شوفوا مصر بيتقال عليها ايه !!!!!!!!

لمناقشة مشاكل مصر المعاصرة ومحاولة إيجاد حلول عملية لها, بطريقة موضوعية بعيدا عن الإساءة لبلدنا وشعبها.

المشرفون: محمد محمود،المهاجر

صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

شوفوا مصر بيتقال عليها ايه !!!!!!!!

مشاركة بواسطة سندريلا »

موضوعي النهاردة ممكن يزعلكم شوية بس كان لازم اتكلم فيه

في الحقيقة انا مشتركة في منتدى كدة لن أذكر اسمه طبعا ......... و هو منتدى فلسطيني ما ........ و طبعا احنا كلنا بنحب فلسطين و أهل
فلسطين ....... المهم دخلت لقيت عضو محترم جدا فلسطيني و زوق جدا حاطط موضوع كدة عن مصر و كاتب العنوان كدة

( صور بتشوفها بس عند اخواتنا المصريين بس ) ....... طبعا مش عايزة اقولكم الصور بتدل على ايه ؟!!!!!!!!

كأننا شعب سوري يعني متخلف و مش بيفكر ........ و يا رب اعرف انزل لكم الصور .......

و بصراحة زميلي العضو اللي بحترمه جدا و ربنا يعلم كتب ان ده مش في مصر بس و انه موجود في كل حتة بالرغم من العنوان اللي بيناقض ده
بس اللي ضايقني فعلا ردود الأعضاء التانيين و كمان أحد الاعضاء كتب عاهاتك يا أم الدنيا !!!!!!

تخيلوا مصر بلد الحضارة اللي قدرت تقهر اي غزو حتى الغزو الاسرائيلي يتكتب عنها كدة !!!!!!!

بصراحة مسكت نفسي بالعافية و كمان سخطت على الصور و فلسطين و اهل فلسطين و كمان على المصريين اصحاب الصور اللي حطوا نفسهم في موضع استهزاء او سخرية ....... بس رجعت قلت لا ...... اهل مصر طيبين جدا و كمان بسطاء و الذنب مش علينا و لا حتى في الصور ....... و لا في الفلسطينيين و لا في اللي صور

للأسف الذنب في المسافات اللي بقت بينا و بين العرب ....... بقيت اشك في حبهم لينا ....... و كان ممكن انفعل و اقول مش انتم اللي عملنا مظاهرات عشانكم ايام غزة ....... بس الحمد لله عرفت اتصرف بذوق خلى جزء من حق مصر يرجعلها ......

بس الزميل كمان اعتذر و قال ان الموضوع للترفيه و لو اني مش عارفة الترفيه جاي منين مالقيتش و لا صورة تضحك ..... بالعكس شفت بساطة ناس مصريين عاديين همهم اكل العيش و الضحك .......

تفتكروا الذنب في مين ؟ فينا و لا فيهم و لا في الظروف ؟ و لا في المسافات اللي ما بقيناش عارفين نقصرها ....... بنادي بالوحدة و مش عارفين نجمع حتى الشعوب :x

بس عارفين ايه اللي بسطني في الموضوع ده ؟ اني عرفت غلاوة مصر في قلبي بجد و عرفت اد ايه غلاوتها كبيرة

و الاحساس ده غير فيا حاجات كتير الحمد لله و انا مبسوطة لكدة
السيد فهيم
أكاديمى نشيط
أكاديمى نشيط
مشاركات: 308
اشترك في: 02 مايو 2009, 1:22 pm
Favorite Quote: الفن الجميل لا يورث قبحا
verification: ID verified and trusted writer

Re: شوفوا مصر بيتقال عليها ايه !!!!!!!!

