حال أمتنا-التدريب على المسابقة

هذا القسم مخصص للتدريب على نظام المسابقة والتدريب على الكتابة عن طريق اختيار موضوع والكتابة عنه.

المشرف: فريق المشرفين

أضف رد جديد
رحاب صفا
أكاديمى نشيط
أكاديمى نشيط
مشاركات: 265
اشترك في: 29 مارس 2009, 2:30 pm
Favorite Quote: إذا أردت شيئاً بشدة فتتبعه
اتصال:

حال أمتنا-التدريب على المسابقة

مشاركة بواسطة رحاب صفا »

بقيت أخاف من الجرنال
أو حتى قصوصة ورق
لاحسن مالاقي في يوم
الأقصى من تاني اتحرق
ولا أشوف بعنيا
رئيس عراقنا اللي تشنق!
ببرود أمريكاني
وبقهرة وجعاني
شفتوه يا إخواني؟
طب ليا ما قمنا كلنا؟
وبإيد واحدة مع بعضنا
نلحق بواقي حقنا
ليه مابتردوش
هو انتوا ماسمعتوش؟
صرخة أمي في فلسطين
وأولادنا المشردين
وشبابنا المدبحوين
قالوا هنقعد ونحلها
لابد ما نصون عرضها
ده احنا عرب
والكلمة عندينا شرف
ممكن يا خواجة لوسمحت
من فضلك لوسمحت
تديني قرشين سلف
وهردهوملك عن قريب
طناش وفرقة وبعترة
اسألني ليه؟
لاجل ما تدخل دخلتك
وف ثانية تضرب ضربتك
ما تلاقي قدامك مصد
تمشي متهني ف بلادنا
ما يضيقك في الشوارع حد
مش قولتلك؟
ده احنا عرب
والكلمة عندينا شرف
يلا بقى
نوالني قرشين سلف
والوعد وعدي وانت عارف
أنا عمر وعدي ماتخلف
ده عهد قطعينه على نفسنا
احنا العرب
إن اللي ييجي عندنا
يحفر بإيده قبرنا
وكمان نديله أرضنا
وإن نفسه راحت لأكلنا
نلفهوله
وندور ناكل ف بعضنا
وإن زاد علينا الجوع
ننزل نبيع ف لحمنا
وإن جبر
نربط حزام على بطننا
ده كله إلا الضيف
اكرامه حق عندنا
ده احنا العرب
ما حد يعطي زينا
ولا حد يصبر صبرنا
ايه الخبر؟
خدوا قصر صاحبي؟
مش مهم
ما دمنا لسة ف قصرنا.
آخر تعديل بواسطة رحاب صفا في 28 مايو 2009, 6:38 pm، تم التعديل مرتين في المجمل.
السكون للامعقول قدر لا نفقه تفسيره.
صورة العضو الرمزية
شيماء قبيصى
أكاديمى نشيط
أكاديمى نشيط
مشاركات: 191
اشترك في: 01 يناير 2009, 3:51 pm
Favorite Quote: ياترى اللى بيعيش الزمن احنا....ولا الزمن هو اللى بيعشنا

Re: حال أمتنا-التدريب على المسابقة

مشاركة بواسطة شيماء قبيصى »

happy11 happy11 happy11 happy11 happy11 happy11 happy11 happy11 happy11 happy11 happy11 happy11 happy11
جمييييييييييل جدا يا رحاب .اسلوب جديد منك -اسلوب ساخر وهزلى يعكس واقع مرير
اسلوب شعراء كبار مثل ايمان بكرى
اسلوب الشعر الحديث العفوى بكلمات تهكم غطت كل الاحداث فى سطور قليله وكلمات ثقيله
ونهايته قويه تظهر حال العرب من الانانيه والاحباط

ايه الخبر؟
خدوا قصر صاحبي؟
مش مهم
ما دمنا لسة ف قصرنا.


برافووووووووووووووووووووووو clap1 clap1 clap1 clap1
ملحوظه: اكتبى اسمك فى العنوان حال أمتنا-التدريب على المسابقة-رحاب صفا و على فكره موجود مرتين
أضف رد جديد

العودة إلى ”التدريب على المسابقة“