لعنة اسمها سجاير..علاقتك بيها ايه...؟!

للحوار حول أى موضوع عام لايناسب أقسام النقاش الأخرى.

المشرفون: محمد محمود،المهاجر

أضف رد جديد
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

لعنة اسمها سجاير..علاقتك بيها ايه...؟!

مشاركة بواسطة الأمير الحائر »

أزيكوا يا أحلى أكاديمية فى الدنيا :) الإختبار أو الموضوع النقاشى ده كنت عايز أكتبه من زمان حتى من قبل أيام الإمتحانات..بس نقول إيه بقى فى الوقت..المهم نخش فى الموضوع بسرعة...هأكتب الأسألة فاضية عشان يبقى سهل نسخها و الرد عليها:


1 - دخان السجاير بيضايقك؟ لأى مدى؟ حساسية مفرطة و لا عادية و لا ما بيفرقش معاك كتير؟



2 - بتحب المدخن ولا بتكرهه؟ يعنى بتعتبره شخصية سوية و محترمة ولا لأ ؟ طب لو المدخن ده حد من عيلتك ده يغير حاجة فى رأيك الأول عنه ؟


3 - بيبقى ايه رد فعلك على التدخين فى الأماكن العامة؟ يعنى لو فى المواصلات؟ لو فى مكان العمل؟ لو فى ندوة أدبية أو ثقافية روحتها؟



4 - هل هيتغير رد فعلك فى السؤال السابق طبقا لهوية لشخص المدخن نفسه؟ يعنى نفترض أستاذك مثلا فى الجامعة بيكلمك و شرب سيجارة؟ أديب معروف قاعد فى ندوة معاك وشرب سيجارة؟ رئيسك فى العمل؟ قريبك أو والدك؟


5 - طب جوه بيتك..فيه ضيف من العائلة أو صديق جاى زيارة..و حاول يدخن بيبقى ايه رد فعلك؟


6 - فى رأيك..المدخن مدمن؟



7 - سؤال للجنسين...و للبنات أكتر بإعتبار ده أكتر شيوعاً: لو قدامك إنسان أو إنسانة..فتاة أو فتى أحلامك تماماً بس العيب الوحيد التدخين..هل هترضى عليه بالعيب ده؟



8 - طب لو ارتبطت بإنسان أو إنسانة غير مدخنين..وبعد الإرتباط اتجه للتدخين..هيبقى رد فعلك ايه؟ و هل سيختلف رد الفعل لو كان الموضوع لسه عالبر يعنى خطوبة...أو لو بعد الجواز بمدة...أو لو كان فيه أطفال؟


9 - أخيرا..آخر و أهم سؤال...لو هتصمم عبارة جديدة و مبتكرة لإقناع المدخنين بعدم التدخين فى الأماكن العامة...بدلا من عبارة ( ممنوع التدخين ) اللى عفى عليها الزمن واللى المدخنين بيقفوا تحتها يدخنوا..هتكتب إيه...؟


10 - عندك كلمة أخيرة عن الموضوع...؟ فكرة...؟ حلم...؟
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
صورة العضو الرمزية
محمد محمود
مشرف قسم الأشعار
مشاركات: 1070
اشترك في: 06 نوفمبر 2008, 4:40 pm
Real Name: محمد محمود حسن
Favorite Quote: إلهــــي لا تعذبني فإني
مقر ٌ بالذي قد كان مني
verification: ID verified and trusted writer
مكان: الإسكندرية
اتصال:

Re: لعنة اسمها سجاير..علاقتك بيها ايه...؟!

مشاركة بواسطة محمد محمود »

عودة بموضوع مهم وحيوي ، وعن نفسي بيمثل ليا كابوس في أي مكان بأكون فيه وفيه حد بيدخن
فأشكرك على إثارة هذا الموضوع الهام ، وإليك إجاباتي على الأسئلة:

1 - دخان السجاير بيضايقك؟ لأى مدى؟ حساسية مفرطة و لا عادية و لا ما بيفرقش معاك كتير؟
دخان السجاير من أكثر الأشياء اللي بتضايقني وتعصبني وممكن تخليني أترك المكان فورا ً


2 - بتحب المدخن ولا بتكرهه؟ يعنى بتعتبره شخصية سوية و محترمة ولا لأ ؟ طب لو المدخن ده حد من عيلتك ده يغير حاجة فى رأيك الأول عنه ؟
أنا ما باكرهوش ولكن بأشفق عليه وبأعتبره شخص مريض يستحق المساعدة والنصيحة لأنه شخص بيدخل المرض بنفسه لجسمه

3 - بيبقى ايه رد فعلك على التدخين فى الأماكن العامة؟ يعنى لو فى المواصلات؟ لو فى مكان العمل؟ لو فى ندوة أدبية أو ثقافية روحتها؟
بأطلب من المدخن بأسلوب مؤدب إنه يمتنع عن التدخين في هذا التجمع لأنه بيسبب ليا متاعب وبيضايقني



4 - هل هيتغير رد فعلك فى السؤال السابق طبقا لهوية لشخص المدخن نفسه؟ يعنى نفترض أستاذك مثلا فى الجامعة بيكلمك و شرب سيجارة؟ أديب معروف قاعد فى ندوة معاك وشرب سيجارة؟ رئيسك فى العمل؟ قريبك أو والدك؟
لو شخص معرفوش حاطلب منه الإمتناع عن التدخين في وسطنا لكن لو حد أعرفه كمدرس أو قريب أو والد ممكن إني أفتعل السعال أمامه وهو من نفسه حيلاحظ إن التدخين تاعبني فيمتنع عنه