مشاركة بواسطة السيد فهيم »

ولا يهمك يا أستاذة ... كل الدنيا عارفة مصر وعارفة تاريخها ... وعشان الشعب المصري شعب طيب ومسالم ومضياف بطبعة ... عامل زي الأخ الكبير أو الأب أو الأم اللي عمرها ما تزعل من ولادها مهما عملوا فيها ...انا متأكد ان أي شقيق من أي بلد عربي أو مسلم لو عاب في مصر النهاردة وزعلنا منه شوية ، و صحينا بكره عرفنا انه محاصر أو مظلوب هاننسا كل اساءة وهانكون أول ناس نمد ايدينا مش بالكلام والشعارات ... وعايز أي حد يشكك في الكلام ده ...وبعدين ليه مصر بالذات؟! ... ما علينا ... أحد الحكماء قال وصية ... كونوا للناس كالشجر يرمونه بالحجر فيجود عليهم بالثمر.... ما علش دول مهما كان اخواتنا وجيراننا والنبي وصي علي سابع جار.
السيد فهيم
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: شوفوا مصر بيتقال عليها ايه !!!!!!!!

مشاركة بواسطة الأمير الحائر »

فى الحقيقة ياجيهان موضوع مهم وإن كنت لا أستغرب أى شئ يحدث فى العالم العربى حاليا..فهو شعب تفرقه شعرة و تجمعه نكسة...تجمعه مؤتمرات لا تخرج بأى شئ عادة..وتفرقه مشكلة تافهة فى ( ماتش كورة )...
مشكلة العداوات العربية ليس مشكلة يوم و ليلة..بل مشكلة جيل عربى كامل نشأ وتربى على كره مصر بسبب تطبيعها مع إسرائيل..ونسوا أن ما قبل هذا التطبيع كان حربا ضحى فيها الكثير بدمائهم لتحصل مصر على حريتها..و لولا هؤلاء الأبطال لكنا حتى الأن خاضعين للإحتلال...
فى الحقيقة لم أعد أتعجب كثيرا عندما أسمع عن أى مشادة كلامية أو حوارية إعلاميا كما فى البرامج و الفضائيات التى تقتات على أى خلاف ووقيعة وتبحث عن كل ما يثير أى مشكلة وفرقة.. أو إلكترونيا فى المنتديات...وفى كلتا الحالتين إعلاميا و إلكترونيا الخطأ هو خطأ من سمح لهؤلاء ببث تلك السموم دون رقابة...

ففى مثل الموضوع الذى ذكرتيه..لو أن هناك رقابة محترمة تحرص على إحترام أعضاء المكان و شعورهم..لما سمحوا بمثل هذه الموضوعات التى يعتبرونها موضوعات مسلية و مضحكة..فى حين أنها تفتح المجال أمام الخلاف و الجدال..ومن يعرف..ربما كانت إدارة هذه المنتديات و المواقع تبحث بالفعل عن هذه الصدامات كوسيلة للشهرة أو من باب ( خالف تعرف ) والذى تحول فى زماننا هذا إلى ( قلل أدبك تعرف )...
لا أريد أن أستفيض كثيرا فى تعليقى على تلك القضية..لكن ما أود أن أنصحك به فى مثل مشكلة هذه..إذا كان مسؤولى هذا الموقع موافقين على هذا الموضوع أو موضوعات مشابهة له..أنصحك بتركه من الأساس...فالمكان الذى لا تحترم فيه قواعد بسيطة وبديهية..لا يحترم فيه أى شئ...
و مصر غلاوتها كبيرة فى قلوب الكل دايما..مثلها مثل كل مدن الوطن العربى فى قلوبنا أيضا..و إذا كانت هناك قلة سيئة..ليس معنى هذا أن الكل سئ...فقط هذا معناه أن البعض لا يجد ما يفعل فيتسلى بإنعدام الإحترام..شفاهم الله جميعا...وشفى الله الدول العربية من مرض اسمه الفرقة.....
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
صورة العضو الرمزية
الزهراء
مشرفة قسم النقد الفنى و المقالات
مشاركات: 473
اشترك في: 03 إبريل 2009, 11:28 pm
Real Name: سليمة مشري
Favorite Quote: الشكوى انحناء و أنا نبض عروقي الكبرياء ...
فالشكوى لغير الله مذلة
verification: ID verified and trusted writer
مكان: بلد الأحرار

Re: شوفوا مصر بيتقال عليها ايه !!!!!!!!

مشاركة بواسطة الزهراء »

مساء الخير يا جيهان :)

يؤسفني فعلا الحال الذي وصلنا إليه بحيث تفرقنا أتفه الأشياء و ما أتعجب له هو الضجات الأعلامية التي قد تصاحب هذه التفاهات و تساهم بشكل كبير في زيادة الفرقة و لما لا فإنها قد تكون امصدر الرئيسي لها

و يؤسفني أيضا أن يكون هناك أعضاء يقدمون مثل هذه المواضيع و ما أستغربه هو كونك تقولين أنه عضو محترم و... و أتساءل أيضا هنا عن دور الإدارة و رقابتها كما أشار إليه الزميل وليد ، و أطرح تساؤل أنه لو كات الموضوع للترفيه لكان بث صور من مختلف الدول و لا يركز فقط على المجتمع المصري و إن كانت المجتمعات العربية متقاربة في معيشتها و لكل عاداته

لا أريد أن أتكلم كثيرا في هذا الموضوع و صدقيني لو كنت منضمة إلى منتدى و أحسست بأنهم يحاولون بأي شكل الإساءة لبلدي لانسحبت منه فورا بعد أن أقول كل ما يختلج بصدري
أنا لا أحرضك على شيء إنما هو مجرد رأي
و لا تزعلي flower1 flower1
جوا العين و ساكنة القلب
نحبك يا بلادي
......................
صورة
صورة العضو الرمزية
نبضة...
مشرفة قسم القصص القصيرة
مشاركات: 444
اشترك في: 30 إبريل 2009, 6:38 pm
Real Name: سارة صادق
Favorite Quote: النعم الكبرى لا تُظهرها إلا.. الفجائع الكبرى !
verification: ID verified and trusted writer
مكان: no where but my imaginary world

Re: شوفوا مصر بيتقال عليها ايه !!!!!!!!

مشاركة بواسطة نبضة... »

اولا...احب اعبر عن فرحتي بغيرتك على مصر يا جوجو..
دا طبعا حاجة مش جديدة عليكي...لكن فعلا عجبني انفعالك عشان مصر..
لكن اسمحولي يا جماعة بما اني مشتركة بردو في المنتدى الفلسطيني دا..انى اقولكو نبذة عنه..
احتمال تفهموا وجهة نظرهم..او تغيروا رايكم فيهم..
بصراحة انا من يوم ما اشتركت في المنتدى دا وانا بتعامل فيه احسن معاملة..سواء انا او جيجي
او اي عضو مصري اخر..واحنا اصلا مع قلتنا الا اننا محبوبين جداااااا في المنتدى والكل بيحترمنا..
دا عشان احنا مصريين اولا..وعشان احنا بنتعامل معاهم بطيبة وذوق ثانيا..
المنتدى دا يا جماعة معظم اعضاؤه واقول المعظم..يتراوح سنهم من 11 او 13 سنة..وحتى 18 سنة..
يعني اكبر حد قابلته جوا كان من الادارة عنده 30 سنة.. طبعا انا لا اقول ان السن يغفر الاخطاء..
لكن لازم نفهم ان دول ناس محتلين..عاشوا وهيموتوا وهما كدا..بيحاولوا يدوروا على لحظة حلوة..او حتى
مجرد ابتسامة.. وطبعا دا بردو لا يبرر اي اهانة يتوجهوا بيها لاي شعب مهما كان.. لكن كان لازم اقول دا..
عشان نعرف الاول مين غلط في حقنا..واحنا بنتعامل مع مين.. دا لو فعلا غلطوا في حقنا او هانونا..

