المواضيع التى لم يرد عليها | عرض المواضيع النشطة التوقيت الحالى 23 أكتوبر 2017, 5:31 pm





الرد على الموضوع  [ 18 مشاركة ]  الذهاب للصفحة 1, 2  التالى

Share |


هل حتقبل ماضى حبيبك ؟ 
الكاتب رسالة
مشرفة قسم أدب الأطفال

الصورة الشخصية للعضو

مشاركات:
1291
مكان:
بنت مصر
الإسم الحقيقى:
نهاد نعمان
الحكمة المفضلة:
لوسرقت منا الأيام قلباً معطاء بسام لن نستسلم للآلام ...لن نستسلم للألام .....
حالة التأكيد:
كاتب موثوق و مؤكد هويته
مشاركة هل حتقبل ماضى حبيبك ؟


السلام عليكم ياأجمل أعضاء فى أجمل أكاديمية
أنا النهاردة جيت عشان أناقش معاكم موضوع مهم جدا يمكن أنا عارفة راى كتير من الناس فيه ..لكن بما أننا جيل الألفية التالتة فأكيد مفهومنا للمواقف مختلف وتقديرنا كمان مختلف
المهم الموضوع الا نفسى أتناقش معاكم فيه .وهو أن .كل انسان فى الدنيا اكيد مر بحياته تجربة حب سواء الولاد مننا او البنات ..وده طبعا شىء عادى لكن المشكلة ان كتير منا مبتكملش معاه قصص الحب ده وبتصبح ماضى فى حياتنا ..وهنا بقة بيدور دايما فى ذهنى سؤال انا كبنت ممكن لو ارتبط بانسان وسألنى ..كان فى ماضى فى حياتك ...وهو طبعا أكيد عارف أنى انسانة كويسة ممكن لو صارحتة بان كان فى تجربة فى حياتى حيفضل شايفنى البنت البريئة الا تقدم للأرتباط بيه ولا حيبدأ يخاف ويشك ..والسوال طبعا بيطرح نفسه ان أكيد هو كمان مر بتجارب مش تجربة واحدة ...وعالفكرة انا بسأل البنات كمان انت كمان ممكن تقبلى ماضى الأنسان الا حيتقدملك ...انا حسيبكم تفكروا وتشاركونى بأفكاركم لكن قبل ماسبكوم كنت عايزة أقول حاجة مهم ...أحنا ليه بنفرح لما نكذب على بعض يعنى انا ممكن أكذب على الأنسان الا ممكن ارتبط بيه وأقول له ان أول حب فى حياتى وانا متأكدة ان حيصدق او بمعنى أوضح حيعمل نفسه ان مصدق عشان يرضى غرور فى نفسة ...انا طبعا ليه رأى كبيير جدا فى الموضوع ده ..لكن أنا حستنا رأيكم ...وبعدين أقول رايه واناقش معاكم أرئكم ...سلام

_________________


03 فبراير 2009, 9:13 pm
الملف الشخصى
مشرفة قسم إهداء إلى

الصورة الشخصية للعضو

مشاركات:
151
الإسم الحقيقى:
سها محمد حسن
الحكمة المفضلة:
من الذكاء ان تكون غبيا بعض الوقت
حالة التأكيد:
كاتب موثوق و مؤكد هويته
مشاركة Re: هل حتقبل ماضى حبيبك ؟


توبيك مهم وجميل ياتنهيده. بالنسبه انى ممكن اقبل ان الانسان الى هرتبط بيه له ماضى ولا انا عن نفسى هقبل بس فى حاله واحده بس لو هو الى صارحنى وقالى بكده انا هكون متقبله وعادى جدا .بس لو انا عرفت انه كان له ماضى وهو مش قالى عليه فبكده هيكون كذب عليا اكيد مش هسامحه ومش هكمل معاه لانى مؤمنه اوى بان الى يكذب مره يكذب الف مره.

