المواضيع التى لم يرد عليها | عرض المواضيع النشطة التوقيت الحالى 11 ديسمبر 2017, 7:01 pm





الرد على الموضوع  [ 16 مشاركة ]  الذهاب للصفحة 1, 2  التالى

Share |


حتتجوز .... ؟ 
الكاتب رسالة
أكاديمى فعال
أكاديمى فعال

الصورة الشخصية للعضو

مشاركات:
37
مشاركة حتتجوز .... ؟


انا عندي سؤال يمكن اجابته صاعبه بس انك تحسه هو اصعب من انك ترد عليه .....


فى الحقيقه انا عندي سؤال محتاج اجابه من الاعضاء بصراحه واتمنى محدش يبالغ فى كلامه ...


تفتكر لو عرفت ان الانسانه اللي عشت حياتك كلها بتحبها والمفروض انها بتحبك ... اتخطبت لحد غيرك

وكمان فرحها بكرا .. بل وانك اكتشفت انها بعتالك دعوه مع صحبتها ...

تفتكر هتحضر ؟؟؟؟؟ استنى فكر كويس قبل ماتجاوب ؟؟؟ وياترى لو هتحضر احساسك هيبقا ازاى ؟؟؟؟

وتفتكر لو محضرتش احساسك ان اخر نظره منك ليها قبل ماتكون لشخص اخر ايه ؟؟؟؟ اكيد هتفقد حاجات كتيره

نفسي اعرف احساس كل عضو بصراحه ووضوح وشكرا


تقبلو الموضوع بفائق الشكر والاحترام للجميع ... flower1 كابو

_________________




ها بكيت ,,, نعم اعترف
لقد قتلتي كبريائى بحبك
وعندما احببتك قتلتيني !!
ان ما تتذوقيه هو كأس به دموع قلبي
وان ما تحيا لتخضع
هي مشاعري التي ركدت امامك كأنها طير ذبحته
سهام قسوتك....
NiGht PrInCe


02 يونيو 2009, 12:50 am
الملف الشخصى
مشرفة قسم الأشعار

الصورة الشخصية للعضو

مشاركات:
365
الإسم الحقيقى:
نورا مجدي
الحكمة المفضلة:
إذا لم يكن من الموت بد .. فمن العجز أن تموت جبانا
حالة التأكيد:
كاتب موثوق و مؤكد هويته
مشاركة Re: حتتجوز .... ؟


أنا هعكس الموضوع و أرد ... لو حبيبي هيجوز واحدة غيري
لو بعاتلي دعوة طبعا هروح ، مش عشان آخر نظرة ليه قبل ما يكون لغيري
عشان آخر إثبات لنفسي إن الشخص ده خلاص بره حياتي، و بقي فيه فاصل كبيييييييييييييييييييييييييييييييييييير بيني و بينه.... نهاية حتمية
و لي رأي في المطلق....تفتكر الشخص اللي إنت رايح تحضر فرحه هو ده حبيبك؟!!!!
أنا رأيي أنه مش هو أصلا...العامل الوحيد المشترك هو الشكل...لكن المضمون مختلف..لا نفس النظرة و لا الأحلام المشتركة و لا حتى الكلام و طريقته..خلاص الحبيب إنتهي و اللي في الفرح ده واحد تاني
تفتكر لو كنت بحب واحد و مات و كان ليه أخ توأم هروح أحب أخوه؟!!!!!!!!!!!!!!! أكيد لأ طبعا ...
أهو كده بالضبط......حبيبي مات...اللي عايز يتجوز بعد كده مش فارق معايا أصلا ... معرفوش

حاجة أخيرة و هي مجرد وجهة نظر: الرجل الحقيقي لا يتوقف أمام إمرأة خائنة بل يلفظها كأنها ما كانت أبدا في الوجود

_________________
ومـا مــِن كاتبٍ إلا سيبلى ....... ويُبقي الدهر مــا كتبت يـداهُ
فلا تكتُب بخطِك غير شيءٍ ....... يسُــرك في القيامةٍ أن تـراهُ


02 يونيو 2009, 1:15 am
الملف الشخصى
أكاديمى فعال
أكاديمى فعال

الصورة الشخصية للعضو

مشاركات:
37
مشاركة Re: حتتجوز .... ؟


شكرا على ردك الجميل ...