نيجي بقى للموضوع اللي تم عرضه في المنتدى من قبل احد الاعضاء..احب اقولكو ان العضو دا بالذات
بيسمي نفسه محب ال80 مليون مصري..بيمووووت في حاجة اسمها مصر..
بصراحة انا لما دخلت شفت الموضوع اتنرفزت...ما انكرش دا..لان دي حاجة طبيعية اني اغير على بلدي..
العضو دا للامانة كان ذكر في بداية الموضوع انه للترفيه فقط..وان دا ممكن نلاقيه في اي بلد رغم ان دا تناقض فعلا مع العنوان
(صور بنشوفها بس عند اخوانا المصريين).. زي جيجي ما ذكرت بالضبط.... اما عن الصور يا جماعة فبصراحة كان بعضها يضحك فعلا..لكن معظمها يعبر عن خفة دم المصريين وبساطتهم..
وانا لما لقيت نفسي اتنرفزت وزعلت كدا...افتكرت موضوع ما كان موجود في نفس المنتدى ..صور عن الصينيين
كانت صور فعلاااااااااا تضحك...وكلنا ضحكنا...مع ان الصين دول بنوا اعظم حضارة بابسط الامكانيات..لكن ضحكنا
على مجرد صورة لا يقلل من شأن الشعب.. وقلت في نفسي يا بت امسكي اعصابك و عديها..
ولاني كنت اول واحدة ارد..مكنتش طبعا شفت اي ردود تانيه من الاعضاء...
كان اول رد بعد ردي هو رد كاتب الموضوع...واعتذر مرة تانية وقاللي لو الموضوع مزعلكوا انا ممكن احذفه من جذوره..
قلت له لا...لاني بصراحة ما لقيتش حاجة تستاهل طالما انه لايقصد اي اهانة..

لكن المشكلة كانت في رد واحد من الاعضاء...واقول واحد فقط..لان كل التعليقات كانت عبارة عن ضحك وشكر على الموضوع
بدون ابداء اي تعليقات على الشعب..
لكن رد العضو دا كان بجد مستفز....لكننا زي ما قالت جيجي اخدنا حقنا.. والعضو دا فعلا اعتذر..
وعلى فكرة الموضوع بالفعل اتحذف من قبل صاحب الموضوع نفسه..رغم الحاحنا الشديد بانه يخليه..
طبعا بعد ابداء العديد من الاعتذارات من العضوين...

بصراحة يا جماعة انا شفت ان الموضوع دا قربنا اكتر مش بعدنا... وعرفنا اكتر احنا قد ايه محبوبين من العرب..
المنتدى دا بالذات حسسني اني مصرية بجد.. حتى ما شفتوش لما مصر فازت على ايطاليا عملوا ايه.. كانوا فرحانين جداااااااا لينا..
وحتى يا جماعة لو هانونا..زي ما تكرم الاستاذ السيد فهيم وقال مصر طول عمرها بتغفر وتعدي..لان مصر هى ام العرب..

من الاخر يا جماعة..الموقف كان مفيد لينا كلللللللللنا...
بشكرك يا جيجي على موضوعك الرائع دا..
وتقبلي مروري..وعذرا على التعليق الطويل... لكن للامانة كان لازم اقوله..
اشكرك مرة تانية..:) flower1
صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

Re: شوفوا مصر بيتقال عليها ايه !!!!!!!!

مشاركة بواسطة سندريلا »

السيد فهيم كتب:ولا يهمك يا أستاذة ... كل الدنيا عارفة مصر وعارفة تاريخها ... وعشان الشعب المصري شعب طيب ومسالم ومضياف بطبعة ... عامل زي الأخ الكبير أو الأب أو الأم اللي عمرها ما تزعل من ولادها مهما عملوا فيها ...انا متأكد ان أي شقيق من أي بلد عربي أو مسلم لو عاب في مصر النهاردة وزعلنا منه شوية ، و صحينا بكره عرفنا انه محاصر أو مظلوب هاننسا كل اساءة وهانكون أول ناس نمد ايدينا مش بالكلام والشعارات ... وعايز أي حد يشكك في الكلام ده ...وبعدين ليه مصر بالذات؟! ... ما علينا ... أحد الحكماء قال وصية ... كونوا للناس كالشجر يرمونه بالحجر فيجود عليهم بالثمر.... ما علش دول مهما كان اخواتنا وجيراننا والنبي وصي علي سابع جار.
السيد فهيم



ابدا انا و الله مش زعلانة منهم هما ......... لانهم زوق جدا معانا يا مصريين ........ و كمان هو حذف الموضوع لما لقانا زعلنا بس انا طلبت منه يرجعه تاني ........

و فعلا مصر زي الام او الاب .........و دي عندك حق فيها يا دكتور ........

و عجبتني الحكمة اللي قلتها في الاخر بس ليه مانبقاش كلنا زي الشجر عشان اللي بيشوفونا من برة يحترمونا مش يلاقوا فرصة انهم يفرقوا ما بينا

ميرسي كتير على ردك و اهتمامك يا دكتور و انت اللي استاذنا و الله ..... :)
صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

Re: شوفوا مصر بيتقال عليها ايه !!!!!!!!

مشاركة بواسطة سندريلا »

الأمير الحائر كتب:فى الحقيقة ياجيهان موضوع مهم وإن كنت لا أستغرب أى شئ يحدث فى العالم العربى حاليا..فهو شعب تفرقه شعرة و تجمعه نكسة...تجمعه مؤتمرات لا تخرج بأى شئ عادة..وتفرقه مشكلة تافهة فى ( ماتش كورة )...
مشكلة العداوات العربية ليس مشكلة يوم و ليلة..بل مشكلة جيل عربى كامل نشأ وتربى على كره مصر بسبب تطبيعها مع إسرائيل..ونسوا أن ما قبل هذا التطبيع كان حربا ضحى فيها الكثير بدمائهم لتحصل مصر على حريتها..و لولا هؤلاء الأبطال لكنا حتى الأن خاضعين للإحتلال...
فى الحقيقة لم أعد أتعجب كثيرا عندما أسمع عن أى مشادة كلامية أو حوارية إعلاميا كما فى البرامج و الفضائيات التى تقتات على أى خلاف ووقيعة وتبحث عن كل ما يثير أى مشكلة وفرقة.. أو إلكترونيا فى المنتديات...وفى كلتا الحالتين إعلاميا و إلكترونيا الخطأ هو خطأ من سمح لهؤلاء ببث تلك السموم دون رقابة...

اولا طبعا احب اشكرك على تعليقك و ردك يا وليد ....

ثانيا انت عندك حق في كل الكلام اللي انت قلته ..... و انا بتفق معاك فيه فعلا مشكلة الخلافات العربية دي موجودة من زمان و للأسف ممكن نلاقي دلوقتي بعض الناس اللي بيحبوا يعملوا و يثيروا مشاكل و خلاص .....

بس اسمحلي اعترض معاك او بمعنى ادق اوضح لك النقطة الجاية ......

ففى مثل الموضوع الذى ذكرتيه..لو أن هناك رقابة محترمة تحرص على إحترام أعضاء المكان و شعورهم..لما سمحوا بمثل هذه الموضوعات التى يعتبرونها موضوعات مسلية و مضحكة..فى حين أنها تفتح المجال أمام الخلاف و الجدال..ومن يعرف..ربما كانت إدارة هذه المنتديات و المواقع تبحث بالفعل عن هذه الصدامات كوسيلة للشهرة أو من باب ( خالف تعرف ) والذى تحول فى زماننا هذا إلى ( قلل أدبك تعرف )...
لا أريد أن أستفيض كثيرا فى تعليقى على تلك القضية..لكن ما أود أن أنصحك به فى مثل مشكلة هذه..إذا كان مسؤولى هذا الموقع موافقين على هذا الموضوع أو موضوعات مشابهة له..أنصحك بتركه من الأساس...فالمكان الذى لا تحترم فيه قواعد بسيطة وبديهية..لا يحترم فيه أى شئ...


