صفحة 1 من 1

الحب الاول

مرسل: 29 يوليو 2009, 10:57 pm
بواسطة همسه
كثيرا ما نسمع عن مصطلح الحب الاول ولكن هل الحب الاول حقيقه ام خيال؟؟؟؟؟؟؟؟ هل الحب الاول فعلا هو الحب الذى لا ينسى ويظل بذاكرة الفرد طوال حياته ام انه كما قال احسان عبد القدوس"الحب الاول هو الحب الاخير" فكثير ما يقع اى فرد منا فى حب شخص ما ويكون الاول فى حياته ولظروف ما لا يقدر على الارتباط به ويصبح الارتباط به مستحيل فهل يقدر على النسيان اذا ارتبط بشخص اخر ام يظل الحب الاول علامه فى حياته لا يقدر على نسيانها !!!!!!!!! ارجو مشاركة جميع اعضاء الاكاديميه:)

Re: الحب الاول

مرسل: 29 يوليو 2009, 11:34 pm
بواسطة محمد محمود
نورتي الأكاديمية من جديد يا آية
موضوع مهم جدا ً " الحب الأول "
من وجهة نظري إن الحب الأول هو الحب اللي يعيش جوايا وما يخرجش من قلبي أبدا ً وما أقدرش أحب بعده
لأن ببساطة الحب أول عنصر مهم فيه هو الوفاء فلو مرت سنين لا يمكن يخرج من القلب أو يقل
أما المشاعر اللي ممكن تمر بالواحد في أول حياته العاطفية فيحب من وجهة نظره وبعدين ينسى وبعدين يحب وهكذا
كل ده يعتبر في رأيي مرحلة بيمر بيها بعض الناس خصوصا ً في مرحلة المراهقة وهي عبارة عن الرغبة في اشباع عاطفة الحب جواهم
فأول شخص يحسوا بيه ولو إحساس بسيط يفكروا إن هو ده فتى الأحلام أو فتاة الأحلام ويبدأوا يرسموا في خيالهم تلال من الآمال والأحلام.
والدليل على كلامي إن نسبة بسيطة جدا ً من هذه النوعية هي اللي بتستمر وتثمر عن ارتباط .
بأحييك على موضوعك الشيق ده وربنا يوفقك

Re: الحب الاول

مرسل: 30 يوليو 2009, 7:13 pm
بواسطة سندريلا
موضوعك جميل جدا يا آية ......... حمدالله بالسلامة اولا ....... flower1

انت مش تعرفيني بس انا بئالي مدة مش شفتك في الاكاديمية لكن عامة حمد الله بالسلامة .......

موضوعك فكرته مهمة جدا ........ لان في ناس بتفتكر ان الحب الاول لا يمكن ان ينسى ....... و انا اعتقد ان ده غلط ........

انا في رايي ان الحب الحقيقي هو الحب الاخير اللي هو حب الزوج ان شاء الله .........

و بتفق مع احسان عبد القدوس الكاتب الجميل لما قال حبك الاول هو حبك الاخير و كمان لما قال في حياة كل منا وهم كبير اسمه الحب الاول
يعني في رايي ان لو الانسان حب فعلا من قلبه و ما حصلش نصيب و الحب ده ما كملش ...... يبئى ممكن يقف على رجله تاني و يحب مرة تانية و ساعتها حيحس فعلا ان حبه الاول هو الحب الاخير ....... و دي وجهة نظري المتواضعة و الله اعلم

بشكرك تاني على الموضوع يا ايوي و ما تغبيش عننا تاني ...... :)

Re: الحب الاول

مرسل: 01 أغسطس 2009, 7:40 pm
بواسطة الزهراء
الحب الأول ..لطالما كان يشغلني هذا الموضوع و كنت أتساءل هل هو وهم أم حقيقة ...

ممكن يكون أول احساس بيتولد جوانا و ينبع من القلب اتجاه شخص معين ، بيكون احساسك بيه ساعتها أنو أهم شخص و حياتك من غيرو لا يمكن تستمر و الزمن بينوقف عند نقطة واحدة : بيبادلني نفس المشاعر؟

لنكتشف بعدها ..انو الحياة بتستمر و إنها أكبر و أعمق من إننا نتوقف عند أول تجربةنمر بيها ....
و كان الكاتب احسان عبد القدوس ناقش الموضوع دة من خلال رواية "الوسادة الخالية" على أساس انو الحب الأول وهم كبير بنعيش نفسنا فيه و بنستمتع بدة و في النهاية بيعدي و بيتنسي حتى لو كان زي الطيف أو الظل اللي بيتبعنا في كل مكان ....
و الحقيقة اني بسأل نفسي كتير هل الاحساس دة حب حقيقي أو مرحلة لازم أمر بيها و احساس لابد إني أجربو ، و لا مراهقة و ح تعدي ...
و كونو دة أو أي حاجة تانية دة مش ح يغير انو الحب الأول لوه سحر عجيب و انو احساس غريب فيه نكهة خاصة و حتى لو مشينا في حياتنا و كملنا المشوار ممكن أي كلمة ، ريحة ، اسم يحيي فينا الحنين و نفتكر ..بس في الآخر بنرجع للواقع...
فالحب الأول احساس مدفون جوانا بنلجأ لما بنعيش فراغ في الحاضر أو لما بيقسى علينا أو لما بتحصل حاجة ممكن تفكرنا بيه أو لما نقابل الشخص دة فالاحساس دة بيدوم لوقت معين و يختفي بعدو
في اللآخر مش حقلك الا جملة حطيتها كمقدة لروايني هنا و هي انو الحب الحقيقي لما بنقابلو بيكون هو الحب الأول و الأخير flower1

آسفة على الإطالة

موضوع جميل يا آية و أتمنى نشوفلك أعمال كتيرةflower1

Re: الحب الاول

مرسل: 02 أغسطس 2009, 9:23 am
بواسطة المهاجر
اختى الكريمة همسة بعد العودة ارحب بيك مرة اخرى فى بيتك

الحب الاول دائما هو الحب الذى يبقى عالقاً فى الذاكرة ولكن اذا كان هذا الحب قد انتهى بفعل فاعل اعتقد انه من الضرورى اعدام هذا الحب ، وانا لا اعترض على ان الانسان لن ينسى الحب الاول ولكن الواجب نسيانه فكيف يعيش انسان على ذكرى حب اول ملئ بالاحزان وهناك حب اخر ملئ بالسعادة والسرور فايهما افضل للانسان
الحب الاول دائما يبقى الذاكرة بسبب واحد فقط لانه اول تجربة ليس اكثر ومنها يكتسب الانسان خبرات تساعده فى العلاقات القادمة سواء فى التعامل مع الاخرين من حوله او حتى مع نفسه ، والخص لك رأى فى الحب الاول فى كلمتين

الضربة التى لا تقتلنى تقوينى


مرحباً مرة اخرى بيك وتحياتى واتمنى لكى دوام الابداع

Re: الحب الاول

مرسل: 12 ديسمبر 2009, 12:02 pm
بواسطة ماضى سعدون عبدالعال
حبك الاول هو حبك الاخير
وايضا
فى حياة كل منا وهم اكبر اسمه الحب الاول
والحب من اول نظره
والحب الهادف لمال او حتى لجمال
حب الله والوطن والوالدين والاهل والاصحاب
على كلا هو دائما موجود ولكن للامانه الرغبه فى الحياه نفسها هى اساس اى حب
الحب بطبيعة الحال موجود
هب انه حدث صدمه
صدمة حب
كم فى المائه ندم على ضياع حبه لحب وكم لفقدان
وكم لعدم استحواذ على طريقة الممنوع مرغوب
وكم لعدم الاقتناع بجديد
وكم لعدم محاولة البحث عن جديد
يقتفى الرجل اثر من يحب سواء بنت او شاب
يبحث فيما حوله عن صفات وطباع
نفس الابتسامه او كانت او كان له نفس الصوت الحركه
اشعر او تشعر بوجودها بجانب الجديد ولا اقول البديل لان الرغبه فى هجر الذكريات كبيره
تذوب شياء فشى مع الذكريات
اواه الموضوع اكبر من يسرد فى سطور ساخصص له موضوع كامل
اشكرك على موضوعك
ودوام التوفيق