أزيك ياجوجتى ياجميلة ...انا نفسى أعرف ازاى الموضوع دخل هنا هى وصلت تقولى لا للحب الحمد لله انك مكتبيش الكلمات دى فى قسم الخواطر لان انا شعار القسم عندى أنا أحب إذا انا اعيش مش لا للحب انا أطالب بتعديل هذا الموضوع على الفور وباأحالة كاتبته لمحكمة الحب ووقوع أقصى العقوبه عليها
هقولك ياجوجو بعدين ايه العقوبة الا هوقعها عليكى بس بينى وبينك
بعيدا بجد على اعتراضى على عدم الإيمان بالحب الا أننى أستمتعت جدااااااا بكلماتك لانى حاستها بجد وحسيت ان
كتير من الناس بتحس بنفس الأحسايس الا عبرتى عنها بكلماتك الحيرة بين الحب والحرية والكبرياء ومفهوم الناس واحساسهم وبكلماتك قدرتى تحاورى القارى وتناقشى أحساسه الداخلى ...
لكن حقيقى وفى راى الشخصى ان الحب هو الحرية الحقيقة وهو قمة الكبرياء لان كلمة الحب هى الكلمة الوحيدة التى جمعت كل المعانى والأحسايس الجميلة الحب هو المعنى الحقيقى للحرية لان لما الإنسان يحب بصدق بيلاقى روحة صافية متحرره من كل قيودها من الأنانية والحقد من الكره بيشوف الدنيا بعين جديدة كبريائى بيكون فى قمة تسامحى واحتفاظ بإنسانيتى الا خلقنى عليها ربنا ايه ذنب الحب اننا مش بنعرف نحافظ عليه اية ذنبه اننا غيرنا معناه ايه ذنبه اننا ربطناه بالجرح ليه لازم لما نحب ونفترق لازم نجرح بعض ليه مش زى مانتجمع بحب نفترق بحب ليه منسبش ذكرى طيبة فى حياة بعضنا ...ليه غيرنا المعانى الجميلة وفى النهاية نقول مش بنؤمن بالحب انا بجد مش بلومك ياجوجو على كلماتك لان كل كلمة كتبتيها هى فعلا الا حساه الناس ان الحب عذاب ونار ولازم كلنا نجرب ناره عشان منرجعلوش تانى وندور عليه حولنا قلوبنا بالريموت نقولها امتى تحب وامتى تُضرب عن الحب ...الحب هيفضل أسمى مشاعر بيحسها القلب وهيفضل القوة الأولى فى تغير أى شىء صعب ... ولو جنون ان الإنسان يعيش ويموت
بيدور على قصة حب واحدة صادقة فى حياتة يبقى اعتبرينى انا أكبر مجنونة فى الدنيا وسعيدة وأفتخر جدااااا بجنونى
سامحينى ياجوجو على الأيطالة بس انتى عارفانى طبعا فى الموضوع ده بالذات ...
بشكرك ياصدقتى الجميلة لان رغم ان كلماتك تظهر فى البداية انها ضد الحب ولكن انا حسيت ان هذه الكلمات مكتوبة من شدة الإيمان بالحب بتمنالك حياة كلها حب ياجوجو ولو سمحتى متقليش تانى على الحب انه مشاعر سخيفة
عشان الحب عمره ماكان ولا هيكون مشاعر سخيفة وانا متأكدة جدااااااااا انك اكيد هتقتنعى بكلامى ...
