المواضيع التى لم يرد عليها | عرض المواضيع النشطة التوقيت الحالى 11 ديسمبر 2018, 7:07 am





الرد على الموضوع  [ 11 مشاركة ]  الذهاب للصفحة 1, 2  التالى

Share |


جنـــّنوووني- حلقة" 1"((سفّاااح)) 
الكاتب رسالة
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة جنـــّنوووني- حلقة" 1"((سفّاااح))


سفّاااااح !

في حي من الأحياء الهادية في القاهرة الجديدة ...و جوه شقة من شقق الدور السادس ... وقفت د.سمية تتأكد ان كل شيء جاهز و في مكانه ...طبعا مش مصدّقة نفسها ان بقى ليها عيادتها الخاصة مع انها لسة يادوب واخدة الماجستير! طلعت على باب الشقة عايزة تتأكد من اليافطة : يا سلام .. إيه الشياكة دي ؟ ( دكتورة .سمية إسماعيل ...استشارات نفسية و عصبية

أخيرا .... حابدأ بقى ! يا سلام عليّ و أنا باسمعهم و بعدين هم اللي يسمعوا كلامي ! أهو ده الشغل و لاّ بلاش ... لما اتصل ببابا و اطّمّن عمل ايه ؟
د.سمية : أيوة يابابا هيه عملتلي ايه ؟
أ.إسماعيل : كله تمام ! الإعلان نازل في الطبعة اللي جاية ... وزي ماقلتلك عملولي تخفيض كبيرجدا ..أمّال ؟ مش أنا رئيس قسم الحوادث هنا و لاّ هي سايبة يعني ؟ هاهاها... المهم قلتي لشهاب يوزع الإعلانات و لا نسيتي ؟
د.سمية : لأ افتكرت الحمدلله و كمان قاللّي إنه مستعد يحل محل السكرتارية و يحجز مواعيد للمرضى لحد ما ألاقي سكرتيرة ... بصراحة ..أنا كنت فاكراه مش كدة خالص ..الظاهر إني حابدأ أحترمه ! بس تعرف يابابا ده حيبقى سكرتيرة تجنن هاهاي
أ.إسماعيل : يا بنتي دا أخوكي برضه و بيخاف عليكي ! و انتي اللّي مصرّة عالمجال ده ... و يعني ...
د.سمية : بابا ! لو سمحت ... احنا اتناقشنا كتير في الموضوع ده ..خليني أجرب طيب ....و ادعيلي بس !
أ.إسماعيل :هه ...ربنا معاكي !

و بعد حوالي تلات ساعات دخل شهاب ( باين عليه مبسوط أوي) : زبون ... و الله بجد ! انا مش مصدق أدخّله؟ طبعا حادخل معاه؟
سمية : مش حينفع ! قوللي .. هو معاه أي حد ؟
شهاب : معاه واحدة وولد غلس أوي .. عمّال يبهدل في كل حاجة في الرسيبشن !
سمية : طيب اديني خمس دقايق و بعدين دخّله ....

د.سمية : يوه مافيش وقت ليوجا و لا لنوجا ! بس ايه القلق ده ؟ ماكنا كويسين ! إهدي يا سمية .. إيه اللي هيحصل يعني ؟ ياللا وريهم شطارتك !
........ : صباح الخير !
دخل راجل باين عليه في الثلاثينات ... و مع انه داخل بهدوء بس نظراته فيها حاجه ..هيّ ايه ؟ الله أعلم !
د.سمية : أهلا بحضرتك ! اتفضل اعتبر .... ( بترت عبارتها لأنه قعد فعلا و حط رجل على رجل .. و بدأ يدعبس في جيبه .. هو بيدور على ايه ؟ ياااامااامييي ) إيه ده بقاااا ؟

