ح نـبـدأ التـصويـر امتـى

[الزهراء]

تنهيدة : مساء الخير يا غادة
غادة : أهلا يا نهاد ..
تنهيدة :قليلي يا غادة مش حاسة بملل.. محتاجة تغيير
غادة : يعني ساعات بيجيني الاحساس دة..
تنهيدة : أنا جاتني فكرة ..فيلم ..ايه رأيك؟
غادة : فيلم ؟ فيلم ايه دة...
تنهيدة : شوفي أنا ح لعب دور البنت الحلوة ..الرومانسية اللي كل الشباب بيحبوها
غادة : و لما انت تلعبي البنت دي أنا ح لعب ايه مامتك ..و لا يمكن حماتك
تنهيدةبالهزار: ايه رأيك في دور الدادة بتاعتي
غادة : كدة يا نهاد ..
تنهيدة : باهزر معاكي من غير زعل
غادة :أقلك انا ح لعب دور البنت الهادية ،الراسية ،المحترمة ..و انت تلعبي دور البنت الحلوة اللي كل الشباب بيحبها بس ...مادية
تنهيدة: أنا مادية ..أوكي ..بس مين البطل
غادة : اه فعلا ..مين ممكن ينفع للدور دة ...
المهاجر: احم احم ، متهيئلي أنفع
غادة و تنهيدة تنظران لبعضهما
تنهيدة :حلال عليكي يا غادة
غادة: انت ممكن تنفع ضابط بوليس..مدير أمن زعيم العصابة ،انما الواد الرومانسي ..ما أفتكرش..
المهاجر : كدة و أنا اللي جاي أدعمكم في الفيلم الفاشل بتاعكم ...
تنهيدة : انتو عاملين كدة ليه النهاردة بنهزر يا أحمد ..
غادة: يا سيدي اختار الدور اللي يعجبك في الفيلم
الزهراء: فيلم ..بتعملوا فيلم من ورايا ..
المهاجر : أهي جت دي بقى متهيئلي تنفع لدور الدادة
الزهراء : دادة..و أنا اللي جاية أدافع عنك ..
تنهيدة : سيبك منو ..احنا محتارين في البطل ..
الزهراء: و تحتارو ليه ما هو قدامكم ..أحمد المهاجر ..نجم شباك من العيار التقيل
الأمير الحائر : مساء الخير
الجميع : مساء النور
غادة:أفتكر انو وليد ينفع بطل
الأمير الحائر :لا لا ..بصراحة أنا تعبت من دور الولد الطيب ، الرومانسي اللي كل البنات بتحبو ..عايز حاجة مختلفة ..تغيير يعني ..
الزهراء : لقيتها ..أحمد الواد المثالي الطيب، الكحيان ...و نهاد البنت الدلوعة ..الحلوة اللي بتلفت الانتباه ..بس مادية
تنهيدة : كدة يا سلمى بتعومي على عوم غادة
غادة : انت بتزعلي كدة ليه ..دة مجرد فيلم ...
الأمير الحائر : ها كملي السيناريو التقليدي ، الفاشل بتاعك
الزهراء : إنت يا وليد ..ابن عز ..مليان عقد نفسية و زعيم عصابة كمان
الأمير الحائر : كمان؟
الزهراء: اه . بتحب تاخذ كلحاجة حتى لو مش ليك فبتخطف نهاد من أحمد ...
المهاجر: و عشان هي مادية انت بتنجح في دة
الزهراء: أما انت يا غادة فزي ما قلتي هادية و رقيقة و من زمان عينك على أحمد
تنهيدة:و بتقوليلي هادية و محترمة
الأمير الحائر: يعني كدة أنا بديلك فرصة عمرك و تتقربي من أحمد و نشرب الشاربات
الزهراء : كدة حلو
تنهيدة : انت بقى يا سلمى دورك إيه؟