_________________
cowards die many times before thier dies


03 فبراير 2009, 11:55 pm
الملف الشخصى
مشرف قسم الأشعار

الصورة الشخصية للعضو

مشاركات:
1070
مكان:
الإسكندرية
الإسم الحقيقى:
محمد محمود حسن
الحكمة المفضلة:
إلهــــي لا تعذبني فإني
مقر ٌ بالذي قد كان مني
حالة التأكيد:
كاتب موثوق و مؤكد هويته
مشاركة Re: هل حتقبل ماضى حبيبك ؟


موضوع جميل جدا ً ومهم واحقيقة الحالة دي رد عليها دكتور في الجامعة من أسبوع وقال :" أن العقل الباطن مثل الصفحة البيضاء فلو كانت التجربة مجرد مشروع ارتباط وفشل فإن الارتباط الجديد سيمحو أثر السابق ، أما إن دخلت التجربة في مرحلة حب وعاطفة فلابد أن تترك أثرا ً في هذه الصفحة البيضاء المسماة بالعقل الباطن مثل ختم على ورقة بيضاء مهما أزلناها لابد أن تترك علامة "
وما أصعب أن تكون الورقة مليثة بالأختام ِِ

_________________
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ




صفحتي الشخصية


04 فبراير 2009, 10:52 am
الملف الشخصى Yahoo الموقع الشخصي
مشرف قسم الروايات

الصورة الشخصية للعضو

مشاركات:
859
الإسم الحقيقى:
وليد توفيق
الحكمة المفضلة:
و تبقى الكلمات...
حالة التأكيد:
كاتب موثوق و مؤكد هويته
مشاركة Re: هل حتقبل ماضى حبيبك ؟


طبعا السؤال ده صعب فى ظل مجتمع شرقى فاهم فكرة الرجولة غلط..وفاهم إنه لايمكن اللى يحبها دى يبقى ليها ماضى حتى لو كدبت عليه يبقى أحسن ليه مع غلط ده..وده للنفاق الإجتماعى اللى باقى سائد الأيام دى...
خلينا الأول نفرق بين علاقات الماضى..سواء لولد أو بنت..فيه علاقات حب بريئة..ودى مافيش حد يقدر يحاسب حد عليها لأنها طبيعة فى كل البشر..بس أكيد طبعا هيبقى فيه غيرة حتى لو أظهر الحبيب أو الحبيبة العكس..لأن دى كمان طبيعة فينا..بس المشكلة كلها فى تحول الغيرة دى لعقدة شك وتحول الكره لحب..وده بيبقى سببه ضعف الشخصية وعدم الثقة فى النفس أوى وتعدى مجرد الغيرة بمراحل..
نوع العلاقات التانية هى علاقات تسلية ولعب وبتوصل لمستويات تخجل حتى الحبيبة تقولها للحبيب..لأنه هيكون رده الطبيعى هو الرفض وعدم المسامحة أبدا..لأن الشخص المحترم حتى فى تجارب الحب الخاصة بيه.. صعب يقبل شخص ليه ماضى مايشرفش وعلاقات عدت مستوى الحب العادى وراحت لمنحنى للتسلية...و هيبقى صعب أوى يثق فيه أو يديله حبه...ولو كدب الشخص ده أو خبى ماضيه ده خجلا هيتعرف من شخص تانى بعد مايكون فات الأوان وربما بعد الجواز والأطفال وتبتدى العلاقة تضيع...

لكن لما ولد يعتبر تجربة عادية لحبيبته فى الماضى جريمة لاتغتفر..يبقى بينافق نفسه..لأن مافيش إنسان ماحبش طول عمره حتى لو حب من طرف واحد..و مع الغيرة الطبيعية للحب..لكن غيرته دى المفروض ماتعيمهوش عن حقيقة إن كل إنسان ليه تجارب...وإن الماضى زى كتاب..نفتحه عشان نتعلم منه..مش عشن يبقى وصمة عار أو عيب فينا فى الحاضر...
وفى كل اللى قلته ده..الفيصل هو الحب...لأن الحب أساسه التفاهم..مش التعصب والغيرة المدمرة...
بشكرك ياتنهيدة على موضوعك الرائع والشائك ايضا فى مجتمعنا..ومستنى رأيك ورأى باقى زمايلنا فى الأكاديمية..