أصله طلّع سكينة طويلة عليها حاجة لونها أحمر .. طبعا أكيد كتشب أو لون من الألوان عنده .. آه ماهو أكيد رسام و ..( بترت أفكارها لأنه ماسك السكينة بشكل مش حلو خالص ! ده بيوجهـها ناحيتها ! )
د.سمية : ث ث ثانية واحدة بس أأأفهم !
سامح : اسمي سامح ... موظف صغير في شركة كبيرة .. و بصراحة أنا جيتلك انتي بالذات عشان الأوكازيون بتاع بداية الشغل !
د.سمية : أأوكازيون؟ ت ت تشرفنا يا أستاذ سامح بس ممكن السكينة تستريح حضرتك عالترابيزة هه ؟
سامح : متخافيش هاهاها فاكراني حأذيكي ؟؟ ازاي بقى أمّال مين يسمعني مين ؟
يحطّ السكينة عالترابيزة و هو بيتكلم .. بس لسه نظراته فيها حاجه ..!
يكمل : أصلي تعبت و عايز أعترف ! أنا اللي قتلتهم كلهم !
د.سمية : لا و الله ؟ طب ليه عملولك ايه بس ؟ ثم هم مين أصلا ؟؟
سامح : أول واحد كان المدرس الخصوصي بتاع ابني ... كل شوية فلوس .. فلوس ! و ساعة تجر ساعة و في الآخر الولد يسقط جامد كده ؟
د.سمية : معلش تاني كده ! يسقط جامد ازاي يعني ؟
سامح : يعني جاب عشرة من ستين في المادة بتاعته بالذات ! و اللي يغيظ انه كان بينجح عالحركرك قبل ما نجيب الأستاذ المتوفي !
د.سمية : هو حضرتك بتقول قتلته و لا ناوي يعني ؟
سامح : أنا استنيته لما خلص آخر درس للولد - عشان أبقى خت حقي منه – و بعدين نزلت استنيته على اول الشارع اللي هو ساكن فيه و فجأة قعدت أديله بالسكينة لحد ما وقع ... فجريت و لحد دلوقتي محدش عرف ان انا اللي قتلته !
د.سمية : حضرتك يعني ..مجرد رأي .. مش كنت جبت مدرس تاني أحسن ما تودي نفسك في داهية؟
سامح : اسكتي ! مش انا جبت بدل الواحد اتنين ؟ ...بس كانوا بيتخانقوا مع بعض و يتحدوا بعض و في الآخر خلصت منهم ... قبل ما يخلصوا على مرتبّي !
د.سمية : يعني قتلت مدرسين ابنك ؟ممكن تع.........
سامح : أنا لسة مخلصتش كلاااااامي ! فيه لسه تاني !
د.سمية : ل ل لسّه ؟ على خيرت الله ! طب كمّل حضرتك بس و الله مانت مزعل نفسك تاني .. أنا معاك صدقني !
سامح : انا علّيت صوتي جامد؟ معلش أصل كل الناس عايزة تتكلم و بس ...أمال مين اللي هيسمع؟ و ليه عندنا ودنين بس مافيش غير بق واحد ؟؟
د.سمية (ايه العقل المفاجيء ده ؟ ): كلام جميل ..أنا هاسمعك ! كمل كلامك ...
سامح : رابع واحد كان اللي كان بيكسر في الشارع بعد ما صدقنا انهم خلصوا مد اسلاك الكهربا و كسروه عشان اسلاك التليفونات و تاني عشان الغاز .. اللي انا قتلته ده كان بيكسر الشارع للمرة المعرفشي كام و لما سألته بتكسروا فيه ليه المرة دي ؟ قاللي نسي منديله و هو بيصلحه المرة اللي فاتت ! أنا قلت أخلص البلد منه .. يعني ده كان عشان مصر ... أما الخامس فكان ...........

