صفحة 1 من 1

تيجى نساعد غزة

مرسل: 19 يناير 2009, 12:08 am
بواسطة تنهيدة
تيجى نساعد غزة

__________________________

مش جى أحكى قصة ولا جاى أغنى غنوة ...أنا جيت النهاردة عشان أزرع بذرة فى قلوب أجمل أطفال ...وعشان بحبكو بتمنى تساعدوا معاى ..أطفال زيكو كانوا مليناين براءة ..وفى يوم وليله جه الا سرق أحلامهم وقتل برائتهم ورماهم فى الطريق بجراح مالهاش دوا وأخوات ليهم وقفين بتتفرج عليهم ...والشىء المؤلم أكتر أننا ساعدنا فى قتلهم ...
كتير منكم حيسأل ...ويرد بأعلى صوت ويقول " دا أحنا بنحبهم " أكيد من عارفة طبعا لكن من غير منقصد ساعدنا فى قتلهم لم ساعدنا أعدائهم وأشترينا منتاجتهم وزودنا دخلهم ...هم زاد دخلهم وأشتروا رصاص أكتر وقتلو فى أهلنا...وأحنا بندفع فلوس بتروح لجيب يهودى بيساعد بيه بلده ...لقتل أخوات لينا ...حد يرد ويقولى مش كدة يبقى ساعدنا فى قتلهم..
أنا سامعة صوت بعيد بيقولى نعمل أية ...وأنا جاى مخصوص النهاردة عشان أقولكم الحل أيه...وقبل مقول الحل ...لازم نفتش فينا ونشوف مين مابنا ماسك منتج يهودى ...
أنا شايفة مابنك واحد ماسك كيس ملون وفيه أشهى البطاطس قال أية أسمه ليزا يمكن تكون جميلة ...لكن أكيد لما يعرف أنها من شركة يهودى عمر تانى مايفكر يشارك بفلوسه لشراء رصاصة تدخل فى قلب أخوة الفلسطينى ...وانتى يلا هناك يلا بتأكل شكولاتة مكتوب علية كابورى أهدى منتج يهودى بيساعد فى قتل أخواتك ...وأنا معاى ورقة مكتوب علية كل المنتجات الا المفروض نقاطعة ونقول لصاحبنا كمان اننا لازم نقاطع ...ونروح لآى أب يكون بيشرب سجاير ونقول أزاى يابابا تشرب سجاير ضارة ليك وكمان ضارة لآخوات لينا فى فلسطين أسمها مش عارفة أقولة ....وتروح تقول لماما أزى يماما ماسك مسحوق غسيل يهودى بتروح معظم فلوسة لدولة أسرائيل ...
يلا نشبك أيدينا ونطبع ألف ورقة بتنادى بالمقاطعة ...ونقول بأعلى صوت أنا مش بس مصرى أنا عربى من أصل عربى ..وحساعد بكل مقدر أخواتى فى فلسطين ...


Re: تيجى نساعد غزة

مرسل: 19 يناير 2009, 12:53 am
بواسطة الأمير الحائر
جميلة جدا الفكرة ياتنهيدة وأنا بجد كنت عايز أوصل الكلام ده لأمير أخويا ولكل الأطفال لأن الأطفال أكتر ناس ممكن الأباء ماترفضلهمش طلب وبيشتروا ليهم اللى هما عاوزينه مهما كانت جنسية المنتج...ولو الأطفال دول فهموا هيبقى أحلى كتير لأن إحساس الأطفال صادق وبسيط ومابيتجزأش...ويارب رسالتلك دى توصل ويفهمها كل طفل فى بلدنا وفى الوطن العربى كله كمان...
صورة

Re: تيجى نساعد غزة

مرسل: 19 يناير 2009, 4:52 pm
بواسطة المهاجر
جميلة جدا الفكرة يا تنهيدة وفرصة نربى فى ولادنا احساس الانتماء للبلد والقضية
تحياتى

Re: تيجى نساعد غزة

مرسل: 09 فبراير 2009, 4:34 pm
بواسطة Ghadat2009
حلوة جدا يا نهاد !صورة
و الأسلوب لطيف و تلقائي و سهل يوصل للطفل ! و مهم جدا نوصل المعاني دي ليهم في سن صغيرة و في التوقيت ده بالذات ...
تسلم ايديكي!صورةصورةصورة

Re: تيجى نساعد غزة

مرسل: 06 يونيو 2009, 10:00 pm
بواسطة سندريلا
جميلة جدا يا نهوووووووودة

اسلوب سهل اوي كله براءة .......... حاسة اني قدامي مدرسة رقيقة بتكلم اطفال في الحضانة و الاطفال بيحبوها و حيسمعوا كلامها

برافوووووووووووووووووووو عليك يا ابلو دودي clap1 clap1 ب11

Re: تيجى نساعد غزة

مرسل: 31 يناير 2010, 5:45 pm
بواسطة الامير الصغير
قصه جميله وسهله بالنسبه لى وانا استطعت قرائتها وفهمها وشكراً لكى يا نهاد على قصتك الجميله :)