المواضيع التى لم يرد عليها | عرض المواضيع النشطة التوقيت الحالى 20 نوفمبر 2018, 8:17 pm





الرد على الموضوع  [ 16 مشاركة ]  الذهاب للصفحة 1, 2  التالى

Share |


فى معمل الكيمياء ( مذكرات المهندس مشمش ) 
الكاتب رسالة
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة فى معمل الكيمياء ( مذكرات المهندس مشمش )


ملحوظة: كله فى مشاكل وكله زعلان وأنا عن نفسى وأنا بكتب فى العمل ده دلوقتى عندى مشاكل شخصية كبيرة حواليا غير زعلى على أحداث غزة...ودى محاولة لتطليع الزعل ده فى كتابة أحسن.
....
طبعا أنا عارف إن كتير منكم هيستغرب إنى بكمل المذكرات الكوميدية دى فى الوقت ده بالذات...لكن تقدروا تقولوا ان ده مقصود لأنى عايز أغير جو الأكاديمية شوية وكمان عشان ألفت النظر إن الكتابة مش شئ عيب عشان نبطل نعمله لو فيه أحداث حزينة حوالينا, بالعكس, زى ماحصل الأيام اللى فاتت وكتاباتنا كلنا وبالذات أحمد من مقالات وخواطر وأشعار على مشكلة حزاء بوشت لتها مشكلة الكابلات وانقطاع النت وبعد كده أحداث غزة الأليمة على قلوبنا جميعا...واللى تفاعلنا كلنا معاها سواءا بالتضامن أو الدعوة للتبرع أوبالكتابة...وده أعتقد هو هدف كلمة " مصر بتكتب إيه؟ " إن احنا نعلق على كل الأحداث اللى بتحصل فى مصر أول بأول من خلال أعمالنا...ودى حاجة بجد مميزة جدا جدا وسعيد إنى أكون جزء منها...أسيبكو بقى مع الجزء التانى من المذكرات الكوميدية دى عشان نبتدى نرجع مع بعض النشاط الأدبى فى الأكاديمية عشان يمس مشاكلنا كلها من خلال أعمالنا فى أى قالب سواءا كان خواطر أو أشعار أو قصص أو حتى مذكرات كوميدية زى دى اللى بعبر فيها عن أى شخص ممكن يدخل كلية وهو مش حاببها...وأسيبكوا مع الجزء التانى ومع مشمش...قصدى المهندس مشمش...
.....................................