اولا هو انت عندك حق المفروض ان الادارة تحذف اي موضوع ممكن يثير المشاكل او يثير الجدل ...... خاصة لو كان الجدل على حاجة مش مستاهلة .....

بس هو في الحقيقة اللي كتب الموضوع من اول رد اللي هو كان رد سارة كان عايز يحذف الموضوع بس هي ما رضيتش لان مش كنا حابين نكبر الموضوع ....... كمان بعد كدة لما لقيت الرد اللي ضايقني و الله ده حصلعلا الموضوع اتحذف بعد كمية اعتذارات كتير جدااااا و هما والله الحق يقال زوء جدااااااا من الادارة للأعضاء

و مصر غلاوتها كبيرة فى قلوب الكل دايما..مثلها مثل كل مدن الوطن العربى فى قلوبنا أيضا..و إذا كانت هناك قلة سيئة..ليس معنى هذا أن الكل سئ...فقط هذا معناه أن البعض لا يجد ما يفعل فيتسلى بإنعدام الإحترام..شفاهم الله جميعا...وشفى الله الدول العربية من مرض اسمه الفرقة.....


فعلا مصر غالية علينا و شفانا الله جميعا من مرض الفرقة
ميرسي مرة تانية على مرورك وليد .......
صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

Re: شوفوا مصر بيتقال عليها ايه !!!!!!!!

مشاركة بواسطة سندريلا »

الزهراء كتب:مساء الخير يا جيهان :)

يؤسفني فعلا الحال الذي وصلنا إليه بحيث تفرقنا أتفه الأشياء و ما أتعجب له هو الضجات الأعلامية التي قد تصاحب هذه التفاهات و تساهم بشكل كبير في زيادة الفرقة و لما لا فإنها قد تكون امصدر الرئيسي لها

و يؤسفني أيضا أن يكون هناك أعضاء يقدمون مثل هذه المواضيع و ما أستغربه هو كونك تقولين أنه عضو محترم و... و أتساءل أيضا هنا عن دور الإدارة و رقابتها كما أشار إليه الزميل وليد ، و أطرح تساؤل أنه لو كات الموضوع للترفيه لكان بث صور من مختلف الدول و لا يركز فقط على المجتمع المصري و إن كانت المجتمعات العربية متقاربة في معيشتها و لكل عاداته

لا أريد أن أتكلم كثيرا في هذا الموضوع و صدقيني لو كنت منضمة إلى منتدى و أحسست بأنهم يحاولون بأي شكل الإساءة لبلدي لانسحبت منه فورا بعد أن أقول كل ما يختلج بصدري
أنا لا أحرضك على شيء إنما هو مجرد رأي
و لا تزعلي flower1 flower1



اولا ميرسي على مرورك و تعليقك يا زهراء

فعلا للاسف الاعلام احيانا بيساهم في كدة .......... بس ده دورنا بقى اننا نقدر نميز بين كل حاجة تعرض لنا مش ناخدها كدة و خلاص ........:)

و زي ما قلت لوليد صاحب الموضوع حذفه بعد ما اتصرف مع صاحب التعليق المستفز ........ و كمان بعد ما قدموا الكثير من الاعتذارات .......

و كمان حتى لو هو غلط ما ينفعش اقول غير انه محترم صح و لا غلط ؟

بالنسبة بقى للمنتدى فهو لم يسيء مطلقا لنا ........ و هو منتدى محبوب و محترم جدا و صدقيني اذا حدث و اهانونا و الله لن اتاخر عن تركه

و بتقولي ازعل ؟ ازاي بعد ما شرفتيني برايم و نورتيني يا زهراء .......... ميرسي ليكي يا قمر :) ب11
صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

Re: شوفوا مصر بيتقال عليها ايه !!!!!!!!

مشاركة بواسطة سندريلا »

:)
ماتت الكلمات حزنا كتب:اولا...احب اعبر عن فرحتي بغيرتك على مصر يا جوجو..
دا طبعا حاجة مش جديدة عليكي...لكن فعلا عجبني انفعالك عشان مصر..
لكن اسمحولي يا جماعة بما اني مشتركة بردو في المنتدى الفلسطيني دا..انى اقولكو نبذة عنه..
احتمال تفهموا وجهة نظرهم..او تغيروا رايكم فيهم..
بصراحة انا من يوم ما اشتركت في المنتدى دا وانا بتعامل فيه احسن معاملة..سواء انا او جيجي
او اي عضو مصري اخر..واحنا اصلا مع قلتنا الا اننا محبوبين جداااااا في المنتدى والكل بيحترمنا..
دا عشان احنا مصريين اولا..وعشان احنا بنتعامل معاهم بطيبة وذوق ثانيا..
المنتدى دا يا جماعة معظم اعضاؤه واقول المعظم..يتراوح سنهم من 11 او 13 سنة..وحتى 18 سنة..
يعني اكبر حد قابلته جوا كان من الادارة عنده 30 سنة.. طبعا انا لا اقول ان السن يغفر الاخطاء..
لكن لازم نفهم ان دول ناس محتلين..عاشوا وهيموتوا وهما كدا..بيحاولوا يدوروا على لحظة حلوة..او حتى
مجرد ابتسامة.. وطبعا دا بردو لا يبرر اي اهانة يتوجهوا بيها لاي شعب مهما كان.. لكن كان لازم اقول دا..
عشان نعرف الاول مين غلط في حقنا..واحنا بنتعامل مع مين.. دا لو فعلا غلطوا في حقنا او هانونا..

نيجي بقى للموضوع اللي تم عرضه في المنتدى من قبل احد الاعضاء..احب اقولكو ان العضو دا بالذات
بيسمي نفسه محب ال80 مليون مصري..بيمووووت في حاجة اسمها مصر..
بصراحة انا لما دخلت شفت الموضوع اتنرفزت...ما انكرش دا..لان دي حاجة طبيعية اني اغير على بلدي..
العضو دا للامانة كان ذكر في بداية الموضوع انه للترفيه فقط..وان دا ممكن نلاقيه في اي بلد رغم ان دا تناقض فعلا مع العنوان
(صور بنشوفها بس عند اخوانا المصريين).. زي جيجي ما ذكرت بالضبط.... اما عن الصور يا جماعة فبصراحة كان بعضها يضحك فعلا..لكن معظمها يعبر عن خفة دم المصريين وبساطتهم..
وانا لما لقيت نفسي اتنرفزت وزعلت كدا...افتكرت موضوع ما كان موجود في نفس المنتدى ..صور عن الصينيين
كانت صور فعلاااااااااا تضحك...وكلنا ضحكنا...مع ان الصين دول بنوا اعظم حضارة بابسط الامكانيات..لكن ضحكنا
على مجرد صورة لا يقلل من شأن الشعب.. وقلت في نفسي يا بت امسكي اعصابك و عديها..
ولاني كنت اول واحدة ارد..مكنتش طبعا شفت اي ردود تانيه من الاعضاء...
كان اول رد بعد ردي هو رد كاتب الموضوع...واعتذر مرة تانية وقاللي لو الموضوع مزعلكوا انا ممكن احذفه من جذوره..
قلت له لا...لاني بصراحة ما لقيتش حاجة تستاهل طالما انه لايقصد اي اهانة..

لكن المشكلة كانت في رد واحد من الاعضاء...واقول واحد فقط..لان كل التعليقات كانت عبارة عن ضحك وشكر على الموضوع
بدون ابداء اي تعليقات على الشعب..
لكن رد العضو دا كان بجد مستفز....لكننا زي ما قالت جيجي اخدنا حقنا.. والعضو دا فعلا اعتذر..
وعلى فكرة الموضوع بالفعل اتحذف من قبل صاحب الموضوع نفسه..رغم الحاحنا الشديد بانه يخليه..
طبعا بعد ابداء العديد من الاعتذارات من العضوين...

