جنّـنووني ! ح2(نص..نص)!

[Ghadat2009]

[table][tr][td]جنـنـوووني[/td][/tr][/table]

حلقة " 2 "
نص ..... نص !

رجعت د.سمية من الأجازة اللي أخدتها بعد معاناتها في علاج سامح و .... زوجته ! و أصرت تروح العيادة لأن كان فيه مريض حاجز ميعاد على الساعة عشرة صباحا .. الغريبة إنه ماسابش اسمه ! قال أول حرف منه بس ! هو فاكره ايه؟ بريد المشاكل؟ ماهو كده كده مفروض يقول اسمه ! الإجراءات الصح أهم حاجة .. و بعدين هو خايف من ايه؟ لو حاجة عايز يخبيها فهي هنا في بير ...أسرار المهنة و كده !

شهاب : صباح الخير يا سمسمة ... ياترى النهاردة سفاحين و لا حرامية .... هاها
سـمية : بتتريق عليّ ؟ بدل ماتقولّي اني شجاعة و عندي إصراروعزيمة و أمل ؟
شهاب : و سعاد و نهى و سمر ... و لا تزعلي ربنا يخلّي ! هاهاي...عالعموم أنا موجود أهه معاكي و زي ما طلبتي ركّبتلك زرار الجرس تحت المكتب .. يعني لو حاجة كده و لاّ كده رنيلي و حتلاقي صاروخ فوق المكتب عندك !

و حوالي الساعة عشرة و ربع ....شهاب دخل و هو بيشاور لحد انه يدخل ...واحد قصير و رفيّع .. و شكله في العشرينات من عمره.

د.سمية : أهلا و سهلا اتفضل يافندم (ايه ده؟ مال شكله غريب كده ليه؟ يمكن مركب باروكة و لا بيشتغل ممثل ! فيه حاجة غريبة فيه ! المهم بس يارب ميكونش فيه سكاكين و خلافه!!) حضرتك بس نسيت تسيب اسمك معلش لازم ناخده .... الاسم من فضلك ؟
........: مش عارفة ! قصدي مش عارف ... ممكن مساعدة؟
د.سمية : (ايه الصوت ده ؟ يمكن دي مشكلته؟ ) لأ أنا لسه ماسألتش عن حاجة دانا باخد البيانات بس .. يعني الإسم... العنوان و ....الى آخر الليستة الروتينية يعني !
.........: ما هي دي المشكلة ! أنا مبقيتش عارف و لاعارفة و لا عارفين ..
د.سمية : آااااه ! بدأنا ! طيب ايه المشكلة لما يكون الصوت يعني رفيّع و لا حتى مسرسرع حبّتين ؟ كانت الد ....
.......: بقولك أنا بنت و لا ولد تقوليلي الصوت و الضوء ؟ أنا أصلي .. يعني ... ملخبطين ... أنا بقيت مين ؟
د.سمية : طيب هم في البيت بينادوك ايييه؟ هه ! سهلة خالص أهه ... يللا ..مكتوب عندي ( هـ) هشام ؟ هاشم ...ساعدني لو سمحت ! حتيجي أهه !
هـــ : اسمي دلوقتي ؟ آه ! بيقولولي يا "هادي "
د.سمية : أديك قلت اسمك ..حصل حاجة ؟ شفت الموضوع بسيط ازاي ... احنا اللي بنعقد كل حاجة لكــن يا ريت الاسم بالكامل ....لو تكرمت و لو وقتك يسمح يعني !
هــــ : هادي أدهم أبو زيد !
د.سمية : ايه الإسم الموسيقي ده بقى ؟ طبعا أنا ممكن أملا باقي البيانات : النوع و السن من البطاقة عشان منضيعشي وقت .... OK



؟
هــــ : بس المشكلة اني في البطاقة لسة ( هنادي أدهم أبو زيد !) يعني هتكتبي في النوع ايه ؟ نص نص ؟
د.سمية: آه هو سعادتَك ققصدي سعادتِك ... يعني زي سيد اللي بقى سالي ؟ و الحاجات دي ؟ طب ليه مثلاً؟
هــــ: طول حياتي - أيام ما كنت هنادي –كنت باحاول أثبت نفسي .. كنت بذاكر و باتعب و اتفوّق و أساعد ماما في البيت بس هي دي كانت حياتي طول فترة المدارس ! أما أخويا فكان عايش عين ميم كده !
د.سمية : أيوة أيوة ! عنده اصابة في عينه اليمين ؟
هـــ : مين اللي جاب سيرة العين اليمين ؟ هو أنا ناقصة ؟ ناقص ...قص قصدي ناقصين ؟؟؟
د.سمية : أنا لسة سامعاها من البق اللي قدامي ! (أهو عشان لا تقولي هي و لا هو ! ياسلام على مخمختي اللوذعية !) حصل و لا لأ ؟
هـــــ : آااااه قصدك .. عين ميم؟ ..دي معناها : على مزاجه يعني !
د.سمية : شوف إزاي؟ قصدك مش بيذاكر و لا يساعد ؟
هــــ : مش بس كده ... دا كان يخرج و يرجع منين ما يرجع و طول الوقت يقولوا ان الراجل غير البنت ...لمّا زهقت و تعبت ... ده حنى في الجامعة ... تصوري ؟ و حتى بعد ما جاتلي بعثة أربع سنين .. رفضوا في البيت قال ايه : البنت ماينفعشي تسافر لوحدها ! و الشغل اعترضوا عليه .... كل حاجة لأ ... لأ ...و يعاملوني اني أقل منه على طول مهما أعمل و مهما يعمل .... لحد ما جالي انهيار عصبي !
د.سمية : بسبب المشاكل دي ؟
هـــــ : لأ أكترمنها ...........ماهو كله الا اللي حصل بعد كده !
د.سمية : هو حصل إيه بقى عشان تفكري في اللي انتي فيه دلوقتي؟
هــــ : ازاي تقوليلي انتي ؟ يعني بعد كل ده أبقى "انتي" بالبساطة دي ؟
د.سمية : معلش بعتذر لحضرتَك !
هــــ : ياسلام !! اتحلّت كده ! و عمري اللي قضيته بنت ؟ دا أنا كل شهاداتي باسم "هنادي" و صاحباتي و ....
د.سمية : خلااااص ! حقّكم عليّا !! كده أريح ؟
هــــ : لأ ... أنا كده باحس إني تخينة .... تخين ....تُخان ..... آااااه ... إهيء ,, إهيء ايه اللي أنا عملته ده ؟
أنا ميييين ؟ أنا إييييه؟
د.سمية تحاول الوصول للجرس تحت المكتب بايدها الأول بعدين برجلها .. وبعدين نزلت تحت المكتب و برضه مش لاقياه ! و فجأة دخل شهاب

د.سمية (تجز على اسنانها ): فيه حاجة مش لاقياها ممكن تساعدني؟

ينزلو الإثنين تحت المكتب مع الصريخ .... بيدورا عالجرس !
د.سمية : مافيش حد معاها يووووه .....لا مهاه ؟
شهاب : بيتهيألي مامتها ..... نزلت تعدل العربية و زمانها جاية !
د.سمية: أول ماتيجي دخلها بسرعة ... اوعى تنساني ! و كمان محتاجة كباية ميّة عشان الشيء اللي فوق دول !

بعد ما هدي الكيان اياه .... دخلت أمه ... فابتسمت الدكتورة سمية و قامت تعرفها بنفسها ...
د.سمية : دكتورة سمية ....أهلا بحضرٍتك ! (ايه كم المكياج ده كله ؟ هي رايحة فرح ؟) تشرفنا ! تفضلي .
الأم ( صوتها خشن أوي ) : معلش افتكرتك بتكلمي هنادي اللي هي هادي ..... أصل أنا من زمان كنت متعود أكون باباه و حولت بقى ... يعني بقيت مامته ! أصلها سابتنا و .....

د.سمية : يا شهااااب .... اطلب بابا و ماما ...طمني عليهم ... الحقوني ....... جننوني !

**************************


يتبع في الجزء الثالث انشاء الله ...