المكان: أمام كلية العلوم فى جامعة عمر أفندى!
الحدث: إمتحان الكيمياء العملى لإعدادى كلية هندسة!
الأشخاص: ولاد وبنات كتير واقفين وماسكين ( الأسكيما ) قال ايه بيراجعوا!
" العالم دى مجانين؟! "
" مالك بس يا محمد بالعيال...سيبهم يراجعوا... "
" ياعم أنتى فاكرنى بكلم على زملاتنا...أنا بكلم على دكاترة كلية الهندسة...ايه الجنان اللى هما فيه ده..."
" شششششش هتودينا فى داهية ياسيد! وطى صوتك...مالك ومال الحكومة ياعم أنت! ضايقوك فى ايه الدكاترة؟! "
"أنا أسمى مش مدحت ياخالد! وبعدين مين جاب سيرة حكومة؟ أنا بتكلم عنالدكاترة...هما بيعملو فينا كده ليه الناس دى؟! احنا مش هندسة؟! يبقى مالنا ومال كلية العلوم ياعم الحج؟! "
" يابنى مش لازم نيجى نمتحن الكيميا هنا...يعنى هيعملولنا معمل مخصوص فى كلية هندسة عشان نمتحن فيه امتحان الكيميا؟ "
"هو أنا على الإمتحان بس مش على المشاوير وتاكسى رايح تاكسى جاى...شوية على الورشة ونلبس بالطو أزرق مشحم ونروح نقعد نخرط فى حديد عشان نشكل قطعة الحديد عى شكل قطعة مولتو كيك ثلاثية الأبعاد ومحشوة بنشارة الخشب! وشوية يلبسونا خوزة وقناع شبه النينجا ويخلونا نشتغل بتوع لحام أوكسجين! مال الهندسة ومال الخراطة واللحام.. وياريتنا بنطلع بأى حاجة من ورا الليلة دى! انما يشغلونا فى الفاعل فى الورشة وفى الأخر يدونا خمس درجات حضور...يافرحتى...ومين يدفعلى بدل الإنتقال طول السنة! وفين كمانا لتأمينات! "
" تأمينات؟! "
" أه ياعم تأمينات! افرض مثلا مثلا يعنى ان شرارة اللحام حرقتنا واحنا بنشتغل! مش فيه بدل مخاطر عمل! وبعدين البنطلون الجنز الإيطالى بتاعى اللى اتشحم! مين يدفعلى حقه! ده خالو كان جايبهولى وهو راجع من إمبابة! ولا الجيبة بتاعة البت سوزى الغتيتة لما المخرطة خرطتها...بس هى اللى غلطانة من فذلكتها مش راضية تلبس البالطو الأزرق عشان مشحم وتقولك ياى سوفاج أنا ألبس ده...ده دادى كان يموتنى...مع انى سمعت ان دادى بتاعها سباك أساسا! ويوم ما اتقطعت الجيبة والبوليكا اللى عملتها...يامامى..المخرطة خرطت الجيبة الحقنى يادادى...والله دى الحسنة الوحيدة اللى عملتها المخرطة أصلا.. ياريتها كانت كملت عالطقم مش الجيبة بس...قال سوزى قال...ده نفيسة أحلى!"
" ششششش اسكت خالص...سوزى جاية علينا أهى هى و مريم...اسكت ماتشردناش "
نظر إلى حيث ينظر صديقه فوجد مريم وسوزى يتجهان نحوهما...فبادر مريم بقوله:
" أزيك يامريم...عاملة ايه فى الكيميا؟ "
" عيب عليك يا محمد ودى عايزة سؤال..ما أنا قولتلك من يوم إنفجار المعمل...أكيد مش عارفة حاجة طبعا...! "
" زميلتى! أهلا بيكى فى حزب الفشلة...اه...صحيح معلش ماخدتش بالى...أزيك يا ( شوزى ) ؟! "
نظرت إليه سوزى من تحت لفوق قبل أن تتجاهله تماما وتنظر إلى صديقه أحمد وتقول:
"أحمد...كنت عايزاك تشرحلى حتة فى الأسكيما لو سمحت..فى الصفحة الخمسمية وعشرين السطر التاسع تجربة ( تصنيع المية المعدنية من الزبادى والبوتاسيوم) "
" اه طبعا ياشوزى...احم أقصد ياسوزى..ده أنتى تؤمرى..اتفضلى نقعد فى " أى حتة هادية " أشرحلك السكيما من أولها لحد صفحة خمسمية وبعدين نكمل لحد صفحة ألفين مع بعض! لسه فاضل ساعة ونص على الإمتحان يلا بينا..."
راقبهم محمد ومريم وهما يبتعدان سويا قبل أن يضحك محمد ويقول:
" ندل من يومه...ولا كأنه كان واقف مع حد...صحاب فشنك عاملين زى ثانى أكسيد الكربون يامريم...لايشتعل بس ممكن يساعد على الإشتعال! "
"هههههه على رأيك بجد يامحمد فى كلية الهندسة أو فى الكليات كلها على العموم ماتعرفش تطلع بصاحب كويس أبدا...كله مصالح فى مصالح..حتى سوزى دى أوعى تفتكرنا صحاب...هى بس ساكنة قريب منى وبنركب سوا وبتركب معايا عشان أدفعلها أصلا! "
" ياتشريدك يامريم! ده أنتى شكلك ماتخبيش أى حاجة خالص..."
" اه فعلا..أنا دايما صريحة وبطس كده كلام عشان كده ماليش أصحاب كتير عشان فيه ناس كتير مش بيحبو الصراحة الأيام دى "
