المواضيع التى لم يرد عليها | عرض المواضيع النشطة التوقيت الحالى 21 أكتوبر 2017, 7:47 pm





الرد على الموضوع  [ 4 مشاركة ] 

Share |


البعيد عن العين ....بعيد عن القلب ؟؟ 
الكاتب رسالة
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة البعيد عن العين ....بعيد عن القلب ؟؟


مثل شائع لكن تفتكر إنه صحيح ؟

مش بتكلّم عن نوع واحد من الحب .. بتكلم عن الحب بأنواعه بمعنى :

1- المسافر أو المهاجر : بينسى بلده مع الأيام عشان بعيد عنها ؟ و هل بلده بتنساه لأنه بعد عنها ؟

2- احنا ليه بنحس ان بلد زي المغرب : بعيدة عننا؟ و مانعرفش الا حاجات بسيطة عنها ؟

3- لو اضطر حبيب إلى السفر لأي سبب لفترة طويلة ... هل بالضرورة بيقل حبّه في قلب محبوبته ؟

4- تفتكر اللي عايش في مكة أو السعودية أو بلد قريب منها بيكون قلبه متعلّق أكتر بمكة و المدينة ؟

و أخيرا ...فعلا أجمل حاجة في الدنيا هي الحب ... بأشكاله ...

حب الله
حب الوطن
حب الناس
حب اسعاد الغير
حب رومانسي
حب أخوي

مش كده ؟؟؟ flower1 flower1 flower1

_________________




.
.
.
*** لــزيارة صــفـــحـــتــي ***


23 يوليو 2009, 4:27 pm
الملف الشخصى
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: البعيد عن العين ....بعيد عن القلب ؟؟


أزيك ياغادة :) وحشتنى مواضيعك النقاشية المشجعة فعلا..و الحمد لله إن فيه وقت أخيرا انهارده و عرفت أدخل الأكاديمية اللى وحشتنى بجد..أرد على الأسألة:

مثل شائع لكن تفتكر إنه صحيح ؟

مش دايما..ساعات البعيد عن العين..قريب من القلب..و العكس صحيح..يعنى اللى بعيد عن عينينا و بنحبه بيفضل فى القلب دايما و مستنيين نشوفه..لكن القريب من العين - ومش بنحبه - بيبقى بعيد جداً عن القلب مهما حاول يقرب..منطق غريب بس عن تجربة فى حياتى شايف إنه صح.. :)


1- المسافر أو المهاجر : بينسى بلده مع الأيام عشان بعيد عنها ؟ و هل بلده بتنساه لأنه بعد عنها ؟

إطلاقاً..هو أكيد فيه ناس و ناس..قلوب و قلوب..حد بيحب وطنه و بيحنله وحد لأ..بس عادة الحنين للوطن ده بيبقى بسبب ذكريات طفولة..أشخاص افتقدناهم..أماكن فى بلدنا بنحبها...وهكذا

2- احنا ليه بنحس ان بلد زي المغرب : بعيدة عننا؟ و مانعرفش الا حاجات بسيطة عنها ؟

عشان جوازات السفر.. :? لأ بجد بس كل ما اتخيل ايه كان هيحصل لو الدول العربية بقت عاملة زى الإتحاد الأوروبى فى التنقل بحرية بين بلادها..ده فادهم كتير فى الإقتصاد و فى كل المجالات..و فى نفس الوقت شال الحواجز بين البلاد وخلى الزيارات سهلة جداً بين كل بلد و بلد وبالتالى التعرف عليها..فإحنا أكيد لسه قدامنا كتير أوى على ما نعرف يبقى عندنا نوعية السياحة دى...وخصوصا إن إحنا عندنا الأول بلاد زى الأقصر و أسوان مثلا ما شوفنهمش مع إنهم فى بلدنا...يعنى السياحة الداخلية نفسها مفقودة..وبالتالى بعيدة عننا وما نعرفش عنها كتير غير من الصور و الكتب اللى عمرها ما بتبقى زى الحقيقة... :)


4- تفتكر اللي عايش في مكة أو السعودية أو بلد قريب منها بيكون قلبه متعلّق أكتر بمكة و المدينة ؟

ما أعتقدش..هو العلاقة بين الإنسان و لمكان فى رأيى زى علاقة الحب بين إنسان و إنسان...فيه إعجاب وفيه حب..يعنى ممكن نزور مكان ونعجب بيه جدا..بس الحب و التعلق بيه دى مرحلة بعد كده..و بتبقى الغلبة فى العادة لبلدنا الأصلية..اللى فيها أكيد مهما كان حاجات كتير اتعلقنا بيها طول حياتنا فيها..ومش المفروض يغيرها يومين عشناها فى مكان تانى مهما كان جماله و استمتاعنا بيه...

و أخيرا ...فعلا أجمل حاجة في الدنيا هي الحب ... بأشكاله ...

حب الله حب الوطن حب الناس حب اسعاد الغير حب رومانسي حب أخوي
مش كده ؟؟؟
flower1 flower1 flower1
طبعا..بس لما يبقى حب..بجد... :)
وبشكرك جدا ياغادة على مناقشاتك اللى دايما مكتوبة بكل عناية و حب :)

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



23 يوليو 2009, 5:36 pm
الملف الشخصى
مشرف قسم الأشعار

الصورة الشخصية للعضو

مشاركات:
1070
مكان:
الإسكندرية
الإسم الحقيقى:
محمد محمود حسن
الحكمة المفضلة:
إلهــــي لا تعذبني فإني
مقر ٌ بالذي قد كان مني
حالة التأكيد:
كاتب موثوق و مؤكد هويته
مشاركة Re: البعيد عن العين ....بعيد عن القلب ؟؟



موضوع رائع يا غادة
أحييك على إثارة فكرة العلاقة بين الحب والبعاد ، ورأيي أن هذا المثل يتعارض في كثير من الأحوال مع الوفاء
فالحب الحقيقي الذي يدوم مع البعاد

1- المسافر أو المهاجر : بينسى بلده مع الأيام عشان بعيد عنها ؟ و هل بلده بتنساه لأنه بعد عنها ؟
أنا جربت الغربة وبأقول وعن ثقة أموال الدنيا لا تساوي ساعة مع أهلي في بلدي

2- احنا ليه بنحس ان بلد زي المغرب : بعيدة عننا؟ و مانعرفش الا حاجات بسيطة عنها ؟
لأن الإستعمار نجح إنه يحسسنا أننا مش وط واحد ، وفرق بينا رغم وحدتنا في اللغة والعادات والتقاليد والوازع الديني لدينا كمسلمين ومسيحيين

3- لو اضطر حبيب إلى السفر لأي سبب لفترة طويلة ... هل بالضرورة بيقل حبّه في قلب محبوبته ؟
الأمر ده بيحصل لو كان الحب مش مبني على أساس سليم ، أو كان البعد مختلط بالجفاء وإهمال الطرف الآخر

4- تفتكر اللي عايش في مكة أو السعودية أو بلد قريب منها بيكون قلبه متعلّق أكتر بمكة و المدينة ؟
رغم إني ما بحبش الغربة لكن أنا ممكن أسيب الدنيا كلها وأعيش باقي عمري بجوار المسجدين الشريفين

وأخيرا ً أحييك يا غادة على موضوعاتك الحيوية التي دائما ً تمتعينا بها ، وتذكرينا فيها بمعان ٍ رائعة
بارك الله فيك

_________________
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ




صفحتي الشخصية


23 يوليو 2009, 6:39 pm
الملف الشخصى Yahoo الموقع الشخصي
أكاديمى نشيط
أكاديمى نشيط

الصورة الشخصية للعضو

مشاركات:
115
مكان:
القاهره
الإسم الحقيقى:
ماضى سعدون عبدالعال فراج
الحكمة المفضلة:
اللهم ما انى مغلوب على امرى فانتصرلى
مشاركة Re: البعيد عن العين ....بعيد عن القلب ؟؟



السلا م عليكم
اختلف معك
وانا لست باعلم الناس
ولكن اعلم شى
ان البعيد عن العين داخل القلب
او قل بالعاميه كمثال الممنوع مرغوب
وهو مثل لا يقربنى مما اريد قوله
الا انه ارث شعبى يحترم ويقدر
فى الحب دائما ما اذا كان صادق لا يختلف ابتعاد الاماكن مقدار هذا الحب
سوال واعلم الاجابه مسبقا
انت لك اخوان
احدهم بجوارك بالبيت
والاخر فى اقصى بلاد ممكنه
هو بعيدا بالفعل عن عينك
لكنى واثق كل الثقه انه فى قلبك
الا اذا كانت هناك قواعد غير تلك التى اعرفها
ايضا كونى فى بلاد غربه ايا كانت تلك البلاد مقدسه من عدمه فذلك لا ينسينى
ابدا ذلك المكان الذى ولدت فيه وكبرت فيه
وان لم يكن اخلاصى له فى الحب خالص فلا انتما لى لاى مكان اخر
اتمنا ان امت على دين الله وفى بيته كما اتمنا ان ارى مسقط راسى لان اشتياق اليه اشتياق لا ينقطع الا بانقطاع النفس عنى
ايضا
ذكرة الله
سبحانه
ولا اله الاهو الواحد القاهر
هو القريب البعيد
نحبه ونود ان نراه
فى لحظات ضعفنا غلبتنا فى لحظات الظلم الواقع علينا قد نتخيل انه بعيد بيد اننا نراه ويرانا ونكلمه ونشكو اليه لماذا لان اشتياقنا اليه اشتياق غير معقول لا يوصف ومحمد صلى الله عليه وسلم لم نراه
بيد اننا نشتاق اليه فى اليوم الف مره بل قل الاف المرات
لا اقول اكثر من شى سبحان الله والحمد الله الذى جعلنا بعقل نفكر به وقلب نشعر به ونعم كثيره

_________________
خبر بروح البشر كل دعابة
كانت لك فى الحيات تذاع
فمن يسكن اليوم اعالى الجبال
يوما كان فى القاع
لا تبالى بلوم الناس فرب يوما
يلوذون اليك كلهم اطماع

ماضى سعدون عبدالعال


10 أغسطس 2009, 11:25 pm
الملف الشخصى Yahoo
عرض المشاركات السابقة منذ:  مرتبة بواسطة  
الرد على الموضوع   [ 4 مشاركة ] 



المتواجدون الأن

الأعضاء المتصفحون لهذا القسم لا يوجد أعضاء متصلين و 1 زائر


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter