دا اول موضوع ليا هنا اتمنى يعجبكوا و لو معجبكمش قولو رايكم بصراحه

البنت: ماما ليه الاميرات فى القصص على طول متوضعيين و طيبين

الأم: لان اسمهم اميرات

البنت: يعنى الى اسمهم اميرات لازم يكونو طيبين

الام : لا طبعا ممكن تكونى اميرة و ملكه و كل حاجه بس المهم انك تستحقى ده و غير كده فيه اميرات متكبرات برضو

البنت :بجد ازاى

الام: كان فيه زمان حكايه اميرة متكبرة اوى ابوها وامها ماتوا من زمان و كانت عايشه مع خالها الى كان مدلعها اوى و كل حاجه كانت بتطلبها كان بيعملها لانه كان بيحبها اوى
وفى يوم من الايام قرر خالها انو يزور بلاد بعيدة مدة شهر و يسبها مع خالتها الى وصلت من المملكه المجاورة ليهم من يومين و كانت الاميرة الصغيرة دى اول مرة تشوفها من 6 سنين يعنى اخر مرة شافتها كان عمرها 4 سنين بس

كان من المعروف عن خالتها دى انها من اطيب الملكات لانها كانت عادله اوى و مش بتحب الدلع بس الاميرة الصغيرة مكنتش شيفاها كده

و باليل سافر الملك خال الاميرة وبعد ساعتين بدات الاميره الصغيرة تطلب طلبات غايه فى العجب تكاد مش موجودة ولكن خالتها الملكه كانت على عكس خالها الملك و رفضت كل الى طلبته الاميرة الصغيرة
ولكن الاميرة الصغيرة زعلت جدا و اتعصبت و بدات ترفع صوتها على الملكه فطلبت الملكه منها بهدوء انها ترجع غرفتها بسرعه و بالفعل عملت كده الاميره بس قررت انها تلحق بخالها المسافر عشان تحكيلو الى خالتها عملته و خرجت الاميرة من الشباك و فضلت ماشيه ماشيه ---------------- لحد ما وصلت الغابه و كانت مرعبه جدا حاولت ترجع ومعرفتش فوقعت على الارض من التعب و بدات تبكى و لما الملكه لاحظت غيابها عن القصر بعتت الحرس فى كل مكان لحد ما وجدوها و رجعت الاميرة الصغيرة للقصر و اول ما دخلت حضنتها الملكه وهيه بتعيط من الفرحه و قررت الاميرة انها متعملش كده تانى و متمشيش من القصر من غير اذن او تطلب طلبات مش ممكن تتنفذ ابدا

و بكده اتعلمت الاميره احترام الى اكبر منها و تنفيذ رغباته

البنت : قصه جميله

الام : المهم انك متعمليش زيها لان التواضع صفه جميله

وطفت الام النور وسابت بنتها وهيه بتقول (مش عاوزاكى تكونى مثلىhuh1 ابدا و انا صغيرة ---الله يرحمك يا خالتى)

أولاً: أهلا بكِ زميلة فى الأكاديمية يا سمر..و كما عرفت فى ملفك الشخصى و توقعت فسنك صغير 15 عاماً..لهذا أرحب بزميلتنا الصغيرة و ببدايتها الجميلة فى أدب الأطفال
ثانيا: سعيد جدا بإهتمامك أن تكون الآراء صريحة..و بالتأكيد إن شاء الله يكون رأيى الشخصى صريح جدا

أهم ما يجب قوله قى البداية حول القصة أنها فى رأيى كانت ستصبح أجمل كثيراً و يتضح معناها أكثر من ذلك لو كانت باللغة العربية الفصيحة..فأحس حقاً أنها فى أغلب الأعمال عموماً و فى أدب الأطفال خصوصاُ أجمل وقعاً..بالتأكيد هناك أعمال معينة تليق عليها العامية..لكن أعتقد ذلك العمل كان يحتاج إلى الفصحى..ألم نتفق على الصراحة؟
النقطة الثانية أن الحوار فى قصص الأطفال يجذب الطفل أكثر و يقربه من القصة و أحداثها بجانب السرد..إلا ان الحوار هو ما يقرب الطفل أكثر من أحداث القصة و يعرفه على شخصياتها من خلال طريقة حوار كل منهم و إختلافه عن الشخصية الأخرى...لهذا أتمنى أن أرى إستخدامك للحوار لتوصيل أحداث و مغزى القصة أكثر إن شاء الله فى التجارب القادمة
أرحب بكِ مرة أخرى يا سمر و سعيد بأول كتاباتك يا كاتبتنا الصغيرة و أتمنى لكِ كل التطور فى التجارب الآتية إن شاء الله مع نفس التقبل و الإنتظار للآراء الصريحة

الزميلة / سمر . . . برحب بيكي عضوة جديدة بالأكاديمية وإن شاء الله تفيدي وتستفيدي .
قصتك فيها درس مهم جداً عن عدم التكبر مهما كان علو الشأن . . فالتواضع شئ جميل جداً ويجعل الإنسان محبوب من كل من حوله .
أحييكي على قصتك الهادفة وأتمنى لكي دوام التوفيق والإبداع .

elsayad شكرا على اهتمامك بالرد على قصتى الاولى

برحب بيكى ياسمر زميلة عزيزة معانا فى الأكاديمية دا ترحيب بوجه عام
لكن أنا حابة أرحب بيكى بوجه خاص فى قسم أدب الأطفال الا بتمنى ان يشترك فيه أعضاء كتير فى سنك وفى سن أمير ويحاولوا يكتبوا ويعبروا عن كل أحلامهم معانا ....
فكرة قصتك جميلة وأكيد لو حاولتى تعيديها من الأول باللغة العربية أكيد هيزيد جمالها ...لان ماشاء الله أنا شايفة من تعليقاتك تحمسك للكتابة
فى الأكاديمية ولوجودك معانا وسعيدة جدااااا بأنك بتحبى الصراحة ومن القصة واضح انك كمان مش بتحبى التكبر ودا بجد بداية جميلة
بتوعدنا كلنا بوجود أصغر كاتبة متميزة معانا إن شاء الله ....
برحب بيك مره تانية ياسمر وبتمنالك كل التوفيق والمزيد من الكتابات والأفكار الجميلة

السلام عليكم ورحمة الله وبركاته

قصتك جميلة اوى ياسمر

فى انتظار ابداعاتك:)

اختى سموره


قصة جميلة وانا برضة كان رأيى ان الفصحى هتزيدها جمالا

مش هطول عشان انت اختى ومش عايزة اتحيزلك
وكمان عشان عندك امتحانات

هدعيلك بس بالتوفيق والنجاح

اولاً اهلاً بيكى يا سمر عضوه جديده فى الاكادميه ويارب تكونى متواجده دائماً فى الاكادمية و خصوصا فى ادب الأطفال طبعا

قصه رائعه جداً يا سمر وجميل جداً ان بداية مواضيعك بقصه رائعه مثل هذه القصه
وفعلاً التواضع صفه جميله يجب ان يلتزم بها الناس
شكراً يا سمر واتمنى لكِ التوفيق الدائم

هي القصة عجبتني ققوي كمان مقارنة بسنك بس أنا شايفة أنها هي أقرب لمسرحية لأكثر مافيهاش غير حوار بالعامي..

أهلا بيكي يا صيدقتنا الموهوبة معانا


وبالتوفيق ليكي