"حلو جدا جدا! ده إحنا كده نبقى نفس التشكيلة فعلا....أنا كمان هنا مش ليا صحاب كتير عشان نفس السبب لأنى بأصارح كل حد بحقيقته واللى بيحاول يعرفنى عشان مصلحته بقوله فى وشه أنت بتاع مصلحتك...وبالتالى ماليش صحاب أبدا غير نص صاحب اللى هو أحمد ده..وزى ما أنتى شوفتى أول مايشوف خيال بنت يجرىعليها أساسا! "
" ههههه اه بالظبط كده وسوزى بردو نفس النظام زى ماشوفت...أى ولد أو بنت فى الدفعة معاهم حل شيت ولا دحيحة يعنى يبقوا حبايبها...وعشان كده ماتحبكش بتقول عليك فاشل..."
" ههههههههه فاشل...بقى شوزى بتقول عليا فاشل...المشكلة يامريم ان هما مش عارفين مين اللى فاشل...اللى بيدخل كلية غلط أصلا زيى وغصب عنه ومش مناسبة لميوله...ولا اللى دخل كلية هندسة بجموعه كده صدفة ولا غش وعايز يعدى فى كلية هندسة بأى طريقة...غش بقى...يلزق فى الدكاترة ويبقى زى ضلهم ويقعد فى البنج اللى قدام الدكتور أو فى الأرض ويعمل نفسه بيكتب وراه وهو عمال بيشخبط أصلا! ويطلع فى الأخر مهندس بالغش...يعنى مهندس فاشل...ويقولواعلينا احنا اللى فشلة فى الأخر عشان مش بنحب النفاق والغش..."
" ايه ده! أنت زى ماتكون بتقول كلامى اللى بقوله لسوزى دايما ولكل أصحابى...أنا بردو نفس النظام...دخلت هندسة كده غصب عنى بضغط أهلى مع إنى بحب الرسم من صغرى وكنت عايزة أدخل كلية فنون جميلة دايما...و قالولى بقى فى البيت هما خمس سنين وهيعدو وهتبقى الباش مهندسة مريم عشان نفتخر بيكى فى وسط العيلة! مال الهندسة ومال الورش والخراطة ومعامل الكيميا..."
" تصدقى انى لسه كنت بتكلم فى الموضوع ده مع أحمد...مخنوق أنا من موضوع لكيميا ده وان إحنا بنيجى ناخد السكاشن العملى و نمتحن فى كلية العلوم..."
" بس متهيألى انك مش كنت بتحضر أصلا...أصلى كانت أول مرة أشوفك يوم مافجرت المعمل..."
" فعلا كنت أول مرة أحضر سكشن العملى...خدت البالطو الأبيض وقلت أجرب أدخل السكشن العملى مع الدفعة كده قال ايه دكاترة..."
" بس انت فجرت المعمل إزاى...ده أنت ولعت فى الديسك كله والحمد لله ان ماحدش شافك غيرى والقضية اتقيدت ضد مجهول..."
" اه فاكرة اليوم ده...لازم نفتكره وإحنا داخلين الإمتحان يامريم...أنا بس حبيت ألعب شوية فى المعمل وأعمل نفسى بأحضر الذرة وكده...لقيت إزازة فيها مادة لونها أصفر ومادة تانية لونها أسمر...وكنت عايز أعرف هيطلع لون ايه لو حطيناهم على بعض...قولت يمكن أعمل إزازة ميرندا ولا حاجة نشربها فى الحر ده! ايه عرفنى بقى ان أنا عملت NaO2 على ثانى أكسيد الكوكاكولا!ولقيت بقى الدنيا ولعت...بس أصيلة يامريم والله أنا فكرتك زيهم وهتبلغى عنى..."
" لأ أصل أنا بردو مش كنت فاهمة أى حاجة فى أى حاجة وكنت بأرسم بالألوان و بردو وكان فاضلى شوية وأعمل إنفجار زيك! فالحال من بعضه يعنى..."
" والله المهندسين المنفضين على أشكالها تقع...أهلا بيكى يامريم فى عالم سمسم! "
" هههههه أنت خلاص سميته...طب يلا بقى أجهز عشان الإمتحان هيبدأ...أنا مش عارفة لسه هيقسمونا إزاى بس لو ربنا سهل وحطونا مع بعض فى لاب واحد نبقى نعمل إختبارات تصنيع السيفن اب! "
" ههههه أوكى يامريم...ربنا يستر...وأدى سوزى وأحمد جايين هناك...يلا نلبس البالطو الأبيض ونبدأ العملية الإنتحارية! وصيتك البت سوزى يامريم...عايزك لو انفجر بيا المعمل تبقى تغلسى عليها دايما وتقوليلها ياشوزى! "
"هههههه.... أوكى ياوليد...يلا سلام...أشوفك جوه الاب..."
راقبها وهى تسير بعيدا قبل أن ينظر إلى البالطو الأبيض ثم ينظر إلى بوابة كلية العلوم الضخمة
" يلا...هو إنفجار ولا أكتر..."
أمسك بالبالطو فى قوة واتجه فى خطوات ثابتة نحو بوابة كلية العلوم...وينظر نظرات توحى بالشر...
وأن الساعة القادمة مدة الإمتحان ستحمل الكثير من المفاجئات...
والكثير من الخطر...والجزر...
والسيفن أب...
.....
يتبع أو مايتبعش...ماتفرقش