صوت طرق على الباب ...ثم يدخل شهاب و في يده صينية عليها كوبين من الشاي

د.سمية : يا عم ... انت بتغطس فين بس ؟ مش تيجي شوية تشوفني يمكن أعوز حاجة كده و لا كده واخد بالك هه؟
شهاب : مانا جيت أهو ! و بعدين مش فاهم واخد بالي من ايه ؟
د.سمية : ممكن يا أستاذ سامح نخلي المدام تتفضل ... مش مدام حضرتك اللي برة برضه؟
سامح : المدام ؟ هاها مادي كانت عاشر واحدة أقتلها ! كل شوية أقولها تحترم نفسها في اللبس اللي هي بتلبسه هي و كل العيلة عندهم .. قال ايه " موضة " !
د.سمية : ط ط طب مين اللي برة حضرتك ؟ و بعدين هم الجماعة اللي قتلتهم كام على بعض يعني ؟
سامح : ممم حوالي حداشر !
د.سمية : حوالي ؟ ازاي مثلاً ؟
سامح : أصل بعد ما موّت مراتي قلت أموت ابني أصله بصراحة مش بيسمع الكلام و على طول إمّا.. تليفزيون يا إما تليفون يا ....انترنت !! و بعدين هو كان هيزعل أوي على مامته ... ياللا الموت أريح له ..!
د.سمية : يا شهااااب .. معلش يا أستاذ سامح ... يعني نشوف مين اللي برة بس بعد اذنك ؟
شهاب : أيوه ... حالا !

تدخل سيدة في الثلاثينات من عمرها .. و معاها ولد عمره حوالي عشرة أو حداشر سنة !

د.سمية : أهلا و سهلا ... اتفضلي استريحي .. حضرتك جيتي مع الأستاذ .. صح ؟
عـبـير :أيوة .. أنا جيت معاه لهنا ... و معاه في البيت ... أنا زوجته ..أم ابنه؟
د.سمية : نعم ؟ المرحومة ؟ الصبر يارب ! طب ازاي ؟
عـبـير : آااااه ! هو بقاله فترة بيكتم في نفسه و مش بيتكلم زي زمان و بعدين بقى كل اللي يزعله يتخيل انه قتله ! أنا قلت له نيجي نروح نموت الدكتورة الجديدة اللي .........
د.سمية : يا شهااااب .... اطلب البوليييييس ... الحقوني ... جننوني !

**************************


يتبع في الجزء الثاني انشاء الله ...

_________________




.
.
.
*** لــزيارة صــفـــحـــتــي ***


14 فبراير 2009, 5:25 am
الملف الشخصى
أكاديمى نشيط
أكاديمى نشيط

الصورة الشخصية للعضو

مشاركات:
174
الإسم الحقيقى:
هاله صبحى
مشاركة Re: جنـــّنوووني- حلقة" 1"((سفّاااح))


ماااشى يا غادة ... من أولها سفاح !!! انا مريت بعينى على السطور لقيت : الحقونى ... و سكينة و حاجة حمراء..... هاهاها ... قديمة يا ماما ... لا يلدغ المؤمن من جحر مرتين !!

_________________
من أعمالى
طب هى فين الرجالة


14 فبراير 2009, 3:16 pm
الملف الشخصى
مشرفة قسم أدب الأطفال

الصورة الشخصية للعضو

مشاركات:
1291
مكان:
بنت مصر
الإسم الحقيقى:
نهاد نعمان
الحكمة المفضلة:
لوسرقت منا الأيام قلباً معطاء بسام لن نستسلم للآلام ...لن نستسلم للألام .....
حالة التأكيد:
كاتب موثوق و مؤكد هويته
مشاركة Re: جنـــّنوووني- حلقة" 1"((سفّاااح))


أيه المواهب الجامدة ده ياغادة بصراحة هاااااااااااايلة ..دا احنا معانا كاتبة شاملة ومش حسينا ...عجبتنى طريقتك جدا فى الكوميدى بجد مذاكرات دمها خفيف جدا وكمان بتحمل هدف جواه وده أهم شىء فى أى شىء كوميدى أن يكون بيحمل جواه معنى وهدف ...يابنتى البنات تقدر تعمل أى حاجة ..بس بجد بحيك على البداية الجميلة ده

_________________


14 فبراير 2009, 9:44 pm
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: جنـــّنوووني- حلقة" 1"((سفّاااح))


hala كتب:
ماااشى يا غادة ... من أولها سفاح !!! انا مريت بعينى على السطور لقيت : الحقونى ... و سكينة و حاجة حمراء..... هاهاها ... قديمة يا ماما ... لا يلدغ المؤمن من جحر مرتين !!

