صفحة 1 من 2

هل حتقبل ماضى حبيبك ؟

مرسل: 03 فبراير 2009, 9:13 pm
بواسطة تنهيدة
السلام عليكم ياأجمل أعضاء فى أجمل أكاديميةصورة
أنا النهاردة جيت عشان أناقش معاكم موضوع مهم جدا يمكن أنا عارفة راى كتير من الناس فيه ..لكن بما أننا جيل الألفية التالتة فأكيد مفهومنا للمواقف مختلف وتقديرنا كمان مختلف
المهم الموضوع الا نفسى أتناقش معاكم فيه .وهو أن .كل انسان فى الدنيا اكيد مر بحياته تجربة حب سواء الولاد مننا او البنات ..وده طبعا شىء عادى لكن المشكلة ان كتير منا مبتكملش معاه قصص الحب ده وبتصبح ماضى فى حياتنا ..وهنا بقة بيدور دايما فى ذهنى سؤال انا كبنت ممكن لو ارتبط بانسان وسألنى ..كان فى ماضى فى حياتك ...وهو طبعا أكيد عارف أنى انسانة كويسة ممكن لو صارحتة بان كان فى تجربة فى حياتى حيفضل شايفنى البنت البريئة الا تقدم للأرتباط بيه ولا حيبدأ يخاف ويشك ..والسوال طبعا بيطرح نفسه ان أكيد هو كمان مر بتجارب مش تجربة واحدة ...وعالفكرة انا بسأل البنات كمان انت كمان ممكن تقبلى ماضى الأنسان الا حيتقدملك ...انا حسيبكم تفكروا وتشاركونى بأفكاركم لكن قبل ماسبكوم كنت عايزة أقول حاجة مهم ...أحنا ليه بنفرح لما نكذب على بعض يعنى انا ممكن أكذب على الأنسان الا ممكن ارتبط بيه وأقول له ان أول حب فى حياتى وانا متأكدة ان حيصدق او بمعنى أوضح حيعمل نفسه ان مصدق عشان يرضى غرور فى نفسة ...انا طبعا ليه رأى كبيير جدا فى الموضوع ده ..لكن أنا حستنا رأيكم ...وبعدين أقول رايه واناقش معاكم أرئكم ...سلامصورة

Re: هل حتقبل ماضى حبيبك ؟

مرسل: 03 فبراير 2009, 11:55 pm
بواسطة لارا
توبيك مهم وجميل ياتنهيده. بالنسبه انى ممكن اقبل ان الانسان الى هرتبط بيه له ماضى ولا انا عن نفسى هقبل بس فى حاله واحده بس لو هو الى صارحنى وقالى بكده انا هكون متقبله وعادى جدا .بس لو انا عرفت انه كان له ماضى وهو مش قالى عليه فبكده هيكون كذب عليا اكيد مش هسامحه ومش هكمل معاه لانى مؤمنه اوى بان الى يكذب مره يكذب الف مره.

Re: هل حتقبل ماضى حبيبك ؟

مرسل: 04 فبراير 2009, 10:52 am
بواسطة محمد محمود
موضوع جميل جدا ً ومهم واحقيقة الحالة دي رد عليها دكتور في الجامعة من أسبوع وقال :" أن العقل الباطن مثل الصفحة البيضاء فلو كانت التجربة مجرد مشروع ارتباط وفشل فإن الارتباط الجديد سيمحو أثر السابق ، أما إن دخلت التجربة في مرحلة حب وعاطفة فلابد أن تترك أثرا ً في هذه الصفحة البيضاء المسماة بالعقل الباطن مثل ختم على ورقة بيضاء مهما أزلناها لابد أن تترك علامة "
وما أصعب أن تكون الورقة مليثة بالأختام ِِ

Re: هل حتقبل ماضى حبيبك ؟

مرسل: 04 فبراير 2009, 1:07 pm
بواسطة الأمير الحائر
طبعا السؤال ده صعب فى ظل مجتمع شرقى فاهم فكرة الرجولة غلط..وفاهم إنه لايمكن اللى يحبها دى يبقى ليها ماضى حتى لو كدبت عليه يبقى أحسن ليه مع غلط ده..وده للنفاق الإجتماعى اللى باقى سائد الأيام دى...
خلينا الأول نفرق بين علاقات الماضى..سواء لولد أو بنت..فيه علاقات حب بريئة..ودى مافيش حد يقدر يحاسب حد عليها لأنها طبيعة فى كل البشر..بس أكيد طبعا هيبقى فيه غيرة حتى لو أظهر الحبيب أو الحبيبة العكس..لأن دى كمان طبيعة فينا..بس المشكلة كلها فى تحول الغيرة دى لعقدة شك وتحول الكره لحب..وده بيبقى سببه ضعف الشخصية وعدم الثقة فى النفس أوى وتعدى مجرد الغيرة بمراحل..
نوع العلاقات التانية هى علاقات تسلية ولعب وبتوصل لمستويات تخجل حتى الحبيبة تقولها للحبيب..لأنه هيكون رده الطبيعى هو الرفض وعدم المسامحة أبدا..لأن الشخص المحترم حتى فى تجارب الحب الخاصة بيه.. صعب يقبل شخص ليه ماضى مايشرفش وعلاقات عدت مستوى الحب العادى وراحت لمنحنى للتسلية...و هيبقى صعب أوى يثق فيه أو يديله حبه...ولو كدب الشخص ده أو خبى ماضيه ده خجلا هيتعرف من شخص تانى بعد مايكون فات الأوان وربما بعد الجواز والأطفال وتبتدى العلاقة تضيع...