_________________
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......



04 فبراير 2009, 1:07 pm
الملف الشخصى
مشرفة قسم الكتابة

الصورة الشخصية للعضو

مشاركات:
1481
مكان:
مصر الجميلة
الإسم الحقيقى:
غادة يسري
الحكمة المفضلة:
كن جميلا ..... ترى الوجود جميلا :)
حالة التأكيد:
كاتب موثوق و مؤكد هويته
مشاركة Re: هل حتقبل ماضى حبيبك ؟


موضوع فعلا شائك و الى حد ما محير ! ليه؟؟
أكيد فيه أنواع من العلاقات (بريئة - من طرف واحد - تقليدية -مشينة أو تعدت الحدود - نهايتها حزينة - وقع فيها ظلم من طرف لآخر .....)
و أنواع من الشخصيات (غيور - محب - متسامح - لامبالي - مغرور -عصبي لكرامته-خائن أو كاذب بطبعه ........)
و هنا لن تكوت هناك بديهيات و انما كل واحد سيقابل الأمر على حسب شخصيته :
فالغيور يغضب و يثور حتى من الحديث عن حب قديم أو من طرف واحد أو حتى من قصة لم تكتمل و قد يضطر من أمامه للكذب أو (التجمل) لأنه يحبه و يخاف أن يخسره ! هذا الانسانغير واقعي يعذب نفسه و من حوله فكل منا في حياته شكل من أشكال الحب
و المحب مستعد أن يغفر و ينسى و يتجاهل ( حسب مقدار حبه ) و حسب نشأته : يعني ممكن أن يغفر حتى أسوأ العلاقات و يبرر لنفسه أن ما حدث قد حدث قبل أن يلتقيا !
أما المتسامح : فطبيعته تجعله يتساهل و يتسامح عموما لتمر الحياة بسلام!
اللامبالي : لا يسأل أساساعن الماضي و أحداثه فهو مهتم قبل اللقاء بينهما
المغرور أو المغرورة : يحسان أن الماضي أيا كان سببه عدم ظهورهما في حياة الآخر فعندما يحدث ذلك فلامجال لاجترار أي ماضي !
...... وهكذا كي لا أطيل
أما أنواع العلاقات:فالنوع البريء أو التقليدي(الذي يكون في اطار الأسر و المغارف: فلان لفلان) أو من طرف واحد فأعتقد أنه مقبول بتحفظ
و النوع المشين غير مقبول برأيي -وعليه أن يبحث علىمن مر بما يشبه تجاربه!!
أما الذي حصل فيه ظلم أو نهايه محزنة فيعتمد تقبله على حب و تقدير الطرف الآخر للأمر
أطلت عليكم و أتمنى أعرف باقي الآراء
وعلى فكرة أنا- وغيري كثيرون- حينما نسمع عبارة شخص له ماضي يكون معناها بين السطور ماضي سيءاو غير مشرف
فما رأيك؟

_________________




.
.
.
*** لــزيارة صــفـــحـــتــي ***


04 فبراير 2009, 3:22 pm
الملف الشخصى
مشرف قسم المقالات و النقد الفنى

الصورة الشخصية للعضو

مشاركات:
779
مكان:
مصر
الإسم الحقيقى:
أحمد جمال الدين أحمد
الحكمة المفضلة:
دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
حالة التأكيد:
كاتب موثوق و مؤكد هويته
مشاركة Re: هل حتقبل ماضى حبيبك ؟


والله انا هرد بكلمتين اتنين لو هو صارحنى بيه وانا مش عرفته من برة

_________________


07 فبراير 2009, 3:04 pm
الملف الشخصى Yahoo الموقع الشخصي
أكاديمى نشيط
أكاديمى نشيط

الصورة الشخصية للعضو

مشاركات:
261
مشاركة Re: هل حتقبل ماضى حبيبك ؟


انا بصراحة ممكن اقبل اى شىء من الانسان الى بحبه الاانه يكدب عليا ماضيه ده بتاعه بس بعد ارتباطى بيه لازم ابقى عارف كل شىء لان المستقبل ده بتاعى و ممكن انى اسامح فى اى شىء الا الخيانة حتى لو الانسان ده مش هقدر اعيش من بعده و على فكرة ده مش كلام روايات لا ده واقع ان فى انسان ممكن ما تقدريش تعيشى من بعده لاكن الخيانة بتكسر اى احساس و اى حب ..ده راى و يمكن فى كتير جدا هيعترضوا عليه بس ده راى

_________________
ابن مصر
على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء
----------------------------------------
يالا يا مصرى نشترى المنتج المصرى
--------------------------------




07 فبراير 2009, 4:27 pm
الملف الشخصى
أكاديمى جديد
أكاديمى جديد


مشاركات:
1
الحكمة المفضلة:
أردت ان اصارع الحياة وأعيش كما تريد نفسى فصرعتنى نفسى وعشت كما تريد الحياه
مشاركة Re: هل حتقبل ماضى حبيبك ؟


من شاعر الحب والرومانسه

لا يستطيع الاجابه على هذا السؤال الا أشخاص خاضوا هذه التجربه
اما عن نفسى :

( فسارفض ماضى حبيبتى ان هى قبلته وسأقبله ان هى رفضته )


27 مارس 2009, 8:08 pm
الملف الشخصى
أكاديمى فعال
أكاديمى فعال


مشاركات:
22
مكان:
مصر التي في خاطري وفي دمي ..مواصلاتها صعبه جدا
الحكمة المفضلة:
اذا لم اكن انا انا فمن اكون غيري انا؟!
مشاركة نشوف


اذا كان ليا ماضي فلازم اقبل

ولو ماليش على حسب طبيعه الماضي

بس خلاص

وانا بصراحه في كلتا الحالتين هقبل

الانسان بيتغير

وكل واحد يبص لنفسو تفكيرو كان عامل ازاي من سنتين

لازم الانسان يتغير

وانا ليا دعوه باللي معايا دلوقت

_________________
كم مره في العمر سوف اهوى لكي اجرح؟!
صبرا يا قلبي لم يفت زمن الهوى
ما زال في قلوب الناس قلبا لي قد خصص
فما للمؤمن مرتين من نفس الجحر بان يلدغ
بعت الغرائز كلها وما عادت امراه تهمني
سوى امي واخوتي وتلك العروس التي سوف تصبح زوجتي
فهنيا لهم بقلب رجل قد حفهم بحبه وحنانه

TaFaTeFe


27 مارس 2009, 11:31 pm
الملف الشخصى
مشرفة قسم أدب الأطفال

الصورة الشخصية للعضو

مشاركات:
1291
مكان:
بنت مصر
الإسم الحقيقى:
نهاد نعمان
الحكمة المفضلة:
لوسرقت منا الأيام قلباً معطاء بسام لن نستسلم للآلام ...لن نستسلم للألام .....
حالة التأكيد:
كاتب موثوق و مؤكد هويته
مشاركة Re: هل حتقبل ماضى حبيبك ؟


مش عارفة أنا ليه أتأخرت فى الرد على النقاش فى الموضوع ده بس خلاص حان وقت الناقش ...

_________________


آخر تعديل بواسطة تنهيدة في 15 مايو 2009, 2:05 am، عدل 1 مرة.



02 أبريل 2009, 3:04 am
الملف الشخصى
عرض المشاركات السابقة منذ:  مرتبة بواسطة  
الرد على الموضوع   [ 18 مشاركة ]  الذهاب للصفحة 1, 2  التالى



المتواجدون الأن

الأعضاء المتصفحون لهذا القسم لا يوجد أعضاء متصلين و 3 زوار


لا تستطيع كتابة مواضيع جديدة في هذا القسم
لا تستطيع كتابة ردود في هذا القسم
لا تستطيع تعديل مشاركاتك في هذا القسم
لا تستطيع حذف مشاركاتك في هذا القسم
لا تستطيع إرفاق ملف في هذا القسم

البحث عن:
الإنتقال إلى:  

Powered by phpBB © phpBB Group, Almsamim WYSIWYG
Style by ST Software for PTF.
Translated by http://EgyptWrite.com

All Rights Reserved.
Copyright © 2008-2009 - EgyptWrite.com


cool hit counter