وفعلا الانسانه اللي هحضر فرحها بقا في فارق كبير جدا بيني وبينها ...

بس المشكله مش فى الفارق ده ...

المشكله فى الاحلام اللي حلمناها والاحاسيس اللي حسناها

والاصعب منه ان الانسان يتخيل انها اصبحت لحد غيره

اكيد الكرامه ليها دور وانا معاكى انى احضر بل وانى اعرفها انها مش هتفرق معايا ...


بس مش ننكر ان الانسان هيبقا جواه جرح كبير اوووووي ..

واحساس صعب بجد


عجبني اوي تعبيرك اللي بعتبرو فى غااااااية الروعه والابداااااع

حاجة أخيرة و هي مجرد وجهة نظر: الرجل الحقيقي لا يتوقف أمام إمرأة خائنة بل يلفظها كأنها ما كانت أبدا في الوجود

_________________




ها بكيت ,,, نعم اعترف
لقد قتلتي كبريائى بحبك
وعندما احببتك قتلتيني !!
ان ما تتذوقيه هو كأس به دموع قلبي
وان ما تحيا لتخضع
هي مشاعري التي ركدت امامك كأنها طير ذبحته
سهام قسوتك....
NiGht PrInCe


02 يونيو 2009, 1:44 am
الملف الشخصى
مشرفة قسم الخواطر

الصورة الشخصية للعضو

مشاركات:
795
مكان:
my own world
الإسم الحقيقى:
جيهان راضي
الحكمة المفضلة:
المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
حالة التأكيد:
كاتب موثوق و مؤكد هويته
مشاركة Re: حتتجوز .... ؟


هو انا ما اعرفش السؤال ده لكل الانواع و لا للرجال فقط بس برضه حجاوب ......... و ان شاء الله يكون السؤال لكل الانواع

هو انا حجاوب اولا بالعكس كاني مثلا حبيت و حد جه قالي مش بيحبني و بعت لي دعوة فرح و عزمني على فرحه ........

و الله انا حروح و حاخد هدية معايا و حهني ........و بعدين حرجع البيت حقفل على نفسي اوضتي و حقعد اعيط و مش حطلع من البيت مش اقل من عشرة ايام ........... و مش حبين نقطة زعل واحدة و لو حتى لاقرب الناس ليا .......... و بعدين بعد العشر ايام دول مش اكتر حقف على رجلي من تاني و كان شيئا لم يكن ......... ما تستغربش كابو من التناقض ده

بس حقولك حاجة عارف المثل اللي بيقول الضربة اللي ما تموتش بتقوي .... انا مؤمنة بالمثل ده ............. و احب اقول لك انه حقيقي
اه حتزعل جدا و حتحس ان عمرك راح و انك ضيعت كتير من وقتك مع حد مش مستاهلك .... بس صدقني الحياة مش بتقف على حد لازم نقف على رجلينا تاني .......... عشان المركب تمشي ........ و بالتاكيد ربنا بيعوض ........ و حتلاقي حد احسن ...... و كمان ده نصيب و الله اعلم مش يمكن ربنا شايل حاجة احسن ما حدش يعرف حكمة ربنا ....... يا ري تكون فهمت وجهة نظري و ما اكنش طولت عليكم ....
و سوري على الاطالة ب11

_________________



03 يونيو 2009, 1:23 am
الملف الشخصى الموقع الشخصي
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: حتتجوز .... ؟


سؤال صعب شوية ...لأني لو افترضت ده حصل معايا ...و الفرح بكرة و الصدمة لسة حاصلالي النهارده ..فبكل صدق مش هاقدر أواجه الموقف ده بالبساطة دي إلا إذا كان فيه مقدمات للفراق او تمهيد إنه وارد حدوثه و ساعتها يبقى ممكن أحضر الفرح لأن الإنسان ده سقط من نظري أو ماباقيتش حاسة إنه نصيبي ...

