معلش والله أنا سرحت وماخدتش بالى من ردك خالص يا لارا إلا دلوقتى...يعنى أنتى فى كلية علوم...طب كويس أنى ما كتبتش مذكرات العالم مشمش فى كلية العلوم
بصى يا لارا هو أنا حتى مش بكتب حاجة وحشة عن طلبة الهندسة...ومش بعمم...أنا بس بأنقد مشاكل شوفتها بعنيا وعيشتها وبدمجها بخيالى عشان تبقى مذكرات كوميدية وبتسخر من الواقع اللى ساعات بجد يبقى ساخر أكتر من كده بكتير...وفعلا زى ما قولتى بندخل كليات مش بنحبها لكذا سبب ومش بس ده بيأثر على مستقبلنا لوحدنا...ده بيأثر على مستقبل بلد بحالها هيطلع فيها أجيال كتير متخرجين من غير مايعرفوا أى حاجة عن اللى بيدرسوه أصلا...مابين غش..أو حتى حفظ معلومات بتطير بعد ساعة من الإمتحان...ونستغرب فى الأخر بلدنا متأخرة ليه...وسلامى لمشمش ولكلية الهندسة وكلية العلوم عشان ماتزعليش يا لارا

كتير فعلا يا أحمد عايشين المشكلة دى بكل تفاصيلها...وبيحاولو يمشوا فى كليات اتفرضت عليهم اما بسبب المجموع أو ضغط الأهل...ده سلوك شعب ونظام تعليم فاشل للأسف..
وبحييك جدا يا أحمد على توقيعك لدعم المقاطعة...ويارب فعلا نلتزم بيها دائما

بأشكرك جدا ياغادة.. وفعلا بقى نظام التعليم من ابتدائى لجامعة عايز نقطة و من أول السطر بعد " شخبطة " وزراء التعليم المتتالين فى صفحة التعليم المصرى...ويارب ده يحصل قريب...
بالنسبة لموضوع التنوع فالفضل بجد زى مابقول دايما للأكاديمية هنا اللى بدأت أكتب فعلا فيها أو بمعنى أصح رجعت للنشاط الأدبى على النت بعد مقاطعته لفترة كبيرة جدا وفقد الثقة فيه...لكن هنا جربت وكتبت..وعلى فكرة أنا يمكن من النوعية اللى بأخد فكرة الكتابات الجديدة تحدى...و كان دايما أى قسم أدبى مختلف فى أى موقع بحاول أكتب فيه...وده اللى حصل هنا لما استفزنى قسم المذكرات الكوميدية الخالى وحسيت بالتحدى فى عينيه فقررت أتحداه وأكتب الفكرة دى فيه
وأنا كمان بأتمنى أشوف المزيد من كتاباتك المتنوعة ياغادة..وبشكرك جدا على رأيك

جزء ساخر جديد يا وليد ... أعجبني حوار البطل مع مريم الذي عبر عن فكرتك الرئيسية و هدفك من المذكرات و هو التطرق لمشكلة التنسيق و الثانوية العامة و المجموع و ضغط الأهل الذي تعرض له الكثير منا بسبب مجموع عالِ تحصل عليه مع رغبتك في الالتحاق بكلية أقل مجموعاً ...
أحييك على المذكرات و سأذهب لأقرأ جزء جديد ...