سر ضعفى

[تنهيدة]

يامن أصبحت سر ضعفى وحيرتى

يامن جعلتنى أجرح نفسى بيدى

أقول لك ولا أخشى شيئا ..

انى أكرهك

وأكره ضعفى أمامك ..

قد مللت من نفسى ..وأريد أن أنهى حيرتى

انى أكره الضعف وأكره أن أكون ضعيفة

ولهذا كرهتك أيها القلب..التى تسكن بداخلى

لانك أنت سر ضعفى

قد جعلتنى أسيره لأحساسك

وسيرت وراءك كثيرا ..وطوعت كل أحساسك

وماذا أفعل بك الأن أيها القلب وحبك جعلك بداخلى دائما جريحا

أسمع أهاتك ..تألمنى ..ودموعك مثل النار تكوينى

................................

سامحنى ياقلبى ..ولكنى لم أعد أتحمل ألامك

قد أحببت من حولك ولم تجنى من حبك سوى العذاب

كثيرا ما قلت لك هذا الزمن لا يعرف الحب ..أصبح الحب غريبا وحيدا

فى عالم لا يفهم لغتك ايها القلب المسكين ..أصبح الحب ضعف

ولهذا لا أريدك أريدك تتركنى..وترحل

وأعلم أننى سأموت بعدك

ولكنى أصبحت لا أملك سوى هذا القرار

حين يموت الحب ويقال عنه ضعف

تصبح الحياه والموت عندى سواء

[لارا]

فعلا القلب هو سبب عذبنا بيحب ساعات فى وقت مش لازم يحب فيه وفى الاخر هو الى بيكون خسران . الخاطره كلها فىها احساس جميل جدا

[الأمير الحائر]

حقيقى خاطرة بتعبر عن إحساس ناس كتير أوى..فى أسلوب جميل جدا ورائع...ومع إعجابى جدا بالنهاية من تساوى الموت والنهاية إذا كان الحب يعد عند بعض الناس ضعف...لكن أنا ليا رأى إن القلب اللى بتتكلمى عليه فى الخاطرة ده يانهاد بجد أقوى قلب..و إحساسه وحبه ده سر قوته مش ضعفه..ولازم نتمسك بالقلب ده اللى ربنا ميزنا بيه..بس مع بعض الفهم للى حوالينا الأول..وده عن تجربة شخصية...أنا جاتلى فترة فى حياتى كانت مشكلتى نفس مشكلة القلب الطيب مع كل الناس واللى بيفترض دايما الخير فى كل اللى بيقابلهم...وبيحب بجد بكل كيانه...مش أقصد الحب كحب وبس...لكن أقصد حب كل الناس...و بعد كده توالت صدماتى فى ناس كتير حواليا لحد ما قررت أعمل زى ما أنتى عبرتى فى الخاطرة دى بالظبط...أبيع قلبى الحساس أوى ده...و أجيب بداله قلب حجر..بارد..مايحسش بأى حاجة حواليه...وبيكره كل الناس مقدما..وحاولت أعلم قلبى ده الخبث والكدب والخداع من الناس اللى قابلتهم..لكن بجد ما عرفتش أبدا أعمل ده...ولا عرفت أغير قلبى لأنى بجد بعدها لما شفت الناس عديمى الإحساس..جامدين المشاعر اللى أنا بحاول أعمل زيهم.. حمدت ربنا على نعمة اسمها قلب بيحس..وبيحب..وفضلت زى ما أنا بس مع السنين والخبرة مع الدراسة والمجتمع قابلت يمكن كل أنواع البشر...قابلت الكداب والخبيث والمنافق..المغرور والمتعالى والأنانى..قابلت كل صاحب صفة وحشة ممكن حد يتخيلها.وقابلت كمان الطيب...وبدأت أتعلم..وأحفظ..لحد ماخلاص بقيت تقريبا بحس باللى إدامى تفكيره ايه ولو حتى من أول لقاء...يعنى أقدر أقول كده قراية أفكار..أو قراية قلب...ودى حاجة بردو عايزة القلب ده اللى اتكلمتى عليه فى الخاطرة يانهاد...قلب سر قوته انه برئ..حتى لو فكر البعض إنه قلب ضعيف..و حاولوا يستغلوا الضعف ده..لكن ده لأن قلوبهم من النوع التانى...الحجر...ده إذا كان عندهم حتى القلب الحجر....
بجد بحييكى يانهاد على الخاطرة الرائعة وأسف إذا كنت طولت فى ردى بس ده عشان بجد لمست حالة شخصية عشتها..وده لصدق خواطرك دايما..

[هبة الله محمد]

روعة تا تنهيدة

[تنهيدة]

بشكرك جدا يالار على رأيك وبشكرك ياوليد على مشاركتك بتجربتك الا أكيد فادتنا وبشكرك جدا ياهبة على رأيك فى الخاطرة ...
وأستكمالنا لكلام وليد ..فعلا القلب الا بتعتبره الناس ضعيف لانه بيحب هو فعلا أقوى قلب ومع احساسى بكلمات الخاطرة لكن أنا فعلا مازالت بصدق قلبى فى أحساسة وببدأ بالحب مع كل الناس وبتعامل معاهم من كل قلبى وبرغم انك كل الا حوالية بيطلبوا منى التغير وبيسموا الا أنا فيه ضعف وفعلا انا بتعرض لمواقف استغلال كتير من ناس فعلا ما بتقدرش حب الا قدماه
لكن انا حبه اننا أبدأ بالحب مع كل الناس املا انى يجى اليوم والاقى ناس فعلا بتعرف تحب....
لكن أنا يمكن مش زيك ياوليد عرفت أنواع كتير من الناس وده طبعا سبب مشاكلى ..لكن لو القلب الا مليان حب الناس حتسميه ضعف فأنا بفتخر جدا اننا ضعيفة ..
بشكركم مرة تانية على مشاركتم بارئكم فى خاطرتى...

[Ghadat2009]

كخاطرة : جميلة - مؤثرة - وصلت بها تماما ما تريدين بأسلوب رشيق و رقيق
كإحساس : جميل أن يكره الإنسان ضعفه بكل صوره ويحاول اتغلب على مايضعفه ويستفيد من لحظات الضعف تلك ليزداد قوة !
لكني لست معك في غضبك على قلبك - لماذا نندم على الحب ؟ هو شعور عذب وراقي و إن ذهب الى غير محله أو لمن لا يسحقه - ورأيي أن الصدمات مصيرها سلة الذكريات ! ولا يبقى - لو أردنا - إلا حلو الذكريات ...
ولامانع في اطلالة العقل من وقت لآخر فهو ليس عدوا للقلب كما يزعمون - انما مصيرهما واحد ... فمن الصالح تعاونهما أحيانا
فماذا ترين أيتها التنهيدة الطيفة ؟

[تنهيدة]

أرى أيتها الغادة الجميلة أن كلامك صح جدا وفعلا العقل عمره مكان عدو القلب لكن كتير مننا بيصدق كل أحسايس قلبة وبيرفض تحكيم عقلة لكن انا شايفة من وجهة نظرى ان الأنسان لو حب حقيقى وبشكل صحيح أكيد عقلة حيوافق كل أحسايس قلبة لكن أحنا فى معظم الأوقات مش بنحب نحكم عقلنا لاننا بنبقى عارفين اننا مش بنحب صح ..يمكن فى بعض الأوقات انا فعلا بثور على قلبى ...لكن فى النهاية بكون فى قمة سعادتى وبشكر ربنا ان وهبلى قلب بيكرة الكرة ومبيعرفش يرد الأساء بأساءة وبحس ان كل ما الا حواليا بيقوللى انك ضعيفة بتزيد قوتى...وانا ياغادة متأكدة أن أعظم شعور فى الدنيا هو أحساسنا بالحب لكل الا حوالينا ولازم نبدا بالحب وعلى رأى وليد الأنسان محبوب حتى يثبت العكس ....
وخاطرتى ياغادة ماهى الا ثورة من ثوراتى على قلبى بشكرك ياغادة على أسلوبك الجميل فى الرد وبتمنى دايما أن خاوطرى تعجبك