لكن لما ولد يعتبر تجربة عادية لحبيبته فى الماضى جريمة لاتغتفر..يبقى بينافق نفسه..لأن مافيش إنسان ماحبش طول عمره حتى لو حب من طرف واحد..و مع الغيرة الطبيعية للحب..لكن غيرته دى المفروض ماتعيمهوش عن حقيقة إن كل إنسان ليه تجارب...وإن الماضى زى كتاب..نفتحه عشان نتعلم منه..مش عشن يبقى وصمة عار أو عيب فينا فى الحاضر...
وفى كل اللى قلته ده..الفيصل هو الحب...لأن الحب أساسه التفاهم..مش التعصب والغيرة المدمرة...
بشكرك ياتنهيدة على موضوعك الرائع والشائك ايضا فى مجتمعنا..ومستنى رأيك ورأى باقى زمايلنا فى الأكاديمية..صورة

Re: هل حتقبل ماضى حبيبك ؟

مرسل: 04 فبراير 2009, 3:22 pm
بواسطة Ghadat2009
موضوع فعلا شائك و الى حد ما محير ! صورة ليه؟؟
أكيد فيه أنواع من العلاقات (بريئة - من طرف واحد - تقليدية -مشينة أو تعدت الحدود - نهايتها حزينة - وقع فيها ظلم من طرف لآخر .....)
و أنواع من الشخصيات (غيور - محب - متسامح - لامبالي - مغرور -عصبي لكرامته-خائن أو كاذب بطبعه ........)
و هنا لن تكوت هناك بديهيات و انما كل واحد سيقابل الأمر على حسب شخصيته :
فالغيور يغضب و يثور حتى من الحديث عن حب قديم أو من طرف واحد أو حتى من قصة لم تكتمل و قد يضطر من أمامه للكذب أو (التجمل) لأنه يحبه و يخاف أن يخسره ! هذا الانسانغير واقعي يعذب نفسه و من حوله فكل منا في حياته شكل من أشكال الحب
و المحب مستعد أن يغفر و ينسى و يتجاهل ( حسب مقدار حبه ) و حسب نشأته : يعني ممكن أن يغفر حتى أسوأ العلاقات و يبرر لنفسه أن ما حدث قد حدث قبل أن يلتقيا !
أما المتسامح : فطبيعته تجعله يتساهل و يتسامح عموما لتمر الحياة بسلام!
اللامبالي : لا يسأل أساساعن الماضي و أحداثه فهو مهتم قبل اللقاء بينهما
المغرور أو المغرورة : يحسان أن الماضي أيا كان سببه عدم ظهورهما في حياة الآخر فعندما يحدث ذلك فلامجال لاجترار أي ماضي !
...... وهكذا كي لا أطيل
أما أنواع العلاقات:فالنوع البريء أو التقليدي(الذي يكون في اطار الأسر و المغارف: فلان لفلان) أو من طرف واحد فأعتقد أنه مقبول بتحفظ
و النوع المشين غير مقبول برأيي -وعليه أن يبحث علىمن مر بما يشبه تجاربه!!
أما الذي حصل فيه ظلم أو نهايه محزنة فيعتمد تقبله على حب و تقدير الطرف الآخر للأمر
أطلت عليكم و أتمنى أعرف باقي الآراء
وعلى فكرة أنا- وغيري كثيرون- حينما نسمع عبارة شخص له ماضي يكون معناها بين السطور ماضي سيءاو غير مشرف
فما رأيك؟صورة

Re: هل حتقبل ماضى حبيبك ؟

مرسل: 07 فبراير 2009, 3:04 pm
بواسطة المهاجر
والله انا هرد بكلمتين اتنين لو هو صارحنى بيه وانا مش عرفته من برة

Re: هل حتقبل ماضى حبيبك ؟

مرسل: 07 فبراير 2009, 4:27 pm
بواسطة ابن مصر
انا بصراحة ممكن اقبل اى شىء من الانسان الى بحبه الاانه يكدب عليا ماضيه ده بتاعه بس بعد ارتباطى بيه لازم ابقى عارف كل شىء لان المستقبل ده بتاعى و ممكن انى اسامح فى اى شىء الا الخيانة حتى لو الانسان ده مش هقدر اعيش من بعده و على فكرة ده مش كلام روايات لا ده واقع ان فى انسان ممكن ما تقدريش تعيشى من بعده لاكن الخيانة بتكسر اى احساس و اى حب ..ده راى و يمكن فى كتير جدا هيعترضوا عليه بس ده راى

Re: هل حتقبل ماضى حبيبك ؟

مرسل: 27 مارس 2009, 8:08 pm
بواسطة أحمد الشاعر
من شاعر الحب والرومانسه

لا يستطيع الاجابه على هذا السؤال الا أشخاص خاضوا هذه التجربه
اما عن نفسى :

( فسارفض ماضى حبيبتى ان هى قبلته وسأقبله ان هى رفضته )

نشوف

مرسل: 27 مارس 2009, 11:31 pm
بواسطة tafatefe
اذا كان ليا ماضي فلازم اقبل
ولو ماليش على حسب طبيعه الماضي
بس خلاص
وانا بصراحه في كلتا الحالتين هقبل
الانسان بيتغير
وكل واحد يبص لنفسو تفكيرو كان عامل ازاي من سنتين
لازم الانسان يتغير
وانا ليا دعوه باللي معايا دلوقت

Re: هل حتقبل ماضى حبيبك ؟

مرسل: 02 إبريل 2009, 3:04 am
بواسطة تنهيدة
مش عارفة أنا ليه أتأخرت فى الرد على النقاش فى الموضوع ده بس خلاص حان وقت الناقش ...صورة