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



04 يناير 2009, 12:01 am
الملف الشخصى
مشرفة قسم أدب الأطفال

الصورة الشخصية للعضو

مشاركات:
1291
مكان:
بنت مصر
الإسم الحقيقى:
نهاد نعمان
الحكمة المفضلة:
لوسرقت منا الأيام قلباً معطاء بسام لن نستسلم للآلام ...لن نستسلم للألام .....
حالة التأكيد:
كاتب موثوق و مؤكد هويته
مشاركة Re: فى معمل الكيمياء ( مذكرات المهندس مشمش )


واللهى عندك حق ياوليد أنا حاسة ان كل الدنيا زعلانة , وحاسة أنا السما والأرض وكل الدنيا بتبكى على الا بيحصل فى غزة , حتى مذاكراتك الكوميدية مع جمال اسلوبة لكن تحس ان مابين السطور بيدى معنى حزين ,
عجبنى جدا انك قدرت توصل فكرة مهمة جدا فى حياتنا وهى دخول أى طالب كلية مش حببة وأزاى الموضوع ده بيأثر على كل حياتة..
و انت فى الجزء الأول بينت الفكرة وفى الجزء ده بتأكدة وبتقولنا على سلبياتة ..بجد جميلة واحلى حاجة انك فكرتنا بمريم الا بجد وحشنى جدا تواجدة معانا ..انت عارف أنا حسيت ان مريم هى الابتتكلم لانك اتكلمت بنفس اسلوبها وطريقتها فى الحوار ...بحيك ياوليد وبشكرك أنك بتحاول تخفف من أحزانه..وبجد المذاكرات جميلة وخفيفة ووصلت الفكرة الا انت عايز تقولها ....بتمنالك دايما التوفيق فى كل جديد بتفدمه

_________________


04 يناير 2009, 4:34 am
الملف الشخصى
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: فى معمل الكيمياء ( مذكرات المهندس مشمش )


طبعا كل الدنيا زعلانة على اللى بيحصل فى غزة..كبار وأطفال فى كل مكان..هو يمكن ياتنهيدة فعلا ساعات الزعل بيقلب لسخرية بس تبقى سخرية مريرة شوية...عشان كده حتى لما كتبت حاجة كوميدية حسيتيها فيها حزن...
بس على فكرة دى مش مريم خالص...مجرد الأسم بس جه على بالى..إنما كل شخصيات القصة خيالية ولا عمرها حصلت فى الحقيقة ولا شخصياتها ليهم أساس وحتى شخصية مريم مع إنى تقريبا كلامها كتبته قريب من شخصية مريم بس هى شخصية مش حقيقية هنا فى المذكرات...مجرد خيال ألفته بالكامل على ضوء تجارب عشتها...
وأكيد كلنا وحشنا مريم و أية وكل الناس اللى اتعودنا على تواجدهم فى الأكاديمية بجد...وان شاء الله ربنا يوفقهم و يرجعوا بعد الإمتحانات...
بشكرك ياتنهيدة على رأيك وسعيد إن المذكرات الكوميدية دى عجبتك وفعلا أنا متعمد يبقى أسلوبها عامى بسيط غير كل اللى بكتبه زى مانبهت فى الجزء اللى فات لما قلت أنتو عارفين أسلوبى الأصلى ومش هتقيمونى غلط على أساس اللغة البسيطة العامية هنا...كل ده عشان أوصل الفكرة بأسلوب ساخر بسيط..والحمد لله وصلتلك فكرتى ...ومستنى مقالك

