ليه بنحب ..... ؟

للكتابات و المناقشات حول الحب, ليس بمفهومه الرومانسى فقط, ولكن بمفهومه الواسع فى كل حياتنا, والحديث عن المشاكل والعقبات التى تواجه هذا الحب وكيفية التغلب عليها.

المشرفون: محمد محمود،المهاجر،همسه

أضف رد جديد
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

ليه بنحب ..... ؟

مشاركة بواسطة المهاجر »

كثيرا منا ان لم يكن كلنا يحب فهناك من يحب ربه ورسوله وهناك من يحب والديه وهناك من يحب اخوته وهناك من يحب وهناك وهناك .... إلخ ولكن هل فكرنا قليلا لماذا نحب ؟
كل الاسئلة اللى تطرح فى الحب هي انت بتحب مين وبتكره مين ولكن ما فيش حد سأل نفسه بتحب ليه هنقول هنا ليه احنا بنحب .
كلنا بشر والبشر فى الاصل بنو ادم وادم من تراب والتراب واحد يعنى ما فيش ترابة بلدى وترابة مستوردة لانه كل شئ خلق الله فزى ما بتلاقى كل شئ بيحن لنوعه برضه التراب بيحن لنوعه عشان كدا تلاقى الانسان لما بيحب بيحب بدون سبب او عشان تبقى الكلمة ادق بيحب لاجل اصغر الاسباب من اجل ذلك تجد الحيوان يحن للإنسان حتى الاسد لو ربيته من وهو صغير يبقى صديقك والذئب كذلك حتى النبات ايوة وما تستغربش وتقول إزاى النبات بيحب هقولك إزاى جدتى كانت بتقول دايما لينا حب الارض تحبك علشان لو كرهتها تكرهك وكنت بقول دا كلام والسلام ولكن لما شوفت بعينى عرفت وهضرب مثل كان فيه ناس بتزرع ارض وكانت الارض دى مهملة جداً يعنى لا بيتابعوها ولا اى حاجة وكانوا مش عايزين يبيعوها لان الارض فضلت تجيب انتاج وهما ما بيدوهاش حقها لحد ما فى سنة من السنين الارض بطلت تزرع قاموا بايعينها ارخص الاثمان وتانى سنة على طول اللى اشتراها زرعها واهتم بيها وبيحلف انها ما جاب مكسب من اى ارض زى ما جاب من دى وهنا عرفت ان الارض فعلا كرهت اصحابها الاقدم وحبت دا وكان برضه تقول واحنا بنضف الارض من الحشايش او غيره الارض دلوقتى بتدعيلك تب ازاى تدعيلى لو مش بتحبنى اذاً الارض بتحبنى ، ويقول ابو قردان صديق الفلاح وعلشان كدا تلاقى ابو قردان هو الطائر الوحيد وانت فى الارض اللى لو مريت من جنبه ما يطيرش حتى لو اشغلت جنبه بالفاس مش ممكن يطير ودا عن تجربة .
ليه بنحب ....؟

ربنا بيقول فى القرآن أيه " وجعلناكم شعوباً وقبائل لتعارفوا " تب ليه ربنا خلقنا شعوب ما كان ممكن يخلقنا شعوبا بس ولكنه قال لتعارفوا عشان كلنا نعرف بعض ، وكمان قال فى القرآن " وخلقنا لكم من انفسكم ازواجاً " تب ليه ربنا خلق الازواج من انفسنا ما كان ممكن يخلى الانسان يتجوز حيوان وهكذا ولكن حكمته سبحانه ان كل حاجة بتحن لنوعها وفى النهاية الكل بيتجمع فى الحب دا .

ليه بنحب ....؟

قال رسول الله صلى الله عليه وسلم " مثل المؤمنين فى توادهم وتراحمهم كمثل الجسد الواحد اذا اشتكى منه عضو تداعى له سائر الجسد بالسهر والحمى " صدق رسول الله صلى الله عليه وسلم ، وعلشان كدا لما الانسان بيلاقى اخوه بيتعب تلاقيه زعلان واقرب مثل فى غزة لما ضرب اخواننا كلنا زعلنا وما كناش طايقين نفسنا تب ليه بالرغم من انهم فى بلد واحنا فى بلد ولكن ربنا خلقنا وخلى بينا الالفة والمحبة وربنا اذا ارد شيئاً ان يقول له كن فيكون .