و أنا مقتنعة جدا إنك طالما تتوكل على الله في كل صغيرة و كبيرة في حياتك و بتستمتع بهدية ربنا لينا و هي صلاة الاستخارة ..يبقى كل شيء هياخد و وقته لكن في النهاية كلّي ثقة في الله و أنه سيعوضني الخير لأني أتوكل عليه و أفوض أمري له

لكن باحس ان الرجل كمان أقوى كتير في المواقف دي ...و الإنسانة اللي تبيعك ما ينفعش أبدا تبكي على فراقها أو تتألم حتى ...لأنها ببساطة ماتستاهلش ...مش بس خانت الحب و العهد دي كمان بتبعت كارت دعوة ! في الحال دي لازم الواحد يحاول يقوي نفسه و يقف ثابت مستعين بالله و يحضر الفرح و بفرح و يبتسم على قد ما يقدر من غير مبالغة طبعا ...و دي هتكون الرسالة الأخيرة المؤلمة للإنسانة دي : إن اللي حصل ده مش مهم و ماأثرش عليك ...و يكون ده شعورك الحقيقي مع الوقت لأني زي ما قلت لك : هي ماتستاهلش لحظة حيرة أو حتى ضيق

بشكرك عشان بتاخد رأينا و اعتبرتنا أصدقاء عايز تسمع رأيهم

تحياتي ليك flower1

_________________




.
.
.
*** لــزيارة صــفـــحـــتــي ***


03 يونيو 2009, 11:08 am
الملف الشخصى
أكاديمى فعال
أكاديمى فعال

الصورة الشخصية للعضو

مشاركات:
37
مشاركة Re: حتتجوز .... ؟


الحلم المستحيل كتب:
هو انا ما اعرفش السؤال ده لكل الانواع و لا للرجال فقط بس برضه حجاوب ......... و ان شاء الله يكون السؤال لكل الانواع

هو انا حجاوب اولا بالعكس كاني مثلا حبيت و حد جه قالي مش بيحبني و بعت لي دعوة فرح و عزمني على فرحه ........

و الله انا حروح و حاخد هدية معايا و حهني ........و بعدين حرجع البيت حقفل على نفسي اوضتي و حقعد اعيط و مش حطلع من البيت مش اقل من عشرة ايام ........... و مش حبين نقطة زعل واحدة و لو حتى لاقرب الناس ليا .......... و بعدين بعد العشر ايام دول مش اكتر حقف على رجلي من تاني و كان شيئا لم يكن ......... ما تستغربش كابو من التناقض ده

بس حقولك حاجة عارف المثل اللي بيقول الضربة اللي ما تموتش بتقوي .... انا مؤمنة بالمثل ده ............. و احب اقول لك انه حقيقي
اه حتزعل جدا و حتحس ان عمرك راح و انك ضيعت كتير من وقتك مع حد مش مستاهلك .... بس صدقني الحياة مش بتقف على حد لازم نقف على رجلينا تاني .......... عشان المركب تمشي ........ و بالتاكيد ربنا بيعوض ........ و حتلاقي حد احسن ...... و كمان ده نصيب و الله اعلم مش يمكن ربنا شايل حاجة احسن ما حدش يعرف حكمة ربنا ....... يا ري تكون فهمت وجهة نظري و ما اكنش طولت عليكم ....
و سوري على الاطالة ب11















هو السؤال للكل يا حلم ... حبيت اعرف رأي كل واحد وخصوصا فى الموقف الصعب ده هيتصرف ازاى ؟

انا بحترم رأيك جدا ويمكن هو ااقرب رأي ليا ... اعتقد انه فى تشابه كتير من رأي فى الموضوع ....

وانا كمان مؤمن جدا بالمثال ... لان فعلا فى ضربات بتقوى الانسان جدا

وخصوصا الانسان اللي بيكره الضعف وانا واحد من دول لكن بعد كده بحس ان نفسى صعبانه عليا ..