هالة !........بشويش ....... تعالي ......... حاقولك حاجة في ودنك بيني و بينك : ياجبااااانة

_________________




.
.
.
*** لــزيارة صــفـــحـــتــي ***


15 فبراير 2009, 2:27 am
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: جنـــّنوووني- حلقة" 1"((سفّاااح))


تنهيدة كتب:
أيه المواهب الجامدة ده ياغادة بصراحة هاااااااااااايلة ..دا احنا معانا كاتبة شاملة ومش حسينا ...عجبتنى طريقتك جدا فى الكوميدى بجد مذاكرات دمها خفيف جدا وكمان بتحمل هدف جواه وده أهم شىء فى أى شىء كوميدى أن يكون بيحمل جواه معنى وهدف ...يابنتى البنات تقدر تعمل أى حاجة ..بس بجد بحيك على البداية الجميلة ده

بجد عجبتك؟ انا مبسوطة جدا برأيك الراااائع ...و العمق اللي بتشوفي بيه العمل يعني بقلبك و عقلك !
و ربنا يكرمك على تشجيعك اللي فوق الوصف !

_________________




.
.
.
*** لــزيارة صــفـــحـــتــي ***


15 فبراير 2009, 2:32 am
الملف الشخصى
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: جنـــّنوووني- حلقة" 1"((سفّاااح))


معلش كان لازم أستنى لما أفضى تماما عشان أقرا العمل بكل كيانى على حد تعبير الدكتور نبيل فاروق
بجد - بعيدا عن الحروب الحزبية - بداية رائعة فى مجال جديد وأنا شخصيا سعيد بتحديكى لمجالات جديدة فى الكتابة... مع إن بجد لو كنتى مش وضحتى لا يمكن كنت أقول إنك أول مرة تكتبى النوعية الكوميدية الساخرة دى...لأن بجد الأسلوب جميل ومنظم ومناسب لجو الكوميديا وفى نفس الوقت الفكرة مميزة وموحية بأفكار كوميدية كتير جاية بإعتبار الجانب العميق كمان اللى يمس قضية زى ما قالت تنهيدة...لأن فعلا رغم سخرية القصة بس حسيت رنة دراما من خلفية حياة الشخص ده وسبب جنونه...يعنى زى هم يبكى وهم يضحك كده
بحييكى ياغادة على البداية الجميلة وكده أنتى جيتى ميدان الحرب بتاع حزبنا برجليكى....

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



16 فبراير 2009, 10:51 pm
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: جنـــّنوووني- حلقة" 1"((سفّاااح))


الأمير الحائر كتب:
معلش كان لازم أستنى لما أفضى تماما عشان أقرا العمل بكل كيانى على حد تعبير الدكتور نبيل فاروق
بجد - بعيدا عن الحروب الحزبية - بداية رائعة فى مجال جديد وأنا شخصيا سعيد بتحديكى لمجالات جديدة فى الكتابة... مع إن بجد لو كنتى مش وضحتى لا يمكن كنت أقول إنك أول مرة تكتبى النوعية الكوميدية الساخرة دى...لأن بجد الأسلوب جميل ومنظم ومناسب لجو الكوميديا وفى نفس الوقت الفكرة مميزة وموحية بأفكار كوميدية كتير جاية بإعتبار الجانب العميق كمان اللى يمس قضية زى ما قالت تنهيدة...لأن فعلا رغم سخرية القصة بس حسيت رنة دراما من خلفية حياة الشخص ده وسبب جنونه...يعنى زى هم يبكى وهم يضحك كده
بحييكى ياغادة على البداية الجميلة وكده أنتى جيتى ميدان الحرب بتاع حزبنا برجليكى....