5 - طب جوه بيتك..فيه ضيف من العائلة أو صديق جاى زيارة..و حاول يدخن بيبقى ايه رد فعلك؟
دي حصلت معايا فعلا أكتر من مرة في البيت وفي المكتب ، وطلبت من الشخص إنه يطفي السيجارة وقلتله " ربنا يكرمك لو تطفي السيجارة لأنها بتتعبني "


6 - فى رأيك..المدخن مدمن؟
السيجارة فيها نسبة من النيكوتين وهي مادة مخدرة يعني المدخن بيتعاطى مخدر بنسبة قليلة ، وأكيد على المدى البعيد حيكون تأثير المادة دي عليه كتأثير الإدمان ولو بدرجة أخف



7 - سؤال للجنسين...و للبنات أكتر بإعتبار ده أكتر شيوعاً: لو قدامك إنسان أو إنسانة..فتاة أو فتى أحلامك تماماً بس العيب الوحيد التدخين..هل هترضى عليه بالعيب ده؟
بصراحة لأ وحاحاول معاه من غير ملل لحد ما يبطلها ، وده حصل معايا مع مجموعة من أصدقائي كنت أنا وواحد كمان من المجموعة غير مدخنين والباقي كله بيدخن ، وفضلنل وراهم لحد ولله الحمد ما بطلوا تدخين كلهم



8 - طب لو ارتبطت بإنسان أو إنسانة غير مدخنين..وبعد الإرتباط اتجه للتدخين..هيبقى رد فعلك ايه؟ و هل سيختلف رد الفعل لو كان الموضوع لسه عالبر يعنى خطوبة...أو لو بعد الجواز بمدة...أو لو كان فيه أطفال؟
عن نفسي ولله الحمد لا أنا ولا المدام بندخن وبنكره التدخين جدا ً لذلك فأنا مش حاعرف أجاوب على السؤال ده .


9 - أخيرا..آخر و أهم سؤال...لو هتصمم عبارة جديدة و مبتكرة لإقناع المدخنين بعدم التدخين فى الأماكن العامة...بدلا من عبارة ( ممنوع التدخين ) اللى عفى عليها الزمن واللى المدخنين بيقفوا تحتها يدخنوا..هتكتب إيه...؟
" من فضلك : إطفيء سيجارتك أو فانتحر وحدك "


10 - عندك كلمة أخيرة عن الموضوع...؟ فكرة...؟ حلم...؟

باحلم بيوم ييجي علينا يطلع فيه قانون جديد يمنع تجارة التبغ ويضعها في مرتبة تجارة المخدرات


أخيرا ً أحب أحييك جدا ً يا وليد على هذا الموضوع الرائع ، ربنا يكرمك ويجزيك عنا كل خير ،،،،،

تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ

صورة


صفحتي الشخصية
صورة العضو الرمزية
سندريلا
مشرفة قسم الخواطر
مشاركات: 795
اشترك في: 28 إبريل 2009, 8:51 pm
Real Name: جيهان راضي
Favorite Quote: المرأة عاشت ألوف السنين مثل مرآة تعكس صورة للرجل أكبر و أجمل من الحقيقة !
verification: ID verified and trusted writer
مكان: my own world
اتصال:

Re: لعنة اسمها سجاير..علاقتك بيها ايه...؟!

مشاركة بواسطة سندريلا »

موضوع طبعا هايل يا وليد .... لانه فعلا بيشغل ناس كتير .... و ادخل على الاجابات على طول
الأمير الحائر كتب:أزيكوا يا أحلى أكاديمية فى الدنيا :) الإختبار أو الموضوع النقاشى ده كنت عايز أكتبه من زمان حتى من قبل أيام الإمتحانات..بس نقول إيه بقى فى الوقت..المهم نخش فى الموضوع بسرعة...هأكتب الأسألة فاضية عشان يبقى سهل نسخها و الرد عليها:


1 - دخان السجاير بيضايقك؟ لأى مدى؟ حساسية مفرطة و لا عادية و لا ما بيفرقش معاك كتير؟

ريحتها بضايقني جدا بس مش لدرجة الحساسية المفرطة



2 - بتحب المدخن ولا بتكرهه؟ يعنى بتعتبره شخصية سوية و محترمة ولا لأ ؟ طب لو المدخن ده حد من عيلتك ده يغير حاجة فى رأيك الأول عنه ؟

بص يا وليد التدخين ده حرام شرعا يعني المدخن ده عاصي و مخطيء ..... لكن مين فينا مش بيغلط الغلط صفة بشرية و عشان كدة انا لما احكم على حد مش ححكم عليه من السجاير اللي بيشربها لا حيكون من تصرفاته و اسلوبه و تعاملاته مع غيره يعني التدخين ده مش مقياس عشان احبه او اكرهه .......

و برضه لو حد من عيلتي حطبق عليه نفس المقاييس اللي قلت عليها قبل كدة حتى لو اخويا ...... او بابا


3 - بيبقى ايه رد فعلك على التدخين فى الأماكن العامة؟ يعنى لو فى المواصلات؟ لو فى مكان العمل؟ لو فى ندوة أدبية أو ثقافية روحتها؟

طبعا بسكت لكن لو الريحة باينة اوي و لقيت اطفال او ست حامل بضايق اكتر فممكن ابين غضبي بشكل ملفت من تحت لتحت من غير ما ابين صراحة و طبعا بيكون على حسب المكان و الشخص اللي بيدخن لكن لو لقيت ان الدخان يخنق لدرجة فظيعة ممكن اتكلم بذوق و اطلب من اللي بيدخن يطفي السيجارة



4 - هل هيتغير رد فعلك فى السؤال السابق طبقا لهوية لشخص المدخن نفسه؟ يعنى نفترض أستاذك مثلا فى الجامعة بيكلمك و شرب سيجارة؟ أديب معروف قاعد فى ندوة معاك وشرب سيجارة؟ رئيسك فى العمل؟ قريبك أو والدك؟