[تنهيدة]

أنتى مدهشة ياغادة حقيقى كل مرة بيزيد أعجابى بكتاباتك أكتر ...بتكتبى الكوميدية بشكل رائع ..بتخلى القارىء يستمتع جدا وهو بيقراه ...وعجبنى جدا أنك كل مرة بتقدمى موضوع جديد من خلال المذاكرات والمرة ده الموضوع جامد جدااااااا...وبشكرك بجد ياغادة لانك بتقدرى ترسمى البسمة بأسلوبك الجميل ...ويلا بسرعة بئة أكتبى الجزء التالت عشان أعرف مين الا حتقولى منه الحقونى جننونى ...على فكرة عجبانى جدا نهايتك لكل جزء بحس أنى بسمع مسلسل جميل لحلقات منفصلة ...بحيكى ياغادة وبتمنى ليكى التوفيق دائما

[Ghadat2009]

أنتى مدهشة ياغادة حقيقى كل مرة بيزيد أعجابى بكتاباتك أكتر ...بتكتبى الكوميدية بشكل رائع ..بتخلى القارىء يستمتع جدا وهو بيقراه ...وعجبنى جدا أنك كل مرة بتقدمى موضوع جديد من خلال المذاكرات والمرة ده الموضوع جامد جدااااااا...وبشكرك بجد ياغادة لانك بتقدرى ترسمى البسمة بأسلوبك الجميل ...ويلا بسرعة بئة أكتبى الجزء التالت عشان أعرف مين الا حتقولى منه الحقونى جننونى ...على فكرة عجبانى جدا نهايتك لكل جزء بحس أنى بسمع مسلسل جميل لحلقات منفصلة ...بحيكى ياغادة وبتمنى ليكى التوفيق دائما

بجد يا نهاد أسعدني جدا و بشكل لا يوصف تعليقك اللي روعته فوق الوصف .... هو كتير جدا عليّ ... بس حقيقي فرحت انه عجبك ربنا يسعدك زي ما أسعدتيني بمرورك الرقيق و تعليقك المفرح !

[الأمير الحائر]

بجد مالهاش حل...ايه الإبداع ده كله...
فكرة جميلة جدا ومبتكرة ونقد قضية واقعية ومهمة زى المرة اللى فاتت بالظبط ويمكن أهم...وبنفس الأسلوب الكوميدى الرائع اللى بجد يستاهل فعلا يتعمل مسلسل كوميدى من حلقات كتيرة بدل العبط فى الأفكار اللى بيعملوه الأيام دى فى اللى بيسموها مسلسلات كوميدية وبيأجروا ناس يضحكوا عشان اللى يتفرج يضحك معاهم بالعافية وخلاص
بجد والله من غير مجاملة ياغادة مش عشان أنتى زميلة فى الأكاديمية...ولا عشان كتاباتك كلها رائعة دايما...ولا عشان أنتى من الحزب المعادى بس بجد لو أنا مخرج وأول مرة أقرالك متهيألى هأقول فورا إن مذكراتك الكوميدية دى تنفع تتعمل حلقات كوميدية هايلة
مستنيين الجزء الألف من الحقونى جننونى

[Ghadat2009]

بجد مالهاش حل...ايه الإبداع ده كله...
فكرة جميلة جدا ومبتكرة ونقد قضية واقعية ومهمة زى المرة اللى فاتت بالظبط ويمكن أهم...وبنفس الأسلوب الكوميدى الرائع اللى بجد يستاهل فعلا يتعمل مسلسل كوميدى من حلقات كتيرة بدل العبط فى الأفكار اللى بيعملوه الأيام دى فى اللى بيسموها مسلسلات كوميدية وبيأجروا ناس يضحكوا عشان اللى يتفرج يضحك معاهم بالعافية وخلاص
بجد والله من غير مجاملة ياغادة مش عشان أنتى زميلة فى الأكاديمية...ولا عشان كتاباتك كلها رائعة دايما...ولا عشان أنتى من الحزب المعادى بس بجد لو أنا مخرج وأول مرة أقرالك متهيألى هأقول فورا إن مذكراتك الكوميدية دى تنفع تتعمل حلقات كوميدية هايلة
مستنيين الجزء الألف من الحقونى جننونى

كلماتك المذهلة و المبهجة هي قمة الإبداع و الدفع للأمام بشكل جميل جدا جدا ....
أنا بجد ممتنة ليك و باعتز جدا بآرائك ... وربنا يجعل كل أيامك سعادة كما أسعدتني جدا بروعة تعليقك!