اولا..التوبيك راااااائع يا تنهيده بلا شك..
بالنسبه لرأيي بقي..فيمكن ناس كتير هتستغربه او تعترض عليه..
انا بصراحه ممكن اقبل من الشخص اللي احبه اي حاجه..حتي لو كانت حاجه غلط..(بس طبعا بحدود)
ما دام كانت قبل ما يعرفني و يرتبط بيا..لانه لو حبني بجد..اكيد هيقبل يتغير..ويحاول يكون عند حسن ظني..
وانا اصلا..مش هسأله عن ماضيه..لانه ما يهمنيش في حاجه..لو هو اتكلم بقي وقال..فانا هحترمه جدااااااا لصراحته ووضوحه..
لكني عامه هقبل ماضيه لو كان هو العقبه الوحيده اللي في طريق ارتباطنا..لانه مهما كان اسمه "ماضي"..
واللي هتستغربوه اكتر..اني احيانا بفضل الانسان اللي يكون مر بتجارب قبل كدا..ما دامت تجارب بريئه..
لان احيانا المشاكل هي اللي بتقرب الناس من بعضهم..وتشجعهم انهم يحتووا بعض و يحسو ببعض اكتر..
دا رايي..
و ميرسي مره تانيه علي التوبيك الجامد دا يا تنهيده..

هابدأ اجابتي بسؤال ... يعني إيه ماضي؟! .... هل مجرد اعجاب بنت بولد أو ولد ببنت أو حتي تمني الارتباط بهذا الشخص يعتبر جرم يوصم به الانسان طوال حياته؟!... هل تجربة حب من طرف واحد لم يشأ القدر لها أن تظهر حتي للنور ولم تخرج عن نطاق هواجس النفس وتمني المحال هل يعد هذا ماضي ؟!... هل تجربة حب متبادل بين اثنين أي كانت الظروف والتفاصيل (طبعا في حدود الأدب والدين والأخلاق العامة)لكن النصيب لم يشأ لهذا الحب أن يكلل بالزواج ... هل هذا الماضي المؤلم في كثير من الأحيان والذي لا أعتقد ان مرور الزمن قد يبرئه أو يمحو آثاره... هل هذا جرم يعاقب عليه صاحبه بفاجعة الرفض من حبيب آخر ...(علي فكرة الانسان ممكن يحب مرة واتنين ومليون شرط عدم الخيانة أو التجريح) .... هل خوض تجربة خطوبة فاشلة لأي سبب من الأسباب وهذا يحدث كثيرا يعتبر ماضي يعاقب عليه قانون الغرام؟!... اخيرا هل التعرض لزيجة فاشلة ... أو تجربة سابقة انتهت بطلاق أو هجر أو وفاة يعد ماضي ؟!.... لو كل طرف جاوب بصراحة علي السؤال ده وحط نفسه مكان الآخر أكيد هاتكون الإجابة أسهل مما نتصور .... باختصار ... لو حبيته بجد هاتنسي أي حاجة تانية ... مش عشان مراية الحب عامية ... بالعكس دي مفنجلة ومركزة عالآخر بس مافيهاش غير صورة شخص واحد بس... انت ؟!...عفوا ...قصدي .. حبيبك اللي بتشوف نفسك فيه.
السيد فهيم

انا رأى انه لو الانسان بيحب بجد ومتأكد ان التانى بيحبه فعلا يبقى لازم يتجاهل الماضى ويسامح لان احيانا الانسان بيبقى ماضيه ظلمه ومن حقه فرصة تانية ييقابل بيها الحياة من جديد .

اولا بحب اشكرك جدا على التوبيك الهايل ده نهودة .........

اما بالنسبة لرايي بقى فاحب اقولك ......... اني مش ناوية اسال خطيبي عن اي حاجة كانت قبل كدة الا اذا هو سال او حب يتكلم

من نفسه ......... و طبعا لو التجارب اللي قبل كدة بريئة يبقى مش ححطها في بالي اصلا ما دام ما كنش بيعمل حاجة تغضب ربنا

........ اما عن نفسي فانا الحمد لله ممكن اقول اي حاجة هو عايز يسمعها مني عن الماضي ........ لكن برضه الحمد لله مفيش اصلا

..... و حتى لو في يبقى لازم اقول ..... لاني بكره الكدب ......... و ما دام حنبني حياتنا مع بعض يبقى لازم نكون بانينها على

الصراحة و الوضوح ......

بحييك مرة تانية على السؤال و التوبيك الهايل ده و متشوقة اعرف رايك الشخصي