بصراحة ايوة يعني انا ما قريتش الاسئلة كلها مرة واحدة قريت اول سؤالين عجبني الموضوع قلت ارد عليه و على الاسئلة لو لاحظت حتلاقيني قلت لك في السؤال اللي قبل ده ان رد الفعل حيختلف معايا على حسب الظروف و المدخن ......
لكن ممكن اطلب من حد قريبي او حتى بابا لكن لو استاذي في الجامعة اشك اني ممكن اتكلم صراحة لكن طبعا ممكن يكون مع كل دول تلميحات ....... و برضه يا وليد التلميحات حتختلف لان ممكن يكون اديب و انت بتقدره و يكون مرح شوية و يتقبل كلام الاخرين و ممكن لا ..... يعني في النهاية على حسب شخصيته


5 - طب جوه بيتك..فيه ضيف من العائلة أو صديق جاى زيارة..و حاول يدخن بيبقى ايه رد فعلك؟

بتعامل بشكل عادي لكن لان ماما عندها حساسية و بتتعب ممكن اتكلم بذوق او اقول افتحوا الشباك الباب كدة يعني ...... سوسة انا :lol:


6 - فى رأيك..المدخن مدمن؟

ايوة طبعا



7 - سؤال للجنسين...و للبنات أكتر بإعتبار ده أكتر شيوعاً: لو قدامك إنسان أو إنسانة..فتاة أو فتى أحلامك تماماً بس العيب الوحيد التدخين..هل هترضى عليه بالعيب ده؟

على حسب يعني مثلا ممكن تلاقي شاب بيدخن و معترف ان السجاير دي شيء غلط و عارف انها حرام و بيحاول او حيحاول يبطلها ......... يبئى ده ممكن انما بئى للاسف في ناس شايفة انها و لا غلط و لا حرام و لا فارقة معاها اصلا ..... يبئى ده طبعا لا



8 - طب لو ارتبطت بإنسان أو إنسانة غير مدخنين..وبعد الإرتباط اتجه للتدخين..هيبقى رد فعلك ايه؟ و هل سيختلف رد الفعل لو كان الموضوع لسه عالبر يعنى خطوبة...أو لو بعد الجواز بمدة...أو لو كان فيه أطفال؟

لو خطوبة حبص على المعايير اللي لسة قايلاها في السؤال اللي قبل ده ........ انما لو جواز و خاصة لو في اطفال حتختلف شوية مش حفرض رايي انها تتمنع لكن على الاقل تكون مش قدام الاطفال و طبعا ربنا هو الهادي الله اعلم يمكن بالصبر و الكلام الكويس تيجي نتيجة لكن مش يتخرب البيت عشان سيجارة و اخليها تفوز عليا


9 - أخيرا..آخر و أهم سؤال...لو هتصمم عبارة جديدة و مبتكرة لإقناع المدخنين بعدم التدخين فى الأماكن العامة...بدلا من عبارة ( ممنوع التدخين ) اللى عفى عليها الزمن واللى المدخنين بيقفوا تحتها يدخنوا..هتكتب إيه...؟

التدخين حرام شرعا ..... تذكر الله و اسرتك و قبل كل ذلك تذكر و ارحم نفسك


10 - عندك كلمة أخيرة عن الموضوع...؟ فكرة...؟ حلم...؟


اعلنت وزارة الصحة العامة عن انشاء وزارة فرعية للتدخين ...... وزارة التدخين تفرض غرامة على كل مدخن في كل مكان عام او في المواصلات على الاقل ....... و على السيدة التي لا تستطيع منع زوجها من التدخين امام ابنائهم الابلاغ فورا و نحن سنقوم بعمل اللازم

ده حلمي بصراحة ....... شكرا مرة تانية يا وليد على الموضوع و الاسئلة الهايلة دي ...... :)
صورة العضو الرمزية
الزهراء
مشرفة قسم النقد الفنى و المقالات
مشاركات: 473
اشترك في: 03 إبريل 2009, 11:28 pm
Real Name: سليمة مشري
Favorite Quote: الشكوى انحناء و أنا نبض عروقي الكبرياء ...
فالشكوى لغير الله مذلة
verification: ID verified and trusted writer
مكان: بلد الأحرار

Re: لعنة اسمها سجاير..علاقتك بيها ايه...؟!

مشاركة بواسطة الزهراء »

مساء الخير يا وليد :)