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



04 يناير 2009, 6:23 pm
الملف الشخصى
مشرف قسم الأشعار

الصورة الشخصية للعضو

مشاركات:
1070
مكان:
الإسكندرية
الإسم الحقيقى:
محمد محمود حسن
الحكمة المفضلة:
إلهــــي لا تعذبني فإني
مقر ٌ بالذي قد كان مني
حالة التأكيد:
كاتب موثوق و مؤكد هويته
مشاركة Re: فى معمل الكيمياء ( مذكرات المهندس مشمش )


تحياتي لك يا وليد لقد استطعت باسلوبك النقدي الساخر أن تثير في ذهني مشكلة التعليم في الوطن العربي عموما لأن مفيش عندنا طالب جامعة بيدخل الكلية حسب امكانياته وميوله وإنما حسب المجموع يعني بمعنى أصح عقول شبابنا أصبحت ولامؤاخذة مخزن لشحن وتفريغ المعلومات يبدأ الشحن ببداية التعليم وينتهي بلحظة التخرج فتكون النتيجة خريج مخه فاضي .وربنا يعوض علينا في زمن العباقرة .
أحييك مرة تانية يا وليد وربنا ما يحرمناش من وجودك لأنك وحشتنا الكام يوم اللي مكتبتش فيهم.

_________________
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ




صفحتي الشخصية


04 يناير 2009, 6:41 pm
الملف الشخصى Yahoo الموقع الشخصي
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: فى معمل الكيمياء ( مذكرات المهندس مشمش )


بشكرك جدا يامتر, وسعيد إنى عملى وصل المعنى اللى عايز أوصله بالظبط...إن نادر لما تلاقى حد داخل كلية بيحبها...بسبب كارثة اسمها التنسيق أولا...وبسبب مفاهيم أولياء الأمور الغلط..وثالثا وهو الأهم بسبب فكرة كليات القمة...وكلمة أنا عايز أشوف ابنى دكتور وأبنى مهندس...لأنها بجد كلمة تخنق...كل واحد عايز أولاده يبقى أحسن الناس أكيد بس المشكلة مش أنت عايز تشوفه ايه...الموضوع هو عايز يشوف نفسه ايه؟! ميوله ايه...؟ أحلامه...؟ كل ده مش بيضعه الأباء فى اعتبارهم لما بيدفنوا مواهب أبنائهم فى كلية غير مناسبة ليهم بدعوى الحب...
بشكرك جدا على مشاعرك يامتر والأكاديمية هى بيتى التانى اللى برتاح فيه بجد وأعضائها هما عيلة مميزة ليا...سواءا المتواجدين حاليا أو الغايبين بسبب الإمتحانات...و ربنا يرجع الكل بالسلامة وتتجمع الأكاديمية تانى وكمان تزيد العيلة دى إن شاء الله...

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



04 يناير 2009, 7:20 pm
الملف الشخصى
مشرفة قسم أخبار الأدب

الصورة الشخصية للعضو

مشاركات:
672
الحكمة المفضلة:
الجحيم هو الآخرين.
حالة التأكيد:
كاتب موثوق و مؤكد هويته
مشاركة Re: فى معمل الكيمياء ( مذكرات المهندس مشمش )


الأمير الحائر كتب:
ملحوظة: كله فى مشاكل وكله زعلان وأنا عن نفسى وأنا بكتب فى العمل ده دلوقتى عندى مشاكل شخصية كبيرة حواليا غير زعلى على أحداث غزة...ودى محاولة لتطليع الزعل ده فى كتابة أحسن.
....



استنى عشان لسه مش قادرة اكتب من الضحك..
ممتاز أنك تنفس عن ضيقك ومشاكلك بالطريقة دي..يا ريت أعرف أتفاعل زيكم بالكتابة مع الأحداث بس المشكلة إن أنا ما بعرفش اكتب عن حاجة غير بعد ما تكون خلصت بعشر سنين كده..مستنية أعمال جاية كثير من أنشط أعضاء الأكاديمية..

