قصة قطرة ندى

لكتابات الأطفال تحت 13 سنة, وكذلك أعمال الكبار الموجهة إلى الأطفال.

المشرف: تنهيدة

قوانين المنتدى
هذا القسم مخصص لتشجيع الأطفال على الكتابة, وكذلك لتشجيع أدب الطفل من جانب الأعضاء, يمكن للأطفال كتابة أعمالهم هنا بكل حرية من خواطر أو أشعار أو قصص أو مشاكل تواجهم فى حياتهم اليومية والدراسية. و الكتابة عن أرائهم البسيطة فى قضايا العالم المحيط بهم وأحلامهم للمستقبل, ننصح كل الأعضاء بتشجيع الأطفال المحيطين بهم على الكتابة والتعبير عن أنفسهم وأحلامهم بالكتابة.
أضف رد جديد
asmaa ahmed mousa
أكاديمى فعال
أكاديمى فعال
مشاركات: 12
اشترك في: 12 فبراير 2009, 9:29 pm
Favorite Quote: ذات الرداءوعاشقة الليل

قصة قطرة ندى

مشاركة بواسطة asmaa ahmed mousa »

قصة قطرة ندى وقعت من سابع سما
على ورقة شجرة التوت اللي كانت في
ارض ست عجوز اللي بتطارد الغربان
بالنبوت.
اتلفتت قطرة الندى شمال ويمين وقالت:
يا هل ترى انا وقعت فين؟ردت عليها
شجرة التوت انتي وقعتي في المكان
المظبوط
قطرة الندى:انا عايشة وحدي وفهمي
على قدي.
شجرة التوت:انا هتكلم ايه هايفيد السكوت.
القصة قصة ست عجوز,بتدور على قطرة مية
تروي بيها البذور,او حد من صحابها ليها يزور.
ردت عليها قطرة الندى بصوت مذعور:ايه العمل,
وايه في ايدي يتعمل؟
شجرة التوت:انتي في ايدك تعملي الكتير ,لان في ايدك
الخير.
قطرة الندى:ازاي.
شجرة التوت:في ايدك تعدي على كل ورقة شجرة وتسيبي
فيها قطرة ,لان زي ما انتي شايفة الارض جافة ويابسة.
راحت قطرة الندى عدت على كل شجرة وسابت فيها قطرة.

ولما صحيت الست العجوز ,وشافت الاعجازاللي حصل في حديقتها
شكرت ربها ورفعت ايدها وقالت:يوضع سره في اضعف خلقه.
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

Re: قصة قطرة ندى

مشاركة بواسطة Ghadat2009 »

حدوتة رقيقة و هادفةصورة ... أنا حسيت إنه من جمالها و رقتها تنفع انها تبقى قصة رائعة و جذابة للأطفال ... فهل جربتي تكتبي للطفل ؟
انا بحس انه مجال مش سهل .. و عايز أسلوب رقيق و ما فيهوش تعقيد و مفردات ضخمة .صورة
باحيــيكي على قصتك الرقيقة ... و الى المزيد انشاءالله صورة
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: قصة قطرة ندى

مشاركة بواسطة تنهيدة »

صورةحكاية حلوة اوى ياأسماء وأنا كمان حسيتها أنها حدوته جميلة ممكن تأثر فى الأطفال زى مأثرت فينا أحنا الكبار ...تعرفى ياأسماء انا بتمنى ايه بتمنى أكون زى قطرة الندى الجميلة الا تكلمتى علية الا قدرت تكون سر الحياة لغيرة وهى أضعف المخلوقات ..بحيكى ياأسماء على أسلوبك السهل الا قدر يوصل فكرة جميلة بأبسط المعانى بس حقيقى ياأسماء القصة تنفع أكتر فى قسم الأطفال وانت شكلك كاتبة مميزة أوى فى الكتابة للأطفال وزى غادة ماذكرت ان المجال ده بالذات مش سهل لان مش اى حد ممكن يوصل لعقل الطفل وقلبة مع بعض صورة
بتمنالك ياأسماء التوفيق وأنشاء الله تقدرى تكتبى فى كل المجالات بأسلوبك الجميلصورة
صورة
صورة العضو الرمزية
هبة الله محمد
مشرفة قسم أخبار الأدب
مشاركات: 672
اشترك في: 28 نوفمبر 2008, 12:20 am
Favorite Quote: الجحيم هو الآخرين.
verification: ID verified and trusted writer

Re: قصة قطرة ندى

مشاركة بواسطة هبة الله محمد »

جميلة قوي، خلو موضوع السجع ده بيكرني بالقصص بتاعة زمان..فعلا تنفع أكثر لأعمال الأطفال ويا ريت تكتبي من النوع ده أكثرصورة
صورة
أضف رد جديد

العودة إلى ”أدب الأطفال“