المواضيع التى لم يرد عليها | عرض المواضيع النشطة التوقيت الحالى 11 ديسمبر 2017, 1:29 pm





الرد على الموضوع  [ 3 مشاركة ] 

Share |


هى البنات عايزة ايه بالظبط؟ 
الكاتب رسالة
أكاديمى نشيط
أكاديمى نشيط


مشاركات:
136
مكان:
فى رحم الفجر
الإسم الحقيقى:
سماح مصطفى
الحكمة المفضلة:
اول الغيث قطرة
مشاركة هى البنات عايزة ايه بالظبط؟


كل بنت بتحلم بالفارس اللى هيخطفها على الحصان الابيض ويوديها العالم الوردى اللى هى مستنياه فى خيالها
لكن الشئ الغريب انها ادام الكل تعلن انها مش عايزة وان الراجل ملوش دور فى حياتها
وانها بتدور على اثبات ذاتها الاول لحد ماتقع فى الحب او فى تأخر السن وتعترف بالواقع
الراجل عارف دا كويس
السؤال هنا ليه المرأه بتصر تلعب دور غير دورها ليه بتحاول تخبى مشاعرها ودورها اللى احساسه الداخلى بيعيشه
مثلا فى الجامعه لو بتقرا روايه عاطفيه تخبيها بسرعه لحسن حد من الصبيان يشوفها
لو عايزة تظبط المكياج تدارى نفسها رغم انها بتعمل كده عشان تلفت انتباه الرجل حتى لو بدون قصد
معظم البنات بتلبس فى البيت اى حاجه ولما تيجى خارجه تفنن فى اللبس
ولو رجعت مش متعاكسه تبقى هطق
تستنى المناسبات والافراح وتتلكك عشان تأفور شكلها
وتيجى ف الاخر تقول انا مبتهمنيش هيافات البنات دى
بالله عليكوا مش حاجه تضحك

يابنات احنا مخلوق رومانسى

فخلينا ف الدور دا وبلاش نلعب دور المسترجله عشان مش هيدوم
وللا ايه؟


_________________
كل مانوصل لمينا
نبتدى ونقول رسينا
الشطوط ترفض لقانا
والبحور تانى تنادينا


26 مايو 2009, 7:57 pm
الملف الشخصى
مشرفة قسم القصص القصيرة

الصورة الشخصية للعضو

مشاركات:
444
مكان:
no where but my imaginary world
الإسم الحقيقى:
سارة صادق
الحكمة المفضلة:
النعم الكبرى لا تُظهرها إلا.. الفجائع الكبرى !
حالة التأكيد:
كاتب موثوق و مؤكد هويته
مشاركة Re: هى البنات عايزة ايه بالظبط؟


اولا بحييكي يا فرومايكا علي جرأه موضوعك..م11
بس انتي فضحتي بنات كتير كدا يا اختي:lol:
فعلا انا شفت بنات كتيييييييييييير زي اللي قلتي عنهم دول..وفعلا مش ليها لزمه ان البنت تخبي رغبتها في حاجه طبيعي انها تحس بيها..
ino1 ..بس انا بردو ضد البنت اللي تقول اي حاجه تحس بيها...او منين ما تروح مثلا تتكلم عن الانسان اللي نفسها فيه...او تظبط مكياجها كدا عادي بكل بساطه قدام الناس..او اللي نفسها بجد انها تتعاكس دي shot1 shot1 ..
مش عيب ان البنت تاخد بالها من مظهرها..او ان تبحث عن اهتمام الناس بيها..لكن العيب انها تبالغ في كدا..او يبقى كل هدفها انها تعجب الناس..خير الامور الوسط:) ..كمان لازم تكون صريحة مع نفسها في اللي عيزاه..وتقول اذا كانت بجد مهتمه بانها تلفت نظر الناس ليها ولا لا..وتعرف اذا كان تفكيرها دا صح ولا غلط..
ميرسي علي الموضوع الجميل دا يا فرومايكا...:) flower1


26 مايو 2009, 9:18 pm
الملف الشخصى
مشرفة قسم أدب الأطفال

الصورة الشخصية للعضو

مشاركات:
1291
مكان:
بنت مصر
الإسم الحقيقى:
نهاد نعمان
الحكمة المفضلة:
لوسرقت منا الأيام قلباً معطاء بسام لن نستسلم للآلام ...لن نستسلم للألام .....
حالة التأكيد:
كاتب موثوق و مؤكد هويته
مشاركة Re: هى البنات عايزة ايه بالظبط؟


ليه كدا بس ياسماح أنا حاسة ان الموضوع ده بتحريض من حزب الولاد :?
بس على العموم احنا مش بيهمنا وحناقش الموضوع بمنتهى الوضوح ...
بالنسبة للبنات عايزة أيه بالظبط ...عايزين نقول فى البداية أن البنات دى بشر
والبشر دايما أنواع ...كتير يقولوا البنات بتحب تلفت الأنتباه بكل الطرق بكسوفهم بتمردهم
بلبسهم بمكياجها بأى شىء ...لكن لازم برضة نقول ان الولاد هما كمان بيحبوا يجذبوا
الأنباه بكل الطرق فى طريقة لبسهم فى تسريحة الشعر فى جراتهم الزيادة ...يعنى كل
الناس بتحب تلفت الأنتباه وكل واحد بطريقتة لكن فى النهاية وبدون أى مبالغة فى الكلام
أن الأنسان لازم شخصيتة هى الا تلفت أنتباه الاحواليا ...وبرضه حيكون للبنت طريقة والولد طريقة
فى أظهار الشخصية مش لازم بئه عشان أكون واضحة وصريحة أن كل حاجة فى حياتى أظهرها
قدام كل الناس عشان ماأظهرش أنى بعمل حركات بنات ...
وثم موضوع انى أتمنى أن الولاد تعجب بيه فى الشارع وانى أهتم بمظهرى زيادة وأنا خارجة دا أكيد البنت
دى بيكون عندها مشكلة فى حياتها لان لا دينا ولا أخلاق مجتمعنا علمتنا كدا ....
ذكرتى جملتين .... ان المرأة كائن رومانسى ...وأن البنت المفروض متعش دور المسترجلة ...
اه المرأة كائن رقيق ورومانسى لكن مش المفروض تتعامل برومانسية زيادة مع الناس عشان محدش يقول عليها مسترجلة ومش أننا نظهر المكياج ونقرأ رواية رومانسية فى وسط كل الناس ونلبس لبس مستفز زيادة عن اللزوم
هو الا يبين اننا بنات رومانسين ...بالنسبة لموضوع الرجل مهم فى حياة المرأة ولا لا وانها بتحاول تظهر أنها مش مهتميه بوجودة...أكيد دا مش صح لان المرأة أهم شىء فى حياتة الرجل والرجل أكيد أهم شىء فى حياتة المرأة
وكون ان البنات مش بتحب تظهر دا فتأكدى أن الولاد بتحترم جدااا النقطة دى ......
بحيكِ ياسماح على موضوعك المثير ...
وبتمنالك أجمل حياة flower1 :) flower1

_________________


28 مايو 2009, 5:52 am
الملف الشخصى
عرض المشاركات السابقة منذ:  مرتبة بواسطة  
الرد على الموضوع   [ 3 مشاركة ] 



المتواجدون الأن

الأعضاء المتصفحون لهذا القسم لا يوجد أعضاء متصلين و 2 زوار


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

cron
Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter