جنّنووني ! جزء 10 - (( مين؟ إزاي؟ ليه ؟))

هذا القسم لليوميات أو المذكرات المسلسلة والمكتوبة فى قالب كوميدى أو اجتماعى ساخر.

المشرف: الأمير الحائر

أضف رد جديد
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

جنّنووني ! جزء 10 - (( مين؟ إزاي؟ ليه ؟))

مشاركة بواسطة Ghadat2009 »

[table] [tr] [td]
[[highlight=#ffff40]جنـنـوووني !! [/highlight]]
[/td][/tr][/table]


(مين ؟ إزاي؟ ليه ؟ )
الجزء 10
سميّة قاعدة بتشرب الشاي الصبح في أمان الله ، و فجأة الفنجان كان هيقع من إيديها أصلها سمعت صوت أوبرالي فظيع ، تقريبا ده صوت هاجر ، الّلهم اجعله خير !
سمية: ( بعد ما انتهت سيمفونية الكحة لأنها شرقت من الخضّة ) إيه ده فيه إيه بس ؟
الأم: بسرعة يا سمية هاتي المكنسة و تعالي ورايا عند هاجر
سمية : ( يعني الصرخة دي و ف الآخر يطلع يوم التنضيف العالمي ؟ )
سمية تدخل و معاها المكنسة ، و تتفاجيء إن هاجر منهارة تماماً و زين مخضوض و بيعيّط !
سمية: إيه اللي حصل يا هاجر ؟
هاجر: المرايا ! كسر المرايا الصغيّرة بتاعتي !
سمية: بس كده ؟ بسيطة حالا هتلاقي كل الآثار اختفت ، و إن شاء الله نجيبلك واحدة أجمل منها و ...
هاجر: بقولّك المرايا اتكسرت و كمان النهاردة يوم 13 في الشهر ، ناقص بقى أشوف قطة سودا ! و بعدين انتي ليه مصرّة تقطعي الصفحة اللي بقراها في الجرنال ؟ دانتي بهدلتي الجرايد و المجلات و ...
سمية: اهدي بس يا هاجر ، إيه اللي بتقوليه ده بس ؟ ( دي حالتها بقت صعبة أوي ، و الظاهر لازم كونسلتو ، ما أنا مش هاقدر عليها لوحدي ! ) ما فيش حاجة اسمها تشاؤم ده كمان حرام و انتي عارفة ! و بعدين اتفقنا إن صفحة الأبراج إياها دي هتتصادر !
هاجر: أنا مش عارفة إيه الهدوء اللي انتي فيه ده ؟ هو مافيش حاجة بتنرفزك ؟
الأم: هو انتي هتطلّعي ضيقك عليها ؟ مالك و مالها ؟ ( تطبطب على سمية ) ربنا يكمّلك بعقلك يا بنّوتتي !
هاجر: يعني أنا ترلملم يا ماما ! كده برضه ؟
سمية: ترلم .. لم !!
فجأة يضحكوا كلّهم من القلب و تبدأ تحس سمية ببارقة أمل في علاج حالة هاجر ، ربنا معاها بقى !
الأم : خلاص يا هاجر بقى ! بطّلي السيرة دي و تعالي نتفرّج على أي حاجة في التلفزيون ، هاتي زين ف إيدك ياللا و صالحيه .
شهاب : صباحات شريفات أفندم ! ( يقبّل رأس مامته )
الأم ( ضاحكة ): و عليكم السلام و رحمة الله و بركاته ، إيه الصباح التركي ده ؟ إوع تكون عايز تحوّل على الحلقة التركي إياها ؟ أنا ماليش دعوة ! أنا هاتفرّج على برنامج ( سفرة كميلة ) ده بتقدّمه مدام كاميليا بنفسها
شهاب: ( حواجبه قرّبت توصل للسقف من الاندهاش ) : يا سلام ! مدام كاميليا... بنفسها ؟ مين بقى مدام كاميليا ؟ و دي تيجي إييييه جنب مدام سوزان اللي ما فيش زيّها ! ده هيّ اللي تتعلّم منّك يا جميل
الأم ( تضحك تاني ) :طيّب يا بكّاش ، غلبتني ، اتفرّج ع اللي انت عاوزه !
سمية كانت سايباهم يتناقشون ... يتحاورون .... يفكّرون ,, و هيّ كانت ماسكة ( الريموت كونترول) و بتحوّل من قناة للتانية و فجأة ...
شهاب: استني استني بس يا سمسمة ! ارجعي تاني كده حوالي قناتين !
سمية ترجّع القنوات وفجأة ... تاني ..
شهاب: أيييوة ! بيتهيّألي لمحتحسن!
و يبدؤوا كلّهم يتابعوا البرنامج :
حسن زهران: و من الواضح فعلا أن سلسلة حلقاتنا اللي بعنوان( كتّاب وراء الستار )؛ هتكشف لنا مواهب رائعة ، زيّ الأوراق اللي لقيناها مع عمّ جاد و اللي كان كاتب فيها مقالات مميزة جدا ، و دلوقتي هأفتح لكم أجندة مميزة مكتوب فيها أشعار و خواطر و قصص كمان ، و هابدأ بقراءة النص ده و الحكم للسادة لجدنة التحكيم و أذكركم بدوركم في التصويت :
عايش و بيدوّر على نفسه
مش عارف يعمل اللي ف نفسه
عقارب الساعة دي ...بتنافسه
و ما بقاش قادر ياخد نفسه
و لمّا ....
....


فجأة .. سمية قامت بنرفزة و كانت بتكلّم نفسها تقريبا !
سمية: لاااا ! كده كتير ! ما ينفعشي ! طب بس إزاي ؟ مين عمل كده ؟
شهاب: لا حول و لا قوة إلا بالله ! و الله كانت كويّسة ! بس نعمل إيه ؟ من عاشر القوم أربعين يوم ...!
سمية: إنت اللي عملت كده ؟ بس برضه إزاي ؟ و ليه ؟ اااه ! عشان كده بقى !
الأم ( بقلق حقيقي ): قوم يا شهاب اتصل بـ باباك ! و قولّه يحاول ييجي بدري النهارده .
هاجر: مالك يا سمية ؟ لو متضايقة من القناة دي نحوّلها ! ده حتى موضوع تافه و ...
سمية: تافه ؟ شكرا خالص يا أستاذة هاجر ! ( و فجأة يبان عليها إنها افتكرت حاجة فجأة ) جودي ؟ هي اللي عملت كده ؟ معقولة ؟
و تفضل سمية تكلّم نفسها بصوت مسموع ، و الجماعة قفلوا التلفزيون و قعدوا يتفرّجوا عليها بقلق ( ماعدا شهاب هيموت من الضّحك )
سميّة: الحل ف إيدك إنت يا شهاب ! انت اللي هتعرف كل حاجة !
شهاب ( خلاص عدّى مرحلة السيطرة على الضحك ) :أيوة أنا عارف ! ثواني أجيب البلورة السحرية بتاعتي و جاي حالا !
سمية تاخد شهاب على جنب و تقولّه :
الأجندة دي بتاعتي و جودي ضيّعتها بس واضح إنه هو بقى لاقاها ! بس عليها أول حروف اسمي ، يبقى عشان كده كان بيضحك ؟ قصدي ...يكون قراها كلّها ؟
شهاب: و الله يا سمسمة أنا لما جه يدّيهالي – أصله لاقاها واقعة قدّام باب العمارة تحت بلكونتنا - فتحتها و قريت شوية من اللي انتي كاتباه ، قلت أعمل فيكي خدمة و تشتركي ف البرنامج و هو وافق و ...
سمية ( بغيظ ): و انا ماليش رأي ؟ هي مش دي أجندتي برضه ؟
شهاب: لا ماتخافيش ، ماهو أنا قلت له إنّك ما عندكيش مانع بشرط ما يقولش اسمك في البرنامج إلا بعد النتيجة !
سمية: الرحمة يا رب ، يعني جودي ترميها و انت تنشرها و هو يذيعها و أنا و لا اعرف حاجة عنها !
لا .. انتو أكيد متفقين انكوا تجننووني ! :cry:

صورة

.
.
.
[highlight=#ffff40]*** لــزيارة صــفـــحـــتــي *** [/highlight]
صورة العضو الرمزية
محمد محمود
مشرف قسم الأشعار
مشاركات: 1070
اشترك في: 06 نوفمبر 2008, 4:40 pm
Real Name: محمد محمود حسن
Favorite Quote: إلهــــي لا تعذبني فإني
مقر ٌ بالذي قد كان مني
verification: ID verified and trusted writer
مكان: الإسكندرية
اتصال:

Re: جنّنووني ! جزء 10 - (( مين؟ إزاي؟ ليه ؟))

مشاركة بواسطة محمد محمود »

السلام عليكم يا أختي العزيزة
سلسلة اليوميات الجميلة دي التي تمتعينا بها بين فترة وأخرى تستحق الثناء
فهي تتمتع ببساطة أسلوبها وواقعية أحداثها ، فهي تتناول لقطات يومية من حياة الأسرة التي تحدث في كثير من البيوت ، ولم يفت عليك
أن تجمليها بالمواقف الكوميدية بأسلوب جميل .
أتمنى أن أجد هذه السلسلة منشورة لك في القريب العاجل ، فلو كنت مخرجاً لجعلت منها مسلسلاً اجتماعياً .
تميز في الكتابة ليس بغريب عليك .
مع خالص تمنياتي لك بالسعادة والتوفيق .
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ

صورة


صفحتي الشخصية
صورة العضو الرمزية
walaa mohamed
أكاديمى نشيط
أكاديمى نشيط
مشاركات: 146
اشترك في: 08 فبراير 2009, 2:45 am
Favorite Quote: و من يتق الله يجعل له مخرجا و يرزقه من حيث لا يحتسب.
مكان: مصر

Re: جنّنووني ! جزء 10 - (( مين؟ إزاي؟ ليه ؟))

مشاركة بواسطة walaa mohamed »

جميلة أوى يا غادة :)
والفكرة تحفة بجد :lol: أسلوبك ممتع جدا .
كان نفسى اتابع السلسلة من الأول ..بس معلش ملحوقة ان شاء الله
بس حقيقى أنا رأى من رأى أستاذ محمد لو اتعملت مسلسل اجتماعى كوميدى هيبقى رااائع vi2
يا مقلب القلوب..ثبت قلبى على دينك


صورة
أضف رد جديد

العودة إلى ”مذكرات كوميدية“