بصراحة يا جماعة انا شفت ان الموضوع دا قربنا اكتر مش بعدنا... وعرفنا اكتر احنا قد ايه محبوبين من العرب..
المنتدى دا بالذات حسسني اني مصرية بجد.. حتى ما شفتوش لما مصر فازت على ايطاليا عملوا ايه.. كانوا فرحانين جداااااااا لينا..
وحتى يا جماعة لو هانونا..زي ما تكرم الاستاذ السيد فهيم وقال مصر طول عمرها بتغفر وتعدي..لان مصر هى ام العرب..

من الاخر يا جماعة..الموقف كان مفيد لينا كلللللللللنا...
بشكرك يا جيجي على موضوعك الرائع دا..
وتقبلي مروري..وعذرا على التعليق الطويل... لكن للامانة كان لازم اقوله..
اشكرك مرة تانية..:) flower1



ميرسي يا رارا على مرورك و ريحتيني بجد من اني احكي الحكاية كلها .......

كمان ميرسي انك تقولي اني بحب مصر ....... و يا ريت كلهم يقروا تعليقك عشان يعرفوا اللي حصل بالضبط

و انتي عارفة اننا عرفنا نتصرف و ناخد حقنا و نرجع حق مصر .....

و انا دلوقتي فهمت قصدك تماما ......... بس اسمحيلي اقولك انه دي اه صور زي اللي كانت عن الصين و اللي ما شفتهاش

بس المفروض يبقى عندنا وعي و نستخدم عقلنا اللي ربنا خلقه لينا و ما نضحكش على اي حاجة خاصة ان الصور مش ضحكتني .....

كمان انتي عارفة انه زميلي المحترم ضايقني بسبب كلمة ( بس ) لكن الحمد لله هما اعتذروا و وضحوا لنا احترامهم و تقديرهم لنا و كمان اعتذروا ......

و عامة انا فكرتي من الموضوع ده مش الوحدة العربية بس و انتي عارفة كدة .....

و حوضح لكل الاعضاء اللي دخلوا الموضوع فكرتي و هدفي من الموضوع بعدين .....

و بشكرك تاني يا رارا نورتيني و ريحتيني من حكاية طويلة كنت حضطر اقولها :)
صورة العضو الرمزية
نبضة...
مشرفة قسم القصص القصيرة
مشاركات: 444
اشترك في: 30 إبريل 2009, 6:38 pm
Real Name: سارة صادق
Favorite Quote: النعم الكبرى لا تُظهرها إلا.. الفجائع الكبرى !
verification: ID verified and trusted writer
مكان: no where but my imaginary world

Re: شوفوا مصر بيتقال عليها ايه !!!!!!!!

مشاركة بواسطة نبضة... »

بشكرك يا جوجو على ردك..
لكن عندي تعليق صغير...
انا لما اتكلمت غلى صور الصين مكنتش اقصد اننا نضحك على الناس..لا..
انا قصدت اقول اني حطيت نفسي مكانهم وهما بيضحكوا...بمعنى ان الانسان احيانا مش بيحس بخطأ
هو ارتكبه غير لما يتحط مكان اللي غلط فيه...يعني انا لو شفت الصور تاني مش هضحك..
لكن قصدت اوصف واوصل احساس اللي بيضحك ايه...انه مش قصده اهانة..ومش هيحس باللي بينضحك عليه دا
غير لما يبقى مكانه..دا قصدي..
كمان انا مقلتش اني ضحكت على صور مصر...انا قلت اني اتنرفزت ..لكن تمالكت اعصابي لاني مالقيتش فيها
النية او القصد للاهانة..غير بعد ماشفت تعليق العضو اللي اساء لشعب مصر فعلا..
ياريت تكوني فهمتيني..
ميرسي تاني مرة على الموضوع يا جوجو..:) flower1
أضف رد جديد

العودة إلى ”هى دى مصر؟“