وكمان انا مؤمن جدا بالقدر .. وعلى رأيك ربنا اكيد شايل حاجه احسن والمسأله فى الاخر قسمه ونصيب


بشكرك على رأيك وردك الجميل .... واتمنى ان الموضوع يعجبك

_________________




ها بكيت ,,, نعم اعترف
لقد قتلتي كبريائى بحبك
وعندما احببتك قتلتيني !!
ان ما تتذوقيه هو كأس به دموع قلبي
وان ما تحيا لتخضع
هي مشاعري التي ركدت امامك كأنها طير ذبحته
سهام قسوتك....
NiGht PrInCe


06 يونيو 2009, 6:17 am
الملف الشخصى
أكاديمى فعال
أكاديمى فعال

الصورة الشخصية للعضو

مشاركات:
37
مشاركة Re: حتتجوز .... ؟


Ghadat2009 كتب:
سؤال صعب شوية ...لأني لو افترضت ده حصل معايا ...و الفرح بكرة و الصدمة لسة حاصلالي النهارده ..فبكل صدق مش هاقدر أواجه الموقف ده بالبساطة دي إلا إذا كان فيه مقدمات للفراق او تمهيد إنه وارد حدوثه و ساعتها يبقى ممكن أحضر الفرح لأن الإنسان ده سقط من نظري أو ماباقيتش حاسة إنه نصيبي ...

و أنا مقتنعة جدا إنك طالما تتوكل على الله في كل صغيرة و كبيرة في حياتك و بتستمتع بهدية ربنا لينا و هي صلاة الاستخارة ..يبقى كل شيء هياخد و وقته لكن في النهاية كلّي ثقة في الله و أنه سيعوضني الخير لأني أتوكل عليه و أفوض أمري له

لكن باحس ان الرجل كمان أقوى كتير في المواقف دي ...و الإنسانة اللي تبيعك ما ينفعش أبدا تبكي على فراقها أو تتألم حتى ...لأنها ببساطة ماتستاهلش ...مش بس خانت الحب و العهد دي كمان بتبعت كارت دعوة ! في الحال دي لازم الواحد يحاول يقوي نفسه و يقف ثابت مستعين بالله و يحضر الفرح و بفرح و يبتسم على قد ما يقدر من غير مبالغة طبعا ...و دي هتكون الرسالة الأخيرة المؤلمة للإنسانة دي : إن اللي حصل ده مش مهم و ماأثرش عليك ...و يكون ده شعورك الحقيقي مع الوقت لأني زي ما قلت لك : هي ماتستاهلش لحظة حيرة أو حتى ضيق

بشكرك عشان بتاخد رأينا و اعتبرتنا أصدقاء عايز تسمع رأيهم

تحياتي ليك flower1







حقيقي ... انا بحب صلاة الاستخاره وبحب التوكل على الله

لكن من الصعب ان الانسان يحس انه بنى احلامو على حاجات كتيره وفجأه حس ان كل حاجه اتهدمت ....

مش لمجرد غلط فى الاجراءات وانما غلط فى الاختيار اصلا ...

حقيقي الانسان ميعرفش فين نصيبي .. لكن ازاى الانسان يقدر يفهم ان الانسانه دي بتحبو بجد ولا لا

بصراحه ... انا ابتديت فعلا مثقش فى اي بنت ... وكمان بقيت بكرههم .. مش علشان انا انجرحت لا

بس لانى حست ان البنات فى الزمن ده مش عارفين مصلحتهم ولا عارفين هما عاوزين ايه

هما عاوزين بس يعيشو حياتهم واللي اداهم الفرصه دي .. احساس التقليد فى كل حاجه

ونسيانهم للأخلاق والدين ..

اتمنى ان ربنا يهدينا ويهدى الجميع يااارب ... وشكرا على مرورك flower1 ب11

_________________




ها بكيت ,,, نعم اعترف
لقد قتلتي كبريائى بحبك
وعندما احببتك قتلتيني !!
ان ما تتذوقيه هو كأس به دموع قلبي
وان ما تحيا لتخضع
هي مشاعري التي ركدت امامك كأنها طير ذبحته
سهام قسوتك....
NiGht PrInCe


06 يونيو 2009, 6:26 am
الملف الشخصى
مشرفة قسم القصص القصيرة

الصورة الشخصية للعضو

مشاركات:
444
مكان:
no where but my imaginary world
الإسم الحقيقى:
سارة صادق
الحكمة المفضلة:
النعم الكبرى لا تُظهرها إلا.. الفجائع الكبرى !
حالة التأكيد:
كاتب موثوق و مؤكد هويته
 Re: حتتجوز .... ؟


