أكاديمية ايجيبت رايت الأدبية
http://egyptwrite.com/w/

أرسم حلمك
http://egyptwrite.com/w/viewtopic.php?f=31&t=803
صفحة 1 من 2

الكاتب:  تنهيدة [ 08 أبريل 2009, 4:57 pm ]
عنوان المشاركة:  أرسم حلمك

فكر وأبدع يافنان
شوف الدنيا بالألوان
أرسم حلمك لون أملك
حقق الا بتتمناه
شوف الدنيا لوحة جميلة
فتش دور بين معانيها
دا انت لسة برىء وصغير
والدنيا سكتها طويلة
أرسم بيت يحضن أحلامك
بجنينة لورود أيامك
فكر ازاى تبنى بأيدك
وتكون مبدع فى أى مكان

**************************
أرسم حلمك لو على ورقة
حيجى اليوم وتشوفوا ازى
ممكن يبقى الحلم حقيقة
ماهو كل شىء فى الأمكان
فكر واحلم من دلوقتى
عشان يكبر الحلم معاك
ولو حتشوف الدنيا جميلة

حتحقق كل الأحلام

الكاتب:  Ghadat2009 [ 08 أبريل 2009, 5:39 pm ]
عنوان المشاركة:  Re: أرسم حلمك

كلمات جميلة جدا و عذبة ...كلها أمل و تفاؤل و دفع للطفل و للكبير كمان في لتجاه رائع !

الفكرة نفسها روعة ...و أنا بقراها حسيت بالفرحة و الأمل الساحر فيها ... و حسيت انها عاملة زي الموسيقى التصويرية لقصتك الجميلة الهادفة ( فكر لتبدع )

إضافة مميزة لقسم أدب الأطفال ..أحيــييكِ عليها

أتمنى لك كل توفيق و إبداع مستمر إن شاء الله

الكاتب:  محمد محمود [ 08 أبريل 2009, 6:24 pm ]
عنوان المشاركة:  Re: أرسم حلمك

برافو يا نهاد ، ياريت كل واحد يزرع في الجيل الجديد أمل وفكرة يؤمن بها
وقتها بس حنكون في المقدمة دائما .
ويا ريت إعلامنا يقدر ينتقي لأطفالنا ما يثبت فيهم القيم والمعاني الطيبة

الكاتب:  ريم [ 08 أبريل 2009, 7:17 pm ]
عنوان المشاركة:  Re: أرسم حلمك

ما شاء الله لا قوة إلا بالله..جميلة أوي كلماتك المنتعشة والمتفائلة دي يا نهاد.
.أنا متخيلاها كأنها أنشودة للأطفال وقرأتها بهذا الأسلوب ومنتظرة ابني عبد الرحمن _ذو الثلاث أعوام _ لما يصحى واستأذنك أكتبها وأقولها له..
لأن كلماتها سهلة وبسيطة وتدخل القلب ومبهجة ومشجعة على الابتكار.والابداع ...
.يا ريت تقولي لي ممكن أقولها له؟؟؟
وتسلم إيدك..على المجال الجديد ده شعر أو أنشودة للطفل

الكاتب:  تنهيدة [ 09 أبريل 2009, 6:09 am ]
عنوان المشاركة:  Re: أرسم حلمك

Ghadat2009 كتب:
كلمات جميلة جدا و عذبة ...كلها أمل و تفاؤل و دفع للطفل و للكبير كمان في لتجاه رائع !

الفكرة نفسها روعة ...و أنا بقراها حسيت بالفرحة و الأمل الساحر فيها ... و حسيت انها عاملة زي الموسيقى التصويرية لقصتك الجميلة الهادفة ( فكر لتبدع )

إضافة مميزة لقسم أدب الأطفال ..أحيــييكِ عليها

أتمنى لك كل توفيق و إبداع مستمر إن شاء الله

كلماتك هى التى بعثت الأمل بداخلى وشجعتنى كثيرا فى الأستمرار للكتابة للطفل وفعلا أنا كتبتها بعد القصة...
بشكرك جداا يا صديقتى الغالية ...وسعيدة جداا بأحساسك الرائع بكل ما أكتب ..وحقيقى كلماتك تعطينى دفعة قوية ..
أشكرك مرة اخرى واتمنى لكِ كل الخير

الكاتب:  تنهيدة [ 09 أبريل 2009, 6:14 am ]
عنوان المشاركة:  Re: أرسم حلمك

محمد محمود كتب:
برافو يا نهاد ، ياريت كل واحد يزرع في الجيل الجديد أمل وفكرة يؤمن بها
وقتها بس حنكون في المقدمة دائما .
ويا ريت إعلامنا يقدر ينتقي لأطفالنا ما يثبت فيهم القيم والمعاني الطيبة

أُحيك يامحمد على تعليقك المميز وياريت فعلا تتحقق كلماتك ونقدر نزرع فى ولادنا الأمل الا يقاومه بيه حياتهم القادمة
بشكرك يامحمد على مرورك الجميل

الكاتب:  تنهيدة [ 09 أبريل 2009, 6:19 am ]
عنوان المشاركة:  Re: أرسم حلمك

ريم كتب:
ما شاء الله لا قوة إلا بالله..جميلة أوي كلماتك المنتعشة والمتفائلة دي يا نهاد.
.أنا متخيلاها كأنها أنشودة للأطفال وقرأتها بهذا الأسلوب ومنتظرة ابني عبد الرحمن _ذو الثلاث أعوام _ لما يصحى واستأذنك أكتبها وأقولها له..
لأن كلماتها سهلة وبسيطة وتدخل القلب ومبهجة ومشجعة على الابتكار.والابداع ...
.يا ريت تقولي لي ممكن أقولها له؟؟؟
وتسلم إيدك..على المجال الجديد ده شعر أو أنشودة للطفل

بجد ياريم أنا سعيدة جدا بكلماتك المشجعة واحساسك الرائع بالكلمات وطبعا أنا أكون فى قمة سعادتى انك تقوليها لأبنك ..لان أكيد هو ده هدفى انها توصل للأطفال ...وانا متأكدة أنك حتوصليها ليه بأسلوبك الرائع....
بشكرك ياريم على مرورك الرائع..وبتمنالك كل التوفيق

الكاتب:  المصرية [ 09 أبريل 2009, 5:04 pm ]
عنوان المشاركة:  Re: أرسم حلمك

جميلة قوي يا تنهيدة ,راقصة ومرحة الكلمات اتمنى في يوم اسمعها بتتغنى من مطرب اومطربة مشهورين .

الكاتب:  تنهيدة [ 12 أبريل 2009, 5:01 pm ]
عنوان المشاركة:  Re: أرسم حلمك

المصرية كتب:
جميلة قوي يا تنهيدة ,راقصة ومرحة الكلمات اتمنى في يوم اسمعها بتتغنى من مطرب اومطربة مشهورين .

بجد مرورك هو الا دايما جميل يارانيا ودايما بيسعدنى بحس أنك بتقرى اى عمل بمنتهى الحب...بشكرك على كلماتك الجميلة وبجد انا يكفينى ان انتو بس الا تقروا أعمالى وأسمع تعليقاتكم الجميلة الا دائما بتجعلنى فى اسعد حالاتى ...أتمنى لكِ كل التوفيق والسعادة فى كل حياتك

الكاتب:  الامير الصغير [ 08 مايو 2009, 12:51 pm ]
عنوان المشاركة:  Re: أرسم حلمك

شعر جميل جداً يا نهاد عن أحلام الأطفال الجميلة..وتعابير جميله جداً ...ويارب تكتبى اكتر واكتر انشاء الله فى قسمنا ادب الأطفال ،وشكراً

صفحة 1 من 2 جميع الأوقات تستخدم UTC + 2 ساعتين
Powered by phpBB © 2000, 2002, 2005, 2007 phpBB Group
http://www.phpbb.com/