أكاديمية ايجيبت رايت الأدبية
http://egyptwrite.com/w/

تيجى نساعد غزة
http://egyptwrite.com/w/viewtopic.php?f=31&t=366
صفحة 1 من 1

الكاتب:  تنهيدة [ 19 يناير 2009, 12:08 am ]
عنوان المشاركة:  تيجى نساعد غزة

تيجى نساعد غزة

__________________________


مش جى أحكى قصة ولا جاى أغنى غنوة ...أنا جيت النهاردة عشان أزرع بذرة فى قلوب أجمل أطفال ...وعشان بحبكو بتمنى تساعدوا معاى ..أطفال زيكو كانوا مليناين براءة ..وفى يوم وليله جه الا سرق أحلامهم وقتل برائتهم ورماهم فى الطريق بجراح مالهاش دوا وأخوات ليهم وقفين بتتفرج عليهم ...والشىء المؤلم أكتر أننا ساعدنا فى قتلهم ...

كتير منكم حيسأل ...ويرد بأعلى صوت ويقول " دا أحنا بنحبهم " أكيد من عارفة طبعا لكن من غير منقصد ساعدنا فى قتلهم لم ساعدنا أعدائهم وأشترينا منتاجتهم وزودنا دخلهم ...هم زاد دخلهم وأشتروا رصاص أكتر وقتلو فى أهلنا...وأحنا بندفع فلوس بتروح لجيب يهودى بيساعد بيه بلده ...لقتل أخوات لينا ...حد يرد ويقولى مش كدة يبقى ساعدنا فى قتلهم..

أنا سامعة صوت بعيد بيقولى نعمل أية ...وأنا جاى مخصوص النهاردة عشان أقولكم الحل أيه...وقبل مقول الحل ...لازم نفتش فينا ونشوف مين مابنا ماسك منتج يهودى ...

أنا شايفة مابنك واحد ماسك كيس ملون وفيه أشهى البطاطس قال أية أسمه ليزا يمكن تكون جميلة ...لكن أكيد لما يعرف أنها من شركة يهودى عمر تانى مايفكر يشارك بفلوسه لشراء رصاصة تدخل فى قلب أخوة الفلسطينى ...وانتى يلا هناك يلا بتأكل شكولاتة مكتوب علية كابورى أهدى منتج يهودى بيساعد فى قتل أخواتك ...وأنا معاى ورقة مكتوب علية كل المنتجات الا المفروض نقاطعة ونقول لصاحبنا كمان اننا لازم نقاطع ...ونروح لآى أب يكون بيشرب سجاير ونقول أزاى يابابا تشرب سجاير ضارة ليك وكمان ضارة لآخوات لينا فى فلسطين أسمها مش عارفة أقولة ....وتروح تقول لماما أزى يماما ماسك مسحوق غسيل يهودى بتروح معظم فلوسة لدولة أسرائيل ...

يلا نشبك أيدينا ونطبع ألف ورقة بتنادى بالمقاطعة ...ونقول بأعلى صوت أنا مش بس مصرى أنا عربى من أصل عربى ..وحساعد بكل مقدر أخواتى فى فلسطين ...


الكاتب:  الأمير الحائر [ 19 يناير 2009, 12:53 am ]
عنوان المشاركة:  Re: تيجى نساعد غزة

جميلة جدا الفكرة ياتنهيدة وأنا بجد كنت عايز أوصل الكلام ده لأمير أخويا ولكل الأطفال لأن الأطفال أكتر ناس ممكن الأباء ماترفضلهمش طلب وبيشتروا ليهم اللى هما عاوزينه مهما كانت جنسية المنتج...ولو الأطفال دول فهموا هيبقى أحلى كتير لأن إحساس الأطفال صادق وبسيط ومابيتجزأش...ويارب رسالتلك دى توصل ويفهمها كل طفل فى بلدنا وفى الوطن العربى كله كمان...

الكاتب:  المهاجر [ 19 يناير 2009, 4:52 pm ]
عنوان المشاركة:  Re: تيجى نساعد غزة

جميلة جدا الفكرة يا تنهيدة وفرصة نربى فى ولادنا احساس الانتماء للبلد والقضية
تحياتى

الكاتب:  Ghadat2009 [ 09 فبراير 2009, 4:34 pm ]
عنوان المشاركة:  Re: تيجى نساعد غزة

حلوة جدا يا نهاد !
و الأسلوب لطيف و تلقائي و سهل يوصل للطفل ! و مهم جدا نوصل المعاني دي ليهم في سن صغيرة و في التوقيت ده بالذات ...
تسلم ايديكي!

الكاتب:  سندريلا [ 06 يونيو 2009, 10:00 pm ]
عنوان المشاركة:  Re: تيجى نساعد غزة

جميلة جدا يا نهوووووووودة

اسلوب سهل اوي كله براءة .......... حاسة اني قدامي مدرسة رقيقة بتكلم اطفال في الحضانة و الاطفال بيحبوها و حيسمعوا كلامها

برافوووووووووووووووووووو عليك يا ابلو دودي clap1 clap1 ب11

الكاتب:  الامير الصغير [ 31 يناير 2010, 5:45 pm ]
عنوان المشاركة:  Re: تيجى نساعد غزة

قصه جميله وسهله بالنسبه لى وانا استطعت قرائتها وفهمها وشكراً لكى يا نهاد على قصتك الجميله :)

صفحة 1 من 1 جميع الأوقات تستخدم UTC + 2 ساعتين
Powered by phpBB © 2000, 2002, 2005, 2007 phpBB Group
http://www.phpbb.com/