أخييييرا ... أنا بجد قلقت لما لقيتك ذكرت العمل ده في أحد الردود و بعدين ملقيتش رد او تعليق منك هنا ... قلت آه يبقى فيه حاجة مش مضبوطة ومش عايز يحرجني .. مع اني احب جدا اسمع النقد البناء و اصلح في نفسي
أنا سعيدة جدا فعلا ان البداية دي عجبتك و شايفها بالتحليل الجميل اوي ده ... بالنسبة للتحدي فانت بجد قدوتي في ده
بس خد بالك ....الكلام المشجع ده بيدفعني اكمل و احاول رفع راية حزبنا ( اللي كده كده منتصر يعني) ....

_________________




.
.
.
*** لــزيارة صــفـــحـــتــي ***


16 فبراير 2009, 11:35 pm
الملف الشخصى
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: جنـــّنوووني- حلقة" 1"((سفّاااح))


لأ أبدا...أنا عمرى ما برفض التعليق على عمل عشان مش عاجبنى...دى سلبية...يعنى من الناحية دى اتأكدى أنا برد دايما سواء بالتحية أو النقد على أى عمل مادام قريته...كل الموضوع إنى بس لازم أقرى الموضوع كويس فعشان كده استنيت لما أفضى من مشاغل كده الأيام اللى فاتت دى وبعد كده أقرى العمل الجميل ده بتأنى
ghadat2009 كتب:
و احاول رفع راية حزبنا ( اللي كده كده منتصر يعني) ....

فى الأحلام اللى هأشوفها دلوقتى أسفا لم أروح أنام...و زى العادة كل يوم حزب البنات بيطلعلى فى الأحلام...قصدى فى الكوابيس تصبحوا على خير

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



16 فبراير 2009, 11:45 pm
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: جنـــّنوووني- حلقة" 1"((سفّاااح))


الأمير الحائر كتب:

فى الأحلام اللى هأشوفها دلوقتى أسفا لم أروح أنام...و زى العادة كل يوم حزب البنات بيطلعلى فى الأحلام...قصدى فى الكوابيس تصبحوا على خير


يعلن حزب البنات عن ميادين جديدة للحرب ... على من يود الاشتراك في الظهور في كوابيس مرعبة ..التقدم للإدارة .... ايه ده ؟ دا الكل عايز ييتطوع !!تصبح على خييييير!

_________________




.
.
.
*** لــزيارة صــفـــحـــتــي ***


17 فبراير 2009, 12:03 am
الملف الشخصى
أكاديمى نشيط
أكاديمى نشيط

الصورة الشخصية للعضو

مشاركات:
219
مكان:
مصر
الحكمة المفضلة:
((إن الله لا يغير ما بقوم حتى يغيروا ما بأنفسهم))
حالة التأكيد:
كاتب موثوق و مؤكد هويته
مشاركة Re: جنـــّنوووني- حلقة" 1"((سفّاااح))


مش عارفة إزاي ماشفتش بداية د. سمية قبل كده...thi1
أصلي غصت في بحر أرشيف الأكادمية وطلعت لؤلؤة جميلة ماكنتش شايفاها ...
بجد رائعة وأنا فعلا بانتظر هذه الكوميديا الراقية الهادفة بفارغ الصبر ...
بس مشكلة لو كل ما الوحد يزعل من حد يقتله ...كده مش هيلاقي حد يتكلم معااااه :lol: :lol:
في انتظار د.سمية الجميلة وإبداعاتك اللذيذة يا أختي الحبيبة flower1 م11
يا رب الرد يصل لأن فيه مشكلة في الكمبيوتر وكل شوية يفصل النت...

_________________


26 مايو 2009, 9:57 am
الملف الشخصى
عرض المشاركات السابقة منذ:  مرتبة بواسطة  
الرد على الموضوع   [ 11 مشاركة ]  الذهاب للصفحة 1, 2  التالى



المتواجدون الأن

الأعضاء المتصفحون لهذا القسم لا يوجد أعضاء متصلين و 1 زائر


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

cron
Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter