إعلان الفائز الأول عن شهر نوفمبر 2008

[Egypt Write]

مرحبا بجميع الأعضاء فى أخر إعلان عن المسابقة لهذا الشهر,
بعد ترشيح وفوز ثلاثة من الفائزين عن هذا الشهر للجائزة الأدبية, أتى موعد إعلان الفائز الأول من بين الثلاثة المرشحين, وسيكون الفائز الأول عن هذا الشهر هو أول مرشح للجائزة المالية للمسابقة.
طبقا لترشيحات لجنة التحكيم, نعلن فوز:

تنهيدة
عن خاطرة
لاتأسرنى بحبك

مبروك للفائزة الأولى, وتحية على مجهودها الرائع والملحوظ منذ بداية الموقع والمسابقة, مع تأكيدنا على أن كل من رشح للفوز يعد فائزا, والثلاثة المرشحين النهائيين فائزين رسميا بالجائزة الأدبية, ونتمنى لجميع الأعضاء التوفيق فى مسابقة الشهر القادم.

مع أطيب تمنياتنا,
إدارة مسابقة مصر بتكتب إيه.
إدارة أكاديمية ايجيبت رايت.

[المصرية]

حبيت أكون أول واحدة تهني..ألف مبروك لتنهيدة وهي تستحقها بجد..ومبروك تاني للفائزين الثلاثة..

[هبة الله محمد]

مبروووووووووووووووووووووووووووووووووووووووووووووووووووووك يا تنهيدة

[الأمير الحائر]

مبروك بجد ياتنهيدة من قلبى وأنتى حقيقى كاتبة متميزة وزى ماقال دكتور شريف فى تعليقه على خاطرتك...البساطة والصدق هما سبب تميزك
و زى ماقالت الإدارة مبروك لكل اللى كتبوا وكل اللى اترشحوا ولمحمد ولهمسه اللى فازوا بالجايزة الأدبية والجميع يستحقوا كل تقدير وشكر وبتمنالهم التوفيق فى الشهور الجاية
ومبروك لإدارة الموقع على انتهاء الشهر الأول والتنظيم والمجهود الرائع وعقبال الشهر الــ 12 ان شاء الله و ان كنت بأكد ان فعلا احنا هنا فى الأكاديمية اولا واخيرا عشان نكتب أعمالنا اللى أنا كنت واحد من الناس شخصيا كل كتاباتى دى لنفسى وبس وكنت نادرا لما بعرضها عشان مافيش مجتمع أدبى خاص شجعنى زى الأكاديمية وعشان كده انا واحد من الناس هنا عشان الأكاديمية وعشان أكتب أعمالى فى وسط ناس بتقدر الكتابة والأدب وده كفاية عليا من غير مسابقة ودى رسالتى عشان أصدقائى اللى زعلوا انى بره المسابقة أنا فايز أنا كمان بكتابتى فى الأكاديمية وبمعرفتى لأعضائها
ومبروك مرة تانية ياتنهيدة

[تنهيدة]

بشكر أدارة الأكاديمية على مجهودها الرائع وعلى اتاحة هذه الفرصة لى ولجميع الاعضاء وهى ان تدخل أعمالنا داخل لجنة تحكيم ليقرائها عدد اكبر من المثقفين وبتمنى للاكاديمية أن تحقق أهدافها وهى أن تخريج عدد من الكتاب الشباب القادرين على الابداع وكانت جائزتى الحقيقة ليست ترشيحى للجائزة المالية ولكن لوجودى وسط هذه المواهب الحقيقية التى لاأنكر أننى أستفدت الكثير من كتابتهم وارائهم وأتمنى لكل الأعضاء الفوز فى الشهور القادمة
وبشكر رانيا على كلماتها الجميلة وعلى قصتك المميزة واتمنلك كل التوفيق والله يبارك فيكى وبشكرك ياهبه على قصصك الجميلة وعلى أهتمامك والله يبببببببببببببببببببببببببببببببارك فيكى
وانت طبعا ياوليد تستاهل ألف شكر على مجهوداتك الكبيرة فى الأكاديمية فكنت دائما مبادر بأفكارك وارئك التى كانت السبب فى نجاح فكرة الأكاديمية وتشجيع أعضاءها على العمل والأبداع وكنت انشط الأعضاء كاكاتب ومشرف وانا بشكرك جدا ياوليدعلى أرئك فى كتاباتى التى شجعتنى أكثر على الكتابة وبتمنالك كل التوفيق والنجاح
ومبروك لهمسه ومحمد على فوزهم بالجايزة الأدابية واتمنى أن يكون الشهر القادم ملئ بالأبداع والأفكار المميزة والتوفيق لجميع الأعضاء

[المهاجر]

الف مبروك يا حاجة تنهيدة وضرب ناااااااااار يا الله مش مشكلة اول انتصار لحزب النساء فى الاكاديمية ان شاء الله الجايزة الشهر الجاى مش هتخرج من ايد حزب الرجال
بيب بيب تنهيدة بيب بيب تنهيدة بيب تنهيدة بتحبوا مين تنهيدة وحبيبكم مين تنهيدة

شوفتى عاملك دعاية انتخابية بدرى اهو هو الوزارة اللى جاية

[محمد محمود]

ألف خمسمية وتلاتة مبروك ونص ، والله فرحت لك جدا كأن أنا اللي فزت بالضبط ، بس أمانة عليكي يا شيخة لو فزت بالجايزة تقسميها معايا وأنا لحد إعلان النتيجة آخر السنة حفضل أدعيلك إنك تفوزي بالجوايز المالية الثلاثة .

[تنهيدة]

يارب يااحمد احج طالما انت مصمم انى حاجة ومتشكرة جدا على الدعاية الجامدة واوعدك انى الشهر الجاية حعملك دعاية من نار بس برضة مش حتقدر تغلب حسب البنات بس دة مايمنعش ان نفسى تخرج من الأعضاء الوائل شفت أنا طيبة أزاى..عقبالك يارب ياأحمد الشهر الجاى لانك بجد تستاهل
الله يبارك فيك يامحمد وانت الا تفوز بكل الجوايز المالية ومستنين أشعارك الجديدة لشهر الجديد .

[قلب حزين]

مبروووووووك
معلش جت متأخرة أوى بس الأمتحانات بقى وخنقة المذاكرة أخر أيام بس حقيقى مبروك ياتنهيدة وتستاهلى والله ياحبيبتى وده فوز لحزب البنوتات كله.....ولسه يا أحمد فى موضوع حاجة دى والله لولا الامتحانات كنت اعلنت الحرب عليك بس يالله بعد الامتحانات بقى نشوف الموضوع ده
مبروك ياتنهيدة ودايما للأحسن ان شاء الله

[تنهيدة]

الله يبارك فيكى يامريومة بجد وحشتينى جدا وطبعا نفسى تيجى وتنقذينى شوية لانى انا لوحدى فى مواجهة حزب الولاد وربنا يوفقك فى امتحاناتك