ليه بنحب ....؟

كلنا بنلاحظ لما بيحصل حريقة فى بيت جار لينا بتلاقى كل الجيران اتلمت وعندنا فى الارياف لان القرى بتبقى صغيرة تلاقى البلد كلها اتلمت وما فيش فرق بين مسلم ومسيحى ، تب ليه عشان ما يقعدش كل واحد فى بيته ويقول وانا مالى وبعد ما تخلص النار على بيت جاره تيجى على بيته

ليه بنحب ...؟

ربنا قال فى القرآن " إنى جاعل فى الارض خليفة " صدق الله العظيم ، ازاى ربنا هيجعلنا خلفاء ليه فى الارض واحنا مش بنحب بعض . اه احنا اتقسمنا شيع ولكن باعمالنا .

ليه بنحب ...؟

ربنا بيقول فى القرآن " وقل اعملوا فسيرى الله عملكم ورسوله والمؤمنون " ، بنحب علشان ما ينفعش واحد بيعمل عمل وما بيحبش اللى جنبه او زميله فما يتقنش العمل ، وعلشان انا لو مش بحب العمل مش هعمل .

ليه بنحب ...؟

بنحب عشان يبقى لينا اوقات نراجع فيها نفسنا تب انا زعلان من فلان ليه ولا هو زعلان منى ليه مش يمكن انا اللى غلطان ، لان انا لو بكره مش هفكر فيه .

ليه بنحب ...؟
عشان حاجات كتير بس الاهم فيها انها بتقف عند حاجة واحدة وهى ليه بنحب ....؟
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: ليه بنحب ..... ؟

مشاركة بواسطة الأمير الحائر »

ايه الصدف دى يا أحمد..أنا لسه بجهز لموضوع كبير فى قسم كلام فى الحب صورة
بس بجد موضوع هايل وعاجبنى الأجوبة كلها اللى كتبتها وأمثلتك الواقعية بس أناعن نفسى لأنى واحد بحب كل الناس حتى يثبت العكس...فصعب أسأل نفسى ليه بأحب..لو على حب الإنسان لأنسان يبقى مش أقدر أضيف أى شئ على كلامك لأن ده فعلا حب تلقائى المفروض يبقى غريزة طبيعية فينا كبشر لأن كلنا واحد والمفروض يبقى كلنا بنحب بعض وكمان كل واحد يحب الخير لغيره..
إنما بقى لو على حب الرجل للمرأة فده بقى حاجة تانية ولو سألتنى ليه بنحب..؟ هأقولك لأن لما بتحب انسانة بجد بتحس انها هى الوحيدة فى الدنيا بحالها اللى فاهماك...هى الإنسانة الوحيدة اللى بتحبك لشخصك وبتخاف عليك...وهى الإنسانة الوحيدة اللى ماتقدرش تتخيل انك تعيش يوم واحد من غيرها وعشان كده بتحبها و بترتبطوا عشان بجد أنتو الأتنين زى ماتكونوا اتخلقتوا لبعض...وأعتقد ده هو الحب...رابطة شعور وإحساس بين اتنين فى كل حاجة وفى حياتهم كلها...
بحييك يا أحمد بجد على الموضوع واستنى موضوعى فى الحب بس هيكون حاجة كده شبه مقال فى الحب...صورة
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: ليه بنحب ..... ؟

مشاركة بواسطة المهاجر »

