله إن قريب نقرى الجزء العاشر بمناسبة إن ده عيد ميلاد السلسلة دى..أنتى بدأتيها يوم 14 فبراير و اتكتبت أجزائها الأولى زى الأيام دى...محتاجين بقى جزء جديد نقول فيه كل سنة و أنتى طيبة سمية و يا شهاب..و كمان كل سنة و انتى طيبة يا غادة و اعمالك الجميلة تفضل تعبر عن أفكار و قضايا مهمة بأسلوب أدبى رائع بجد :)
ربنا يوفقك دايماً يا غادة لكل خير و نجاح flower1

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



10 مارس 2010, 9:35 am
الملف الشخصى
عرض المشاركات السابقة منذ:  مرتبة بواسطة  
الرد على الموضوع   [ 4 مشاركة ] 



المتواجدون الأن

الأعضاء المتصفحون لهذا القسم لا يوجد أعضاء متصلين و 1 زائر


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

cron
Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter