المركز الشرفى, مسابقة الشهر الثالث (وداع), غادة يسرى

لوحة شرف الأعمال الفائزة فى مسابقة (مصر بتكتب إيه؟) للعام الأول , منذ بدايتها رسميا فى 11 نوفمبر 2008 وحتى تاريخ 11 نوفمبر 2009
قوانين المنتدى
لوحة شرف الأعمال الفائزة فى مسابقة (مصر بتكتب إيه؟) للعام الأول , منذ بدايتها رسميا فى 11 نوفمبر 2008 وحتى تاريخ 11 نوفمبر 2009
أضف رد جديد
صورة العضو الرمزية
Ghadat2009
مشرفة قسم الكتابة
مشاركات: 1481
اشترك في: 02 فبراير 2009, 12:00 pm
Real Name: غادة يسري
Favorite Quote: كن جميلا ..... ترى الوجود جميلا :)
verification: ID verified and trusted writer
مكان: مصر الجميلة

المركز الشرفى, مسابقة الشهر الثالث (وداع), غادة يسرى

مشاركة بواسطة Ghadat2009 »

صورة
مسابقة الشهر الثالث - 2009

مجال الشعر

المركز الشرفى
(غادة يسرى)

اسم العمل الفائز
(وداع)

***
اقفل شنطتك و اسمعني
ماشي من غير ماتودعني؟
دايما غاوي كده تعذبني !
تشمت الناس بي و توجعني
انت شاريني؟ ولا بايعني ؟
فلوس كتير؟ طيّب.. إيه يعني؟
أنا محتاجالك ياللي سامعني !
بتقول لي ايه؟هي أحسن مني ؟

طب ليه كده يابني ؟

عارفة انه كله بيكرهني
ده يسبني و ده يلعني !
إيه اللي يعرفوه عني ؟
دي الغيرة مني و من فنّي
و زعامتي للّي ظالمنّي
فهمتني و لاّ أغنّي ؟
ده حقيقي بقي زهقان منّي ؟!

طب ليه كده يابني ؟

عايزني أقنعك بإيه ؟
شايف أخوك و اللي حصل فيه؟
صرف كل اللي ف إيديه
ماباقاش حيلته نص جنيه !
جاله اللي ضحك عليه
" تذكرة..تأشيرة يا بيه ؟ "

و عللّي حصل .. يا عيني عليه !

مالنجمة جَرَيان ع المينا
مالقاش هناك أي سفينة !
لقاله واحد بلدينا !
قلّه : تعالى.. يا أخينا
الحلوة دي.. هتودينا
عبّارة إيه ! جديدة..متينة!
فاكر ازاي.. رجع لينا؟؟

عللّي حصل.. عيني علينا !

استنى!.. مخلصش كلامي !
و أخوك اللي جلدوه قدّامي
دكنور و قالوا عنه..حرامي !
ياحزني.. يا مرار أيامي
وداعك ...بيزيد آلامي !!

مش حاسس أبدا بغرامي ؟

صعبان عليّ
عمري اللي ضيعته عشانك !
يا دموع عينيّ
استنّي حبّة ف جريانك !
إيه في إيديّة
معملتوش و أهو قدامك !
طب يا بُنيّ
مترمنيش كده بسهامك !
قلبك عليّ؟
سيبك طب م اللّي ف بالك!

يابني اسمعني أبوس يدّك !
أنا أرضك .. أنا حتّة منّك
إزاي تقدر.. تنسى أمك؟
مين بعدي مين يسأل عنّك ؟
بلاش يضيع منّك سنّك ..

طب لمّا تمشي و تسيبني
مين فيّ يعمّر ... يبني ؟
و يرد عللّي ساببني ؟
و يضرب اللّي ناهبني
جاوبني ياللّي تاعبني؟

وانت بعيد مين يحميني؟
بُعدك مخوّفني.. هدّيني
أحضنّي..صبّرني..خبّيني!
طمّنّي على ولدك..نور عيني

لسّاك برضه ناوي تسافر ؟
حاسس إنّك منّي.. نافر؟
طب خلّي بالك ..خدلك ساتر !
مفيش أمان منين ما تهاجر
د انا حضنك وطنك مش فاكر؟

ابقى اسأل عني .. يا مهاجر

لو لسّه لي عندك خاطر !
صورة

.
.
.
[highlight=#ffff40]*** لــزيارة صــفـــحـــتــي *** [/highlight]
أضف رد جديد

العودة إلى ”الأعمال الفائزة عن العام الأول للمسابقة 2009“