_________________


05 يناير 2009, 9:27 pm
الملف الشخصى
مشرفة قسم إهداء إلى

الصورة الشخصية للعضو

مشاركات:
151
الإسم الحقيقى:
سها محمد حسن
الحكمة المفضلة:
من الذكاء ان تكون غبيا بعض الوقت
حالة التأكيد:
كاتب موثوق و مؤكد هويته
مشاركة Re: فى معمل الكيمياء ( مذكرات المهندس مشمش )



لذيذه خالص ياوليد .وفعلا عبرت عن مشكله كبيره جدا وهى اننا بندخل كليات مش بنحبها خالص بس وانا بقرأ القصه ولقيت كليه علوم كنت خايفه تقول حاجه وحشه على الطلبه بتوعها؟
كنت هزعل بس مش قوى. بالتوفيق ليك ياوليد

_________________
cowards die many times before thier dies


05 يناير 2009, 9:48 pm
الملف الشخصى
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: فى معمل الكيمياء ( مذكرات المهندس مشمش )


هبة الله محمد كتب:
ممتاز أنك تنفس عن ضيقك ومشاكلك بالطريقة دي..يا ريت أعرف أتفاعل زيكم بالكتابة مع الأحداث بس المشكلة إن أنا ما بعرفش اكتب عن حاجة غير بعد ما تكون خلصت بعشر سنين كده..مستنية أعمال جاية كثير من أنشط أعضاء الأكاديمية..

ماينفعش خالص ياهبة لأن الكاتب المفترض إن عقله بيحول أى حدث بيمر بيه لكتابة...و المفترض أكتر عشان تلاقى أفكار وكمان تكتبى إحساس حقيقى إن أى مشهد ولو بسيط ممكن يعدى على عين أى واحد وحتى لو تفاعل معاه ممكن يعدى وخلاص...بس الكاتب مع تفاعله مع المشهد لازم يتحول لكلمات فى خياله...سواءا فى شكل مقال أو قصة أو رواية أو قصيدة أو خاطرة...فلازم عشان تبقى كاتبة بجد ياهبة يبقى عندك تفاعل دايما مع كل اللى حواليكى...ويارب نصيحتى دى تكون مفيدة ليكى لأنى بجد دى حاجة أنا بعمل بيها وزى ماشوفتى فى عز المشاكل ممكن يطلع عمل من فكرة أو مشهد يتحول لخياال وعمل أدبى...جربى ياهبة وإن شاء الله نشوفلك أعمال مرتبطة بالأحداث اللى حوالينا دايما...

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



06 يناير 2009, 7:08 pm
الملف الشخصى
مشرفة قسم أخبار الأدب

الصورة الشخصية للعضو

مشاركات:
672
الحكمة المفضلة:
الجحيم هو الآخرين.
حالة التأكيد:
كاتب موثوق و مؤكد هويته
مشاركة Re: فى معمل الكيمياء ( مذكرات المهندس مشمش )


هو فيه بعض النقاد بيقولوا إن لازم التجربة تنضج الأول وتأخذ وقتها عشان تقدر تكتب عنها وده راي كاتبة فلسطنية ممتازة أنا بحب كتابتها جدا..وده عشان تكون امتصيت التجربة كويس وتغلغلت فيك..

_________________


06 يناير 2009, 7:19 pm
الملف الشخصى
مشرفة قسم أخبار الأدب

الصورة الشخصية للعضو

مشاركات:
672
الحكمة المفضلة:
الجحيم هو الآخرين.
حالة التأكيد:
كاتب موثوق و مؤكد هويته
مشاركة Re: فى معمل الكيمياء ( مذكرات المهندس مشمش )


عموما سأحاول

_________________


06 يناير 2009, 7:42 pm
الملف الشخصى
عرض المشاركات السابقة منذ:  مرتبة بواسطة  
الرد على الموضوع   [ 16 مشاركة ]  الذهاب للصفحة 1, 2  التالى



المتواجدون الأن

الأعضاء المتصفحون لهذا القسم لا يوجد أعضاء متصلين و 1 زائر


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter