هو لسه فيه حب بجد؟

للكتابات و المناقشات حول الحب, ليس بمفهومه الرومانسى فقط, ولكن بمفهومه الواسع فى كل حياتنا, والحديث عن المشاكل والعقبات التى تواجه هذا الحب وكيفية التغلب عليها.

المشرفون: محمد محمود،المهاجر،همسه

أضف رد جديد
صورة العضو الرمزية
قلب حزين
مشرفة قسم المناقشات
مشاركات: 77
اشترك في: 31 أكتوبر 2008, 8:42 pm
Favorite Quote: الحب هى النار الوحيدة التى تحب أن تحرق منها!
مكان: مصر

هو لسه فيه حب بجد؟

مشاركة بواسطة قلب حزين »

يعنى حبيت انى اكون اول المشاركين فى قسم الحب باعتبارى اول بنت فى الموقع ino1
وكبداية يعنى لقسم كلام فى الحب وأسئلة الحب عايزة اول سؤال يبقى هو لسه فيه اصلا حب؟
فى الايام دى اللى بقت فيها المادة هى اللى متحكمة فى الناس وفى كل احوالهم وحتى الخطوبة والجواز بقت عملية مادية مالهاش اى علاقة بالحب وبقينا كبنات بصراحة بنرضى بأننا نبقى سلعة نتخطب ونتجوز من غير حب عشان نمشى مع التيار ايوة مش كل البنات بتعمل كده وانا عن نفسى مش ناوية اتخطب واتجوز من غير حب بس الاغلبية عشان الظروف اللى بنعيشها دى مايفكروش الا فى الماديات وبينسو الحب
عشان كده بسأل الولاد والبنات هو لسه فيه حب بجد؟؟
صورة
لو ماقدرتش تضحك ماتدمعش وماتبكيش وان مافضلش معاك غير قلبك مش هتموت هتعيش
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: هو لسه فيه حب بجد؟

مشاركة بواسطة الأمير الحائر »

ههههه حلوة أول بنت فى الموقع دى يامريم بتفكرينى بهدى شعراوى فى شبابها :lol:
ليه الأسألة الصعبة دى انتى لازم من أول موضوع كده eat1 هو لسه فيه حب بجد؟ أكيد فيه بس فين مش عارف :? بصى هو صحيح مع كل الظروف اللى بقينا فيها فيه ناس بتفكر ان ماعدش حد ممكن يحب حد بجد وان أيام الحب وروميو وجولييت انتهت وان الأيام دى بقى الحب كله ماديات زى مابتقولى....كل ده مايمنعش ان فيه حب بجد فى قلوب ناس لسه ماماتش فيها الحب.. وعلى فكرة دول كتير مش نادرين ولاحاجة بس المشكلة ان الناس اللى قلوبها ميتة مافيهاش حاجة اسمها حب دول اكتر عشان كده كله بيقول هو لسه فيه حب؟ وبعدين الماديات عمرها ماكانت عامل فى الحب, مش كلام افلام ولاحاجة بس بجد الحب ماحدش يقدر يشتريه بالفلوس..فيه ناس بتبقى حالتها المادية متوسطة ومع ذلك راضيين وعايشين وبيحبو الحياة وبيحبو اللى حواليهم..وفيه ناس تانية معاها ملايين ومش لاقية لحظة حب حقيقية...عشان كده بقولك هو بس قلوب الناس اللى شوية اتغيرت مش موضوع ظروف ولاحاجة..عشان كده اجابتى يامريم هى: ايوة لسه فيه حب...حب بجد..من القلب..بس اللى يلاقيه... dream11
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
همس الحب
أكاديمى فعال
أكاديمى فعال
مشاركات: 15
اشترك في: 31 أكتوبر 2008, 8:36 pm

Re: هو لسه فيه حب بجد؟

مشاركة بواسطة همس الحب »

أهلا يامريم وأنا كنت تانى بنت فى الموقع بس معلش إذا كنت أتأخرت على مابتديت اكتب عشان مشاغل الكلية وكده صورة
والله يامريم هو سؤال مش سهل اجابته فى الزمن ده وزى مانتى قلتى فيه بنات مش بيكون عندهم الأمكانات المادية فبيضطروا يتخطبوا عشان قطر الخطوبة والجواز مش يفوتهم بس رأيى ان ده غلط واحنا لما نعمل كده يبقى زى مانكون بنرمى نفسنا فى حياة ومستقبل كله من غير حب
بالنسبة للحب مثلا على مستوى الجامعة ده فى العادة مش بيبقى حب خالص ده بيبقى زمالة وتعود مش حب ونادر اوى لما حكاية حب فى الجامعة تنجح
يعنى هو لسه فيه حب بس احنا اللى بنلغى الحب ده اصلا من حياتنا بالماديات اللى بتتحكم فى الناس وياريت الدنيا كلها والله تبقى حب فى حب بجد
ميرسى يامريم عالتوبيك الجميل ده
بااااى
Love Whispers is more clear than all world words
just listen to it

همس الحب
صورة العضو الرمزية
ابن مصر
أكاديمى نشيط
أكاديمى نشيط
مشاركات: 261
اشترك في: 04 نوفمبر 2008, 2:47 pm

Re: هو لسه فيه حب بجد؟

مشاركة بواسطة ابن مصر »

هو لسة فى حب صورةاه فى بس ضاع وسط المادة.
فاصبح فى اى علاقة المادة اولا ثم الحب ياتى بعد المادة .
بجد ده عن تجربة شخصية.
ابن مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
----------------------------------------
يالا يا مصرى نشترى المنتج المصرى
--------------------------------

صورة
مسعدعبدالمعزأحمد
أكاديمى فعال
أكاديمى فعال
مشاركات: 20
اشترك في: 03 نوفمبر 2008, 7:06 am

Re: هو لسه فيه حب بجد؟

مشاركة بواسطة مسعدعبدالمعزأحمد »

بحب الحب وحروفه تغنيكى
وأحب القلب لما أسمع نداه ليكى
بحبك زى ماتكون الحياه أنتى
ووقت لقانا لو ممكن..أموت فيكى
هههههههه
حب ده وألا مش حب
طبعا الحب موجود
الله محبه
الشاعروالمؤلف المسرحى
مسعدالدوينى
asmaa ahmed mousa
أكاديمى فعال
أكاديمى فعال
مشاركات: 12
اشترك في: 12 فبراير 2009, 9:29 pm
Favorite Quote: ذات الرداءوعاشقة الليل

Re: هو لسه فيه حب بجد؟

مشاركة بواسطة asmaa ahmed mousa »

الحب ده من اقدس الاشياء اللي خلقها لينا ربنا وانا شخصيا بشجع الحب وبشبه الجواز من غير الحب زي الحياة من غير بشرصورة
صورة العضو الرمزية
hala
أكاديمى نشيط
أكاديمى نشيط
مشاركات: 174
اشترك في: 27 يناير 2009, 3:26 pm
Real Name: هاله صبحى

Re: هو لسه فيه حب بجد؟

مشاركة بواسطة hala »

الحب فى الدنيا زى الماء والهواءصورة... يعنى من غيره نموتصورة...... قد يتوارى قليلا خلف ماديات الحياة ..... لكن وجوده هو الذى يخفف علينا قسوة الظروف المحيطة ..... ثم ان اللهاث وراء لقمة العيش جعل الحب هو الحلم الوردى الذى نسعى اليه دائما..... اما الزواج بدون حب فهو مرفوض .... لكن الزواج مع الحب فقط أيضا مرفوض لأنه يفتقر الى العديد من مقومات الحياة الناجحة.( وهناك حكمة جميلة تجعلنا نستطيع التعايش والتكيف مع ظروف ليس لنا يد فيها :اذا لم تستطع ان تعمل ما تحب.. ف على الاقل حب ما تعمل ) صورة
هو علشان كدة انت قلبك حزين؟
المصرية
أكاديمى نشيط
أكاديمى نشيط
مشاركات: 412
اشترك في: 09 ديسمبر 2008, 2:33 pm
Real Name: رانيا حسن
verification: ID verified and trusted writer

Re: هو لسه فيه حب بجد؟

مشاركة بواسطة المصرية »

هو فيه بين الام وولادها والاخوات لكن بين راجل وست اشك .الكذب غطى على كل شيىء وبقى صعب تعرف الدهب من القشرة .
صورة
أضف رد جديد

العودة إلى ”كلمات عن الحب...“