الزهراء: أنا ..ا..السيناريست
غادة: لا إنت ح تدخلي الفيلم معانا
الزهراء: ما إنتو أخدتو كل الأدوار الأساسية ثم بالتعالي : اه قصدكم يعني أدخل زي ضيفة شرف
المهاجر : ضيفة شرف إيه ؟ إنت بالكتير حنحط اسمك في الاخر ...اشترك في التمثيل يعني
الزهراء : بردو يا أحمد ...
الأمير الحائر : انت ممكن تلعبي دور..دور..اه دور أختي
الزهراء:اه فعلا ، أختك و مختلفة عنك ..طيوبة أوي
الأمير الحائر :ايه ..طيوبة ؟
الزهراء: أ..نص نص يعني
تنهيدة :إيه ؟
الزهراء بسرعة : شريرة خالص
غادة : أيوا كدة اتعدللي
الزهراء:ممكن أكون صحفية ..لا لا ..اه ح شتغل محامية
المهاجر:هي دي ، محامية تبع اللعب تحت الطربيزة و شغل ال3 ورقات
الأمير الحائر: فعلا..محامية فاشلة ،تتجه للطرق غير المشروعة تبع رشاوي ...و يا ستي تبقي الذراع اليمين بتاعي
غادة: طب النهاية ح تكون عاملة ازاي؟
ريم : الله الله الله على طول نهاية ..طب استنونا شويا
الأمير الحائر يقول للمهاجر : ا ..دي بقى كومبارس
ريم :ماشي يا وليد ..همتكم يا بنات معايا
الزهراء :ما تخافيش دورك محفوظ
ريم :مرسي يا حبيبتي
الزهراء: انت بقى ح تلعبي دور الصحفية اللي ح تحط وليد المعداوي في راسها عشان تكشفو
غادة : حلو الاسم دة وليد المعداوي ..يليق اسم زعيم عصابة
الأمير الحائر : أنا ما ليش في الأسماء أحمد بيحبها ..و لا إيه يا أحمد
ريم : مش بيرد أكيد بيفكر في اسم تاني
تنهيدة : شوفي يا ريم انت في نفس الوقت ح تكوني أخت أحمد ..يعني عيلة طيبة و شريفة ...
المهاجر: لا كدة عدد البنات بيزيد أنا بطلب تدخل قوات الأمن الدولية
الأمير الحائر: و نقابة الممثلين بشكل فوري و استدعاء محمد
ابن مصر : أنا هنا من غير دعوة رسمية ..ايه سبتو الوزارة و رحتو للسنما
المهاجر: أهو كلو تمثيل ..
الأمير الحائر :على رأيك ..محمد مخبيلك دور يعجبك اوي... و يليق عليك
ابن مصر : اللى هو ؟
الأمير الحائر: انت بقى الضابط اللي ح دوخوا و يعمل المستحيل عشان يقبض عليا ..بس أكيد مش ح تقدر
ابن مصر : وقعتك ح تبقى سودة يا وليد
غادة : الصحفية ريم و الضابط محمد المصري .. اهي كملت
الزهراء: بس ما تنسوش انو معاه محامية شاطرة أوي ..
المهاجر : اه شاطرة ح تشرفي انت و هو في السجن
تنهيدة بتردد: أنا كنت عايزة أقول ..نضيف شخص ..الأستاذ محمد محمود ..يعني قرايب و معرفة و انتو عارفين ...
الأمير الحائر :الأستاذ محمد ح يكون ضيف الشرف ..
الزهراء : و ح يكون القاضي اللي ح يحكم عليك بالمؤبد ...
غادة :اسمعو عايزين نهاية مختلفة و غير متوقعة ...
ريم :ها ..ح نبدأ التصوير امتى ؟
الزهراء: قبل التصوير ..احنا لسى ما حطيناش عنوان للفيلم ، تقترحوا ايه؟


المخرج : كــات ..هايل

.............................................

[mona]

ههههههههههههههههههههههههههههههههههههههههه.....جامد جدااااااااا فكرتك دي يا زهراء بجدعجبتنى اوى وخلتني اكمل قرايتها رغم ان كنت مستعجلة عشان ورايا مذاكرة... واكتر حاجة عجبتنى انك لما بتتكلمى بلسان كل شخص فانتى بتقربي من طريقته في الكلام اللي نعرفها من خلال الاكاديمية وكأن هو او هي اللي بتتكلم فعلا ...حوار ساخر بين اصدقاء واخوات بطريقة محببة وراقية ...برافوووووو....

وعلي فكرة ممكن نسمي الفيلم: " جعلونى الندلة "..أو " عودة مجرماً" ...

......الا هو مين المخرررررررررج

[هبة خميس]

هههههههههه
تحفة يا زهراء
اقترح نسميه " فيلم هابط " و اتوقع انه هايحقق نجاح هايل
هيكسر شباك التذاكر

[محمد محمود]

الله يسامحك يا زهراء ، هو عشان أنا كنت مسافر النهاردة تحطوا السيناريو وتوزعوا الأدوار في غيابي
وكمان تدوني دور القاضي ،
طيب بما إن أنا القاضي فقدحكمت المحكمة " بالمؤبد على كل من ورد إسمه بلائحة الإتهام الموضحة عاليه ، بشرط أن يكون قضاء المدة بالكامل داخل الأكاديمية ، واللي حيعترض حأحبسه حبس انفرادي في قسم الأطفال "
ايه رأيك بقى أنفع قاضي ولا لأ

[المهاجر]

احم احم ..... طول عمرى بطل من العيار الثقيل وبهذه المناسبة احب اقول لكل شاب وكل فتاة موجودين
تحيا مصر

لما نشوف هترسى على ايه الحزب التانى دا شكله بيزن على خراب عشه
كلوا عيش وانتوا ساكتين

[الزهراء]

ههههههههههههههههههههههههههههههههههههههههه.....جامد جدااااااااا فكرتك دي يا زهراء بجدعجبتنى اوى وخلتني اكمل قرايتها رغم ان كنت مستعجلة عشان ورايا مذاكرة... واكتر حاجة عجبتنى انك لما بتتكلمى بلسان كل شخص فانتى بتقربي من طريقته في الكلام اللي نعرفها من خلال الاكاديمية وكأن هو او هي اللي بتتكلم فعلا ...حوار ساخر بين اصدقاء واخوات بطريقة محببة وراقية ...برافوووووو....

وعلي فكرة ممكن نسمي الفيلم: " جعلونى الندلة "..أو " عودة مجرماً" ...

......الا هو مين المخرررررررررج

انت الجامدة يا منى ..أهلا بيكي معانا و يا رب دايما متابعانا في الافراح

العنوانين اللي اختارتيهم ال2 ينفعو جدا و انا بصراحة محتارة ..ايه رأيك نسمع كل الاراء و بعدين نختار

أما مخرجنا فدة مخرج عالمي من الطراز الرفيع ، شكلك صحفية و عايزة تاخدي مني أكبر قدر ممكن عن الفيلم ،بس انا بقلك انو مخرجنا ح يعقد مؤتمر صحفي ح نبعتلك دعوة..ولا يمكن عايز دور ؟ ما فيش مشكلة انتي تشرفي

شكرا على مداخلتك و بالتوفيق في الامتحانات

[الزهراء]

هههههههههه
تحفة يا زهراء
اقترح نسميه " فيلم هابط " و اتوقع انه هايحقق نجاح هايل
هيكسر شباك التذاكر

اهلا يا هبة ، الحمد لله انو عجبك الفيلم عشان تدعمينا في الانتاج و لا ناوية تخلعي

بس العنوان بتاعك هو اللي تحفة كنتي فين من زمان

ومن غير مناقشة الموسم دة بتاعنا لا أحمد السقا ولا أحمد حلمي احنا ح نكتسح السوق

[الزهراء]

الله يسامحك يا زهراء ، هو عشان أنا كنت مسافر النهاردة تحطوا السيناريو وتوزعوا الأدوار في غيابي
وكمان تدوني دور القاضي ،
طيب بما إن أنا القاضي فقدحكمت المحكمة " بالمؤبد على كل من ورد إسمه بلائحة الإتهام الموضحة عاليه ، بشرط أن يكون قضاء المدة بالكامل داخل الأكاديمية ، واللي حيعترض حأحبسه حبس انفرادي في قسم الأطفال "
ايه رأيك بقى أنفع قاضي ولا لأ

حمد الله على السلامة يا حضرة القاضي

و هو مالو القاضي ، هو في زيو بس يا ريت بس تكون عادل و تحكم عليا بالبراءة زي ما استاهل طبعا

اما بالنسبة لحكمك الاخير فياريت كل القضاة زيك

[الزهراء]

احم احم ..... طول عمرى بطل من العيار الثقيل وبهذه المناسبة احب اقول لكل شاب وكل فتاة موجودين
تحيا مصر

لما نشوف هترسى على ايه الحزب التانى دا شكله بيزن على خراب عشه
كلوا عيش وانتوا ساكتين

نجم شباك قصدك ..بس يا ترى شباك ايه؟

يعني انت كل مرة تدخل الحرب في النص ..احنا هنا مصلحتنا واحدة انو الفيلم ينجح ويطلع أعلى الايرادات

[د/عبد الرحمن شوقى]

تحفه تحفه بجد انت زى ماتكونى لميت الشله دى كلها وسجلت هذا الحوار العبقرى شئ جميل بجد ان كل الشخصيات دى فى دماغك تحاورت بهذا الاسلوب الجميل الخفيف الرشيق ،انا حبيت هذا العمل لما فيه من روح الصداقه والود خفه دم اللى زى السكر.