موضوع غاية في الأهمية و يدعو للمناقشة فيه ، و التساؤل لماذا التدخين؟
1دخان السجاير بيضايقك؟ لأى مدى؟ حساسية مفرطة و لا عادية و لا ما بيفرقش معاك كتير؟
أكيد إني بنزعج من الدخان لكن م توصلش لحساسية مفرطة لكن عموما مش بحب أنواجد في مكان فيه تدخين
2-بتحب المدخن ولا بتكرهه؟ يعنى بتعتبره شخصية سوية و محترمة ولا لأ ؟ طب لو المدخن ده حد من عيلتك ده يغير حاجة فى رأيك الأول عنه ؟
المدخن في نظري شخصية غير مسؤولة و و غير واعية و ممكن تكون غبية و مش بتعرف مصلحتها لأن أضرار التدخين و عواقبو مش محتاجة اننا نتكلم عليها و هي واضحة و بتظهر مع مرور الوقت و الأكيد لو المدخن من عيلتي مش ح يغير دة حاجة في نظري انما ممكن يكون كلامي أكثر قسوة و عتاب
3-بيبقى ايه رد فعلك على التدخين فى الأماكن العامة؟ يعنى لو فىالمواصلات؟ لو فى مكان العمل؟ لو فى ندوة أدبية أو ثقافية روحتها؟
أكيد مش ح يعجبني الوضع و ح نزعج لكن الطبع الغالب هو الخجل في ابداء النصيحة أو طلب عدم التدخين في حالات ز يدي ، و ممكن احكيلك اني مرة كنت مع صاحباتي في أحد المطاعم بنتغدى و لقينا جماعة من البنات بيدخنو الحقيقة و بدفع مني كانو صاحباتي الغلابة بيتكلمو و بيلمحو عليهم و انا معاهم طبعا ..بس ايه التانيين و لا على بالهم ...لأ و الغريب انو و احنا هاربانين من المكان اللي حاسيناه مش مزبوط قعدو يتريقو علينا و كإننا متخلفين س11
4-هل هيتغير رد فعلك فى السؤال السابق طبقا لهوية لشخص المدخن نفسه؟ يعنى نفترض أستاذك مثلا فى الجامعة بيكلمك و شرب سيجارة؟ أديب معروف قاعد فى ندوة معاك وشرب سيجارة؟ رئيسك فى العمل؟ قريبك أو والدك؟
لأ بل بالعكس ح تكون درجة احباطي أكبر على اعتبار الأستاذ و الأديب و الوالد يكونو قدوة ليا لكن ردة الفعل ح تختلف و أكيد مش حعمل كدة لأنو ح يكون نوع من الاحترام و حدود مش لازم أتخطاها
5 -طب جوه بيتك..فيه ضيف من العائلة أو صديق جاى زيارة..و حاول يدخن بيبقى ايه رد فعلك؟
زي م قلت الخجل و طريقة التربية مش ح تساعدنا اننا نطلب من الضيف دة أو غيرو انو م يدخنش بس لا مانع من التلميح اللي بيفهم من غير م أحرجو
6-فى رأيك..المدخن مدمن؟
أعتقد الشخص اللي مش بيقدر يتخلى عن التدخين و هو امام تلامذتو أو في ندوة أو ممكن يغير صورتو عند أولادو ممكن نطلق عليه مدمن
7 -سؤال للجنسين...و للبنات أكتر بإعتبار ده أكتر شيوعاً: لو قدامك إنسان أو إنسانة..فتاة أو فتى أحلامك تماماً بس العيب الوحيد التدخين..هل هترضى عليه بالعيب ده؟
هو الحقيقة فتى الأحلام مش بنلقاه بالساهل ياا وليد بس لو كان في شخص فيه كل المواصفات اللي أنا عايزاها مع انو بيدخن فحأقبل بيه و احاول بشتى الطرق أقتو أولا انو يقلل و بعدها ممكن نوصل لمرحلة الاقلاع التام ...ليه لاء
8-طب لو ارتبطت بإنسان أو إنسانة غير مدخنين..وبعد الإرتباط اتجه للتدخين..هيبقى رد فعلك ايه؟ و هل سيختلف رد الفعل لو كان الموضوع لسه عالبر يعنى خطوبة...أو لو بعد الجواز بمدة...أو لو كان
فيه أطفال؟
هنا بقى الامر ممكن يختلف و يكون أسهل لأن الشخص دة م كنش مدخن فالأكيد اتجاهو للتدخين كان بسبب ظروف" ارتباطو بيا مثلا":lol: فمهمتي هنا ممكن تكون أسهل و أحاول أقنعو انو يبطل
أما لو في أولاد فالأكيد دة مش سبب يدعو للانفصال
9 -أخيرا..آخر و أهم سؤال...لو هتصمم عبارة جديدة و مبتكرةلإقناع المدخنين بعدم التدخين فى الأماكن العامة...بدلا من عبارة ( ممنوع التدخين )اللى عفى عليها الزمن واللى المدخنين بيقفوا تحتها يدخنوا..هتكتب إيه...؟
ممكن أكتب لائحة بعبارة:
"إذا كنت تريد الموت فأنا اخترتُ الحياة"
أو " لا تودي بنفسك إلى التهلكة"
10-عندك كلمة أخيرة عن الموضوع...؟ فكرة...؟ حلم...؟
كالعادة موضوع مهم و حلم يا ريت يتحقق أنو يتم تنفيذ القوانين بصرامة و يمنع التدخين في الأماكن العامة و تفرض غرامة على المخالف زي الدول المتقدمة
و انو الدولة تقلل على الأقل صناعة التبغ أو استرادو ...هو فعلا حلم

في الأخير تمنياتي ليك يا وليد بالتوفيق و من تميز للآخر :)
جوا العين و ساكنة القلب
نحبك يا بلادي
......................
صورة
صورة العضو الرمزية
المهاجر
مشرف قسم المقالات و النقد الفنى
مشاركات: 779
اشترك في: 04 نوفمبر 2008, 4:48 pm
Real Name: أحمد جمال الدين أحمد
Favorite Quote: دائما إفعل ما تحب ان يراك الناس عليه
دائماً لا تفعل ما يحب الناس ان يروك عليه
verification: ID verified and trusted writer
مكان: مصر
اتصال:

Re: لعنة اسمها سجاير..علاقتك بيها ايه...؟!

مشاركة بواسطة المهاجر »

الأمير الحائر كتب:أزيكوا يا أحلى أكاديمية فى الدنيا :) الإختبار أو الموضوع النقاشى ده كنت عايز أكتبه من زمان حتى من قبل أيام الإمتحانات..بس نقول إيه بقى فى الوقت..المهم نخش فى الموضوع بسرعة...هأكتب الأسألة فاضية عشان يبقى سهل نسخها و الرد عليها:


1 - دخان السجاير بيضايقك؟ لأى مدى؟ حساسية مفرطة و لا عادية و لا ما بيفرقش معاك كتير؟


بيضايقنى اذا كان فى اماكن مغلقة ولا يستطيع الانسان التنقل لمكان اخر بعيد عنها ، ويسبب لى الحساسية المفرطة مع الاتربة

2 - بتحب المدخن ولا بتكرهه؟ يعنى بتعتبره شخصية سوية و محترمة ولا لأ ؟ طب لو المدخن ده حد من عيلتك ده يغير حاجة فى رأيك الأول عنه ؟

اولاً احب المدخن ولكن لا احب تدخينه ولا اعتبره شخصية سوية ومحترمة ولكن يحتاج للنصح فالكثير من المدخنين يريدون الاقلاع عنه ولكن لاسباب نفسيه لا يستطيعون فى كثير من الاحيان ويحتاجون لمن يساعدهم وليس كل مدخن مدمن ومجرم ، لو من عيلتى ساكرهه لسبب واحد فقط انه سيضر اسرته التى يهمنى امرها


3 - بيبقى ايه رد فعلك على التدخين فى الأماكن العامة؟ يعنى لو فى المواصلات؟ لو فى مكان العمل؟ لو فى ندوة أدبية أو ثقافية روحتها؟

رد فعل طبيعى ابتعد عن المدخن قدر الامكان او اطلب من اطفاء السيجارة ودى بتبقى وراها علقة موت ليا

4 - هل هيتغير رد فعلك فى السؤال السابق طبقا لهوية لشخص المدخن نفسه؟ يعنى نفترض أستاذك مثلا فى الجامعة بيكلمك و شرب سيجارة؟ أديب معروف قاعد فى ندوة معاك وشرب سيجارة؟ رئيسك فى العمل؟ قريبك أو والدك؟

احيانا يحتاج الانسان للصبر فمثلاً استاذى فى الجامعة لو تركته وذهبت بعيداً اكيد هتبقى سنة اسود من قرن الخروب عليا

5 - طب جوه بيتك..فيه ضيف من العائلة أو صديق جاى زيارة..و حاول يدخن بيبقى ايه رد فعلك؟
اطلب منه عدم التدخين

6 - فى رأيك..المدخن مدمن؟

رديت وقولت ليس كل مدخن مدمن

7 - سؤال للجنسين...و للبنات أكتر بإعتبار ده أكتر شيوعاً: لو قدامك إنسان أو إنسانة..فتاة أو فتى أحلامك تماماً بس العيب الوحيد التدخين..هل هترضى عليه بالعيب ده؟

لا لن ارضى

8 - طب لو ارتبطت بإنسان أو إنسانة غير مدخنين..وبعد الإرتباط اتجه للتدخين..هيبقى رد فعلك ايه؟ و هل سيختلف رد الفعل لو كان الموضوع لسه عالبر يعنى خطوبة...أو لو بعد الجواز بمدة...أو لو كان فيه أطفال؟

اكيد لن ارضى بالوضع واحاول اقناعه بشتى الطرق

9 - أخيرا..آخر و أهم سؤال...لو هتصمم عبارة جديدة و مبتكرة لإقناع المدخنين بعدم التدخين فى الأماكن العامة...بدلا من عبارة ( ممنوع التدخين ) اللى عفى عليها الزمن واللى المدخنين بيقفوا تحتها يدخنوا..هتكتب إيه...؟
ولا تلقوا بأيديكم الى التهلكة

10 - عندك كلمة أخيرة عن الموضوع...؟ فكرة...؟ حلم...؟

فكرة ان احنا نمنع تصنيع السجاير ونصنع مكانها منتجات تانية بفلوس السجاير ونصرف فلوس السجاير على اكلنا واكل عيالنا
صورة العضو الرمزية
الأمير الحائر
مشرف قسم الروايات
مشاركات: 859
اشترك في: 31 أكتوبر 2008, 8:06 pm
Real Name: وليد توفيق
Favorite Quote: و تبقى الكلمات...
verification: ID verified and trusted writer

Re: لعنة اسمها سجاير..علاقتك بيها ايه...؟!

مشاركة بواسطة الأمير الحائر »

1 - دخان السجاير بيضايقك؟ لأى مدى؟ حساسية مفرطة و لا عادية و لا ما بيفرقش معاك كتير؟

حساسية زايدة جداً جداً..و مشكلة بتكرر كل مرة أشم فيها ريحة السجاير..يعنى ممكن الجو المترب أو الدخان أو كده ما يأثرش معايا للدرجة..بعكس السجاير اللى بتضايقنى ريحتها و مدخنها و حتى بياعها...وعشان كده ما حدش يستغرب من حدة رأيى و إجاباتى على الأسألة الجاية...

2 - بتحب المدخن ولا بتكرهه؟ يعنى بتعتبره شخصية سوية و محترمة ولا لأ ؟ طب لو المدخن ده حد من عيلتك ده يغير حاجة فى رأيك الأول عنه ؟

بكرهه لأقصى حد..و بعتبره كائن غبى..مدمن..ناقص..متخلف..و مريض...! س11 و تحديداً النوع عديم الإحساس اللى تلاقيه فى مكان مغلق أو مواصلات و بيولع السيجارة و كأنه مش قادر يمسك نفسه شوية و يستنى لما يبقى لوحده و يسمم نفسه براحته....
لو المدخن من عيلتى بيبقى نفس الرأى..و فى العادة بتبقى علاقتى بيه منعدمة أو بتعامل معاه ببرود من غير أى إحترام ليه...

3 - بيبقى ايه رد فعلك على التدخين فى الأماكن العامة؟ يعنى لو فى المواصلات؟ لو فى مكان العمل؟ لو فى ندوة أدبية أو ثقافية روحتها؟

بإختصار مشكلة..لأنى بطبعى ما بحبش أشوف حاجة غلط واضح و مضايقانى و أسكت..فبالتالى بتكلم بالذوق بداية و بأقول للشخص اللى لسه هيولع سيجارة إنى عندى حساسية منها و بالتالى ما بيولعهاش مضطر لبعض الإحساس الآدمى الباقى عنده..أما لو حد مولع سيجارة فعلاً هى دى بتبقى المشكلة لأن عادة المدخنين بيحسوا انهم لو رموا السيجارة و هى مولعة بيرموا ولد من ولادهم ولا بيرموا نعمة على الأرض! فبردوا بأقول أولا بالذوق اطفى السيجارة..لو ما نفعش أو كان من النوعية اللى بيموت على السيجارة و لو فيها لسه حتة بـ ( شلن ) يفضل متبت فيها فدى فى الغالب بتبقى خناقة..وعشان كده ما تستغربوش لو قولتلكوا إنى كل خروجة ليا من البيت بيبقى فيه بشكل أو بآخر مشكلة وخناقة بسبب السجاير...
أما فى الندوات الأدبية فالسجاير بصراحة حاجة عقدتنى منها..لأن بيبقى فيها ( مداخن ) قاعدة..و علب السجاير بتخلص و بيفتح غيرها..و كأن السجاير هى ختم الإبداع الأدبى.. :x و عشان كده تحديداً توقفت عن حضور أى ندوات أدبية عامة حتى لو جائتنى ألف دعوة لها

4 - هل هيتغير رد فعلك فى السؤال السابق طبقا لهوية لشخص المدخن نفسه؟ يعنى نفترض أستاذك مثلا فى الجامعة بيكلمك و شرب سيجارة؟ أديب معروف قاعد فى ندوة معاك وشرب سيجارة؟ رئيسك فى العمل؟ قريبك أو والدك؟

لأ إطلاقا..كله زى بعضه..ما اتعودتش أنافق أو أفرق فى رد فعلى على حاجة غلط لكل شخص على حدة..دكتور فى الجامعة..أو أديب معروف أو مش معروف..والدى أو أخويا..أو حتى رئيسى فى العمل..و على عكس من الكل ما هيتوقع ما حصلش أى صدامات بسبب السجاير مع حد من دول إلا فى حالات نادرة..لكن كان الشخص اللى ادامى فى العادة بيحترم عدم نفاقى ده و بيحترم وجهة نظرى فى التدخين ( طب ليه بيشربوها أساساً؟! ) ..و بيطفى سيجارته و هو بيكلمنى و ما بيشربهاش جمبى بعد كده.

5 - طب جوه بيتك..فيه ضيف من العائلة أو صديق جاى زيارة..و حاول يدخن بيبقى ايه رد فعلك؟

بيبقى يومه بلاك فى رمادى غامق كده :lol: ما بيشربش سجاير طول اليوم لإما ينزل يشربها فى الشارع و ما يرجعش غير بعد ساعة كده على ما تكون ريحة السجاير راحت منه huh1 وبعدها يغسل بقه كويس بسجنال تو عشان نفسه مش يلوث الهوا فى البيت :x( يحدث بالفعل ) ok11

6 - فى رأيك..المدخن مدمن؟

طبعا..طبعا..طبعاااااا..و مش بكلم على أى ناحية علمية..لكن بكلم على اللى يبقى بيموت و ماسك السيجارة..و اللى بيبقى شايل طفله فى ايده و ماسك السيجارة..اللى فى وسط مستشفى و يولع سيجارة...اللى لو قلتله تعرف تبطل السجاير يقلك برجولة مصطنعة طبعا..و آخره يومين يبطلها و يرجع مذلول...يبقى المدخن مدمن ولا مش مدمن...؟

7 - سؤال للجنسين...و للبنات أكتر بإعتبار ده أكتر شيوعاً: لو قدامك إنسان أو إنسانة..فتاة أو فتى أحلامك تماماً بس العيب الوحيد التدخين..هل هترضى عليه بالعيب ده؟

بعد كل اللى قلته فوق أظن إجابتى فى السؤال ده معروفة..أكيد مش هأختار شريكة حياتى و أم أولادى واحدة مدمنة...


8 - طب لو ارتبطت بإنسان أو إنسانة غير مدخنين..وبعد الإرتباط اتجه للتدخين..هيبقى رد فعلك ايه؟ و هل سيختلف رد الفعل لو كان الموضوع لسه عالبر يعنى خطوبة...أو لو بعد الجواز بمدة...أو لو كان فيه أطفال؟

بردوا الإجابة معروفة زى السؤال اللى فات...

9 - أخيرا..آخر و أهم سؤال...لو هتصمم عبارة جديدة و مبتكرة لإقناع المدخنين بعدم التدخين فى الأماكن العامة...بدلا من عبارة ( ممنوع التدخين ) اللى عفى عليها الزمن واللى المدخنين بيقفوا تحتها يدخنوا..هتكتب إيه...؟

( تدخينك فى الأماكن العامة دليل على حقارتك )


10 - عندك كلمة أخيرة عن الموضوع...؟ فكرة...؟ حلم...؟

بحلم إن فى يوم يطلع قانون يجرم السجاير تماماً و يعدها كما هى فعلا ضمن المخدرات..عشان ننقذ شبابنا دلوقتى و أطفالنا اللى بيشوفوا السيجارة شئ عادى فى إيد آبائهم و أخوتهم و بالتالى مش غريب لما نلاقى الأطفال بيجربوها و بيدمنوها من سن صغير..و ييجى الأب المدخن نفسه يحاول يمنعه...طب كنت امنع نفسك الأول عشان خاطر ولادك...
بتمنى فعلاً الحلم ده فى يوم يتحقق...
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...

.....