هاي عمرو...
بصراحة انا شفت الموضوع قبل كدا..لكن ما رضيتش ارد..
لاني لقيت ان جيجي وغادة ما شاء الله قالوا كل حاجة..
وان ردي هيكون تكرار بدون اي فايدة..ومش هيضيف حاجة..
ولا هيقول اكتر من اللي قالوه..
لكن لما دخلت وشفت ردك عليهم..بصراحة استغربت من
ردك لانه فعلا متناقض مع بعضه..في ردك على جيجي قلت
انك مؤمن بالمثل القائل(الضربه اللي متموتش بتقوي) وانك مؤمن
ان ربنا هيعوضك..
وبعديها في ردك على غادة قلت انك مبقيتش
تثق في اي بنت وبتكره البنات كمان..وقلت انه مش عشان اتجرحت
لكن عشان بنات الزمن دا كدا بيقلدوا وخلاص..!!

اسمحلي اقولك ان فعلا الردين في منتهى التناقض..
لو انك حقيقي مقتنع بالمثل اللي جيجي قالته..وان ربنا هيعوضك خير
مكنتش عمرك تقول انك بقيت تكره البنات ومش بتثق فيهم..
بالعكس..كنت هتعيش حياتك كأن شيئا لم يكن..المهم انك اتعلمت
حاجة وخلاص..ودا كان رأي جيجي من البداية..انك ليك حق تتوجع وتحس
بالضياع لان الحكاية مش سهلة طبعا..لكن لازم تاخد بالك ان وقتك بيضيع..
حتى جيجي قالت هما 10 ايام بس..وهقف علي رجلي تاني..
لكن انت قررت بينك وبين نفسك انك تفترض ان كل البنات كدا..معنى كدا
ان اللي حصل فعلا هو السبب..وانه اثر على مبادئك في الحياة..
وحكمك فعلا قاسي..لان مش كل البنات كدا...صعب جدا اننا نعمم
مكان او جنس او طائفة معينة بصفة معينة..لان كل مكان وكل حاجة فيها الكويس
وفيها الوحش..ما انكرش ان في بنات كتير بتقلد..لكن بردو في كتير بيبتكروا
وبيلتزموا بمبادئهم ودينهم قبل كل شئ..
لو في قلبك ايمان بجد ان ربنا هيعوضك..هيبقى عندك ثقة انك تلاقي بنت محترمة
ومتدينة ومخلصة تعوضك عن كل حاجة ان شاء الله....
وعلى فكرة كونك قلت انك حاسس بدا مش عشان اتجرحت لكن عشان دا مجرد
احساس حسيت بيه ممكن يكون صح وممكن يكون غلط..سبب مش مقنع..
لان النظرة دي للبنات مكنتش موجودة قبل كدا لحد ما حصل الموضوع دا..
ممكن تكون انت مش واخد بالك ان فعلا اللي سبب الاحساس دا هو اللي حصل..
ودا الطبيعي..ان الانسان بياخد فترة يحاول فيها يتعرف على كل حاجة من جديد..
ويفوق من اي حاجة حصلتله..بس الشاطر اللي مش يضيع وقت كتير.. ومش يخللي
اي حاجة تأثر في نظرته للناس عما كانت قبل كدا..بتخليه بس يختار صح..وياخد باله حبتين..
انا مقدرة كل كلامك...وواثقة انك مع التفكير العميق هتغير رأيك..المسألة بس مسألة وقت..
مش أكتر..
وان شاء الله بكرا ربنا يكرمك وتلاقي بنوتة مخلصة ومتدينة تغير حياتك كلها..وتقول انها فعلا
فترة وعدت..ز1 بس ابقى اعزمنا على الفرح ..
ياريت ما اكونش ضايقتك بتعليقي الطويل على كلامك..لكن للامانة كان لازم اقوله..


06 يونيو 2009, 7:52 am
الملف الشخصى
أكاديمى فعال
أكاديمى فعال

الصورة الشخصية للعضو

مشاركات:
37
مشاركة Re: حتتجوز .... ؟


مع احترامى لكلامك ورأيك ... بس انا مش متناقد ولا حاجه ...


انا معظم كلامى مرتب عن الظروف والأحوال .. يعني فعلا الضربه اللي متموتش بتقوى وانا بعترف بكده

بس انا ااقصد بخصوص رأي فى البنات انهم فعلا مش كلهم كويسين ودي قاعده وكل قاعده وليها استثناء

يعني مش كل البنات حلوين ولا كلهم وحشيين ..

وعلى فكره انا رأي فى البنات مش بناء على الموقف اللي حصلي والله

بس صدقيني بناء على اللي بشوفه ... فعلا البنات معدتش عارفه هي عاوزه ايه ولا عارفه تفرق بين الصح والغلط

ودي وجهت نظري واعتقد ان معظم البنات بقت مغروره جدا فى نفسها .... علشان كده بقو بيدورو على اللي يرضي غرورهم

وده رأي مش فى كل البنات بردو

وزي ماقلتلك كل قاعده وليها استثناء

انا مؤمن ... بس فى استثناء وهو الجرح ... اعتقد قربتي تفهميني

وشكرا على مرورك ... وان شاء الله انا واثق لو كنت مكان الشخص ده وفعلا حببتي هتتجوز قريب عارف ان ربنا هيعوضني

ب11

_________________




ها بكيت ,,, نعم اعترف
لقد قتلتي كبريائى بحبك
وعندما احببتك قتلتيني !!
ان ما تتذوقيه هو كأس به دموع قلبي
وان ما تحيا لتخضع
هي مشاعري التي ركدت امامك كأنها طير ذبحته
سهام قسوتك....
NiGht PrInCe


07 يونيو 2009, 12:42 am
الملف الشخصى
مشرفة قسم القصص القصيرة

الصورة الشخصية للعضو

مشاركات:
444
مكان:
no where but my imaginary world
الإسم الحقيقى:
سارة صادق
الحكمة المفضلة:
النعم الكبرى لا تُظهرها إلا.. الفجائع الكبرى !
حالة التأكيد:
كاتب موثوق و مؤكد هويته
مشاركة Re: حتتجوز .... ؟


اولا...انا عارفة انه موضوع عام مش خاص..
بس انا دايما للاسف بحب اتكلم بالصيغة دي..:oops: ..اني
بكلم اللي قدامي..ما قصدتش انه موضوع خاص..
ثانيا...بالنسبة لكلامك عن البنات ..قلت ان (معظمهم) مش كويسين..
ودي (قاعدة)..وكل قاعدة وليها استثناء..
على فكرة انا رايي كان كدا فعلا مع اني بنت..خاصة لما رحت الكلية
وشفت البنات عاملين ازاي..لبسهم وطريقتهم وحياتهم..
لكن بعد كدا شفت بنات كتييييييييييييير احسن منهم..
يمكن انت بحكم اللي بتشوفه زي ما قلت حسيت فعلا ان معظم البنات مش كويسين..
لكن اللي بنشوفه حاجة واللي بيحصل حاجة تانية..
و صدقني بكرا تعرف ان دا مش صحيح..
وعلى فكرة انا من اكترالناس اللي بتكره البنات التافهة او اللي بيقلدوا..

ورجعت تاني قلت(معظم)البنات مغرورين..
على فكرة الظاهر ان دا حظك بقى ان يمكن كل نماذج البنات في حياتك مش مشرقة..:lol:
ولا مبشرة بالخير خالص ..

لكن انا مش فاهمة الجملة دي...ياريت توضحها شويا لو ممكن::
انا مؤمن ... بس فى استثناء وهو الجرح ...
وحلو جدا منك انك لو مكان الشخص دا هتبقى واثق ان ربنا هيعوضك..
وربنا يكون في عونه بجد اللي حصله كدا..
وسوري على الصيغة اللي اتكلمت بيها وحسستك اني بتكلم على اساس ان الموضوع خاص..


07 يونيو 2009, 12:56 am
الملف الشخصى
عرض المشاركات السابقة منذ:  مرتبة بواسطة  
الرد على الموضوع   [ 16 مشاركة ]  الذهاب للصفحة 1, 2  التالى



المتواجدون الأن

الأعضاء المتصفحون لهذا القسم لا يوجد أعضاء متصلين و 1 زائر


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter