رأيتها..بعد طول غياب !

[Ghadat2009]

رأيتها .. بعد طول غياب .. كانت في رحلة مع العذاب
صافحتني .. بل أسقطت يدها في يدي ..
احتضنتني ....حاولت اخفاء هجمات الدموع من مقلتين حائرتين ..
كيف حالك؟ قالتها بصوت مخنوق تكاد تبكي رعشاته ...
أحسست بصديقة عمري تتألم .. تإن في صمت حزين مرير...لم أتمكن من الرد .. وكيف أرد و قد هالني ما رأيت ..
نظرت إليها بمزيج من التساؤل و القلق ... أجابتني دون كلمات .. دمعة تلو دمعة ..وارتعش فمها الذي لطالما أطلق ضحكات !
هل من خطب ؟ كان لابد من السؤال .... لا أدري كيف بدأ كلامها .. كل ماكنت أحسه هو رغبتي في انتزاع ما جرحها أيا كان ...
فهمت من أناتها المتكلمة أنه و بعد قصة طويلة ..
بعد صبرها على ضيق حاله ليلة بعد ليلة..
بعد نظرة ..فابتسامة فلقاء ..فغرام .. فزواج ...
و جنين يموت .. وآخر يرفض القدوم...
وهي تإن في صمت و صبرووجوم ..

أصبح يتركها لليال كالموات
همست اليه مرات و مرات ....
اصبر معي ... لا تحسب أن القطار قد فات !
ينظر اليها و لا يطمئنها بل يبتسم... بغموض
يترك عقلها يئن ... يكاد يجن !
يعتصر قلبها الذي لا يشفى من الرضوض..

وقد كان ما أحسه قلبها الدامي شديد الجروح ...
تزوج بغيرها ...و أخفى ذلك عنها منعا لإيلامها !!
و كان عذره متاعب الإنجاب ..
وذلك-كما يراه- لا يتعارض مع كونهم أحباب !

حاولت جاهدة أن تجمد الدمع في مقلتيها الذابلتين
فتحت الحقيبة .... تبحث عن لاشيء...
تواصل كبت الإثنين ... الألم و الأنين ...

ليت قلوبنا بأيدينا ... و عقولنا هي من يدير السفينة !!

[تنهيدة]

خاطرة جميلة ياغادة ..وأجمل شىء انى حسيت صدق كلماتك ..وده لانك شفتى موقف حقيقى وترجمتيه بخاطرتك الجميلة واحساسك بصديقتك ده أجمل شىء فى الدنيا وبالنسبة لموضوع الخاطرة موضووع مهم جدا يحتاج كلام كتير بس اختصارا ان الأنسان الا بيحب حقيقى عمرة مايرضى بجرح حبيبة وانا من وجهة نظرى ان جرح الكذب أكبر بكتير من جرح الفراق يعنى انا أفضل الأنفصال فى زى الحالة الا انتى ذكرتية ويكون انفصا ل بحب أفضل بكتير من الكذب والغش ...المهم ان بجد ياغادة خاطرة مميزة ونهاية كمان مميزة بمقولتك الأخيرة
ليت قلوبنا بأيدينا ... و عقولنا هي من يدير السفينة !!
بحيكى ياغادة بجد على كلماتك الجميلة والمعبره ...بس انا بدعوكى على أمتحان التعارف الا وليد كان عملة عشان نتعرف عليكى أكتر

[Ghadat2009]

خاطرة جميلة ياغادة ..وأجمل شىء انى حسيت صدق كلماتك ..وده لانك شفتى موقف حقيقى وترجمتيه بخاطرتك الجميلة واحساسك بصديقتك ده أجمل شىء فى الدنيا وبالنسبة لموضوع الخاطرة موضووع مهم جدا يحتاج كلام كتير بس اختصارا ان الأنسان الا بيحب حقيقى عمرة مايرضى بجرح حبيبة وانا من وجهة نظرى ان جرح الكذب أكبر بكتير من جرح الفراق يعنى انا أفضل الأنفصال فى زى الحالة الا انتى ذكرتية ويكون انفصا ل بحب أفضل بكتير من الكذب والغش ...المهم ان بجد ياغادة خاطرة مميزة ونهاية كمان مميزة بمقولتك الأخيرة
ليت قلوبنا بأيدينا ... و عقولنا هي من يدير السفينة !!
بحيكى ياغادة بجد على كلماتك الجميلة والمعبره ...بس انا بدعوكى على أمتحان التعارف الا وليد كان عملة عشان نتعرف عليكى أكتر

أشكرك لمرورك المميز دوما و على الدعوة الرقيقة ...
و رأيي من رلأيك تماما ! يعني أفضل فعلا الصراحة و الوضوح و الصدق لأن معناه الاحترام و الأمان ..و فعلا الانفصال أفضل كثيرا لو أني في مثل هذا الموقف .
الغريب الذي لم اتمكن من استيعابه حتى الآن : لأنه يحبها جدا -كما يصر أن يقول-و لا يمكن ان يضحي بها بسهولة !!! و أن زواجه بأخرى -كما ذكرت في الخاطرة-ليس الا ليكون له ابن!! و يمكن ان يكون هذا اكثر ما يبكيها و يؤلمها و يحيرها !!
و شكرا من جديد لأول تنهيدة مفرحة في الدنيا !

[hala]

الحقيقة خاطرة مميزه جدا يا دودو .... انت ليكى أسلوب متميز فى الكتابة وده اللى بيميز كاتب عن كاتب ... لكن دى أقرب للقصة ...ليه تخليها خاطره ؟؟؟

[الأمير الحائر]

خاطرة رائعة بجد ويمكن هى مع الإحساس بالحزن والألم فى تعابيرها طرحت للنقاش قضية كبيرة جدا فى مجتمع بيعتبر إن الجواز هو بس الأولاد والبنات والعزوة!
لكن أنا رأيى فى القضية الكبيرة دى مختصر...وهو إن اللى بيحب حد..ومرتبط عن حب حقيقى..مش هيحب إنه يبقى ليه أطفال إلا من الشخص اللى بيحبه ده..ولو ربنا اللى أراد إن مايبقاش فيه أطفال يبقى خلاص...الجواز هو حب وحياة مشتركة بين شخصين..ومش عشان مافيش أطفال يبقى العلاقة دى لازم تدمر..يمكن أنا تخطيت موقف الخاطرة وفكرت ايه اللى هيحصل بعد كده..؟ حياة الإنسانة دى هتبقى عاملة إزاى...؟ والشخص اللى خبى وكدب و اتجوز واحدة تانية لمجرد الإنجاب ياترى هيسعد بنسله ده بجد...؟
بحييكى ياغادة على الخاطرة الصادقة فى رصد قصية أكتر منها حالة شخصية...وعجبنى تعبيراتك فى رصد حزنها..
"صافحتني .. بل أسقطت يدها في يدي ..
احتضنتني ....حاولت اخفاء هجمات الدموع من مقلتين حائرتين .. "
تعبيرين رائعين فى دقة التصوير والإحساس بالمشاهد والصور العابرة...وحسيت من العنوان " رأيتها..بعد طول غياب " وكأن الإنسانة دى كانت فى سجن من الأحزان...
كل التحية ياغادة وفى إنتظار أعمالك دايما

[Ghadat2009]

لا أدري لم لم يظهر ردي على الزميلين هالة و و ليد ؟ لقد رددت في نفس اليوم ! ربما يكون من سوء حظي قد حدث عطل ما ...
عذرا للتأخير مع انه ليس بيدي !!

[Ghadat2009]

الحقيقة خاطرة مميزه جدا يا دودو .... انت ليكى أسلوب متميز فى الكتابة وده اللى بيميز كاتب عن كاتب ... لكن دى أقرب للقصة ...ليه تخليها خاطره ؟؟؟

تشجيعك دايما جميل جدا و ملهم و مرورك فيه مرح و فرح وتفاؤل لذيذ يا لولو
وأنا بصراحة احنرت في أمرها .. بس فكرت ان الخاطرة بتبقى احاسيس جوانا وان مش من حقي احول احزان صديقة الى قصة ...

[Ghadat2009]

خاطرة رائعة بجد ويمكن هى مع الإحساس بالحزن والألم فى تعابيرها طرحت للنقاش قضية كبيرة جدا فى مجتمع بيعتبر إن الجواز هو بس الأولاد والبنات والعزوة!
لكن أنا رأيى فى القضية الكبيرة دى مختصر...وهو إن اللى بيحب حد..ومرتبط عن حب حقيقى..مش هيحب إنه يبقى ليه أطفال إلا من الشخص اللى بيحبه ده..ولو ربنا اللى أراد إن مايبقاش فيه أطفال يبقى خلاص...الجواز هو حب وحياة مشتركة بين شخصين..ومش عشان مافيش أطفال يبقى العلاقة دى لازم تدمر..يمكن أنا تخطيت موقف الخاطرة وفكرت ايه اللى هيحصل بعد كده..؟ حياة الإنسانة دى هتبقى عاملة إزاى...؟ والشخص اللى خبى وكدب و اتجوز واحدة تانية لمجرد الإنجاب ياترى هيسعد بنسله ده بجد...؟
بحييكى ياغادة على الخاطرة الصادقة فى رصد قصية أكتر منها حالة شخصية...وعجبنى تعبيراتك فى رصد حزنها..
"صافحتني .. بل أسقطت يدها في يدي ..
احتضنتني ....حاولت اخفاء هجمات الدموع من مقلتين حائرتين .. "
تعبيرين رائعين فى دقة التصوير والإحساس بالمشاهد والصور العابرة...وحسيت من العنوان " رأيتها..بعد طول غياب " وكأن الإنسانة دى كانت فى سجن من الأحزان...
كل التحية ياغادة وفى إنتظار أعمالك دايما

أولا : أعتذر جدا مرة أخرى عن تأخير ليس لي يد فيه!
ثانيا :رؤيتك للأمر حقا جميلة و في منتهى الرومانسية وأكثر ما أدهشني هو استنكارك ان يتزوج بسبب تأخر الأطفال مع ان رجال كتير لو فتح امامهم هذا الموضوع لكان الرد : ان هذا ليس بالأمر العيب أو الحرام بل هو مباح و متاح ! ..و على فكرة هما كانوا مضرب الأمثال في الحب بشكل لا يوصف ! و كان من المفروغ منه تماما ان موضوع الأبناء لن يقف في وجه هذا الحب ! ويمكن أنا أحسست بصدمة قوية عندما صارحتني بهذا الأمر .. و أقول صارحتني لأنه ردا على تساؤلك بشأن حياتها بعد هذه الصدمة : فهي عاشت في صراع داخلي لفترة و بكاء مستمر لم أرى مثله .. هي تحبه لكنه مزق قلبها بقسوة مرتين مرة حين كذب عليها و مرة حين سدد تلك الطعنة الغادرة في ظهرها ..و زواجه كان من بلده و أصر أهلها على اقامة الأفراح !!و تسأل هل هو سعيد ؟ لقد رزق للتو بمولودة ..عرفت صديقتي المجروحة أنه يطير فرحا بها !! أمر صادم أليس كذلك ! لكنه عندما يواجه صديقتي يمطرها كلاما بأنها حبه الوحيد و توأم روحه و الأخرى لمجرد الحصول على ابن يحمل اسمه !!!!!! هي الآن تشغل نفسها بعدة دراسات بعد أن نصحتها -بما أنها عدلت عن فكرة الانفصال-أن تستكمل الدراسة أو أن تقوم بأي نشاط منتظم لتساعد نفسها على الوقوف بقوة من جديد ...
سعيدة أنا ان هذه التعابير قد اعجبتك هي ما احسسته حين التقيت بها فقد كانت شبه حطام ! و هي بالفعل كانت في سجن أحزان ..تكتمت على الأمر وحدها الى ان طفح الكيل بها !!
أشكرك جدا على التحية و المرور و التحليل الجميل

[الأمير الحائر]

ولايهمك ياغادة على التأخير.. أنا حبيت أؤيد فكرة إنها تندمج فى إستكمال الدراسة...وبالنسبة لفرحه بالمولودة وبعديت تأكيده إنه بيحبها.. يا إما بيكدب على نفسه...أو هو مش فاهم أصلا معنى الحب...وكنت عايز بس أسأل سؤال منطقى جدا...لو كان العيب منه هو فى عدم الإنجاب...ساعتها كان هيعمل ايه لما هى تسيبه وتروح تتجوز واحد تانى وتقوله إنها بتحبه بس عايزة أطفال...؟!!!!
فيه ناس بيحللوا المباح والغير مباح على مزاجهم بدون اهتمام بحاجة اسمها مشاعر إنسان...وأنا فعلا اتخيلت نفسى تعرضت للموقف بالكامل وكان هيبقى رد فعلى نفس الرد اللى قلته...مش بس لأن شخصينى رومانسية..بس عشان لما بحب بحب بجد..وأحب إن أولادى يبقى كل مافيهم من الإنسانة اللى بحبها..ولو ماحصلش يبقى ده قدر ربنا..مش عيب فى زوجتى أجرح مشاعرها عشانه...لكن أرجع وأقول كل واحد وشخصيته...وكل واحد..وقلبه...

[Ghadat2009]

ولايهمك ياغادة على التأخير.. أنا حبيت أؤيد فكرة إنها تندمج فى إستكمال الدراسة...وبالنسبة لفرحه بالمولودة وبعديت تأكيده إنه بيحبها.. يا إما بيكدب على نفسه...أو هو مش فاهم أصلا معنى الحب...وكنت عايز بس أسأل سؤال منطقى جدا...لو كان العيب منه هو فى عدم الإنجاب...ساعتها كان هيعمل ايه لما هى تسيبه وتروح تتجوز واحد تانى وتقوله إنها بتحبه بس عايزة أطفال...؟!!!!
فيه ناس بيحللوا المباح والغير مباح على مزاجهم بدون اهتمام بحاجة اسمها مشاعر إنسان...وأنا فعلا اتخيلت نفسى تعرضت للموقف بالكامل وكان هيبقى رد فعلى نفس الرد اللى قلته...مش بس لأن شخصينى رومانسية..بس عشان لما بحب بحب بجد..وأحب إن أولادى يبقى كل مافيهم من الإنسانة اللى بحبها..ولو ماحصلش يبقى ده قدر ربنا..مش عيب فى زوجتى أجرح مشاعرها عشانه...لكن أرجع وأقول كل واحد وشخصيته...وكل واحد..وقلبه...

أحييك بشدة على مبدأك و أتمنى أن تثبت عليه ان شاء الله