الأمير الحائر كتب:ايه الصدف دى يا أحمد..أنا لسه بجهز لموضوع كبير فى قسم كلام فى الحب صورة
بس بجد موضوع هايل وعاجبنى الأجوبة كلها اللى كتبتها وأمثلتك الواقعية بس أناعن نفسى لأنى واحد بحب كل الناس حتى يثبت العكس...فصعب أسأل نفسى ليه بأحب..لو على حب الإنسان لأنسان يبقى مش أقدر أضيف أى شئ على كلامك لأن ده فعلا حب تلقائى المفروض يبقى غريزة طبيعية فينا كبشر لأن كلنا واحد والمفروض يبقى كلنا بنحب بعض وكمان كل واحد يحب الخير لغيره..
إنما بقى لو على حب الرجل للمرأة فده بقى حاجة تانية ولو سألتنى ليه بنحب..؟ هأقولك لأن لما بتحب انسانة بجد بتحس انها هى الوحيدة فى الدنيا بحالها اللى فاهماك...هى الإنسانة الوحيدة اللى بتحبك لشخصك وبتخاف عليك...وهى الإنسانة الوحيدة اللى ماتقدرش تتخيل انك تعيش يوم واحد من غيرها وعشان كده بتحبها و بترتبطوا عشان بجد أنتو الأتنين زى ماتكونوا اتخلقتوا لبعض...وأعتقد ده هو الحب...رابطة شعور وإحساس بين اتنين فى كل حاجة وفى حياتهم كلها...
بحييك يا أحمد بجد على الموضوع واستنى موضوعى فى الحب بس هيكون حاجة كده شبه مقال فى الحب...صورة

اشكرك على المرور يا وليد وربنا معاك وانا هوصل كدا اطمن على ابو قردان وجاى صورة وابقى ارد على مقالك وربنا يوفقك
تنهيدة
مشرفة قسم أدب الأطفال
مشاركات: 1291
اشترك في: 04 نوفمبر 2008, 3:01 am
Real Name: نهاد نعمان
Favorite Quote: لوسرقت منا الأيام قلباً معطاء بسام لن نستسلم للآلام ...لن نستسلم للألام .....
verification: ID verified and trusted writer
مكان: بنت مصر

Re: ليه بنحب ..... ؟

مشاركة بواسطة تنهيدة »

ليه بنحب ؟ سؤال عمره مسألته لنفسى لكن فى كتير من الناس بتسألهولى لانى حقيقى أنا عمرى ماكرهت حد يمكن أضيق من ناس وأغضب منهم لكن عمرى ماعرفت ازاى الأنسان يكره انسان لدرجة أن ميباش عايز يشوفة ...وموضوعك لمس حاجة مهمه جدا ياأحمد وهى أن الأنسان لم يعمل حاجة بحب الحاجة دة أكيد حتبادلة نفس الحب ..وأنا فعلا جربت الموضوع ده لم بحب حاجة وأعمله بحب بتدينى أجمل مافيها ..وأنا أمنية حياتى أن الناس تمحى من حياته كلمه كره ...
وطبعا طالما جبنا سيرة الحب فأكيد لازم نتكلم عن الحب الحقيقى مابين الرجل والمرأة وطبعا انا بتكلم عن الحب الحقيقى لان أصبح فى زمان ناس مابتعرفش تحب شايفة الحب شىء تانى خالص غير الأ أحنا نعرفة وانا بقه أكيد حأعمل موضوع يتكلم عن الناس الا ما بتعرفش تحب ..لكن أنا بالنسبالى الحب كلمة صغيرة بيتقاسم معناه طرفين كل واحد فيهما بيحب التانى من غير أى سبب وهى ده السر أنك ماتعرفش أنت ليه بتحب ..لكن عمر الحب ده مايكمل معناه الا أذا كان الطرفين بينهم تفاهم ووفاء ويكون كل واحد فيهم فاهم شخصية التانى لان الحب هو بذرة لبداية حياة لو ماأهتميتش بالبذرة أكيد حتموت ...فالازم كل أنسان بيحب يحاول يعرف لازم يعمل أية عشان الحب مايموتش...
بشكرك ياأحمد على موضوعك الجميل وعلى أمثلتك الأجمل الا بجد فادتنى جداصورة ..وطبعا مستنين مقال وليدصورة
صورة
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: ليه بنحب ..... ؟

مشاركة بواسطة المهاجر »