...:: و تبقى الكلمات ::...

...... صفحتى فى الأكاديمية ......
صورة العضو الرمزية
elsayad
أكاديمى نشيط
أكاديمى نشيط
مشاركات: 289
اشترك في: 26 مارس 2009, 8:40 pm
Real Name: عاطف
Favorite Quote: الصبر مفتاح الفرج والصيد علمنى
verification: ID verified and trusted writer
مكان: الشرقية

Re: لعنة اسمها سجاير..علاقتك بيها ايه...؟!

مشاركة بواسطة elsayad »

موضوع ممتاز يا وليد وآسف إنى مكنتش متابع لأقسام الموقع كلها علشان ظروف شغلى لكن الحمد لله دلوقتى وصّلت النت فى مكتبي .

بالنسبة لردي على الموضوع ده حيبقى حالة خاصة بالنسبة لى لأنى كنت مدخن شرس لمدة ثمانية سنوات تقريباً بس أنا كنت غير راضي عن نفسي لأنى وباختصار عاشق للرياضة واللياقة وكنت دايماً أتمنى من ربنا إنى أقدر أبطّلها وكنت متضايق من نفسي جداً لأنها متحكمة فيا لكن الحمد لله ربنا قدّرنى لأنى كنت عايز أبطّل ، أما اللى مش عايزين ف ربنا معاهم . . بالمناسبة أذكر واحد زميلي كان معايا ف الشغل ف مصر كان بيشرب سجاير وانا كنت الحمد لله بطّلتها خلاص ف كنت بنصحه يحاول يبطلها فتخيلوا كان رده عليا يكون إيه " أبطّلها ليه " شفتم بعكسي أنا أيام ما كنت بشربها كنت بسأل نفسي دايماً " بشربها ليه " وفي حاجة كمان لازم أذكرها لأنها حاجة مهمة فى حياتى وهي إنى يوم ما بطّلت السجاير إعتبرت إن اليوم ده بمثابة عيد ميلاد آخر ليا وفعلاً أنا بحتفل بعيدين ميلاد دلوقتى
الأول اللى هو تاريخ ميلادى الحقيقي 20 ديسمبر
والتانى اللى هو تاريخ ميلادي من جديد بتبطيلي السجاير والحمد لله يوم 28 فبراير
آسف إنى طولت كل ده ولسة مجاوبتش على الأسئلة . . . معلش يا وليد

1 - دخان السجاير بيضايقك؟ لأى مدى؟ حساسية مفرطة و لا عادية و لا ما بيفرقش معاك كتير؟

طبعاً مبطيقش ريحة الدخان جنبي ولو حتى بعيد عني بـ 50 متر وشميت الريحة بتجنن .


2 - بتحب المدخن ولا بتكرهه؟ يعنى بتعتبره شخصية سوية و محترمة ولا لأ ؟ طب لو المدخن ده حد من عيلتك ده يغير حاجة فى رأيك الأول عنه ؟

والله على حسب ساعات ناس بيشربوها منظرة وانا مكنتش واحد منهم طبعاً . الفئة دي بكرههم جداً أما الناس اللى بيشربوها غصب عنهم ومتحكمة فيهم وبيشربوها من فترة طويلة فأنا بصراحة ب أشفق عليهم وأتمنى لهم من ربنا يقدّرهم ويبطلوها . . وطبعاً رأيي عام سواء من العائلة أو برة العائلة .

3 - بيبقى ايه رد فعلك على التدخين فى الأماكن العامة؟ يعنى لو فى المواصلات؟ لو فى مكان العمل؟ لو فى ندوة أدبية أو ثقافية روحتها؟

بصراحة زى ما انا كنت مدخن لا أرضى أن أدخن فى أماكن عامة فلا أحب المدخنين الذين يتعمدون التدخين فى الأماكن العامة ، وبصراحة رد فعلى مبيبقاش كويس وبلاش أذكره علشان الناس متاخدش عنى فكرة وحشة .

4 - هل هيتغير رد فعلك فى السؤال السابق طبقا لهوية لشخص المدخن نفسه؟ يعنى نفترض أستاذك مثلا فى الجامعة بيكلمك و شرب سيجارة؟ أديب معروف قاعد فى ندوة معاك وشرب سيجارة؟ رئيسك فى العمل؟ قريبك أو والدك؟

والله لو واحد قريب مني أو أستاذى زى ما ذكرت فى سؤالك يبقى لازم أديله فكرة بأى طريقة غير ملموسة أو بطريقة غير مباشرة يعنى مثلاً لو بيدخن جنبي ممكن أقوله إنت متحمل الدخان ده إزاى حرام عليك نفسك وحاجات زى كدا يحس منها إنى أكره التدخين ، وعلى فكرة فى أصدقاء أنا بعدت عنهم بسبب تمسكهم بالتدخين لأن " البعد عن التدخين غنيمة " وعن اللى بيدخن كمان لأنه ممكن يعديك وتحب التدخين من غير ما تحس وعلى فكرة كمان التدخين ممكن يكون بداية لبلاوي تانية ربنا يحفظنا منها لأن عمر ما فى واحد مش مدخن وحيروح يشرب حشيش مثلاً . . . وصلت؟ .

5 - طب جوه بيتك..فيه ضيف من العائلة أو صديق جاى زيارة..و حاول يدخن بيبقى ايه رد فعلك؟

بقوم أفتح الشباك واشغل المروحة وافتح باب الشقة واجيب له طفاية ويمكن بعد الهيصة دي كلها يحس على دمه ويقول خلاص مش هدخن

6 - فى رأيك..المدخن مدمن؟

لا فى رأيي المدخن مريض ويجب أن نشفق عليه وننصحه ونحاول معه قدر الإمكان .

7 - سؤال للجنسين...و للبنات أكتر بإعتبار ده أكتر شيوعاً: لو قدامك إنسان أو إنسانة..فتاة أو فتى أحلامك تماماً بس العيب الوحيد التدخين..هل هترضى عليه بالعيب ده؟

والله بنات آخر زمن . . طبعاً لأ مش هرضى بواحدة بتشرب سجاير وخصوصاً إنى شفت هنا فى الإمارات بنات مصريات بتشيش علشان كدا بقول بنات آخر زمن . إزاى تبقى فتاة أحلام وهي مدخنة يعنى أنا عايز افهم .

مش عايز حد يزعل من ردي أنا اللى ف قلبي على لسانى . وطبعاً البنت اللى مش مدخنة عمرها ما حتاخد الكلام على نفسها .

8 - طب لو ارتبطت بإنسان أو إنسانة غير مدخنين..وبعد الإرتباط اتجه للتدخين..هيبقى رد فعلك ايه؟ و هل سيختلف رد الفعل لو كان الموضوع لسه عالبر يعنى خطوبة...أو لو بعد الجواز بمدة...أو لو كان فيه أطفال؟

والله السؤال ده بالذات صعب جداً يا وليد بس لازم أقول رأيي أو رد فعلي الشخصي
لو خطوبة يبقى بناقص من الجوازة دي " وكفى الله المؤمنين القتال "
لو جواز ومفيش أطفال أو فيه أطفال بيتهيألى الإتنين واحد لأن الجواز ارتباط روحي وجسدي سواء بأطفال أم لا فالرد على الإتنين حيكون واحد . . وهو إنى لو عرفت انها بتشرب سجاير وطبعاً حيكون من ورايا حنفترض إنى اكتشفت . مبدئياً حتناقش معاها فى الموضوع بكل هدوء وأشوفها بتشرب سجاير من إمتة واحاول إنى أقنعها إنها تبطلها بأى طريقة زى مثلاً إنى أقولها علشان حياتنا ومستقبلنا ومستقبل أولادنا ولو كلامي مجابش نتيجة يبقى أحاول بأى طريقة تانية مش عايز أذكرها علشان محدش ياخد عنى فكرة وحشة . هههههه.
لكن بصراحة أنا مش متخيل إن شريكة حياتى تبقى مدخنة نهائي ف انا مستبعد الموضوع ده بس لو حصل الواحد يعرف يتصرف إن شاء الله

9 - أخيرا..آخر و أهم سؤال...لو هتصمم عبارة جديدة و مبتكرة لإقناع المدخنين بعدم التدخين فى الأماكن العامة...بدلا من عبارة ( ممنوع التدخين ) اللى عفى عليها الزمن واللى المدخنين بيقفوا تحتها يدخنوا..هتكتب إيه...؟


والله أنا دايماً بفكر فى حكمة قرأتها مرة فى صالة كمال أجسام كنت بتمرن فيها وفعلاً أنا بتمنى إنى أطبع منها نسخ كتيرة جداً وأعلقها فى كل مكان فى مصر ولو فى الدول العربية كمان يبقى كويس .
وهي " الرياضة صخرة تتحطم عليها سفينة الشهوات "
ويتم رسم صخرة كبيرة وسفينة محطمة مكتوب عليها " التدخين ، الخمر ، الزنا ، وكل الكبائر التى حرمها الله فى كتابه الكريم.
لأن بجد لو كل واحد نشأ من صغره على حب الرياضة بيتهيألى لازم حيكون عنده عزيمة وصبر طول حياته ويبعد عن كل المحرمات .

10 - عندك كلمة أخيرة عن الموضوع...؟ فكرة...؟ حلم...؟[/quote]

وأخيراً شكر وتقدير ليك يا وليد بجد على موضوعك الهادف جداً ده وربنا يجازيك خير عنه إن شاء الله .
آخر تعديل بواسطة elsayad في 28 يناير 2010, 8:24 am، تم التعديل مرة واحدة.
الصياد المصري
********
*******
من أعمالي بالأكاديمية
انا صياد وكان نفسي . . أعيش صياد طول عمري
ليه اشغل بالى وأفكر . . واعيش مغلوب على أمري
آمنت بربي وعرفت إن رزقي عليه . . ومهما بعدت واتغربت مش حاروح غير ليه
علشان كدا أنا كان نفسي . . أعيش صياد طول عمري
صورة
صورة العضو الرمزية
mony
أكاديمى نشيط
أكاديمى نشيط
مشاركات: 136
اشترك في: 09 أكتوبر 2009, 4:13 am
Real Name: منى متولى
Favorite Quote: انتظار الفرج عبادة
verification: ID verified and trusted writer

Re: لعنة اسمها سجاير..علاقتك بيها ايه...؟!

مشاركة بواسطة mony »

موضوع كويس يا وليد وهام جدا واتمنى ان السادة المدخنين يقولوا ارائهم ايضا فيه بصراحة
بالنسبة لى هجاوب بكلمتين وبس..
بكرة السجاير .. .shot1
ريحتها مقرفة.. :(
مهما كان المدخن بنتقده بشده ..وطبعا بلا فائدة di1
افتخر انى فى مرة قدرت اخلى واحد معرفه يبطل السجاير تماما vi2
بهنى نفسى :x
مع انى اعتقد انه رجع يدخن تانى
:cry:

يابنى نصحتك لما صوتى اتنبح



ماتخافش من جنى ولا من شبح



وإن هب فيك عفريت قتيل إسأله



مدافعش ليه عن نفسه يوم مااندبح



وعجبى

لازلت أعرف ان الشوق معصيتى *^* و العشق والله ذنب لست أخفيه
أضف رد جديد

العودة إلى ”المناقشات العامة“