صفحة 1 من 2

الدوء الصينى

مرسل: 11 أغسطس 2009, 7:28 pm
بواسطة rawan432
اهيب بكل من وجد منتديات او صحف اعلانات عن كبسولات صينية للتخسيس ابلاغ وزراة الصحة لان الادوية غير مرخصة

أنا أخت روان وهى طلبيت منى عمل هذا لانها تتعرض لازمة صحية عنيفة بسبب هذه الكبسولات

ادعوا لها بالشفاء

Re: الدوء الصينى

مرسل: 11 أغسطس 2009, 7:42 pm
بواسطة شيماء قبيصى
الف سلامه عليكى يا روان
لازم تروحى لدكتور....شفاكى الله وعفاكى
متخضيناش عليكى
يا ريت اختك تطمنا عليكىflower1 flower1 flower1
انا عندى كميه رهيبه من الادويه الصينيه-ربنا يستر

Re: الدوء الصينى

مرسل: 12 أغسطس 2009, 1:55 am
بواسطة تنهيدة
ألف سلامة عليكِ ياروان بجد قلقتينا عليكِ جدااا ياريت فى أقرب وقت تطمنينا على صحتك ..
وبجد بشكرك جدا أنت وأختك على أبلاغنا بموضوع الدواء الصينى لانى أعرف كتير من أصحابى بيستخدموة
واكيد هنصحهم بأنهم يبعدوا عنه .....
وربنا يشفيكِ ياروان ويعفيكِ وتكونى فى أقرب وقت باأفضل صحة
وبجد بشكرك تانى لانك فى ظروفك اهتمتى أنك تنصحى غيرك ..
وإن شاء الله يكتب الله هذا العمل الصالح فى ميزان حسناتك جزاكِ الله كل خير .. :)

Re: الدوء الصينى

مرسل: 12 أغسطس 2009, 7:16 pm
بواسطة سندريلا
ألف سلامة عليك يا روان يا حبيبتي ....

إن شاء الله تقومي بالسلامة و ترجعي لنا بكامل عافيتك و صحتك و مواضيعك الجميلة .....

شفاك الله و عفاك ... و يا ريت اول ما تقومي بالسلامة ان شاء الله تطمنينا عليك او اختك تطمنا عليك ...

و ان شاء الله تكوني كويسة .... flower1

Re: الدوء الصينى

مرسل: 13 أغسطس 2009, 12:26 am
بواسطة rawan432
ميرسى يا جماعة
الحمد لله بخير
ابتعدوا عن دواء غير مرخص دون ارشاد طبيب

Re: الدوء الصينى

مرسل: 13 أغسطس 2009, 12:29 am
بواسطة محمد محمود
حمد الله على السلامة يا روان
الحمد لله على رجوعك بالسلامة وجزاك الله كل خير على نصيحتك رغم الأزمة
بس أوعي يكون ده مقلب من حزب الولاد وفقا ً للخطة 36549 ويكون الحزب استعان ضدكم بقوات أجنبية :lol:
عموما ً حمد الله على السلامة مرة تانية

Re: الدوء الصينى

مرسل: 14 أغسطس 2009, 2:13 am
بواسطة rawan432
مساء الخير يا محمود
وميرسى سؤالك

الدوا ده جابلى اكتئاب وعدم نوم واكل لمدة اربع ايام متواصلة فكان لازم ادخل مستشفى لتظبيط الدم وتحاليل عشاان اعرف اكل تانى وارجع طبيعية

المحزن ان المنتدى الى اعلن عن الدوا اخلى مسوليته وقال كمان ان بقية العضوات لم يشتكوا

منتهى الاستهتار بصحة الناس

وللاسف الدوا غير مرخص ومهرب

المحزن اكتر ان المنتدى اسلامى ومش عارفه مش هو برضه التهريب حرام وايذاء الناس حرام\


ومديرة المنتدى عملت نفسها دكتورة وقالت احنا سالنا بنات تانية وقالوا كويسين

يعنى هى عملت تحليل وعرفت كمان النتائج الى هتحصل من الدوا بعض كام
سنة

ورغم تحذير وزارة الصحة
ورغم انه فى دول زى السعودية اكتب فيها بس كبسولات صينية هتلاقى كلمة تحذير

ملقوش غير مصر الناس فيها بتدافع عن الخطأ

هقول ايه بس ربنا منتقم جبار

Re: الدوء الصينى

مرسل: 14 أغسطس 2009, 8:41 am
بواسطة شيماء قبيصى
الحمد لله ان انتى بخير دلوقتى يا روان ، انا اول مره اعرف حكاية الدواء الصينى المضروب دى منك بس متهيالى لازم تمون شكوى رسميه انا مش متذكره اسم المكان اللى بيتم فيه البلاغ عن اى منتج غير صالح ممكن تسالى فى الغرفه التجاريه.. بس عندى سؤال هو مل الادويه الصينيه مضروبه ولا اللى فى بلاد معينه؟ لان عندى منها بس من بره؟ومكتوب عليها ترخيص لكن شكلها مش زى الادويه العاديه!!

سلامتك يا روان خلى بالك من نفسك
(على فكره انا سمعت ان كل ادوية التخسيس بتجيب الاعراض دى عشان كده لا ينصح باى نوع منها طبيا)

flower1 flower1 flower1 flower1 flower1 flower1

Re: الدوء الصينى

مرسل: 14 أغسطس 2009, 12:14 pm
بواسطة rawan432
ميرسى يا شيماء على سؤالك

الادوية الصينية سمعتها سيئة فى كل مكان

بالظبط زى منتاجتهم

هاتلى منتج صينى نافع

بينتجوا بالهبل منتجات هبل

ليا واحده صحبتى جابت عربية صينى ومسمعتش الكلام كمية اعطال بالجملة
اداء غير عملى

مش أمنة أبداً ع الطريق

خسرت فيها كتير لما باعتها

الادوية الى عندك اتخلصى منهافى

بلدنا مش محتاجة حاجة من ذو العيون الضيقة

بس المضحك فى الأ مر ان صحابى اتصلوا بيا وقالوا انت أستخدمتى ادوية للتخسيس ليه عشان تختفى هههههههه
انا قلت انزل 2 كيلو عشان ابقى وزن مثالى

وهما الاتنين كيلو دول السبب :cry:

Re: الدوء الصينى

مرسل: 14 أغسطس 2009, 9:29 pm
بواسطة سندريلا
ازيك يا روان ...

الحمد لله انك قمت بالسلامة و بقيت كويسة ... :)

و يا رب تكون اخر الامراض و ان شاء الله حتكوني افضل من الاول و مش لازم يا سيتي تنزلي الاتنين كيلو دول ...

و يا رب ما تبعدي عننا تاني في الاكاديمية ... و ان شاء الله تبئي احسن من الاول ...

و الف حمدالله على سلامتك يا قمر ... و ربنا يحاسب بئى اصحاب المنتدى الاسلامي ده اللي للاسف بياخدوا من الاسلام شعار لاشياء غير شرعية عمر الاسلام ما يحث عليها ... و زي ما قلت ربنا هو المنتقم الجبار ...

و المهم انك بئيت احسن و قمت لنا بالسلامة ... م11 flower1