تنهيدة كتب:ليه بنحب ؟ سؤال عمره مسألته لنفسى لكن فى كتير من الناس بتسألهولى لانى حقيقى أنا عمرى ماكرهت حد يمكن أضيق من ناس وأغضب منهم لكن عمرى ماعرفت ازاى الأنسان يكره انسان لدرجة أن ميباش عايز يشوفة ...وموضوعك لمس حاجة مهمه جدا ياأحمد وهى أن الأنسان لم يعمل حاجة بحب الحاجة دة أكيد حتبادلة نفس الحب ..وأنا فعلا جربت الموضوع ده لم بحب حاجة وأعمله بحب بتدينى أجمل مافيها ..وأنا أمنية حياتى أن الناس تمحى من حياته كلمه كره ...
وطبعا طالما جبنا سيرة الحب فأكيد لازم نتكلم عن الحب الحقيقى مابين الرجل والمرأة وطبعا انا بتكلم عن الحب الحقيقى لان أصبح فى زمان ناس مابتعرفش تحب شايفة الحب شىء تانى خالص غير الأ أحنا نعرفة وانا بقه أكيد حأعمل موضوع يتكلم عن الناس الا ما بتعرفش تحب ..لكن أنا بالنسبالى الحب كلمة صغيرة بيتقاسم معناه طرفين كل واحد فيهما بيحب التانى من غير أى سبب وهى ده السر أنك ماتعرفش أنت ليه بتحب ..لكن عمر الحب ده مايكمل معناه الا أذا كان الطرفين بينهم تفاهم ووفاء ويكون كل واحد فيهم فاهم شخصية التانى لان الحب هو بذرة لبداية حياة لو ماأهتميتش بالبذرة أكيد حتموت ...فالازم كل أنسان بيحب يحاول يعرف لازم يعمل أية عشان الحب مايموتش...
بشكرك ياأحمد على موضوعك الجميل وعلى أمثلتك الأجمل الا بجد فادتنى جداصورة ..وطبعا مستنين مقال وليدصورة

انا اللى بشكرك يا تنهيدة على الكلمات الطيبة وعلى شكرك على الموضوع بالرغم من الحرب الدائرة بينا وبينكم دلوقتى ولكنى آثرتى الحياد وانك تقولى رأيك بكل صدق فتحية ليكى

تثبيت اهو اوعى تروحى ناحية موضوع الالف قصة بقىصورةصورة
صورة العضو الرمزية
menna
أكاديمى فعال
أكاديمى فعال
مشاركات: 26
اشترك في: 14 يناير 2009, 11:10 pm

Re: ليه بنحب ..... ؟

مشاركة بواسطة menna »

بنحب علشان الحب هو أعظم احساس فى الدنيا....لما بنحب بنشوف كل حاجة حلوة...ولما بنحب بنتحب...
قلوبنا مخلوقة علشان تحب...تحب ربنا...تحب الرسل...تحب الملايكة...تحب الاسلام...تحب الناس...تحب الخير..تحب الحب

حياتنا منغير الحب ظلمة...الحب هو النور اللى بينورلنا الطريق...هو الحلم اللى لما نيأس من كل اللى حوالينا نفتكره...هو الأمان اللى لما نخاف يطمننا...
البشر مخلوقين علشان يحبوا ويعملوا كل حاجة بحب
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: ليه بنحب ..... ؟

مشاركة بواسطة المهاجر »

menna كتب:بنحب علشان الحب هو أعظم احساس فى الدنيا....لما بنحب بنشوف كل حاجة حلوة...ولما بنحب بنتحب...
قلوبنا مخلوقة علشان تحب...تحب ربنا...تحب الرسل...تحب الملايكة...تحب الاسلام...تحب الناس...تحب الخير..تحب الحب

حياتنا منغير الحب ظلمة...الحب هو النور اللى بينورلنا الطريق...هو الحلم اللى لما نيأس من كل اللى حوالينا نفتكره...هو الأمان اللى لما نخاف يطمننا...
البشر مخلوقين علشان يحبوا ويعملوا كل حاجة بحب


كلامك تمام يا منة والحب فعلا احساس وانتى كملتى حاجات انا كنت عايز اكتبها بس عشان طول المقال ما يبقاش رخم وتحياتى
أضف رد جديد

العودة إلى ”كلمات عن الحب...“